2 Petr 1:1 - Библия - Пэ Балтитко Романи чиб (Романэс) 2019

¹ Симоностыр Пэтристыр, Исусо́скирэ Христосо́скирэ писхаристыр и Апостолостыр, сарэ́ манушэ́нгэ, кон прилыя́ дасаво-паць дро́го патяибэ́н кхэтанэ́ амэ́нца пир чачипэ́н амарэ́ Дэвлэ́скиро и Зракхибнарискиро, Исусо́скирэ Христосо́скиро,

Biblija - Pe Baltitko Romani čib (Romanes) 2019

¹ Simonostyr Petristyr, Isusóskire Xristosóskire pisharistyr i Apostolostyr, saré manušénge, kon prilyjá dasavo-pac' drógo patiaibén khetané aménca pir čačipén amaré Devléskiro i Zrakhibnariskiro, Isusóskire Xristosóskiro,

2 Petr 1:1 Referans Kwoze

Titoske 2:13

и тэ ужакирас лачхи́ наде́я, ке́ли явэ́ла баро́ Дэвэ́л слава́са и амаро́ Зракхибнари, Ису́со Христо́со,

Titoske 1:4

Титоскэ, мирэ́ чачунэ́ чхавэ́скэ пир патяибэ́н, саво́ сыс екх кхэтанэ́ ма́нца, тэ явэ́л бахталыпэ́н ла́ска и рама́нё Дэвлэ́стыр – Дадэ́стыр и Ра́стыр-Дэвлэ́стыр, Исусо́стыр Христосостыр амарэ́ Зракхибнаристыр.

2 Коринфянэнгэ 4:13

Нэ амэ́ндэ исын дасаво-паць патяибнаскиро ду́хо (фа́но), сыр исын чхиндло́: “Мэ упатяндыём, палдава́ мэ ракирдём” и амэ адя́кэ патя́са, палдава́ амэ адя́кэ-паць и ракираса,

Joannostir 12:26

Одова́, саво́ Ма́нгэ дынаринэла, мэк тэ джал пал Ма́ндэ, и кай Мэ сом одо́й и дына́ри Миро явэ́ла; и одолэ́скэ, кон Ма́нгэ явэ́ла тэ дынаринэ́л, одолэ́с Миро Дад славинэла.

Римлянэнгэ 1:12

соб (кай) фэды́р сарэ́стыр амэ тэ помогинас и тэ подрикирас екх екхэ́с дро амаро́ патяибэ́н.

2 Petr 1:4

савэ́нца Ёв дыя́ най барэды́р и дрогэдыр лав, соб (кай) пир дава́ тумэ́ тэ ячэн пашаса (пашэ́са) Дэвлытконэ́ духо́стыр и тэ джа́н криг Духо́скирэ хасибнастыр, саво́ джа́ла налачхэ́ мыслятыр дро свэ́то соб (кай) пир дава́ тумэ́ тэ дживэ́н сыр трэй Дэвлэ́скэ.

1 Petr 1:1

Пэтристыр, Исусо́скирэ Христосо́скирэ Апостолостыр, манушэ́нгэ, конэ́с Дэвэ́л выкэдыя́, савэ́ лодэна и исын росчхурдынэ пир свэ́то, дро Понто, Галатия, Кападокия, Асия и Вифиния,

Эфесянэнгэ 4:11

и Ёв чхудя́ вари-конэ́с Апостолэнца, вари-конэ́с пророкэнца, вари-конэ́с тэ роспхэнэ́н манушэ́нгэ бахталы́ зан, вари-конэ́с Дэвлытконэ́-манушэ́нгирэ ракхибнарье́нца и вари-конэ́с сыклякирибнаскирэ́нца,

Римлянэнгэ 1:1

Па́вли, Исусо́скиро Христосо́скиро писха́ри (рабо), савэ́с Дэвэ́л кхардя́ кэ Пэ тэ явэ́л Апостолоса и выкэдыя́ тэ роспхэнэл Дэвлэ́скири бахталы́ зан (звесь),

Luka 1:47

и Миро ду́хо (фа́но) радынэ́лапэ пал Дэвлэ́стэ, Мирэ́ Зракхибнаристэ.

