2 Petr 2:10 - Библия - Пэ Балтитко Романи чиб (Романэс) 2019

¹⁰ и дава́ буты́р сарэ́стыр чилавэ́ла одолэ́ манушэ́н, савэ́ джа́на пир на́лачхо лочакиро камибэн и пхагирэна Дэвлэ́скиро право. Кадасавэ́ хоханэ́ сыклякирибнаскирэ хасякирдэ́ ладж, ёнэ кэрэ́на, со исын пир годы́ лэ́нгэ и на дарэ́на тэ калякирэн ду́хи, савэ́ исын дро Болыбна́скиро Раё.

Biblija - Pe Baltitko Romani čib (Romanes) 2019

¹⁰ i davá butýr saréstyr čilavéla odolé manušén, savé džána pir nálačho ločakiro kamiben i phagirena Devléskiro pravo. Kadasavé xohané sykliakiribnaskire xasiakirdé ladž, jone keréna, so isyn pir godý lénge i na daréna te kaliakiren dúhi, savé isyn dro Bolybnáskiro Rajo.

2 Petr 2:10 Referans Kwoze

Juda 1:16

Ёнэ исын холямэ́ ракирибнарья, савэ́ рикирэ́на холы́ пэ сарэ́ндэ, ёнэ кэрэ́на пир пэ́скиро грэхи́тко тырдыпэ́н; ёнэ явэ́на вучэ́с тэ марэ́н пэс лавэ́нца, ёнэ явэ́на гудлэс тэ дивинэнпэ пэ манушэ́ндэ ваш пэ́скири льго́та.

Juda 1:10

А кадалэ́ мануша́ калякирэна дова́, со ёнэ на джинэ́на, и дова́, со ёнэ ґалёна фэ́ни сыр билавэнгирэ мурдала́; дро дова́ ёнэ поддэнапэ грэхоскэ.

Juda 1:18

со ёнэ пхэндлэ́ тумэ́нгэ: “Явэ́на мануша́ дро палатуно́ часо, со явэ́на тэ санпэ холямэс тумэ́ндыр, савэ́ явэ́на пир пэ́скиро грэхи́тко тырдыпэ́н.”

Vygiiben 22:28

Сэндарьен на кош, и тхагарьен дрэ тырэ́ манушэ́ндэ на обракир.

2 Petr 3:3

Нэ англэды́р сарэ́стыр джинэ́н, со дрэ палатунэ́ (последня) дывэса́ явэ́на нахрата мануша́, савэ́ явэ́на тэ санпэ холямэс тумэ́ндыр, а кокорэ́ ёнэ явэ́на тэ кэрэ́н дурэды́р, со лэ́нгэ пир годы́ пир налачхэ́-пэ́скирэ масэ́нгиро тырдыпэ́н,

Juda 1:4

Пал-дова́ со вари-савэ́ мануша́ чораханэ́с попынэ машки́р тумэ́ндэ, савэ́ ґара́ сыс отдынэ́ пэ сэ́ндо. Ёнэ исын бидэвлыткарья, ёнэ пиририскирдэ Дэвлэ́скиро бахтякирибэ́н дро вольныма тэ кэрэ́н, со камэ́на, и ёнэ на приґалёна Екхэ Рас-Барэс, амарэ́ Рас-Дэвлэ́с, Исусо́с Христосо́с.

Эфесянэнгэ 5:5

Джинэ́н дова́, со ни екх биладжаипна́ри, ци магирдо́, ци бокхало́ кэ яви́р фуй рэ́нды (де́лы), саво́ исын сы́рбы идоло́скиро дына́ри (слуга), лэ́стэ на явэ́ла паш дро Христосо́скиро Дэвлэ́скиро кралипэ́н.

Luka 19:14

Нэ лэ́скирэ манушэ́нгэ сыс древа́н на пир ило́, и бичхадэ́ манушэ́н пал лэ́стэ, соб (кай) ёнэ тэ пхэнэ́н: ‘Амэ на камаса, соб (кай) ёв тэ явэ́л амаро́ кра́ли’.

Юдэ́нгэ 13:4

Мэк тэ явэ́л романдуно́ (супру́жэско) джиибэ́н дрэ паты́в пир саро́, и чачипэ́н машки́р лэ́ндэ тэ на явэ́л магирдо́; Дэвэ́л явэ́ла тэ сэндякирэ́л биладжакунэ́ манушэ́н и манушэ́н, савэ́ дживэ́на джувле́нца сыр рома́ би совлакиро.

Titoske 1:7

Пал-дова́ со пхурыдырэ́ пшалэ́скэ трэй тэ явэ́л бидошакирэскэ, сыр Дэвлэ́скирэ-кхэритконэ́ барыдырэ́скэ, соб (кай) ёв тэ на гинэл пэс древа́н годьварэса, тэ на явэ́л холынакиро, матымари, пхутькирдо, розмарибнари, тэ на явэ́л ёв ґа́лко кэ барвалыпэ́н;

Колосянэнгэ 3:5

Мулякирэ́н тумарэ́ налачхэ́ пхувитка рэ́нды: джиибэ́н дро блэ́ндо, магирипэ́н, тырдыпэ́н кэ грэ́хо, налачхэ́ мысли и зэвлыныпэ́н, саро́ дава́ исын дынарибэ́н идолэ́нгэ.

