2 Petr 1:8 - Библия - Пэ Балтитко Романи чиб (Романэс) 2019

⁸ и ко́ли саро́ дава́ исын дрэ тумэ́ндэ и барьёла бутэды́р, тэды тумэ́ на ячэ́нпэ чхучэ́ вастэ́нца и би рэндоскиро, ко́ли тумэ́ явэ́на тэ причхувэ́н зор тэ уджинэ́н амарэ́ Рас – Дэвлэ́с, Исусо́с Христосо́с;

Biblija - Pe Baltitko Romani čib (Romanes) 2019

⁸ i kóli saró davá isyn dre tuménde i barjola butedýr, tedy tumé na jačénpe čhučé vasténca i bi rendoskiro, kóli tumé javéna te pričhuvén zor te udžinén amaré Ras – Devlés, Isusós Xristosós;

2 Petr 1:8 Referans Kwoze

Titoske 3:14

и мэк амарэ́ мануша́ адя́кэ-паць тэ сыклён тэ кэрэ́н лачхэ́ рэ́нды, соб (кай) тэ сыклён тэ дэн ра́да пэ дава́, со трэй амэ́нгэ, соб (кай) лэ́нгиро джиибэ́н тэ на явэ́л чхучо́.

Колосянэнгэ 3:16

Мэк тэ дживэ́л дрэ тумэ́ндэ сарэ́ барвалыпнаса Христосо́скиро лав, ке́ли тумэ́ сыклякирэ́на и дэ́на годы́ екх екхэ́скэ псалмэнца, лачхэ́ лавэ́нца, дэвлытконэ́ гиленца, бага́н Дэвлэ́скэ парикирибнаса дрэ тумарэ́ илэ.

Joannostir 15:2

Кажно рандь (вэтка), сави́ исын дрэ Ма́ндэ, и сави́ на дэ́ла барьякирдо́ (пло́до), Ёв обчингирэла; и кажно рандь, сави́ дэ́ла барьякирдо́, Ёв жужакирэла (чыстинэла), соб (кай) ёй бутэды́р тэ дэл барьякирдо́.

Юдэ́нгэ 6:12

соб (кай) тумэ́ тэ на явэ́н кирнэ-масэ́нгиро, а тумэ́ тэ кэрэ́н адя́кэ-паць, сыр кодолэ́ мануша́, савэ́ пэ́скирэ патяибна́са и длугонэ ужакирибнаса дорэсэ́на дова́, пал со Дэвэ́л дыя́ лав лэ́нгэ.

Filipiicenge 1:9

И мэ мангавапэ Дэвлэ́скэ пал дова́, соб (кай) тумари́ паты́в кэ яви́р мануша́ уса́ буты́р и буты́р тэ барьёл пир джиныбэ́н и кажно хор ґалыибэ́н,

1 Фесалоникийцэнгэ 4:1

Пшала́лэ, какана́ амэ мангаса и примангаса тумэн ваш Исусо́скэ Христосо́скэ, со дова́, со какана́ тумэ́ высыклынэ амэ́ндыр, сыр трэй тэ дживэ́н и тэ кэрэ́н пир чачипэ́н Дэвлэ́скэ, соб (кай) адя́кэ и дурэды́р тэ дживэ́н.

1 Коринфянэнгэ 15:58

Адя́кэ, мирэ́ дро́га пшала́лэ, явэ́н зоралэ́ дро ду́хо (фа́но) тумаро́, на кунинэнпэ, усады (сак) (всегда) кэрэ́н миштэ́с Ра́скирэ Дэвлэ́скири буты́, пал-дова́ со тумэ́ джинэ́на, со тумари́ буты́ на ивья́ (напра́снэс).

2 Petr 1:2

мэк бахт и рама́нё (миро) тэ явэ́л дыно́ бут буты́р тумэ́нгэ, сыр тумэ́ уджиндлэ́ Дэвлэ́с и Исусо́с, амарэ́ Рас-Дэвлэ́с,

Filimon 1:6

Мэ мангавапэ Дэвлэ́скэ, соб (кай) тыро́ патяибэ́н, саво́ кхэтанякирэла амэн, тэ дэл саро́ лачхипэ́н, ке́ли амэ дживаса дрэ екхипэ́н Исусо́са Христосо́са.

2 Фесалоникийцэнгэ 1:3

Пшала́лэ, амэ́нгэ трэй саро́ часо тэ парикирас Дэвлэ́скэ пал тумэ́ндэ пир чачипэ́н, пал-дова́ со тумари́ паты́в кэ яви́р мануша́ барьёла и тумари́ паты́в екх кэ екх ячэ́ла бутэды́р;

Filipiicenge 2:5

Палдава́ трэй, соб (кай) тэ явэ́л тумэ́ндэ доя́-паць годы́, сави́ исын дрэ Исусо́стэ Христосо́стэ;

2 Коринфянэнгэ 13:5

пропатякирэн пэс, ци дживэ́на тумэ́ пир патяибэ́н; отпхэнэн кокорэ́ пэ́скэ: ци джинэ́на тумэ́ кокорэ́, со тумэ́ сан Христосо́скирэ? Ко́ли на адя́кэ, тэды тумэ́ на сан лачхэ́.

Колосянэнгэ 2:7

Явэ́н би кунипнаскирэ (тварда) дрэ Лэ́стэ и барьён пир патяибэ́н дрэ Лэ́стэ, сыр тумэн сыклякирдэ́, ячэ́нпэ дрэ патяибэ́н парикирибнаса.

2 Коринфянэнгэ 9:14

и ёнэ дрэ пэ́скирэ патерья (молитвы) Дэвлэ́скэ тырдэнапэ илэ́са кэ тумэ́ пал барвало́ Дэвлэ́скиро бахталыпэ́н, саво́ Ёв сыкадя́ пир тумэ́ндэ.