1 Petr 5:1

Мэ, кокоро́ сом годэпхуро́ и пастырё (чхупна́ри), манга́ва тумарэ́ кхангирья́кирэ годэпхурэн и пастырен, пал-дова́ со мэ сом якхи́тко, сыр Христо́со пирилыджия пхарипэ́н, адя́кэ-паць ма́ндэ исын паш дрэ сла́ва, сави́ явэ́ла сыкады:

2 Ximaske 1:5

мэ рипирава пал тыро́ чачуно́ патяибэ́н; адя́кэ патяндыя тырэ́-дакири дай Лоида и тыри́ дай Евника, мэ джино́м, со дасаво патяибэ́н исын адя́кэ-паць и дрэ ту́тэ.

Filipiicenge 3:9

и тэ явав сарэ́са дро екхипэ́н Лэ́са на пэ́скирэ чачипна́са; саво́ исын Законо́стыр, нэ чачипна́са, саво́ исын пир патяибэ́н дро Христосо́стэ, чачипна́са, саво́ исын Дэвлэ́стыр пир патяибэ́н,

Apostolengiri Butý 15:14

Си́моно роспхэндя́ амэ́нгэ пал дава́, сыр Дэвэ́л англэды́р сыкадя́ пэ́скири ла́ска ваш Наюдэ́нгэ, со Ёв выкэдыя́ лэ́ндыр манушэ́н ваш Пэ́скиро лав.

Матфеё 10:2

Акэ, дэшудуенгирэ – Апостолэнгирэ лава́: пэ́рво Си́моно, савэ́с кхардэ́ Пэ́три, и Ендри (Андреё), пшал лэ́скиро, Заведеёскиро Яково, и Иа́но, пшал лэ́скиро.

1 Petr 2:7

и адя́кэ Ёв исын дро́го ваш тумэ́нгэ, кон патя́ла, а ваш одолэ́нгэ, кон на патя́ла, Ёв исын бар, саво́ бутярнэ́ на прилынэ́, нэ саво́ яця́ шэралэ́ барэса, пал саво́ мануша́ обштавэнапэ и пэрэ́на;

1 Petr 1:7

соб (кай) дава́ пропатякирибэн тэ допхэнэл, со тумаро́ патяибэ́н исын чачуно́ и дрогэдыр сувнака́стыр, саво́ усае́кх исын хасибны́тко, мэк ёв тэ явэ́л пропатякирдо яга́са, тэды тумаро́ патяибэ́н янэ́ла тумэ́нгэ шарибэ́н и сла́ва, ке́ли явэ́ла нэвэ́стыр Ису́со Христо́со:

Titoske 1:1

Павли́стыр, Дэвлэ́скирэ писхаристыр и Исусо́скирэ Христосо́скирэ Апостолостыр. Мэ со́мас бичхадо́ тэ розлыджав манушэ́нгиро патяибэ́н, савэ́н Дэвэ́л выкэдыя́, и тэ янав лэн кэ чачипэ́н, соб (кай) ёнэ тэ дживэ́н дара́са анги́л Дэвлэ́стэ;

Filipiicenge 1:29

пал-дова́ со тумэ́нгэ сыс дыно́ ваш Христосо́скэ на со тэ патя́н дрэ Лэ́стэ, нэ и тэ пиридживэн мэ́ньки пал Лэ́стэ,

Эфесянэнгэ 4:5

исын екх Рай Дэвэ́л, екх патяибэ́н, екх болдыипэн.

Эфесянэнгэ 3:5

савэ́ на сыс англэды́р джиндлэ́ ни екхэ́ манушытконэ́ родо́скэ адя́кэ, сыр ёнэ какана́ исын отчхакирдэ Лэ́скирэ Свэнтонэ́ Апостолэнгэ и пророкэнгэ пир Свэ́нто Ду́хо (Фа́но),

Galatenge 2:8

пал-дова́ со Дэвэ́л чхудя́ Пэ́скирэ зорья́са ман Апостолоса Наюдэ́нгэ, адя́кэ-паць сыр Пэтрис Апостолоса ваш Юдэ́нгэ,

2 Коринфянэнгэ 5:21

Пэ Христосо́стэ, Савэ́стэ на сыс грэ́хо, Дэвэ́л чхудя́ сарэ́ амарэ́ грэ́хи сыр свэ́нто отдыибэ́н, соб (кай) амэ тэ ячаспэ чачунэнца анги́л Дэвлэ́стэ пир Христосо́стэ.

1 Коринфянэнгэ 15:9

Палдава́ мэ сом най тыкнэды́р мол сарэ́ явирэ Апостолэндыр, и мэ на сом лачхо́ тэ кхаравпэ Апостолоса, пал-дова́ со мэ традавас Дэвлэ́скиро скэдыибэ́н.

