2 Petr 2:1 - Библия - Пэ Балтитко Романи чиб (Романэс) 2019

¹ Нэ сыр сыс хоханэ́ проро́ки машки́р манушэ́ндэ, адя́кэ-паць явэ́на и хоханэ́ сыклякирибнаскирэ машки́р тумэ́ндэ, савэ́ явэ́на чораханэ́с тэ ракирэ́н хасибны́тка сыклякирибэна пэ́скирэ кампаниендыр и на явэ́на тэ приґалён Рас-Дэвлэ́с, Саво́ выкиндя лэн, далэ́ ракирибнаса ёнэ янэ́на кокорэ́ пэ́скэ сы́гно хасибэ́н;

Biblija - Pe Baltitko Romani čib (Romanes) 2019

¹ Ne syr sys xohané proróki maškír manušénde, adiáke-pac' javéna i xohané sykliakiribnaskire maškír tuménde, savé javéna čorahanés te rakirén xasibnýtka sykliakiribena péskire kampanijendyr i na javéna te priĥaljon Ras-Devlés, Savó vykindia len, dalé rakiribnasa jone janéna kokoré péske sýgno xasibén;

2 Petr 2:1 Referans Kwoze

Матфеё 7:15

Ракхэ́нпэ хоханэ́ пророкэндыр, савэ́ явэ́на кэ амэ дрэ бакраны и́дя, нэ андра́л ёнэ исын холямэ́ рува́;

Juda 1:4

Пал-дова́ со вари-савэ́ мануша́ чораханэ́с попынэ машки́р тумэ́ндэ, савэ́ ґара́ сыс отдынэ́ пэ сэ́ндо. Ёнэ исын бидэвлыткарья, ёнэ пиририскирдэ Дэвлэ́скиро бахтякирибэ́н дро вольныма тэ кэрэ́н, со камэ́на, и ёнэ на приґалёна Екхэ Рас-Барэс, амарэ́ Рас-Дэвлэ́с, Исусо́с Христосо́с.

2 Petr 2:3

И кадалэ́ хоханэ́ сыклякирибнарья пал пэ́скири скэмпима явэ́на тэ барвалён тумэ́ндыр пэ́скирэ фрэнтонэ лавэ́нца, сэ́ндо ґара́ ужакирэ́ла лэн и лэ́нгиро хасибэ́н исын насуто.

2 Ximaske 4:3

Палдава́ со явэ́ла часо, ке́ли мануша́ на явэ́на тэ пирилыджан чачуно́ сыклякирибэ́н, ёнэ кокорэ́ явэ́на тэ выкэдэн пэ́скэ сыклякирибнаскирэн пир пэ́скири годы́, савэ́ явэнэ тэ ракирэ́н лэ́нгэ кодова́, со ёнэ кокорэ́ камэ́на тэ шунэ́н.

Матфеё 24:11

и явэ́на бут хоханэ́ проро́ки и хохавэна бут манушэ́н;

Galatenge 2:4

дава́ сыс пал хоханэ́ пшалэ́ндэ, савэ́ явнэ́ чораханэ́с тэ уджинэ́н пал амари́ вольныма, со амэ́ндэ исын пир екхипэ́н Исусо́са Христосо́са ваш дова́, соб (кай) тэ кэрэ́н амэн писхарье́нца;

1 Коринфянэнгэ 11:19

Ваш дава́ трэй, соб (кай) тэ явэ́н ра́зна групы машки́р тумэ́ндэ, соб (кай) тэ сыкавэ́н пэс одолэ́ мануша́, кон исын тэрдэ́ пэ чачуно́ дром машки́р тумэ́ндэ.

1 Ian 4:1

Дро́га мирэ́! На патя́н кажнонэ́ духоскэ, а спробинэн (пропатякирэн) ду́хи, ци Дэвлэ́стыр исын ёнэ, пал-дова́ со бут хоханэ́ проро́ки явэ́на дро свэ́то.

Колосянэнгэ 2:8

Дыкхэ́н кучэс, соб (кай) ние́кх тэ на злыджал тумэн патяибнастыр философияса и хохаибнаса, савэ́ придуминдлэ мануша́, и савэ́ счхудэ пэ свэто́скирэ ду́мы, а на пэ Христосо́скиро сыклякирибэ́н.

