2 Petr 1:16 - Библия - Пэ Балтитко Романи чиб (Романэс) 2019

¹⁶ Амэ роспхэнасас тумэ́нгэ джиныбэ́н пал зор, и со сыг явэ́ла амаро́ Рай Дэвэ́л, Ису́со Христо́со на парамысенца, со мануша́ счхудэ годэс, нэ амэ кокорэ́ сам якхи́тка пал Лэ́скиро баро́ райканыпэн.

Biblija - Pe Baltitko Romani čib (Romanes) 2019

¹⁶ Ame rosphenasas tuménge džinybén pal zor, i so syg javéla amaró Raj Devél, Isúso Xristóso na paramysienca, so manušá sčhude godes, ne ame kokoré sam jakhítka pal Léskiro baró rajkanypen.

2 Petr 1:16 Referans Kwoze

1 Ian 4:14

И амэ дыкхцям и сам якхи́тка (якхалэ), со Дад бичхадя́ Чхавэ́с тэ зракхэ́л свэ́то.

Joannostir 1:14

И Лав яця́ манушэ́са дрэ лоч (плоть) и дживдя́ амэ́нца; и амэ дыкхцям Лэ́скиро ярко шукарипэ́н и зор, сави́ сыс Лэ́стэ сыр Екхэбияныпнытконэ Чхавэ́стэ, Саво́ исын Дадэ́стэ, и Саво́ исын пхэрдо́ бахталыпнаса и чачипна́са.

1 Ximaske 1:4

и тэ на шунэ́н лэ́нгирэ парамыси́тка и роспхэныбэна пал вари-конэ́скиро ро́до би концоскиро (би ягороскиро), савэ́ кэрэ́на буты́р чинга́рд, сыр сыклякирэ́на пал Дэвлэ́скиро патяибэ́н.

1 Ximaske 4:7

Ракхпэ магирдэ́ ракирибнэндыр, и пхурэ́-джувленгирэ парамысендыр, нэ сыклёв тэ дживэ́с дара́са анги́л Дэвлэ́стэ.

1 Коринфянэнгэ 2:4

дрэ мири́ зан и пхэныбэ́н на сыс годьварэ́ лава́, нэ ёнэ сыс сыр допхэныбэ́н пал Дэвлэ́скирэ-Духоскири зор;

Эфесянэнгэ 4:14

ваш дова́, соб (кай) амэ тэ на явас буты́р сыр бияторэ́ (тыкнорэ́), савэ́ кунинэнапэ и могинэ́на тэ змарэнпэ чачунэ́ дромэ́стыр манушытконэ́ мэндрипнаса и хохаибнаса;

1 Коринфянэнгэ 1:17

Христо́со на бичхадя́ ман тэ болав. Ёв бичхадя́ ман тэ роспхэнав бахталы́ зан (звесь), и тэ роспхэнав пал дава́ назбит годьварэ́ лавэ́нца, соб (кай) Христосо́скиро мэрибэ́н пэ трушу́л тэ на хасякирэ́л пэ́скири зор.

Sykadyipén 1:7

Акэ, Ёв явэ́ла облокэ́нца, и кажно (сва́ко) ману́ш удыкхэ́ла Лэс, и кодолэ́, савэ́ пхусадэ́ Лэс чхурдыбнытконэ бустяса (копьёса) и сарэ́ пхувья́кирэ ро́ды явэ́на тэ дэн го́дла ясвэ́нца анги́л Лэ́стэ. Мэк адя́кэ тэ явэ́л. Ами́нь.”

Titoske 1:14

тэ на шунэ́н Юдэ́нгирэ парамыси́ (сказки) и манушэ́нгирэ припхэныбэна́, савэ́ дурьёна чачипнастыр.