1 Коринфянэнгэ 9:1

Ци на сом мэ во́льно? Ци на сом мэ Апостоло? Ци на дыкхцём мэ Исусо́с Христосо́с, амарэ́ Рас-Дэвлэ́с? Ци тумэ́ на сан сы́рбы отдыибэ́н мирэ́ бутя́тыр ваш Ра́скэ-Дэвлэ́скэ?

1 Коринфянэнгэ 1:30

Нэ адава́ Дэвэ́л чхудя́ тумэн дро кхэтаныпэн Исусо́са Христосо́са амарэса и Ёв кэрдя́ Христосо́с сыр амаро́ годыпэ́н, чачипэ́н; пал Лэ́стэ амэ яця́м Дэвлэ́скирэ свэнтонэ́ и вольнонэ манушэ́нца,

Римлянэнгэ 1:17

пал-дова́ со дрэ Ева́нгелия отчхакирэлапэ Дэвлэ́скиро чачипэ́н патяибнастыр дро патяибэ́н: сыр пал дава́ исын чхиндло́: “Ману́ш чачунэ́ патяибна́са явэ́ла тэ дживэ́л.”

Joannostir 20:21

Ису́со пхэндя́ лэ́нгэ яви́р мо́ло: “Рама́нё тумэ́нгэ! Сыр Дад бичхадя́ Ман, адя́кэ и Мэ бичхава́ва тумэн.”

Joannostir 1:42

Ёв яндя́ лэс кэ Ису́со. Ису́со, подыкхи пэ лэ́стэ, пхэндя́: “Ту сан Си́моно, Ианоскиро Чхаво́; тут явэ́на тэ кхарэ́н “Кифа” – дава́ значынэ́ла: бар (Пэ́три).

Luka 11:49

Ваш дава́ и Дэвлэ́скирэ годя́са исын пхэндло́: ‘Мэ бичхава́ва лэ́нгэ пророкэ́н и Апостолэн; ёнэ замарэна екхэн, а явирэ́н ёнэ вытрадэна сыр джуклэн’,

Матфеё 4:18

Гии пашы́л Галилеякиро мо́рё (дэрья́в), Ёв дыкхця́ дуе пшалэ́н, Симонос, савэ́с кхардэ́ Пэ́три, и Ендрис (Андреёс), лэ́скирэ пшалэ́с, савэ́ зачхурдэнас кхудя (сетки) дро мо́рё (дэрья́в), пал-дова́ со ёнэ сыс мачхибнарья (рыбаки).

Ереме́ё 33:16

Дрэ долэ́ дывэса́ Юда зракхэ́лапэ, и Ерусалимо явэ́ла тэ дживэ́л би дара́киро. Акэ, исын лав, савэ́са ёв явэ́ла тэ кхарэлпэ: ‘Рай Дэвэ́л – амаро́ чачипэ́н.

Isajos 12:2

Акэ, Дэвэ́л исын Миро зракхибэ́н; допатяв Лэ́скэ и на дарав, пал-дова́, со Рай Дэвэ́л исын зор мири́, багаибэн миро – Рай Дэвэ́л; Ёв сыс Миро зракхибэ́н.”

Filipiicenge 1:1

Павли́стыр и Химастыр (Тимафеёстыр), Исусо́скирэ Христосо́скирэ писхарьендыр, кэ сарэ́ свэ́нта мануша́ дрэ Филипы, кон патя́ла дрэ Исусо́стэ Христосо́стэ сарэ́ епископэнца (кхангирья́кирэ барыдырэ́нца) и диаконэнца;

Jakov 1:1

Яково, саво́ исын Дэвлэ́скиро и Ра́скирэ-Дэвлэ́скиро, Исусо́скирэ Христосо́скиро писха́ри (рабо), бичхавэ́ла миро (рама́нё) Юдэ́нгирэ дэшудуе́ родэ́нгэ, савэ́ исын росчхурдынэ пир свэ́то машкира́л Наюдэ́ндэ.

Juda 1:1

Юдастыр, Исусо́скирэ Христосо́скирэ писхаристыр, Яково́скирэ пшалэстыр, манушэ́нгэ, савэ́ ячнэ́ дро́га Дэвлэ́скэ Дадэ́скэ, и савэ́н Ёв прикхардя, и савэ́н зракхця́ Ису́со Христо́со: