2 Petr 1:6 - Библия - Пэ Балтитко Романи чиб (Романэс) 2019

⁶ джиныбнастыр сыклён тэ обрикирэн пэс, обрикирибнастыр явэ́н вырикирдэ (тривала), ке́ли амэ вырикираса, тэды ячасапэ дэвлытконэнца,

Biblija - Pe Baltitko Romani čib (Romanes) 2019

⁶ džinybnastyr sykljon te obrikiren pes, obrikiribnastyr javén vyrikirde (trivala), kiéli ame vyrikirasa, tedy jačasape devlytkonenca,

2 Petr 1:6 Referans Kwoze

2 Petr 1:3

Дэвэ́л, Лэ́скирэ Дэвлэ́скирэ зорья́са дыя́ саро́ амэ́нгэ, со трэй ваш дэвлы́тко джиибэ́н, соб (кай) тэ уджинас Дэвлэ́с, Саво́ кхардя́ амэн кэ Пэ слава́са и лачхипна́са,

Юдэ́нгэ 10:36

Тумэ́нгэ трэй тэ вырикирэн, соб (кай) тэ кэрэ́н саро́ пир Дэвлэ́скири во́ля и тэ дорэсэн дова́, пал со Ёв дыя́ лав тумэ́нгэ.

Luka 21:19

Нэ тумарэ́ вырикирибнаса тумэ́ зракхэна ду́хо (фа́но) ваш чачуно́ джиибэ́н.

Юдэ́нгэ 12:1

Пал-дова́ со трусця́л амэ́ндэ адя́кэ-паць исын ада́кицы бут якхи́тка/якхалэ́ (свидетели), явэ́н чхурдаса пэ́стыр любо ґа́мо пхарипнаса и грэ́хо, саво́ припхандэлапэ кэ амэ сыр фэлы́ (сетка) и ява́са со исын зор тэ вырикирас, ява́са тэ причхувас зор тэ джас пир амаро́ джиибнытко дром, саво́ исын анги́л амэ́ндэ;

1 Коринфянэнгэ 9:25

Нэ кажно ману́ш, кон марэлапэ пал призо, обрикирлапэ сарэ́стыр, со исын намишто ваш лэ́скиро прастаибэн: кодолэ́ мануша́ ваш дова́, соб (кай) лэ́нгэ тэ лэн вя́нка (коро́на), сави́ кирнёла, а амэ ваш кодоя вя́нка, сави́ на кирнёла.

Titoske 2:2

соб (кай) пхурэ́ мурша́ тэ явэ́н ракхунэ, соб (кай) ёнэ тэ джинэ́н, сыр трэй пэс тэ лыджа́н, тэ явэ́н годьварэ́ и зоралэ́ дро патяибэ́н, дрэ паты́в кэ яви́р мануша́, дро вырикирибэн;

Galatenge 5:23

ёнэ исын штыл (тиха), обрикирэна пэс, – кадасавэ́ манушэ́н притырдэла кэ пэ Зако́но.

Sykadyipén 14:12

Ѓа́да, трэй вырикирибэн свэнтонэнгэ, савэ́ приракхэна Дэвлэ́скирэ припхэныбэна́ и патяибэ́н дрэ Исусо́стэ.

Sykadyipén 2:2

“Мэ джино́м (джина́в) Тыри́ буты́ и сыр бут ту кэрдя́н буты́, и тыро́ вырикирибэн, и дова́, со ту на могинэ́са тэ пирилыджас чорэ́ манушэ́н, и со ту пропатякирдян кодолэ́н, савэ́ пхэнэ́на пэ пэ́стэ “Апо́столы” и савэ́ нанэ, со ту латхян, со ёнэ исын хохаибнарья;

Titoske 1:8

а тэ прилэл манушэ́н илэ́са, савэ́ндэ нанэ пэ́скиро кхэр и тэ явэ́л дро́го лэ́скэ лачхипэ́н, тэ джинэ́л тэ рикирэ́л пэс дрэ васта́, тэ явэ́л ёв чачуно́, саво́ обрикирэла пэс,

