1 Petr 5:8 - Библия - Пэ Балтитко Романи чиб (Романэс) 2019

⁸ Явэ́н трезва (ны́рна), ракхэ́нпэ. Тумаро вэ́рго, на́лачхо, псирэ́ла сыр шчэр (ле́во), саво́ рыкинэла и родэ́ла, конэ́с тэ хал.

Biblija - Pe Baltitko Romani čib (Romanes) 2019

⁸ Javén triezva (nýrna), rakhénpe. Tumaro vérgo, nálačho, psiréla syr ščer (liévo), savó rykinela i rodéla, konés te xal.

1 Petr 5:8 Referans Kwoze

Эфесянэнгэ 6:11

Урьен пэ пэ́стэ сарэ́ Дэвлэ́скирэ марды́тко, соб (кай) тумэ́ могиндлэ́ тэ тэрдён проти налачхэскирэ фрэнта рэндорэ (делыцы):

Jakov 4:7

И палдава́ отдэ́н пэс Дэвлэ́скэ, явэ́н проти налачхэстэ и Ёв нашэла криг тумэ́ндыр.

Ióvo 2:2

И пхэндя́ Рай Дэвэ́л налачхэскэ: “Каты́р ту явдя́н? И на́лачхо отпхэндя́ Ра́скэ-Дэвлэ́скэ и пхэндя́: “Мэ псирдём одори́к и палэ пир пхув и штадём пир пхув упрэ́ и тэлэ́.”

Эфесянэнгэ 4:27

и на дэн штэ́то бэнгэ́скэ дро тумаро́ джиибэ́н.

1 Petr 1:13

Ваш дава́ рискирэ́н пэ́скири годы́ тэ кэрэ́н лачхипэ́н, на совэн, рикирэ́н пхэрдэ́с наде́я пэ бахтякирибэ́н, саво́ явэ́ла дыно́ тумэ́нгэ, ке́ли явэ́ла Ису́со Христо́со;

1 Petr 4:7

Нэ сыг сарэскэ явэ́ла ко́нцо (яго́ро): палдава́ ракхэ́нпэ и дживэ́н годьварэс, ке́ли тумэ́ мангэ́напэ Дэвлэ́скэ;

Luka 21:36

Ваш дава́ дыкхэ́н и на совэн и мангэ́нпэ Дэвлэ́скэ кажно часо, соб (кай) тумэ́ тэ явэ́н мол тэ зракхэнпэ сарэ́стыр далэ́стыр, со трэй тэ явэ́л, и тэ тэрдён анги́л Манушэ́скирэ Чхавэ́стэ.”

Luka 22:31

[И пхэндя́ Рай Дэвэ́л р.с.]: “Симоне, Симоне! Дыкх жа, на́лачхо древа́н закамдя́ тэ пропатякирэл тумэн сы́рбы тэ просеинэл тумэн пир сито (поризэн), сыр просеинэна парно́ гив,

Titoske 2:12

саво́ сыклякирэ́ла амэн, соб (кай) амэ тэ на кэра́с магирипэ́н и тэ дурьёвас свэто́скирэ тырдыпнастыр, тэ джива́с дрэ дава́ ве́ко пир чачипэ́н и дара́са анги́л Дэвлэ́стэ,

Sykadyipén 12:12

Палдава́ ра́дынпэ, Болыбна́скиро Раё! Радынэ́нпэ одолэ́, кон дживэ́ла одо́й! Нэ би́да пэ пхув и пэ мо́рё (дэрья́в), пал-дова́ со на́лачхо гия́ тэлэ́ даранэ холя́са, джининдой, со яця́пэ лэ́скэ на́бут часо.

Joannostir 8:44

Тумаро дад исын на́лачхо и тумэ́ камэ́на тэ кэрэ́н пир тумарэ́-дадэ́скири ла́ска. Нэ ёв саро́ джиибэ́н сыс манушэ́нгиро замарибнари, и ёв на дживдя́ дро чачипэ́н, пал-дова́ со нанэ чачипэ́н дрэ лэ́стэ; ке́ли ёв ракирэ́ла хохаибэ́н, ракирэ́ла пэ́скиро, пал-дова́ со ёв исын хохаибнари и хохаибнаскиро дад.

Матфеё 13:39

вэ́рго, саво́ почхудя лэн-дава́ исын на́лачхо, счхиныбэн-дава́ значынэ́ла векоскиро ко́нцо (яго́ро), жнецы исын Янго́лы.

