1 Petr 5:2 - Библия - Пэ Балтитко Романи чиб (Романэс) 2019

² ракхэ́н Дэвлэ́скирэ манушэ́н, савэ́ исын машки́р тумэ́ндэ, кэрэ́н дава́ на пир трэ́бима, а сыр трэй Дэвлэ́скэ и на пал дова́, со тумэ́ сорбы сан бокхалэ́ кэ ловэ́, а пал-дова́ со тумэ́ камэ́на дава́ илэ́стыр;

Biblija - Pe Baltitko Romani čib (Romanes) 2019

² rakhén Devléskire manušén, savé isyn maškír tuménde, kerén davá na pir trébima, a syr trej Devléske i na pal dová, so tumé sorby san bokhalé ke lové, a pal-dová so tumé kaména davá iléstyr;

1 Petr 5:2 Referans Kwoze

Titoske 1:7

Пал-дова́ со пхурыдырэ́ пшалэ́скэ трэй тэ явэ́л бидошакирэскэ, сыр Дэвлэ́скирэ-кхэритконэ́ барыдырэ́скэ, соб (кай) ёв тэ на гинэл пэс древа́н годьварэса, тэ на явэ́л холынакиро, матымари, пхутькирдо, розмарибнари, тэ на явэ́л ёв ґа́лко кэ барвалыпэ́н;

1 Ximaske 3:8

Кхангирья́кирэ бутярнэнгэ (диаконэнгэ) адя́кэ-паць трэй тэ явэ́н чачунэ́, тэ на явэ́н ёнэ дуемуитка, тэ на пьен бут мол, и тэ на явэ́н ґалка (жадна) кэ ловэ́,

Titoske 3:1

Пхэн ишчо (инкэ́) манушэ́нгэ пал дова́, соб (кай) ёнэ тэ кандэ́н ран и барыдырэ́н, и тэ явэ́н скэдынэ́ тэ кэрэ́н кажно лачхо́ рэ́ндо (де́ло);

1 Ximaske 3:3

тэ на явэ́л матымари, тэ на явэ́л захало, нэ тэ явэ́л ковлэ́-илытко, тэ явэ́л раманёно (ми́рно), тэ на явэ́л ґа́лко кэ ловэ́,

1 Коринфянэнгэ 9:7

Саво́ халадо (рулдо) лыджа́ла марибэ́н пал пэ́скирэ ловэ́? Кон исын, саво́ чхудя́ винагра́днико, соб (кай) тэ на хал му́ри? Кон исын, саво́ чаравэла гурто, соб (кай) тэ на пьел тхуд лэ́ндыр?

2 Petr 2:3

И кадалэ́ хоханэ́ сыклякирибнарья пал пэ́скири скэмпима явэ́на тэ барвалён тумэ́ндыр пэ́скирэ фрэнтонэ лавэ́нца, сэ́ндо ґара́ ужакирэ́ла лэн и лэ́нгиро хасибэ́н исын насуто.

Юдэ́нгэ 12:15

Дыкхэ́н миштэ́с, соб (кай) нико́н тумэ́ндыр тэ на хасякирэ́л Дэвлэ́скиро бахтякирибэ́н, соб (кай) тэ на явэ́л машки́р тумэ́ндэ кирко́ рукх (корнё), саво́ могинэ́ла тэ янэл фуипэ́н, и соб (кай) лэ́са тэ на явэ́н магирдэ́ бут яви́р мануша́;

Езэкилё 34:31

“И со тумэ́ сан Мирэ́ бакрэ́, бакрэ́ Мирэ́ скэдыибна́стыр, тумэ́ сан мануша́, а Мэ сом тумаро́ Дэвэ́л”, – ракирэ́ла Рай Дэвэ́л, Дэвэ́л.

Titoske 1:11

трэй, соб (кай) тумэ́ тэ запхандэн муй лэ́нгэ, савэ́ змарэна чачунэ́ дромэ́стыр бут сэм΄и (ирья́), а ваш пэ́скиро биладжаипнытко тырдыпэ́н кэ ловэ́ ёнэ сыклякирэ́на одова́, со на трэй.