Titoske 3:10

Рисёв криг манушэ́стыр, саво́ причхувэла зор тэ розчхувэл патяибнаскирэн пэ групы пало́ (после) дава́, сыр ту сыклякирэса лэс екх ци дуй мо́лы,

Titoske 1:11

трэй, соб (кай) тумэ́ тэ запхандэн муй лэ́нгэ, савэ́ змарэна чачунэ́ дромэ́стыр бут сэм΄и (ирья́), а ваш пэ́скиро биладжаипнытко тырдыпэ́н кэ ловэ́ ёнэ сыклякирэ́на одова́, со на трэй.

Filipiicenge 3:19

ёнэ исын тэрдэ́ пэ дром кэ хасибэ́н, лэ́нгиро дэвэл исын кужум (жэлудко), и лэ́нгири сла́ва исын дрэ ладж, ёнэ думинэ́на екх пал далэ́ свэто́скирэ рэ́нды:

1 Коринфянэнгэ 6:20

Тумэ́ сан киндлэ пал бари тими́н (кимин); палдава́ славинэ́н тумэ́ Дэвлэ́с пэ́скирэ масэнца и Духо́са, савэ́ исын Дэвлэ́скирэ.

Marko 13:22

явэ́на хоханэ́ Христосы, хоханэ́ проро́ки; ёнэ сыкавэ́на барэ́ ґэртыка (знаме́нии) и кэрэ́на ди́вы, соб (кай) тэ хохавэн аж кодолэ́н манушэ́н, савэ́н Дэвэ́л выкэдыя́, ко́ли явэ́ла сашты́.

Sykadyipén 5:9

И ёнэ багандлэ нэви́ гилы́, пхэни́: “Ту сан мол тэ прилэс кадава́ сви́тко и тэ отпхандэс чэргэнорья (печати), пал-дова́ со Ту са́нас зачхиндло́ и Ту выкиндян манушэ́н ваш Дэвлэ́скэ Пэ́скирэ ратэ́са кажнонэ́ екхэ́-чиба́кирэ ирья́тыр (сэм΄я́тыр) и кажнонэ́ родыцо́стыр, и манушытконэ́ нацыя́тыр и кхэритконэ́ родо́стыр.

Sykadyipén 2:9

Мэ джино́м (джина́в) тырэ́ рэ́нды (де́лы), тыро́ калыпэ́н (ту́га), нэ ту сан барвало́ и Мэ джино́м (джина́в), сыр калякирдэ тут одолэ́, савэ́ ракирэ́на, со ёнэ исын Юды и савэ́ нанэ, а ёнэ исын налачхэскирэ скэдынятыр (скедыибнастыр).

Юдэ́нгэ 10:29

то, сыр тумэ́ думинэ́на, ци пэ бут пхарэдыр явэ́ла ка́ра пэ одолэ́ манушэ́стэ, саво́ сы́рбы штакирэла ґэрэ́нца Дэвлэ́скирэ Чхавэ́с и на гинэ́ла пал свэ́нто завето́скиро рат, савэ́са ёнэ кокоро́ сыс свэнцындло, и ракирэ́ла налачхэ́ лава́ пэ Ду́хо (Фа́но), Савэ́стыр амэ лыям бахталыпэ́н?

Колосянэнгэ 2:18

Мэк ние́кх тэ на злыджал тумэн пэ́скирэ хоханэ́ кандыпнаса и мангипнаса Янголэнгэ, и саво́ патя́ла дро дова́, со ёв на дыкхця́, – дасавэ́ мануша́ пхутёна ивья́ (дармэс) пэ́скирэ манушытконэ́ годьварипнаса,

Эфесянэнгэ 4:14

ваш дова́, соб (кай) амэ тэ на явас буты́р сыр бияторэ́ (тыкнорэ́), савэ́ кунинэнапэ и могинэ́на тэ змарэнпэ чачунэ́ дромэ́стыр манушытконэ́ мэндрипнаса и хохаибнаса;

Матфеё 24:24

Пал-дова́ со явэ́на хоханэ́ христосы, хоханэ́ проро́ки и ёнэ сыкавэ́на барэ́ ґертыка́ и кэрэ́на ди́вы, соб (кай) тэ хохавэн аж кодолэ́н, савэ́н Дэвэ́л выкэдыя́, ко́ли сашты́ явэ́ла.