Sykadyipén 12:9

И баро́ драконо сыс чхурдыно́ тэлэ́, пхурано́ сап, савэ́с кхарэ́на на́лачхо ци бэнг, саво́ хохавэлас саро́ свэ́то. Ёв сыс чхурдыно́ тэлэ́ пэ пхув и лэ́скирэ Янго́лы сыс чхурдынэ́ тэлэ́.

Матфеё 24:42

Ракхэ́нпэ, пал-дова́ со на джинэ́на, ке́ли явэ́ла тумаро́ Рай Дэвэ́л.

Sykadyipén 20:10

И на́лачхо, кон хохадя лэн, сыс чхурдыно́ дро зеро (озеро) яга́са и дзэвэля́са (сераса), кай сыс адя́кэ-паць рискирибна́скиро мурда́л и хоханэ́ проро́ки. И ёнэ явэ́на тэ мэнчынэнпэ раты́ и дывэсэ́ пэ сарэ́ ве́ки.

Luka 21:34

Нэ ракхэ́нпэ кокорэ́ пибнастыр и хабнастыр би меракиро, соб (кай) тумаро́ ило́ тэ на явэ́л пхэрдо́ традыпнаса пал барвалыпэ́н и джиибнытконэ пхарипнаса, и, соб (кай) дава́ дывэ́с тэ на явэ́л чораханэ́с пэ тумэ́ндэ;

Заха́рия 3:1

И сыкадя́ ёв ма́нгэ Исусо́с (Ёхошуа́с/Ешуа́с), барэ́ раша́с, саво́ исыс тэрдо́ анги́л Янголостэ Ра́скирэ-Дэвлэскирэстэ, и налачхэ́с (сатанас), саво́ сыс тэрдо́ пэ лэ́скиро чачо́ (право) васт, соб (кай) тэ кэрэ́л саро́ проти Лэ́стэ.

Titoske 1:8

а тэ прилэл манушэ́н илэ́са, савэ́ндэ нанэ пэ́скиро кхэр и тэ явэ́л дро́го лэ́скэ лачхипэ́н, тэ джинэ́л тэ рикирэ́л пэс дрэ васта́, тэ явэ́л ёв чачуно́, саво́ обрикирэла пэс,

2 Ximaske 4:17

Нэ Рай Дэвэ́л сыс пашы́л ма́ндэ, Ёв дыя́ ма́нгэ зор, соб (кай) пир ма́ндэ тэ ячэ́л пхэныбэ́н пал Дэвлэ́стэ зоралэды́р и соб (кай) ман тэ шунэ́н сарэ́ мануша́, савэ́ исын На́юды, и соб (кай) ма́нгэ тэ зракхавпэ шчэрэ́скирэ (лево́скирэ) дандэндыр.

Amoso 3:8

Шчэр лыя́ тэ рыкинэл – кон на явэ́ла тэ дарэл? О Рай Дэвэ́л пхэндя́ – кон на явэ́ла тэ ангилпхэнэл?

Titoske 2:6

Тэрнэ́ манушэ́н сыкля́кир адя́кэ-паць, соб (кай) ёнэ тэ обрикирэн пэс:

Titoske 2:2

соб (кай) пхурэ́ мурша́ тэ явэ́н ракхунэ, соб (кай) ёнэ тэ джинэ́н, сыр трэй пэс тэ лыджа́н, тэ явэ́н годьварэ́ и зоралэ́ дро патяибэ́н, дрэ паты́в кэ яви́р мануша́, дро вырикирибэн;

Osija 11:10

Ёнэ джа́на пала́л пал Растэ-Дэвлэ́стэ; Ёв явэ́ла тэ рыкинэл сы́рбы шчэр (ле́во). Сыр Ёв лэ́ла тэ рыкинэл, тэ́ньчи Лэ́скирэ бияты явэ́на тэ джа́н сыгэды́р тринскирибнаса пал-панендыр (западостыр).

Isajos 50:8

Пашылэды́р исын одова́, кон пхэнэ́ла чачипэ́н пал Ма́ндэ: кон камэ́ла тэ марэ́лпэ Ма́нца? Тэрдёваса кхэтанэ́! Кон камэ́ла тэ сэндякирэлпэ Ма́нца? Мэк ёв тэ подджа́л кэ Мэ.

Pritčy 20:2

Холынакиро кра́ли исын сы́рбы шчэр (ле́во), саво́ рыкинэла, кон лэс холякирэла, кодова́ кэрэ́ла грэ́хо пэ пэ́скиро джиибэ́н.

Psalmy 104:21

Тэрнэ́ шчэра́ (левы) рыкинэна пал пэ́скиро дорэсыбэ́н, и родэ́на пэ́скиро хабэ́н Дэвлэ́стыр.