Luka 12:32

На андыршан, со тумэ́ сан на баро́ манушэ́нгиро ґурто, пал-дова́ со тумаро́ Дад дэ́ла ласкаса тумэ́нгэ Кралипэ́н.

Малахия 1:10

“Ци исын вари-кон машки́р тумэ́ндэ, соб (кай) ёв фэды́р тэ пхандэл вудара́, и тэ на росхачкирэн тумэ́ яг ивья́ (напра́снэс) пэ Миро алта́рё? Мэ на радынавапэ тумэ́ндыр”, – ракирэ́ла янголэ́нгирэ-болыбна́скиро Рай Дэвэ́л. И Мэ на прилава свэ́нто дыибэ́н тумарэ́ вастэ́ндыр.

Заха́рия 11:17

Мэк тэ явэ́л би́да пэ джунгалэ́ пастырёстэ, саво́ ячкирэ́ла пэ́скирэ бакрэ́н! Мэк тэ чхинэл чхури васт лэ́скиро и чачи́ якх лэ́скири! Мэк тэ шутёл сарэ́са лэ́скиро васт, и мэк лэ́скири чачи́ якх сарэ́са тэ корьёл.”

Mihiejo 7:14

(Дэ́вла!) Чарав дэстэса Тырэ́ манушэ́н, кон исын дро ґурто Тырэ́-миштыпнаскиро, савэ́ дживэ́на кокорэ́ пэ́скэ дро вэш, машки́р Кармило: мэк ёнэ тэ чаравэнпэ пэ Васа́но и пэ Галаа́до, сыр сыс дрэ ґаратунэ́ дывэса́.

Mihiejo 5:4

И Ёв тэрдёла и Ёв явэ́ла тэ чаравэл Лэ́скирэ-бакрэнгири стада Ра́скирэ-Дэвлэ́скирэ зоралыпнаса, лавэскирэ райканыпнаса Ра́стыр-Дэвлэ́стыр, Лэ́скирэ Дэвлэ́стыр. И ёнэ ячэ́напэ тэ дживэ́н би дара́киро, пал-дова́ со Ёв явэ́ла Баро́ пэ яго́ры (пэ краи́) пхувья́кирэ.

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Езэкилё 34:23

И Мэ чхува́ва лэ́нгэ екхэ чхупнарис, саво́ явэ́ла тэ чаравэл лэн, Мирэ́ писхари́с Давидо́с, ёв явэ́ла тэ чаравэл лэн, ёв явэ́ла лэ́нгиро чхупна́ри.

Ереме́ё 13:17

Нэ ко́ли тумэ́ на явэ́на тэ кандэ́н дава́, то тэды мэ, Ереме́ё, ява́ва тэ ровав дрэ гарадэ́ штэ́ты пал тумаро́ пхутькирибэ́н, и мирэ́ якха́ явэ́на тэ ровэ́н киркэс, пал-дова́ со Ра́скирэ-Дэвлэ́скиро ґурто лыджино криг дрэ наволя (пле́но).

Ереме́ё 6:13

Пал-дова́ со кажно (сва́ко) лэ́ндыр, най тыкнэды́р манушэ́стыр кэ най барэды́р исын присыклыно кэ ґалкима, и, кажно (сва́ко) лэ́ндыр, пророкостыр кэ раша́й кэрэ́ла начачунэс.

Isajos 63:11

Тэ́ньци Лэ́скиро народо пририпирдя ґаратунэ́ Мойза́скирэ дывэса́: “Кай исын Одова́, Саво́ вылыджия́ лэн морёстыр (дэрьявэстыр) чхупнариса, Саво́ чаравэла Лэ́скирэ бакрэ́н? Кай исын Одова́, Саво́ чхудя́ Пэ́скиро Свэ́нто Ду́хо (Фа́но) дро лэ́скиро ило́?

Isajos 56:11

Кадалэ́ исын джукэла захалэ илэ́са, ёнэ нисыр на чалёна, кадалэ́ исын чхупна́рья (пастыри) бигодякирэ; сарэ́ дыкхэ́на пэ пэ́скиро дром; кажно лэ́ндыр родэ́ла ко́фо пэ́скэ, нанэ явирэ манушэ́н.