1 Фесалоникийцэнгэ 1:3

ке́ли амэ рипираса тумэн анги́л амарэ́ Дэвлэ́стэ Дадэ́стэ пал тумари́ буты́ пир тумаро́ патяибэ́н и паты́в кэ яви́р мануша́, амэ джина́са пал тумаро́ вырикирибэн тэ ужакирас лачхипэ́н амарэ́ Ра́стыр-Дэвлэ́стыр, Исусо́стыр Христосостыр анги́л амарэ́ Дэвлэ́стэ-Дадэ́стэ,

Колосянэнгэ 1:11

соб (кай) Лэ́скири бари зор тэ дэл тумэ́нгэ и тэ кэрэ́л тумэн зоралэнца, волякирэнца и бахталэнца,

2 Коринфянэнгэ 6:4

нэ дро саро́ амэ сыкаваса пэс сыр Дэвлэ́скирэ бутярнэ́: зорало́ вырикирибэн дро пиридживибэн, дрэ трэ́бима, дро пхарипэ́н;

Римлянэнгэ 8:25

Нэ ке́ли амэ надеинасапэ пэ дова́, со амэ на дыкхаса, тэды амэ ґара́ (длу́гэс) ужакираса.

Римлянэнгэ 2:7

одолэ́нгэ, кон саро́ часо кэрэ́ла лачхэ́ рэ́нды и пир дава́ родэ́ла сла́ва, чачипэ́н и бимэрибнаскиро ко́нцо (яго́ро), Ёв дэ́ла ве́чно джиибэ́н.

Apostolengiri Butý 24:25

И пал-дова́ со Па́вли ракирдя́ пал чачипэ́н, и пал-дова́, соб (кай) тэ обрикирэл пэс дро джиибэ́н анги́л сэ́ндо, саво́ анги́л явэ́ла, о Феликсо страхадыя и пхэндя́: “Какана́ джа́, нэ сыр явэ́ла ма́ндэ часо, мэ кхара́ва тут”;

Luka 8:15

а зя́рки, савэ́ пынэ́ пэ лачхи́ пхув, исын сы́рбы мануша́, савэ́ шунэ́на лав и рикирэ́на лэс дро лачхо́ и кандуно ило́ и ёнэ вырикирэна, пака дава́ лав дэ́ла барьякирдо́ (пло́до).” Сыр пхэндя́ Ёв дава́, то ракирдя́: “Конэ́стэ исын кана́, мэк ёв тэ шунэ́л!”

Psalmy 37:7

Яв штыл (споко́йно) анги́л Растэ-Дэвлэ́стэ, ужакир, пака Рай Дэвэ́л затэрдёла, на холясов зоралэ́с пэ одолэ́стэ, савэ́скэ исын мишто́ тэ дживэ́л, и пэ одолэ́стэ, кон думинэ́ла тэ кэрэ́л фуипэ́н.

Римлянэнгэ 15:4

Палдава́ саро́, со исыс чхиндло́ англэды́р, сыс чхиндло́ ваш амэ́нгэ, соб (кай) амэ тэ сыклёвас, соб (кай) амэ́ндэ тэ явэ́л наде́я вырикирибнаса и подрикирибнаса Свэнтонэ́ Чхиныбна́стыр.

Sykadyipén 13:10

Конэ́скэ трэй тэ лыджа́л дро пле́но, одова́ кокоро́ джа́ла дро пле́но. Кон замарэла куртала́са, одова́ кокоро́ явэ́ла замардо куртала́тыр. Ада́й трэй вырикирибэн и патяибэ́н Дэвлэ́скирэ манушэ́нгэ.”

Sykadyipén 1:9

Мэ сом Иа́но, тумаро́ пшал, и мал (дру́го), кон исын кхэтанэ́ тумэ́нца дрэ би́да и дро кралипэ́н и кхэтанэ́ вырикирэ́ла пал Исусо́стэ Христосо́стэ. Мэ со́мас пэ о́строво (джип), саво́ кхарэ́лапэ “Патмосо” пал Дэвлэ́скиро лав и пал дова́, со мэ допхэна́вас манушэ́нгэ пал Исусо́стэ Христосо́стэ.