1 Ximaske 2:15

Нэ ёй явэ́ла зракхны пир дава́, со ёй биянэ́ла чхаворэ́н, ко́ли ёй явэ́ла дурэды́р дро патяибэ́н и дрэ паты́в кэ яви́р мануша́ и дрэ паты́в лачхэ́ рэндэ́нца (делэнца).

Sykadyipén 20:2

Ёв ухтылдя драконос, пхуранэ́ сапэс, кон исын на́лачхо ци сатана и пхандя лэс пэ бар (тысёнцо) бэрш;

Titoske 2:4

соб (кай) ёнэ могинэ́нас тэ сыклякирэ́н тэрнэ́ джувле́н тэ сыкавэ́н паты́в пэ́скирэ ромэнгэ, и тэ сыкавэ́н паты́в пэ́скирэ чхавэ́нгэ;

1 Ximaske 3:11

Адя́кэ-паць и лэ́нгирэ джувленгэ трэй тэ лыджа́н пэс пир чачипэ́н, тэ на бангякирэн никонэ́с хоханэ́с, тэ на пьен, и тэ явэ́н патяибнытка дро саро́.

Ioil 3:16

И Рай Дэвэ́л адя́кэ-паць загриминэла Сионо́стыр, и Ёв пхэнэ́ла Пэ́скирэ заня́са Ерусалимо́стыр; болыбэ́н и пхув явэ́на тэ тринскирэнпэ; кэ Рай Дэвэ́л явэ́ла гаравибнаскиро штэ́то ваш Лэ́скирэ манушэ́нгэ, и Ёв явэ́ла сыр тва́рдыма / диз (крепость) чхаворэнгэ Израилёскирэнгэ.

1 Ximaske 2:9

И адя́кэ-паць мэк джувля́ тэ урьенпэ патывалэс, и лэ́ндэ тэ явэ́н ладж, тэ на пхутён екх анги́л екхатэ дрогонэ́ идяса, сувнака́са, ци кучонэ́ барэ́нца, ци балэнгирэ гожымаса,

Матфеё 4:1

Тэ́ньци лыджия́ Ду́хо (Фа́но) Исусо́с пэ чхучи́ пхув, соб (кай) тэ пропатякирэл Лэс на́лачхо.

Osija 13:8

Мэ ява́ва тэ пирилав лэн сы́рбы ричыха (медведица), савьятэ хасинэ́ тыкнорэ; Мэ ява́ва тэ рискирав лэ́нгирэ-пашварэнгиро кокалыцо кэ ило́ и Мэ ява́ва тэ похав лэн сы́рбы шчэриха, а фэлды́тка мурдала́ (звери) явэ́на тэ роскушэн лэн.

1 Ximaske 3:2

Нэ кхангирья́кирэ барыдырэ́скэ трэй тэ явэ́л бидошакирэскэ, екхэ – ромнякиро ром, саво́ джинэ́л пэс тэ рикирэ́л дрэ васта́, годьваро́, тэ явэ́л лэ́стэ паты́в кэ пэ, саво́ прилэ́ла манушэ́н илэ́са, и тэ явэ́л лачхо́ сыклякирибна́скиро (учителё);

Матфеё 25:41

Тэ́ньци Ёв пхэнэ́ла кодолэ́нгэ, савэ́ исын пэ зэ́рво (ле́во) васт Лэ́стыр: ‘Джа́н криг Ма́ндыр, прокошнэ, дрэ яг ве́чно, со исын скэдыны ваш налачхэскэ и лэ́скирэ Янголэнгэ:

Матфеё 4:11

Тэ́ньци мэкэ́ла Лэс на́лачхо, и акэ, Янго́лы явнэ́ и дынариндлэ́ Лэ́скэ.

Amoso 3:4

Ци явэ́ла шчэр (ле́во) тэ брилинэл дро вэш, ко́ли ёв на дыкхэ́ла вари-со тэ роскушэл дандэнца? Ци явэ́ла тэ выдэл шчэр зан пэ́скирэ хашха́тыр (логовостыр) –, ко́ли ёв ничы́ на ухтылдя.

Дание́лё 6:24

И дыя́ о кра́ли, и сыс лыджинэ́ кэ ёв одолэ́ мануша́, савэ́ бангякирдэ Даниелёс, и ёнэ сыс чхурдынэ́ дро шчэрэнгиро рово (хохо́й), сыр кокорэ́, адя́кэ-паць лэ́нгирэ чхаворэ́ и лэ́нгирэ джувля́; на догинэ́ ёнэ кэ ровоскиро дно (дугно), сыр ханэ́ лэн шчэра́ (левы) и пхагирдэ́ лэ́нгирэ кокалы́.

