2 Паралипоменоно 1:2 - Библия - Пэ Балтитко Романи чиб (Романэс) 2019

² И припхэндя́ Соломо́но тэ скэдэ́нпэ сарэ́ Израилёскэ: барыдырэ́нгэ пэ тысёнцы, и барыдырэ́нгэ пэ шэла́, и сэндарьенгэ, и сарэ́нгэ, кон сыс барыдыро́ пир саро́ Израилё – родэнгирэ (стрэчэнгирэ) шэралэнгэ.

Biblija - Pe Baltitko Romani čib (Romanes) 2019

² I priphendiá Solomóno te skedénpe saré Izrailjoske: barydyrénge pe tysjoncy, i barydyrénge pe šelá, i sendar'jenge, i sarénge, kon sys barydyró pir saró Izrailjo – rodengire (strečengire) šeralenge.

2 Паралипоменоно 1:2 Referans Kwoze

1 Паралипоменоно 28:1

И кэдыя Дави́до кэ пэ дро Ерусалимо сарэ́н Израилёскирэ тхагарье́н [лыджаибнаскирэн-ю.о.], барыдырэ́н пэ ро́ды и барыдырэ́н пэ дружыны [отделы-р.с.], савэ́ дынариндлэ́ крали́скэ, и тысёнцэнгирэ барыдырэ́н, и шэлэнгирэ барыдырэ́н, и манушэ́н, савэ́ сыс барыдыра́ пэ сари́ фелатин и пэ ста́ды крали́скирэ, и лэ́скирэ чхавэ́н скопцэнца (евнухэнца), халадэ́нгирэ барыдырэ́н, и сарэ́н муршканэ́ муршэ́н.

1 Паралипоменоно 27:1

Ѓа́да, сыс чхавэ́ Израилёскирэ пир лэ́нгиро гиныбэ́н, шэралэ́ чэкарьенгирэ, тысёнцэнгирэ барыдыра́ и шэлэнгирэ барыдыра́, и савэ́ пир отделе́нии дынариндлэ́ (служындлэ) крали́скэ дрэ сарэ́ рэ́нды, яви и отгии кажно чхон, дрэ сарэ́ чхона́ бэршэскирэ. Дрэ кажно отделениё [дивизия-ю.о.] сыс лэн пир биш тэ штар тысёнцы.

2 Паралипоменоно 30:2

И обракирдэ кра́ли, и лэ́скирэ тхага́рья, и саро́ скэдыибэ́н дро Ерусалимо – тэ кэрэ́н Патради́ пэ яви́р чхон;

2 Паралипоменоно 29:20

И уштыя́ кра́ли Езэки́я пэ зло́ко (пэ ра́нко), и скэдыя́ форо́скирэ барыдырэ́н, и гия́ дро Ра́скирэ-Дэвлэ́скиро Кхэр.

1 Паралипоменоно 29:1

И ишчо (инкэ́) пхэндя́ кра́ли Дави́до сарэ́ скэдыибнаскэ: “Соломо́но, миро чхаво́, савэ́с екхэ́с выкэдыя́ Дэвэ́л, тэрно́ и набарэ́-зорьякиро, а буты́ дая́ исын бари; пал-дова́ со на ваш манушэ́скэ явэ́ла Кхэр дава́, а ваш Ра́скэ-Дэвлэ́скэ.

1 Паралипоменоно 24:31

Чхурдынэ́ и ёнэ жре́биё, кхэтанэ́ пэ́скирэ пшалэ́нца, Аароно́скирэ пшалэ́нца, анги́л муй крали́скиро Давидо́скиро и Садокоскиро и Ахимелехоскиро, и раша́нгирэ-шэралэнгиро и Левитэнгиро: чэкарьенгирэ (семействэнгирэ) шэралэнгиро кхэтанэ́ пэ́скирэ тыкнэдыршонэ пшалэса.

1 Паралипоменоно 24:4

И латхяпэ, со машки́р Елизароскирэ чхавэ́ндэ машки́р стрэчэнгирэ (поколиенгирэ) шэралэндэ сыс буты́р, сыр машки́р Ифамароскирэ чхавэ́ндэ. И ёв росчхудя́ лэн адя́кэ: Елизароскирэ чхавэ́ндыр дэшушов чэкарьенгирэ (семействэнгирэ) шэралэ́, а Ифамароскирэ чхавэ́ндыр охто́.

1 Паралипоменоно 15:12

и пхэндя́ лэ́нгэ: “Тумэ́, барыдыра́ Левитэ́нгирэ родэнгирэ, высвэнцынэнпэ кокорэ́ и тумарэ́ пша́ла, и янэ́н Ра́скирэ-Дэвлэ́скиро, Израилёскирэ-Дэвлэ́скирэ ковчэго пэ штэ́то, саво́ мэ приготовиндём ваш лэ́скэ;

1 Паралипоменоно 15:3

И скэдыя́ Дави́до сарэ́н Израильтянэ́н дро Ерусалимо, соб (кай) тэ лыджа́н Дэвлэ́скиро ковчэго пэ лэ́скиро штэ́то, саво́ ёв ваш лэ́скэ кэрдя́.

1 Паралипоменоно 13:1

И радиндяпэ Дави́до барыдырэ́нца пэ тысёнцы, барыдырэ́нца пэ шэла́ и сарэ́нца шэралэнца,

2 Паралипоменоно 1:3

И гинэ́ Соломо́но и саро́ скэдыибэ́н лэ́са пэ вучипэ́н, со сыс дро Гавао́но; пал-дова́ со одо́й сыс Дэвлэ́скири скэдыибна́скири ски́ния, сави́ кэрдя́ Мо́йза (Моисеё), Ра́скирэ-Дэвлэ́скиро писха́ри, пэ чхучи́ пхув.

3 Kralip 3:4

И гия́ кра́ли дро Гавао́но, соб (кай) тэ янэл одо́й свэ́нто дыибэ́н Ра́скэ-Дэвлэ́скэ, пал-дова́ со одо́й сыс главно алта́рё. Тысёнцо цэ́ло схачкирибэ́н лыджия́ упрэ́ Соломо́но пэ дова́ алта́рё.