2 Petr 2:2 - Библия - Пэ Балтитко Романи чиб (Романэс) 2019

² и бут мануша́ джа́на пала́л пал лэ́ндэ пир на́гожа рэ́нды (де́лы), и пал кадалэ́ манушэ́ндэ дром, саво́ исын чачуно́, явэ́ла калякирдо.

Biblija - Pe Baltitko Romani čib (Romanes) 2019

² i but manušá džána palál pal lénde pir nágoža réndy (diély), i pal kadalé manušénde drom, savó isyn čačunó, javéla kaliakirdo.

2 Petr 2:2 Referans Kwoze

Римлянэнгэ 2:24

Палдава́ исын чхиндло́: “Пал тумэ́ндэ На́юды явэ́на тэ тэлякирэн Дэвлэ́скиро лав.”

Juda 1:10

А кадалэ́ мануша́ калякирэна дова́, со ёнэ на джинэ́на, и дова́, со ёнэ ґалёна фэ́ни сыр билавэнгирэ мурдала́; дро дова́ ёнэ поддэнапэ грэхоскэ.

Sykadyipén 13:14

И ёв хохавэлас одолэ́н, савэ́ дживэ́на пэ пхув кодолэнца ґертыкэ́нца, со лэ́скэ сыс дыно́ тэ кэрэ́л анги́л пэрвонэ́-рискирибна́скирэ мурдалэ́стэ, ракири́ сарэ́нгэ, кон дживэ́ла пэ пхув, тэ кэрэ́н дая́ парти́н (о́бразо) адалэ́ мурдалэскири, савэ́стэ сыс фра́нсо куртала́тыр и саво́ дживдя́.

Juda 1:15

тэ кэрэ́л сэ́ндо пэ сарэ́ манушэ́ндэ и тэ бангякирэл сарэ́н надэвлытконэн машки́р лэ́ндэ пал лэ́нгирэ надэвлытка рэ́нды, савэ́ ёнэ кэрдэ́ и пал сарэ́ пхарэ́ налачхэ́ лава́, савэ́ кадалэ́ бидэвлыткарья-грэхи́тка мануша́ ракирдэ́ проти Дэвлэ́стэ.

2 Petr 2:15

ёнэ мэкнэ́ чачуно́ дром, ёнэ ячнэ́ хасибны́тка; ёнэ гинэ́ пала́л пир Валамоскиро, Васороскирэ-чхавэ́скиро дром, саво́ тырдыяпэ кэ ловэ́ пал дова́, со ёв кэрдя́ начачунэс,

1 Petr 2:12

и дживэ́н пир чачипэ́н машки́р Наюдэ́ндэ, соб (кай) одолэ́, кон ракирэ́ла чорипэ́н пэ тумэ́ндэ, со тумэ́ сан фуй, тэ дыкхэ́н тумарэ́ лачхэ́ рэ́нды и тэ славинэ́н Дэвлэ́с, ке́ли Ёв явэ́ла.

Titoske 2:8

ра́кир чачунэ́ лава́, соб (кай) адалэ́ манушэ́нгэ, савэ́ исын вэ́рги тумарэ́, тэ явэ́л лэ́нгэ ладжаво, и ёнэ тэ на могинэн тэ пхэнэ́н нисаво́ чорипэ́н пал амэ́ндэ:

Apostolengiri Butý 24:14

Нэ мэ дрэ екх могина́ва тэ приґалёвавпэ ту́кэ, со мэ дынаринава амарэ́-дадэнги́рэ Дэвлэ́скэ и джа́ва пир дава́ Дром, саво́ ёнэ кхарэ́на “ересь (секта),” мэ патя́ва сарэскэ, со исын чхиндло́ дро Зако́но и Проро́ки;

Apostolengiri Butý 16:17

Ёй джа́лас пал Павлистэ и пал амэ́ндэ, и годлэлас: “Адалэ́ мануша́ исын дына́рья Най Вучыдырэскирэ Дэвлэ́скирэ, савэ́ роспхэнэна тумэ́нгэ пал дова́, сыр тумэ́ могинэ́на тэ зракхэнпэ.”

Матфеё 24:24

Пал-дова́ со явэ́на хоханэ́ христосы, хоханэ́ проро́ки и ёнэ сыкавэ́на барэ́ ґертыка́ и кэрэ́на ди́вы, соб (кай) тэ хохавэн аж кодолэ́н, савэ́н Дэвэ́л выкэдыя́, ко́ли сашты́ явэ́ла.