1 Коринфянэнгэ 6:9

Ци тумэ́ на джинэ́на, со начачунэнгэ на явэ́ла паш дро Кралипэ́н дро Болыбна́скиро Раё? На хохавэнпэ: ни одолэ́, савэ́ кэрэ́на блэ́ндо, ни идолэ-мангипнаскирэ, ни одолэ́, савэ́ кэрэ́на марки, ни одолэ́ мурша́, савэ́ исын сы́рбы джувля́, ни одолэ́, савэ́ дживэ́на муршэнца сыр джувле́нца,

Apostolengiri Butý 23:5

И Па́вли отпхэндя́: “Мэ на джиндём, пшала́лэ, со ёв исын раша́нгиро барыдыро́, пал-дова́ со дро Свэ́нто Чхиныбэ́н ракирэлапэ: ‘На кош манушэ́нгирэ барыдырэ́с.’”

Ekliesiastos 10:20

На прокош крали́с аж и дрэ годы́, на прокош барвалэн дрэ шту́ба, кай совэса; пал-дова́ со чириклы дро фа́но (воздухо) могинэ́ла тэ лыджа́л тыро́ лав [зан-ю.о.], и вурняибнытко пхакэнца создыибэн (крылато) пхэнэ́ла пал дава́ рэ́ндо.

1 Фесалоникийцэнгэ 4:7

Дэвэ́л кхардя́ амэн на кэ нажужо джиибэ́н, нэ кэ чачуно́.

2 Коринфянэнгэ 10:3

Пал-дова́ со амэ дживаса пэ дава́ свэ́то, нэ амэ на марасапэ далэ́-свэто́скирэ годя́са.

Римлянэнгэ 8:1

Тэды, нанэ какана́ нисаво́ обракирибэн ваш одолэ́нгэ, савэ́ дживэ́на дрэ Исусо́стэ Христосо́стэ на пир лоч (плоть), а пир Ду́хо (Фа́но).

Ереме́ё 2:31

О, Израилёскиро ро́до! Шунэ́н мирэ́ лава́ Ра́стыр-Дэвлэ́стыр! Ци со́мас Мэ сы́рбы пэ чхучи́ пхув Израилёскэ? Ци сы́рбы калы (тёмно) пхув? Со́скэ тэды Мирэ́ мануша́ ракирэ́на: ‘Амэ кокорэ́ сам рая пэ́скэ! Амэ буты́р на ява́са кэ Ту!’

Psalmy 12:4

Рай Дэвэ́л запхандэла напатяибнытка муя́; чиб, со ракирэ́ла пхутькирдэ́ лава́,

3 Kralip 12:16

И дыкхнэ́ сарэ́ Израильтя́ни, со кра́ли на кандыя́ лэн. И отпхэндлэ́ мануша́ крали́скэ, и пхэндлэ́: “Сави́ амэ́нгэ паш дрэ Давидо́стэ? Нанэ амэ́нгэ бажын дрэ Есеёскирэ чхавэ́стэ; пир ша́тры пэ́скирэ, Израилё! Акана́ исын пэ́скиро кхэр Дави́до!” И розгия́пэ Израилё пир пэ́скирэ ша́тры.

2 Kralip 20:1

Одо́й выгия́, со сыс екх на́лачхо ману́ш, пир лав Савеё, чхаво́ Бихрискиро, Вениамитяниноскиро; ёв пхурдыя дро ро́го и пхэндя́: “Нанэ амэ́нгэ паш дрэ Давидо́стэ, и нанэ амэ́нгэ бажын дрэ Есеёскирэ чхавэ́стэ; сарэ́ пир ша́тры пэ́скирэ, Израильтя́ни!”

1 Kralip 10:27

А налачхэ́ мануша́ ракирдэ́: “Лэ́скэ ци тэ зракхэ́л амэн?” И на камлэ́ лэс, и на лыджинэ́ лэ́скэ да́ры; нэ ёв сы́рбы на дыкхця́ дава́.

Čysly 15:30

Ко́ли вари-кон пэ́скирэ манушэ́ндыр ци манушэ́ндыр явирэ рига́тыр кэрэ́ла вари-со холямэ́ вастэ́са, тэды ёв, хай, калякирэла Рас-Дэвлэ́с: хасёла дова́ ди пэ́скирэ манушэ́ндыр,

Džiibén 49:6

дрэ лэ́нгирэ мысли мэк тэ на дыкхэ́л миро ди, и кэ лэ́нгиро скэдыибэ́н мэк тэ на явэ́л мири́ сла́ва, пал-дова́ со ёнэ дрэ пэ́скири холы́ замардэ́ манушэ́с, и пир пэ́скиро ило́ пиричхиндлэ гурувэскэ жылы;

Эфесянэнгэ 4:19

лэ́нгири годы́ кашталыя, ёнэ лынэ́ тэ залэнпэ нашукаронэ́ рэндэ́нца адя́кэ, со кэрэ́на кажно магирипэ́н бокхалыпнаса.

2 Ximaske 3:2

Мануша́ на явэ́на тэ сыкавэ́н паты́в екх екхэ́скэ, явэ́на тэ традэнпэ пал барвалыпэ́н, явэ́на шарибнытка, пхутькирдэ́, явэ́на тэ калякирэн екх екхэ́с, и на явэ́на тэ кандэ́н пэ́скирэ кхангирья́кирэ пхурыдырэн, лэ́ндыр на шунэса парикирибэн, ёнэ явэ́на магирдэ́ бидэвлыткарья;

Luka 11:25

И ке́ли ёв явэ́ла, латхэ́ла, со кхэр нанэ залыно, вышуладо и укэдыно;