Isajos 40:11

Сыр чхупна́ри Ёв ракхэ́ла Пэ́скирэ бакрэ́н; а бакрорэ́н лэ́ла Ёв пэ васта́ и явэ́ла тэ лыджа́л пэ Пэ́скиро колы́н, и савэ́ дэ́на тхуд тэ лыджа́л.

Isajos 6:8

Мэ шундём Ра́скирэ-Дэвлэ́скири зан. Ёв пхэнэлас: “Конэ́с Ма́нгэ тэ бичхавав? Кон подджа́ла ваш Амэ́нгэ?” Мэ пхэндём: “Акэ, мэ сом, бичха́в ман.”

Гиленгири (Соломоно́скири) Гилы́ 1:8

Ко́ли ту на джинэсас, най гожэдыр машки́р джувлендэ, джа́ пир бакрэ́нгирэ шпэры (сляды), и чарав пэ́скирэ бузнорэн (козлорэн) пашы́л чхупнарьенгирэ ша́тры,

Filimon 1:14

нэ мэ на камдём тэ кэра́в дава́ би тырэ́-лавэскиро, соб (кай) тэ явэ́л тыро́ лачхипэ́н на пир дова́, со тут зачхувэна, а пир ило́;

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Римлянэнгэ 1:15

адя́кэ-паць и мэ ужакирава, ко́ли сашты́, соб (кай) тэ роспхэнав бахталы́ зан (звесь) и тумэ́нгэ, кон дживэ́ла кэ Римо.

Apostolengiri Butý 21:13

Нэ Па́вли отпхэндя́: “Со тумэ́ кэрэ́на? Со́скэ тумэ́ ровэна и кушэна миро ило́? Мэ кама́м тэ явав на со пхандло, нэ и тэ мэрав дро Ерусалимо пал Дэвлэ́скирэ-Исусо́скиро лав.

Ереме́ё 13:20

Ѓаздэн тумарэ́ якха́ и дыкхэ́н, со джа́ла пэ тумэ́ндэ паш-ратитконэ́ (севернонэ) рига́тыр. Кай тыро́ ґурто, шука́р ґурто, саво́ сыс дыно́ ту́кэ?

Ереме́ё 8:10

Палдава́ Мэ да́ва лэ́нгирэ ромне́н явирэ́нгэ, и лэ́нгирэ фэ́лды кодолэ́ манушэ́нгэ, савэ́ явэ́на хулая́ пэ лэ́ндэ. Пал-дова́ со кажно лэ́ндыр тыкнэстыр кэ са́мо барэды́р исын присыклыно и ґа́лко кэ барвалыпэ́н: пророкостыр кэ раша́й – кажно лэ́ндыр кэрэ́ла начачунэс.

Čysly 18:7

и ту, и тырэ́ чхавэ́ ту́са, дыкхэ́н пал тумари́ свэнтыма дро саро́, со исын алтарёскиро и со исын андра́л пал шы́рма, и дынаринэ́н; тумэ́нгэ дава́ Мэ дрэ да́ро свэ́нто дынарибэ́н, а яви́р ману́ш, и саво́ подджа́ла, отдыно́ явэ́ла мэрибна́скэ.

Apostolengiri Butý 20:29

Мэ джино́м, со ке́ли ман на явэ́ла, кэ тумэ́ явэ́на холямэ́ мануша́, сыр рува́, савэ́ на явэ́на тэ тангинэн (жалинэн) дэвлытконэн;

4 Kralip 12:6

Нэ сыр кэ биш тэ три́то бэрш, ке́ли лыя́ тэ кралинэ́л Иоа́со, рашая́ на подкэрдэ пхагирибэн дро Кхангири́,

Езэкилё 46:24

И пхэндя́ ёв ма́нгэ: “Акэ исын кэраибнытка шту́бы, кай Кхангирья́кирэ (Храмоскирэ) дына́рья кэравэна свэ́нта дыибэна́ (жэртвы) народо́стыр.”