2 Petr 1:4 - Библия - Пэ Балтитко Романи чиб (Романэс) 2019

⁴ савэ́нца Ёв дыя́ най барэды́р и дрогэдыр лав, соб (кай) пир дава́ тумэ́ тэ ячэн пашаса (пашэ́са) Дэвлытконэ́ духо́стыр и тэ джа́н криг Духо́скирэ хасибнастыр, саво́ джа́ла налачхэ́ мыслятыр дро свэ́то соб (кай) пир дава́ тумэ́ тэ дживэ́н сыр трэй Дэвлэ́скэ.

Biblija - Pe Baltitko Romani čib (Romanes) 2019

⁴ savénca Jov dyjá naj baredýr i drogedyr lav, sob (kaj) pir davá tumé te jačen pašasa (pašésa) Devlytkoné duhóstyr i te džán krig Duhóskire xasibnastyr, savó džála nalačhé mysliatyr dro svéto sob (kaj) pir davá tumé te dživén syr trej Devléske.

2 Petr 1:4 Referans Kwoze

2 Коринфянэнгэ 3:18

Нэ амэ сарэ́ откэрдэ муе́нца сы́рбы дро гиндало (зеркало) пиридаса Ра́скирэ-Дэвлэ́скири сла́ва и парудёва́са дрэ Лэ́скири патри́н (о́бразо) екхэ́ слава́тыр дро яви́р пир Ду́хо (Фа́но), Саво́ джа́ла Ра́скирэ-Дэвлэ́скирэ, Духо́стыр.

Колосянэнгэ 3:10

Тумэ́ пирикэрдэ пэ́скиро пхурано́ джиибэ́н пэ нэво́, саво́ ячэ́лапэ нэво́ пир джиныбэ́н пал Кодолэстэ, Саво́ создыя́ лэс пир Пэ́скири патри́н (о́бразо);

Юдэ́нгэ 12:10

Амарэ́ дада́ сыклякирдэ́ амэн на́бут дывэса́, нэ Дэвэ́л сыклякирэ́ла ваш амаро́ миштыпэ́н, соб (кай) амэ́нгэ тэ явэ́л паш кхэтанэ́ Лэ́са дрэ Лэ́скири свэнтыма.

1 Ian 3:2

Дро́га мирэ́! Амэ сам какана́ Дэвлэ́скирэ чхавэ́, нэ ишчо (инкэ́) на сыкадыя́ амэ́нгэ, савэ́ амэ ява́са анги́л. Амэ екх джина́са, со ке́ли Христо́со сыкадёла, амэ ячасапэ кадасавэ́-паць, сыр Ёв исын, пал-дова́ со амэ ява́са тэ дыкхас, саво́ Ёв явэ́ла.

2 Коринфянэнгэ 6:17

“Палдава́ мэкэ́н адалэ́ манушэ́н и явэ́н дрэ риг, – ракирэ́ла Рай Дэвэ́л, – и тэ на явэ́л тумэ́ндэ ничы́ кхэтанэ́ нажужэса, и Мэ прилава тумэн;

Galatenge 6:8

И кон чхувэ́ла дрэ пхув ваш пэ́скири лоч (плоть), одова́ чхинэла криг аплодостыр Духоскиро мэрибэ́н, а кон чхувэ́ла дрэ пхув ваш Ду́хо (Фа́но), кодова́ счхинэла аплодостыр ве́чно джиибэ́н Свэнтонэ́ Духо́стыр:

1 Ian 2:25

И, акэ, исын дова́, пал со Христо́со Кокоро́ дыя́ лав, дава́ исын ве́чно джиибэ́н.

2 Petr 1:1

Симоностыр Пэтристыр, Исусо́скирэ Христосо́скирэ писхаристыр и Апостолостыр, сарэ́ манушэ́нгэ, кон прилыя́ дасаво-паць дро́го патяибэ́н кхэтанэ́ амэ́нца пир чачипэ́н амарэ́ Дэвлэ́скиро и Зракхибнарискиро, Исусо́скирэ Христосо́скиро,

Юдэ́нгэ 9:15

И палдава́ Христо́со яндя́ Нэво́ Завето, соб (кай) одолэ́ мануша́, савэ́н Дэвэ́л кхардя кэ Пэ прикхардя, могиндлэ́ тэ дорэсэн ве́чно штэ́то дро Болыбна́скиро Раё, пал со Ёв и дыя́ лав. Лэ́скиро мэрибэ́н исын сы́рбы выкиныбэ́н пал грэ́хи, савэ́ кэрдэ́ мануша́, ке́ли пхурано́ завето рикирдя зор.

2 Коринфянэнгэ 1:20

Ёв кэрэ́ла кэ ко́нцо/яго́ро (сполнинэлас) саро́, со Ёв ракирдя́. Пал-дова́ со Дэвлэ́скирэ дынэ́ лава́ сполнинэнапэ пир Лэ́скиро “нэ”, пир Лэ́стэ амэ ракираса “ами́нь” ваш Дэвлэ́скири сла́ва.

Galatenge 3:16

Нэ Дэвэ́л дыя́ Лэ́скиро лав Авраамо́скэ и лэ́скирэ-чхавэ́нгирэ чхавэ́нгэ: дро Свэ́нто Чхиныбэ́н ракирлапэ на пал “сэмэнцэндэ” сы́рбы пал бутэ́ манушэ́ндэ, а пал екхэ “сэмэнцатэ”, пал Христосо́стэ.

Римлянэнгэ 9:4

ґа́да, ёнэ исын Израилёскирэ мануша́, лэ́нгэ сыс дыно́ тэ ячэн Дэвлэ́скирэ чхавэ́нца тэ прилэ́н миштыпэ́н, исын дыно́ и сла́ва и завето, и Зако́но тэ прилэ́н, и мангипэ́н Дэвлэ́скэ, и лав анги́л;

Эфесянэнгэ 4:13

пака амэ сарэ́ ява́са дро екхипэ́н кэ екх патяибэ́н и амэ уджинаса Дэвлэ́скирэ Чхавэ́с, и амэ ячаса барэ́ (стала) мурша и доджаса кэ най сталэдыр (сама стала) Христосо́скирэ бэрша́;

Jakov 1:27

Жужэ́-патяибнаскири и намагирды строгима анги́л Дэвлэ́стэ Дадэ́стэ исын дро дова́, соб (кай) тумэ́ тэ джа́н тэ дыкхэ́н пал пиротэндэ (сиротэндэ) и пивлендэ (удовэндэ), ке́ли ёнэ пхарэ́с пиридживэна и тэ зракхэн пэс бидошакирэнца далэ́ свэто́стыр.

2 Petr 3:9

Дэвэ́л на зарикирэлапэ тэ кэрэ́л дова́, пал со Ёв дыя́ лав, сыр вари-савэ́ мануша́ гинэ́на, со дава́ явэ́ла на сыг, нэ Ёв ґара́ вырикирэ́ла тумэн, и на камэ́ла, соб (кай) вари-кон тэ хасёл, нэ соб (кай) сарэ́ тэ рисён кэ Дэвэ́л.

2 Petr 3:13

Нэ пир Дэвлэ́скиро дыно́ лав амэ ужакираса нэво́ болыбэ́н и нэви́ пхув, кай явэ́ла тэ дживэ́л чачипэ́н.