Sykadyipén 12:9

И баро́ драконо сыс чхурдыно́ тэлэ́, пхурано́ сап, савэ́с кхарэ́на на́лачхо ци бэнг, саво́ хохавэлас саро́ свэ́то. Ёв сыс чхурдыно́ тэлэ́ пэ пхув и лэ́скирэ Янго́лы сыс чхурдынэ́ тэлэ́.

2 Petr 2:21

Пал-дова́ со лэ́нгэ явэ́лас фэды́р тэ на джинэ́н чачуно́ дром, сыр ёнэ уджиндлэ́ и рисинэ́ палэ свэнтонэ́ припхэныбнастыр, саво́ сыс дыно́ лэ́нгэ.

Titoske 2:5

соб (кай) ёнэ тэ явэ́н свэ́нта, жужэ́, тэ рикирэ́н лачхэ́с кхэри́тко хулаибэн; тэ явэ́н лачхэ́, тэ кандэ́н пэ́скирэ ромэн, соб (кай) тэ на явэ́л кошно Дэвлэ́скиро лав.

1 Ximaske 5:14

И палдава́ мэ кама́м, соб (кай) тэрнэ́ пивля, тэ джа́н палоро́м тэ биянэн чхаворэ́н, и тэ лыджа́н кхэри́тко хулаибэн, тэ на дэн нисаво́ саштыпэн тумарэ́ вэргоскэ, соб (кай) тэ ракирэ́л фуипэ́н.

Apostolengiri Butý 19:9

Нэ ке́ли вари-савэ́ мануша́ лынэ́ тэ холясон и на патяндынэ́, а кошнэ анги́л сарэ́ манушэ́ндэ Дэвлэ́скиро Дром, тэды Па́вли ячкирдя́ лэн, скэдыя́ сыкляибнытконэ́н и кажно дывэ́с ракирдя́ пэ Тираноскирэ-сыклядякиро штэ́то.

Apostolengiri Butý 18:26

Аполосо муршканэ́с лыя́ тэ ракирэ́л дрэ синагога. Ке́ли Акила и Прискила шундлэ́ лэс, ёнэ кхардэ́ лэс кэ пэ, и пиридынэ фэдэды́р лав дро лав Дэвлэ́скиро Дром.

Apostolengiri Butý 14:2

Нэ Юды, савэ́ на патяндынэ́, ґаздынэ́пэ и подракирдэ Наюдэн проти пшалэ́ндэ.

Apostolengiri Butý 13:10

и пхэндя́: “Ту, сан налачхэскиро чхаво́ и вэ́рго сарэ́ чачипнаскэ: ту сан пхэрдо́ хохаибнаса и калэ́ рэндэ́нца; ци пириячэса ту тэ злыджас манушэ́н чачунэ́ Ра́скирэ-Дэвлэ́скирэ дромэ́стыр?

Joannostir 14:6

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

Marko 13:22

явэ́на хоханэ́ Христосы, хоханэ́ проро́ки; ёнэ сыкавэ́на барэ́ ґэртыка (знаме́нии) и кэрэ́на ди́вы, соб (кай) тэ хохавэн аж кодолэ́н манушэ́н, савэ́н Дэвэ́л выкэдыя́, ко́ли явэ́ла сашты́.

Marko 12:14

Кодолэ́ мануша́ явнэ́ кэ Ису́со и пхучнэ́: “Сыклякирибна́скиро! Амэ джина́са, со Ту сан чачуно́ и сыклякирэса Дэвлэ́скирэ чачипнэнгэ, на дыкхи́ пэ манушэ́скиро штэ́то машки́р явирэ манушэ́ндэ, Ту на дарэса никонэстыр; пхэн амэ́нгэ чачунэ́с: ци пир Зако́но тэ плэскирас мыто кесарёскэ? Тэ плэскирас амэ́нгэ ци над?”

Матфеё 22:16

И ёнэ бичхадэ́ кэ Ёв пэ́скирэ сыкляибнытконэ́н кхэтанэ́ Иродианэнца тэ пхучэ́н Лэ́стыр: “Сыклякирибна́скиро! Амэ джина́са, со Ту сан чачуно́ и сыклякирэса пал дром кэ Дэвлэ́скиро чачипэ́н, на дыкхи́ пэ манушэ́скиро штэ́то машки́р явирэ манушэ́ндэ, и Ту на дарэса никонэстыр, со Ту на дыкхэ́са пэ лэ́скиро штэ́то машки́р манушэ́ндэ;

Матфеё 7:14

Пал-дова́ со цясно исын по́рта и набуґло исын дром, саво́ лыджа́ла дро джиибэ́н, и на́бут латхэ́на лэс.