Juda 1:14

И Енохо, эфта́то Адамостыр, ангилпхэндя пал лэ́ндэ: ґа́да, Рай Дэвэ́л джа́ла тысёнцэнгирэ дэшытконэнца Пэ́скирэ свэнтонэндыр,

2 Фесалоникийцэнгэ 2:9

Бизаконоскиро ману́ш явэ́ла налачхэскирэ зорья́са, ёв явэ́ла тэ сыкавэ́л бари зор, и хоханэ́ знаме́нии (ґертыка́) и ди́вы,

2 Коринфянэнгэ 4:2

Нэ амэ дурьёваса ґарадэ́ ладжаипнытконэ рэндэ́ндыр, амэ на мэндринаса, на пирикэраса Дэвлэ́скиро лав, а амэ ракираса чачипэ́н и сыкаваса пэс, сыр амэ сам, пэ манушы́тка якха́ анги́л Дэвлэ́стэ.

2 Коринфянэнгэ 2:17

Пал-дова́ со амэ на янаса дош Дэвлэ́скирэ лавэ́скэ, сыр бут мануша́ адя́кэ кэрэ́на, нэ амэ сарэ́ илэ́стыр, Кокорэ́ Дэвлэ́стыр ракираса Христосо́скирэ зорья́са анги́л Дэвлэ́скирэ якха́.

Матфеё 28:18

На Ису́со явдя́ и пхэндя́ лэ́нгэ; “Саро́ право дыно́ Ма́нгэ, сыр пэ болыбэ́н, адя́кэ пэ пхув.

Малахия 3:2

Нэ кон вырикирэ́ла [сашты́ тэ вырикирэл-ю.о.] дава́ дывэ́с, ке́ли Ёв явэ́ла? Кон вытэрдёла [сашты́ тэ вырикирэл-ю.о.], ке́ли Ёв сыкадёла? Ёв явэ́ла сы́рбы яг, сави́ розбилавэла (росплавинэла), сы́рбы шутло сапуни (шчолко), саво́ жужакирэла руп.

1 Фесалоникийцэнгэ 2:19

Кон могинэ́ла тэ явэ́л амарэ́ лачхэ́ ужакирибнаса, ци радыма́са, ци шарибнытконэ вянкаса (коронаса)? Ци дава́ исын на тумэ́ анги́л амарэ́ Растэ – Дэвлэ́стэ, Исусо́стэ Христосо́стэ, сыр Ёв явэ́ла.

Filipiicenge 3:21

Саво́ парувэла амарэ́ хасибны́тка маса́ адя́кэ, со ёв явэ́ла тэ зджал пэ Лэ́скирэ маса́ зорья́са, савья́са Ёв чхудя́ тэлэ́ саро́ анги́л Пэ́стэ.

1 Коринфянэнгэ 5:4

ваш Ра́скирэ-Дэвлэ́скиро лав, ке́ли тумэ́ скэдэ́напэ кхэтанэ́ дрэ кхангири́ и сы́рбы пир миро ду́хо (фа́но) и Ра́скирэ-Дэвлэ́скирэ зорья́са амарэ́ Исусо́скирэ Христососкирьяса,

1 Коринфянэнгэ 2:1

Сыр мэ со́мас кэ тумэ́, пшала́лэ, мэ явдём на ваш дова́, соб (кай) тэ роспхэнав Дэвлэ́скиро чорахано чачипэ́н пхутькирдэ́ лавэ́нца ци барэ́ годьварипнаса.

1 Коринфянэнгэ 1:23

нэ амэ роспхэна́са пал Христосо́стэ, Савэс примардэ пэ трушу́л; дава́ пхэныбэ́н исын сы́рбы бар пэ дром, саво́ пропатякирэла Юдэ́н и исын сы́рбы дылныпэ́н ваш Наюдэ́нгэ,

1 Коринфянэнгэ 1:7

палдава́ тумэ́ндэ нанэ ни саво́ наухтылыбэн ни дро вари-саво́ тала́но (дарованиё), ке́ли тумэ́ ужакирэ́на зоралэ́с Христосо́с тэ явэ́л,

Римлянэнгэ 1:4

отджидыя́ мулэ́ндыр, амаро́ Рай Дэвэ́л Ису́со Христо́со, Саво́ сыс свэ́нто бияныпнастыр и допхэндя барэ́ зорья́са, со Ёв исын Дэвлэ́скиро Чхаво́;

Joannostir 17:2

адя́кэ-паць, сыр Ту дыя́н Лэ́скэ право пэ кажно лоч (плоть), адя́кэ-паць и Ёв дэ́ла ве́чно джиибэ́н одолэ́нгэ, конэ́с Ту дыя́н Лэ́скэ.

Матфеё 24:27

Пал-дова́ со, сыр блискавица джа́ла вастоко́стыр и яснэдыр явэ́ла кэ западо, адя́кэ явэ́ла Чхаво́.

Матфеё 24:3

И ке́ли Ёв сыс бэшто́ пэ Оливи́тко бэ́рга, подгинэ́ Лэ́скирэ сыкляибны́тка кэ Ёв екхджинэ и пхучнэ́: “Пхэн амэ́нгэ, ке́ли дава́ саро́ явэ́ла, и сави́ ґерты́к (знаме́ниё) явэ́ла анги́л, сыр Ту явэ́са и ваш свэтоскиро ко́нцо (яго́ро)?”

Матфеё 16:28

Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли анги́л явэ́на тэ дыкхэ́н Чхавэ́с Манушэ́скирэ, саво́ явэ́ла сыр Кра́ли дро Кралипэ́н Пэ́скиро.”

Малахия 4:5

Акэ, Мэ бичхава́ва тумэ́нгэ пророко́с Илияс анги́л, сыр явэ́ла баро́ дывэ́с, и трашано (дарано) Ра́скирэ-Дэвлэ́скиро.

Матфеё 16:27

Пал-дова́ со явэ́ла Чхаво́ Манушэ́скиро дрэ зорьякири сла́ва Пэ́скирэ Дадэ́скирэ Янголэнца, и тэды кажно (сва́ко) дорэсэ́ла, со явэ́ла мол пал пэ́скиро дова́, со кэрдя́ ёв дро джиибэ́н.

Матфеё 17:1

Пир шов дывэса́ лыя́ Ису́со Пэтрис и Яково́с и Ианос, лэ́скирэ пшалэ́с, и лыджия́ лэн тринджинэн пэ вучи́ бэ́рга.

Marko 13:26

Тэды мануша́ дыкхэ́на Манушэ́скирэ Чхавэ́с, Саво́ явэ́ла тэ джал дрэ о́блоки барэ́ зорья́са и дрэ сла́ва.

Marko 14:62

“Мэ сом”, – отпхэндя́ Ису́со, – и тумэ́ дыкхэ́на Чхавэ́с Манушэскирэс, сыр Ёв явэ́ла тэ бэшэ́л пир чачо́ васт зорья́тыр, ке́ли Ёв явэ́ла пэ болыбна́скирэ о́блоки.”

Luka 1:2

ёнэ уджиндлэ́ манушэ́ндыр, савэ́ пэ́рва дыкхнэ́ дова́ пэ́скирэ якхэ́нца и служындлэ (дынариндлэ́) ваш Дэвлэ́скиро лав, адя́кэ ёнэ пирипхэндлэ амэ́нгэ.

Luka 9:43

И сарэ́ мануша́ дивиндлэ́пэ пэ Дэвлэ́скиро райкано барипэ́н. Ке́ли сарэ́ дэнаспэ дивоскэ, со кэрдя́ Ису́со, Ёв пхэндя́ Пэ́скирэ сыкляибнытконэ́нгэ:

2 Petr 2:3

И кадалэ́ хоханэ́ сыклякирибнарья пал пэ́скири скэмпима явэ́на тэ барвалён тумэ́ндыр пэ́скирэ фрэнтонэ лавэ́нца, сэ́ндо ґара́ ужакирэ́ла лэн и лэ́нгиро хасибэ́н исын насуто.