Матфеё 10:33

и вари-савэ́стыр, кон отпхэнэлапэ Ма́ндыр анги́л манушэ́ндэ, кодолэстыр Мэ адя́кэ-паць отпхэнавапэ анги́л Мирэ́ Дадэ́стэ, Саво́ исын дро Болыбна́скиро Раё.

Sykadyipén 13:14

И ёв хохавэлас одолэ́н, савэ́ дживэ́на пэ пхув кодолэнца ґертыкэ́нца, со лэ́скэ сыс дыно́ тэ кэрэ́л анги́л пэрвонэ́-рискирибна́скирэ мурдалэ́стэ, ракири́ сарэ́нгэ, кон дживэ́ла пэ пхув, тэ кэрэ́н дая́ парти́н (о́бразо) адалэ́ мурдалэскири, савэ́стэ сыс фра́нсо куртала́тыр и саво́ дживдя́.

Sykadyipén 2:13

Мэ джино́м тыри́ буты́, и, кай ту дживэса, одо́й, кай на́лачхо исын бэшто́ пэ пэ́скиро троно. Ту рикирэсапэ пал Миро лав и ту на отпхэндянпэ пэ́скирэ патяибнастыр дрэ Ма́ндэ аж дрэ долэ́ дывэса́, ке́ли Антипо, миро патяибнаскиро якхи́тко, сыс замардо машки́р тумэ́ндэ одо́й, кай на́лачхо дживэ́ла.

Juda 1:18

со ёнэ пхэндлэ́ тумэ́нгэ: “Явэ́на мануша́ дро палатуно́ часо, со явэ́на тэ санпэ холямэс тумэ́ндыр, савэ́ явэ́на пир пэ́скиро грэхи́тко тырдыпэ́н.”

1 Ian 2:26

Дава́ чхиндём мэ тумэ́нгэ пал одолэ́ндэ, савэ́ камэ́на тэ лыджа́н тумэн дро блэ́ндо:

1 Petr 1:8

Савэс тумэ́ ние́кхвар на дыкхнэ́, нэ Ёв исын дро́го тумэ́нгэ, и Савэс кэ дава́ часо на дыкхнэ́, нэ тумэ́ усае́кх патя́на дрэ Лэ́стэ и пир дава́ тумэ́ адя́кэ древа́н радынэ́напэ, со нашты́ тэ пхэнас лавэ́нца, и Савэс тумэ́ прославиндлэ,

Эфесянэнгэ 1:7

дрэ Савэ́стэ и пир Савэскиро Рат амэ сам выкиндлэ (выракхнэ), амарэ́ грэ́хи исын отмэкнэ пир Лэ́скиро барвало́ бахталыпэ́н;

Galatenge 5:20

мангэ́напэ идолэ́нгэ, човаханякирэна, на сыкавэ́на паты́в явирэ манушэ́нгэ, кошэнапэ, зэвлынэна, замарэна манушэ́н, причхувэна зор тэ явэ́н фэдэды́р явирэ манушэ́ндыр, роспэрнапэ холя́са пэ групы, кандэ́на хоханэ́ сыклякирибэна,

Galatenge 4:17

Лэ́ндэ исын илэ́скиро хачкирибэ́н пал тумэ́ндэ, нэ дава́ ёнэ кэрэ́на на сарэ́ илэ́стыр, а ёнэ камэ́на тэ пиритырдэн тумэн кэ пэ, соб (кай) тумэ́ндэ тэ явэ́л дасаво илэ́скиро хачкирибэ́н пал лэ́ндэ.

Римлянэнгэ 16:18

Палдава́ адасавэ́ мануша́ дынаринэна на амарэ́ Ра́скэ-Дэвлэ́скэ, Исусо́скэ Христосо́скэ, а пэ́скирэ налачхэ́ камибнаскэ; ёнэ хахавэ́на (дэ́на дукха́) лачхэ́-илытконэ манушэ́н гудлэ́ и хоханэ́ лавэ́нца.