Psalmy 18:21

Ёв отдыя́ палэ лачхипна́са пал миро чачипэ́н; Ёв бахтякирдя́ ман пал дова́, со мэ со́мас бибангипнаскиро.

Sykadyipén 13:8

И сарэ́, кон дживэ́ла пэ пхув, явэ́на тэ клонинэнпэ патыва́са далэ́ рискирибна́скирэ мурдалэскэ, кон исын на зачхиндло́ дрэ джиибна́скири лылвари́, сави́ исын Свэнтонэ́ Бакрорэстэ, Саво́ сыс мулякирдо свэто́скирэ англыпна́стыр.

2 Petr 2:12

А кадалэ́ мануша́ исын сы́рбы бигодякирэ мурдала́, савэ́ на ракирэ́на, савэ́ бия́ндынэ, соб (кай) лэн тэ ухтылэ́н и тэ замарэ́н; ёнэ калякирэна дова́, со кокорэ́ на джинэ́на, и адя́кэ-паць сы́рбы мурдала́, ёнэ и хасёна,

Ереме́ё 6:16

Рай Дэвэ́л ракирэ́ла адя́кэ: “Тэрдён пэ дрома́, и дыкхэ́н, и пхучэ́н пал пхуранэ́ дрома́, кай исын лачхо́ дром и джа́н пир дава́ дром, и тумэ́ латхэ́на де́скэ тэ откхинён. Нэ ёнэ отпхэндлэ́: “Амэ на джа́са пир дава́ дром.”

Isajos 35:8

И явэ́ла одо́й баро́ дром, ёв явэ́ла тэ кхарэлпэ свэнтонэ́ дромэ́са. Нажужо одо́й на явэ́ла тэ псирэ́л, явэ́ла дава́ дром фэ́ни (то́ка) ваш одолэ́нгэ, кон патя́ла, и кон на джинэ́ла нисо́; нико́н лэ́ндыр далэ́ дромэ́стыр на змарлапэ.

Džiibén 19:5

И ёнэ выкхардэ Лотос, и ракирдэ́ лэ́скэ: “Кай исын мануша́, савэ́ явнэ́ кэ ту тэ ратькирэн? Вылыджа лэн кэ амэ; соб (кай) амэ тэ джинас лэн.”

Apostolengiri Butý 22:4

мэ кэрдём бипатыв (здекиндёмпэ) пэ манушэ́ндэ, савэ́ гинэ́ далэ́ дромэ́са, пхандавас и чхувавас дрэ штарибэ́н муршэ́н и джувле́н;

2 Petr 2:7

и Ёв зракхця́ Лотос, саво́ сыс чачуно́ ману́ш и древа́н змэнчындло далэ́ нагожонэ рэндэ́ндыр, со кодолэ́ мануша́ кэрдэ́,

2 Petr 2:18

Палдава́ со ёнэ пэ́скирэ вучэ́с-шардунэ лавэ́нца затэрдэна сы́рбы дрэ фэлы́ пир на́лачхо лочакиро камибэн и кэ на́гожа рэ́нды одолэ́ манушэ́н, савэ́ барэ́ пхарипнаса гинэ́ криг одолэ́ манушэ́ндыр, савэ́ дживэ́на дро грэ́хо;

Juda 1:4

Пал-дова́ со вари-савэ́ мануша́ чораханэ́с попынэ машки́р тумэ́ндэ, савэ́ ґара́ сыс отдынэ́ пэ сэ́ндо. Ёнэ исын бидэвлыткарья, ёнэ пиририскирдэ Дэвлэ́скиро бахтякирибэ́н дро вольныма тэ кэрэ́н, со камэ́на, и ёнэ на приґалёна Екхэ Рас-Барэс, амарэ́ Рас-Дэвлэ́с, Исусо́с Христосо́с.

Juda 1:7

адя́кэ сыр Содо́мо и Гомо́ра и пашатунэ́ форицы, савэ́ адя́кэ-паць, сыр одолэ́ Янго́лы отдынэ́ пэс пэ блэ́ндо и ваш тырдыпэ́н кэ яви́р манушы́тко лоч: далэ́ фо́рья сыс схачкирдэ́ вечнонэ яга́са сыр приме́ро (сыкаибэ́н) тумэ́нгэ.