2 Коринфянэнгэ 8:2

сыр ёнэ прогинэ́ зорало́ пропатякирибэн пхарэ́ пиридживибна́са, нэ ёнэ сыс древа́н ра́да, со ке́ли ёнэ отдынэ́ саро́ сарэ́ илэ́стыр, хоць ёнэ исын древа́н чорорэ́,

1 Ximaske 5:13

И ёнэ адя́кэ-паць на кэрэ́на нисо́, а псирэ́на пир кхэра́, злыджана плётки, рэсэна на дрэ пэ́скирэ рэ́нды тэ ракирэ́н дова́, со налачхэ́с тэ ракирэ́н.

1 Фесалоникийцэнгэ 3:12

Нэ мэк Рай Дэвэ́л тэ пхэрдякирэл тумаро́ ило́ екх кэ екх и кэ сарэ́ мануша́ ишчо (инкэ́) барэды́р ласкаса, сави́ амэ́ндэ исын кэ тумэ́,

2 Коринфянэнгэ 8:7

и соб (кай) тумэ́, сыр тумэ́ сан лачхэ́ и барвалэ́ пир тала́но (дарованиё): дро патяибэ́н, дро лав, дро джиныбэ́н и дро кажно илэ́скиро хачкирибэ́н и дрэ ла́ска и паты́в, савэ́ исын кэ амэ тумэ́ндыр, адя́кэ-паць тэ явэ́н лачхэ́ и пир дава́ лачхо́ рэ́ндо тэ ден васт явирэ́нгэ.

Римлянэнгэ 12:11

на явэ́н кирнэ́-масэ́нгирэ, хачон духо́са, ке́ли тумэ́ дынаринэна Дэвлэ́скэ.

Joannostir 5:42

Мэ джино́м (джина́в) миштэ́с тумэн, тумэ́ на рикирэ́н сыр Дро́гима Дэвлэ́с дро тумаро́ ило́.

Матфеё 25:26

И отпхэндя́ лэ́скэ хула́й: ‘Ту сан бибахтало́ и кирнэ-масэ́нгиро писха́ри; ту джиндян, со мэ счхинава, кай на чхудём дрэ пхув, и скэда́ва, кай на росчхудём?

Матфеё 20:6

И гия́ яври́ ёв пашэ́ дэшуе́кх мардэ́ (штунды), латхя́ явирэ́н, савэ́ сыс тэрдэ́ би бутякиро, и раки́рла лэ́нгэ: ‘Со да тумэ́ тэрдэ́ саро́ дывэ́с би бутякиро?’

Матфеё 20:3

И гия́ яври́ ёв дрэ три́то мардо́ (шту́нда) и дыкхця́ явирэ манушэ́н, савэ́ сыс тэрдэ́ пэ таргоскиро штэ́то би бутякиро;

Матфеё 13:22

Нэ савэ́ сыс чхудэ́ дрэ дылыны чар, сыкавэ́на кодолэ́с, саво́ шунэ́ла лав, нэ векоскири суе́та, тырдыпэ́н кэ барвалыпэ́н пиризорьякирэна дро лэ́нгиро ило́, и ёв ячэ́ла би барьякирдэскиро.

Pritčy 19:15

Набутякирибэн (кирнэ-масэнгирипэн) лыджа́ла манушэ́с дро хор соибэн, и биталанытко ману́ш явэ́ла тэ страдынэл бокха́тыр.

Joannostir 17:3

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

Filipiicenge 3:8

И мэ гинава саро́ яви́р пал хасибэ́н ваш дова́, соб (кай) бутэды́р тэ уджинав мирэ́ Рас-Дэвлэ́с, Исусо́с Христосо́с, ваш Лэ́скэ мэ сарэ́стыр отпхэндёмпэ, мэ саро́ гинава пал шума (смети), соб (кай) ма́нгэ екх тэ явав дро екхипэ́н Христосо́са;

Колосянэнгэ 1:10

Соб (кай) тумэ́ тэ дживэ́н, сыр исын лачхо́ Дэвлэ́скэ, и дро саро́ тэ кэрэ́н кучэс Лэ́скэ, и тэ кэрэ́н лачхипэ́н дрэ сарэ́ рэ́нды и тэ уджинэс буты́р пал Дэвлэ́стэ,

2 Petr 1:3

Дэвэ́л, Лэ́скирэ Дэвлэ́скирэ зорья́са дыя́ саро́ амэ́нгэ, со трэй ваш дэвлы́тко джиибэ́н, соб (кай) тэ уджинас Дэвлэ́с, Саво́ кхардя́ амэн кэ Пэ слава́са и лачхипна́са,

2 Petr 2:20

Пал-дова́ со, ко́ли одолэ́ мануша́, савэ́ вари-ке́ли гинэ́ магирипнастыр, саво́ кэрэ́лапэ дро свэ́то, пир дова́, со ёнэ уджиндлэ́ Рас-Дэвлэ́с и амарэ́ Зракхибнарис Исусо́с Христосо́с, нэвэ́стыр спхандэнапэ магирипнаса и поддэнапэ магирипнаскэ, то кадасавэ́ манушэ́нгэ какана́ явэ́ла фуеды́р, сыр сыс англэды́р.

2 Petr 3:18

а тэ барьён дро бахтякирибэ́н и тэ уджинэ́н фэды́р амарэ́ Рас-Дэвлэ́с, и Зракхибнарис (Спасителёс) Исусо́с Христосо́с. Тэ явэ́л Лэ́скэ сла́ва какана́ и пэ сарэ́ ве́ки. Ами́нь.