Езэкилё 22:25

Ла́кирэ проро́ки зракирэнапэ машки́р ла́тэ, сыр шчэр (ле́во), саво́ рыкинэла, рискирэ́ла пэ́скиро дорэсыбэ́н: ёнэ ха́на манушэ́нгиро ди, залэна миштыпэ́н и дро́гима, ячкирэна джувле́н биромэскиро.

Pritčy 19:12

Кра́ли, саво́ холясо́ла, исын сы́рбы шчэр (ле́во), саво́ рыкинэла, лэ́скири ла́ска исын сы́рбы пахлын (роса) пэ чар.

Ester 7:6

И отпхэндя́ Эстэ́ра: “Вэ́рго и на́лачхо ману́ш – кадава́ исын захало Ама́но!” И Ама́но страхадыя анги́л крали́стэ и кралицатэ.

Сэндарьенгири Лылвари́ 14:5

И гия́ Самсо́но дадэ́са пэскирэса и даса пэскирьяса дрэ Фимнафа, а ке́ли подгинэ́ кэ винаградники Фимнафакирэ, ґа́да, тэрно́ ле́во (шчэр) рычыны джа́ла пэ стреч лэ́скэ.

Заха́рия 11:3

Зан чхупнарьенгири (пастырьенгири) исын шундлы ровибнаса, пал-дова́ со чхучия лэ́нгири вольныма; шунэлпэ холям зан тэрнэ́-шчэрэнгири, пал-дова́ со хасия́ Иорданоскиро шукарипэ́н.

Езэкилё 19:7

ёв роспхагирэлас чхучэс лэ́нгирэ штэ́ты/магирдя пивленгирэ (удовэнгирэ) кхэра́, и кэрдя́ лэ́нгирэ фо́рья чхучэ́ (пуста), чхучэ́ ячнэ́ пхув и сарэ́ гава́ лэ́скирэ рыкостыр.

Ереме́ё 51:38

Ёнэ, Халдеи, явэ́на тэ брилинэн (тэ ревинэн) сыр шчэра́ (левы), ёнэ явэ́на тэ рычынэн сы́рбы шчэрэнгирэ тыкнорэ.

Ереме́ё 2:15

Тэрнэ́ шчэра́ (левы) рыкинэна пэ Израилё и ёнэ брилинэна; ёнэ кэрдэ́ Израилёстыр чхучи́ (пусто) пхув; лэ́скирэ фо́рья хачкирдэ́ и нико́н на дживэ́ла одо́й.

Psalmy 109:6

Чхув чорэ́ манушэ́с пэ мирэ́ вэргостэ, мэк на́лачхо тэ тэрдёл пэ лэ́скири чачи́ риг;

Amoso 1:2

И ёв пхэндя́: “О Рай Дэвэ́л явэ́ла тэ ґреминэл Сионо́стыр, и Ёв пхэнэ́ла Пэ́скирэ заня́са Ерусалимо́стыр; и явэ́на тэ тугинэн зоралэ́с санэ буди (хижыны) чхупнарьенгирэ, и вышутёла фе́ля (макушка) пэ вучипэ́н Кармилоскиро.”

Pritčy 28:15

Сыр шчэр (ле́во), саво́ рыкинэла, и сыр рич, саво́ исын холынакиро, исын фуй барыдыро́, саво́ хулаинэла пэ чорэ́ манушэ́ндэ.

Marko 4:15

Исын мануша́, савэ́ исын сы́рбы дая́ зя́рка пашы́л дром. Сыр фэ́ни (то́ка) ёнэ шунэ́на лав, то явэ́ла на́лачхо и чорэла лэс лэ́ндыр.

2 Коринфянэнгэ 2:11

соб (кай) на́лачхо тэ на пиризорьякирэл амэн, пал-дова́ со амэ джина́са, со ёв камэ́ла.

Sykadyipén 12:10

И мэ шундём зоралы́ зан болыбна́стыр, со ракирдя́: “Какана́ явдя́ зракхибэ́н и зор и Кралипэ́н Дэвлэ́стыр Дадэ́стыр. Какана́ исын Лэ́скирэ-Христососкири зор, пал-дова́ со бангякирибнаскиро пэ амарэ́ пшалэ́ндэ, саво́ бангякирэлас лэн анги́л Дэвлэ́стэ дывэсэ́ и раты́, сыс чхурдыно́ тэлэ́.