2 Petr 3:11

Пал-дова́ со ко́ли сарэ́ частыра (предметы) явэ́на биладэ, то тэды тумэ́нгэ трей тэ дживэ́н свэнтэс и тэ отдэ́н пэс Дэвлэ́скэ;

Юдэ́нгэ 6:15

а Авраа́мо ужакирдя ґара́ (длу́гэс) и дорэсця́ дова́, пал со Дэвэ́л дыя́ лав лэ́скэ.

Юдэ́нгэ 6:12

соб (кай) тумэ́ тэ на явэ́н кирнэ-масэ́нгиро, а тумэ́ тэ кэрэ́н адя́кэ-паць, сыр кодолэ́ мануша́, савэ́ пэ́скирэ патяибна́са и длугонэ ужакирибнаса дорэсэ́на дова́, пал со Дэвэ́л дыя́ лав лэ́нгэ.

Titoske 1:1

Павли́стыр, Дэвлэ́скирэ писхаристыр и Исусо́скирэ Христосо́скирэ Апостолостыр. Мэ со́мас бичхадо́ тэ розлыджав манушэ́нгиро патяибэ́н, савэ́н Дэвэ́л выкэдыя́, и тэ янав лэн кэ чачипэ́н, соб (кай) ёнэ тэ дживэ́н дара́са анги́л Дэвлэ́стэ;

2 Ximaske 3:5

ёнэ явэ́на тэ сыкавэ́н анги́л манушэ́ндэ, со дарэ́на Дэвлэ́стыр, нэ ёнэ дэнапэ палэ Лэ́скирэ зорья́тыр. Джа́ адасавэ́ манушэ́ндыр криг.

1 Ximaske 6:11

Ту сан Дэвлы́тко ману́ш, наш далэ́ сарэ́стыр, ро́дэ чачипэ́н, ро́дэ тэ кэрэ́с лачхипэ́н, яв дро патяибэ́н, яв дрэ паты́в кэ яви́р мануша́, яв вырикирибнытко и ковлэ́-илытко.

1 Ximaske 6:6

Нэ исын бари льго́та, ко́ли манушэ́стэ исын дар анги́л Дэвлэ́стэ и ёв исын древа́н радо сарэ́стыр, со исын лэ́стэ.

1 Ximaske 6:3

Ко́ли вари-кон сыклякирэ́ла яви́р и на патя́ла дрэ чачунэ́ амарэ́ Ра́скирэ-Дэвлэ́скирэ, Исусо́скирэ Христосо́скирэ лава́, соб (кай) дро сыклякирибэ́н тэ дарэл Дэвлэ́стыр,

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

1 Ximaske 2:10

нэ соб (кай) ёнэ фэды́р тэ кэрэ́н лачхэ́ рэ́нды, савэ́ и трэй тэ кэрэ́л джувля́кэ, сави́ отдыя́ пэс Дэвлэ́скэ.

1 Ximaske 2:2

пал кралье́ндэ и пал сарэ́ манушэ́нгирэ барэ́ рандэ, соб (кай) амэ́нгэ тэ явэ́л саштыпэн (возможность/ваканцыя) тэ джива́с штылэ́с и раманёнэ́с (мирнэс) сарэ́ дэвлыткимаса и тэ лыджа́н пэс пир чачипэ́н;

2 Фесалоникийцэнгэ 3:5

Мэк Рай Дэвэ́л тэ отчхакирэл тумарэ́ илэ кэ Дэвлэ́скири ла́ска и кэ Христосо́скиро вырикирибэн.

2 Фесалоникийцэнгэ 1:4

адя́кэ, со амэ кокорэ́ шарасапэ тумэ́нца пир Дэвлэ́скирэ кхангирья тумарэ́ вырикирибнаса и патяибна́са дрэ сарэ́ традыпэна и биды, савэ́ тумэ́ пиридживдэ;

Isajos 57:1

Мэрэ́ла дэвлы́тко ману́ш, и нико́н на прилэ́ла дава́ кэ ило́; патяибнытка мурша́ залэнапэ пхувья́тыр, и нико́н на думинэ́ла, со дэвлы́тко залэлапэ пэ пхув налачхипнастыр.

Džiibén 5:24

И псирдя́ Енохо анги́л Дэвлэ́стэ; и на яця́ лэс, пал-дова́ со Дэвэ́л лыя́ лэс.