2 Паралипоменоно 19:3 - Библия - Пэ Балтитко Романи чиб (Романэс) 2019

³ Нэ и лачхипэ́н латхно дрэ ту́тэ, пал-дова́ со ту пхагирдян вычхиндлэ́ муя́ пэ Юдэякири пхув и отлыджиян пэ́скиро ило́ кэ дова́, соб (кай) тэ латхэс Дэвлэ́с.

Biblija - Pe Baltitko Romani čib (Romanes) 2019

³ Ne i lačhipén lathno dre túte, pal-dová so tu phagirdian vyčhindlé muiá pe Judejakiri phuv i otlydžijan péskiro iló ke dová, sob (kaj) te lathes Devlés.

2 Паралипоменоно 19:3 Referans Kwoze

2 Паралипоменоно 12:12

И ке́ли ёв яця́ тэ кандэл, тэды отрисия лэ́стыр Ра́скирэ-Дэвлэ́скири холы́, и на хасякирдя́ лэс кэ ко́нцо (кэ яго́ро); пир саро́ и дрэ Юдэ́я сыс вари-со лачхо́.

Е́здра 7:10

Пал-дова́ со о Е́здра рискирдя́ пэ́скиро ило́ тэ сыклёл Зако́но Дэвлэ́скиро, и тэ рикирэлпэ кэ Зако́но, тэ сыклякирэ́л дро Израилё.

3 Kralip 14:13

И обровэна лэс сарэ́ Израильтя́ни, и гаравэна лэс; пал-дова́ со ёв исын екх Еровоамостэ, саво́ заджа́ла дрэ копли́ца, адя́кэ сыр дрэ лэ́стэ, кхэрэ́стыр Еровоамоскирэстыр, латхяпэ вари-со лачхо́ анги́л Растэ-Дэвлэ́стэ, Дэвлэ́стэ Израилёскирэстэ.

2 Паралипоменоно 30:19

Нэ Езэки́я мангдя́пэ пал лэ́ндэ, ракири́: “Раё Дэ́вла! Мэк тэ отмэкэ́л пэ грэ́хо кажнонэ́скэ, кон чхудя́ пэ́скиро ило́ кэ дова́ соб (кай) тэ латхэ́н Рас-Дэвлэ́с, Дэвлэ́с, пэ́скирэ дадэнги́рэ Дэвлэ́с, мэк и би свэнтонэ́ жужакирибнаскиро!”

2 Паралипоменоно 12:14

И кэрдя́ ёв фуипэ́н, пал-дова́ со ёв на чхудя́ пэ́скиро ило́ кэ дова́, соб (кай) тэ латхэл Рас-Дэвлэ́с.

Римлянэнгэ 7:18

Палдова́ мэ джино́м, со нисаво́ лачхипэ́н на дживэ́ла андра́л ма́ндэ; пал-дова́ со мэ кама́м тэ кэра́в лачхипэ́н, нэ мэ на могина́ва.

Psalmy 57:7

Ёнэ чхудэ́ фэлы́ (сеть) тэл мирэ́ ґэра́, миро ди исын бандякирдо тэлэ́. Ёнэ выганадэ ґанби́н анги́л ма́ндэ: ёнэ кокорэ́ пынэ́ дрэ ла́тэ. Сэ́ла.

1 Kralip 7:3

И пхэндя́ Самуи́ло сарэ́ Израилёскирэ кхэрэ́скэ, ракири́: “Ко́ли тумэ́ сарэ́ пэ́скирэ илэ́са рисёна кэ Рай Дэвэ́л, тэды отчхурдэн пэ́стыр явирэ-манушэ́нгирэ дэвлэн и Астартэн, и янэ́н тумаро́ ило́ кэ Рай Дэвэ́л, и Лэ́скэ Екхэ́скэ дынаринэ́н, и Ёв зракхэ́ла тумэн Филистимлянэнгирэ вастэ́стыр.

2 Паралипоменоно 20:3

И страхадыя Иосафа́то, и рискирдя́ пэ́скиро муй тэ родэ́л Рас-Дэвлэ́с, и дыя́ тэ джинэ́л пир сари́ Юдэ́я, пал посто.

2 Паралипоменоно 20:33

Екх вучипэна́ на сыс отпарудэ, и мануша́ на рискирдэ́ зоралэ́с пэ́скиро ило́ кэ пэ́скирэ-дадэ́нгиро Дэвэ́л.

2 Паралипоменоно 11:16

А пал лэ́ндэ сарэ́н Израилёскирэ родыцэндыр, савэ́ отдынэ́ ило́ пэ́скиро, соб (кай) тэ латхэс Рас-Дэвлэ́с, Дэвлэ́с Израилёскирэс, савэ́ явэ́нас дро Ерусалимо, соб (кай) тэ янэс свэ́нто дыибэ́н пэ́скирэ Ра́скэ-Дэвлэ́скэ, дадэнги́рэ Дэвлэ́скэ.

2 Паралипоменоно 15:12

и загинэ́ дро заве́то, соб (кай) тэ латхэс пэ́скирэ Рас-Дэвлэ́с, дадэнги́рэ Дэвлэ́с, сарэ́ пэ́скирэ илэ́стыр и сарэ́ пэ́скирэ де́стыр;

2 Паралипоменоно 15:15

И радындлэпэ сарэ́ Юдэя́кирэ мануша́ далэ́ совлахакэ, пал-дова́ со сарэ́ пэ́скирэ илэ́стыр и сарэ́ камибнаса латхнэ́ Лэс, и Ёв дыя́ лэ́нгэ тэ латхэ́н Пэс. И дыя́ лэ́нгэ Рай Дэвэ́л рама́нё (миро) сарэ́ ригэ́ндыр.

2 Паралипоменоно 22:9

И припхэндя́ ёв тэ родэ́н Охозияс, и лынэ́ лэс, ке́ли ёв гарадыя дрэ Сама́рия, и яндлэ́ лэс кэ Ииу́ё, и замардэ́ лэс, и ґарадэ́ лэс; пал-дова́ со ракирдэ́: ёв сыс Иосафато́скиро чхаво́, саво́ латхя́ Рас-Дэвлэ́с сарэ́ пэ́скирэ илэ́стыр. И на яця́пэ ние́кх дро Охозияскиро кхэр, кон бы могиндя́ тэ явэ́л крали́са.

2 Паралипоменоно 27:6

Адя́кэ зорало́ сыс Иоафамо, пал-дова́ со кэрдя́ ёв пэ́скирэ дрома́ дро джиибэ́н анги́л Растэ-Дэвлэ́стэ, пэ́скирэ Дэвлэ́стэ.