Luka 21:8

И пхэндя́ Ису́со: “Ракхэ́нпэ, соб (кай) нико́н тэ на хохавэ́л тумэн, пал-дова́ со бут явэ́на кэ тумэ́ Мирэ́ лавэ́са и явэ́на тэ ракирэ́н: ‘Мэ сом Ёв,’ и ‘Часо явдя́;’ на джа́н пал лэ́ндэ.

Luka 6:26

Бида тумэ́нгэ, ке́ли сарэ́ мануша́ явэ́на тэ ракирэ́н лачхипэ́н пал тумэ́ндэ. Пал-дова́ со адя́кэ кэрдэ́ хоханэ́ пророкэнца дада́ лэ́нгирэ.

Матфеё 24:5

Пал-дова́, со бут явэ́на Мирэ́ лавэ́са, ракири́: ‘Мэ сом Христо́со,’ и хохавэна бут манушэ́н.

Малахия 3:5

И Мэ ява́ва пашылэды́р кэ тумэ́ тэ сэндякирав пхарэ́с тумэн; Мэ ява́ва сыр сы́гно дудвало (обличытелё) проти джиныбнаскирэн пир чэргэня́ (чарадеен), проти биладжакунэскирэн (блэндарьен), проти одолэ́ндэ, кон хоханэ́с совлахала; проти одолэ́ндэ, кон хохавэла лавэ́нца бутярнэн, и проти одолэ́ндэ, кон притасавэла пивлен (удовэн), и пиротэн (сиротэн), и проти одолэ́ндэ, кон рисёла думэса кэ явирэ – тхэмэ́скирэ-манушэ́скиро право, – адя́кэ сыр ёнэ на дарэ́на Ма́ндыр”, – ракирэ́ла янголэ́нгирэ-болыбна́скиро Рай Дэвэ́л.

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Mihiejo 3:5

Палдава́ адя́кэ ракирэ́ла Рай Дэвэ́л пал пророкэ́ндэ, савэ́ кэрдэ́ адя́кэ: “Со мирэ́ мануша́ дынэпэ дукха́; савэ́ дандырэнапэ и дэ́на го́дла: ‘Рама́нё.’ Нэ кон на дэ́ла ничы́ лэ́нгэ дро муй, тэды ёнэ джа́на марибна́са проти лэ́стэ:

Roiben 2:14

Тырэ́ проро́ки дыкхнэ́ ваш ту́кэ чхучэ́ и нагодьварэ сунэ́; ёнэ на сыкадэ тыро́ чорипэ́н, соб (кай) тэ рискирэ́н палэ тумэн плено́стыр, нэ ёнэ дыкхнэ́ ваш ту́кэ хоханэ́ ангилпхэныбэна; палдова́ и выбичхадэ тумэн.

Galatenge 3:13

Христо́со выкиндя амэн Законо́скирэ прокошыбнастыр, ке́ли Ёв лыя́ Законоскиро прокошыбэ́н пэ Пэ́стэ, сыр исын чхиндло́ дро Зако́но: “Кажно ману́ш, кон исын убладо пэ кашт, тэ явэ́л тэл Дэвлэ́скиро прокошыбэ́н”,

1 Коринфянэнгэ 7:23

Тумэн киндлэ пал Христососкири тими́н; на явэ́н манушытконэ́ писхарье́нца.

Mihiejo 2:11

Ко́ли тэ явэ́л балвалитко ману́ш, и тэ пхэнэ́л хохаибэ́н кадасавэ́ лавэ́нца: ‘Мэ ява́ва тэ ангилпхэнав пал мол (вино) и пал зорало́ пибэ́н (сикера), аж и ёв явэ́лас куч проро́ко ваш кодолэ́ манушэ́нгэ.

Osija 9:8

Ци исын Ефремостэ ракхибнаскиро (стражо) тэ дыкхэ́л пал явирэндэ пала́л мирэ́ Дэвлэ́стэ? Нэ лэ́скиро проро́ко исын сы́рбы фэлы́ чириклэ-ухтылыбнаскирэстэ (птицэловстэ) пэ сарэ́ лэ́скирэ дрома́, и исын сы́рбы кхуды́ (сетка) дро кхэр лэ́скиро Дэвлэ́скиро.

Ереме́ё 37:19

И кай исын тырэ́ проро́ки, савэ́ ангилпхэнэлас, ракири́: “О кра́ли Вавилоно́скиро на явэ́ла тэ джал пэ тумэ́ндэ ци проти дая́ пхув?

Isajos 9:15

Пхуро́ и барвало́ – дава́ исын шэро́, а проро́ко – хохаибнари – дава́ исын пори.

3 Kralip 22:6

И кэдыя кэ пэ кра́ли Израилёскиро пророкэ́н, пашы́л штаршэла́ манушэ́н, и пхэндя́ лэ́нгэ: “Ци тэ джав ма́нгэ марибна́са пэ Рамо́фо Галаадостыр, ци тэ обрикирав пэс?” Ёнэ пхэндлэ́: “Джа́, Рай Дэвэ́л отдэ́ла лэс дрэ васта́ крали́скирэ.”

Sykadyipén 3:8

Мэ джино́м тыри́ буты́. Дыкх: Мэ чхудём анги́л ту́тэ псирадо вуда́р и никонэ́скэ нашты́ тэ пхандэл дава́ вуда́р. Ту́тэ исын на́бут зор, и ту зракхця́н Миро лав и ту на отпхэндянпэ Ма́ндыр.

Luka 12:9

и вари-саво́, кон отпхэнэлапэ Ма́ндыр анги́л манушэ́ндэ, кодолэстыр отпхэнавапэ и Мэ анги́л Дэвлэ́скирэ Янголэндэ;

Яви́р Зако́но 32:6

Ци адя́кэ, со тумэ́ отдэна палэ Ра́скэ-Дэвлэ́скэ, мануша́ дылынэ́ и бигодякирэ? Ци на Ёв исын Дад тыро́, Саво́ сыклякирдя́ тут, Саво́ создыя́ тут и чхудя́ тут?

Vygiiben 15:16

Мэк тэ пэрэ́л пэ лэ́ндэ дар и траш; Тырэ́-вастэнгирэ славатыр мэк тэ явэ́н ёнэ мута (нема), сыр бар, кэ дава́ часо (цы́ро), пака проджа́на Тырэ́ мануша́, Раё Дэ́вла, кэ дава́ часо, пака проджа́на адалэ́ мануша́, савэ́н Ту дорэсцян.

Ереме́ё 6:13

Пал-дова́ со кажно (сва́ко) лэ́ндыр, най тыкнэды́р манушэ́стыр кэ най барэды́р исын присыклыно кэ ґалкима, и, кажно (сва́ко) лэ́ндыр, пророкостыр кэ раша́й кэрэ́ла начачунэс.

Ереме́ё 29:21

Акэ, исын лава́ – савэ́ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л пал Ахавостэ, Колияскирэ чхавэ́стэ, и пал Сэдэкиястэ, Масеяскирэ чхавэ́стэ, савэ́ ангилпхэнэна хохаибэ́н тумэ́нгэ Мирэ́ лавэ́стыр: “Акэ, Мэ выдава лэн дро васт Навуходоносороскиро, крали́скэ Вавилоно́стыр, и Ёв мулякирэ́ла лэн пэ тумарэ́ якха́.

1 Ximaske 5:8

А ко́ли вари-кон пал пэ́скирэ манушэ́ндэ и буты́р сарэ́стыр пал кхэритконэндэ на дыкхэ́ла, одова́ ману́ш отпхэндяпэ патяибнастыр и ёв исын фуеды́р одолэ́стыр, саво́ на патя́ла.

Sykadyipén 6:10

и ёнэ дэ́нас го́дла зоралэ́ заня́са: “Раё, Свэ́нто и Чачуно́! Ци бут амэ́нгэ тэ ужакирас, пака Ту явэ́са тэ сэндякирэс и тэ чхувэ́с ка́ра пал амаро́ рат пэ манушэ́ндэ пир пхув?”