1 Petr 5:12 - Библия - Пэ Балтитко Романи чиб (Романэс) 2019

¹² Мэ чхиндём дава́ набаро́ лыл тумэ́нгэ пир Силуаностэ, саво́ исын чачуно́ тумаро́ пшал, сыр мэ думинава, соб (кай) тэ подрикирав тумэн, рипири тэ допхэнав, со дава́ исын чачуно́ Дэвлэ́скиро бахтякирибэ́н, дро саво́ тумэ́ зоралэ́с сан тэрдэ́.

Biblija - Pe Baltitko Romani čib (Romanes) 2019

¹² Me čhindjom davá nabaró lyl tuménge pir Siluanoste, savó isyn čačunó tumaró pšal, syr me duminava, sob (kaj) te podrikirav tumen, ripiri te dophenav, so davá isyn čačunó Devléskiro bahtiakiribén, dro savó tumé zoralés san terdé.

1 Petr 5:12 Referans Kwoze

Юдэ́нгэ 13:22

Мэ древа́н манга́ва тумэн, пшала́лэ, тэ прилэ́н миро лав сыр подрикирибэ́н, мэ на́бут и чхиндём тумэ́нгэ.

Apostolengiri Butý 11:23

саво́, ке́ли явдя́, дыкхця́ Дэвлэ́скиро бахталыпэ́н, и ёв древа́н обрадындяпэ и подрикирэлас сарэ́н, соб (кай) ёнэ тэ явэ́н дро патяибэ́н дрэ Растэ-Дэвлэ́стэ сарэ́ пэ́скирэ илэ́са;

2 Коринфянэнгэ 1:19

Пал-дова́ со Дэвлэ́скиро Чхаво́, Ису́со Христо́со, пал Конэ́стэ амэ пхэнасас лав тумэ́нгэ – мэ, Силуано, Тимофеё (Хи́ма) – на сыс Одова́, Конэ́стэ лав “нэ” исын дова́-паць, со и лав “над”; а Лэ́стэ сыс лав “нэ”:

1 Коринфянэнгэ 15:1

Нэ тумэ́ рипирэ́н, пшала́лэ, бахталы́ зан (звесь), сави́ мэ роспхэндём тумэ́нгэ, сави́ тумэ́ адя́кэ-паць прилынэ́, пэ сави́ тумаро́ патяибэ́н адя́кэ-паць рикирлапэ;

Apostolengiri Butý 20:24

Нэ мэ ни пэ со дава́ на дыкха́ва, и мэ на дарава пал пэ́скиро джиибэ́н, екх ма́нгэ трэй тэ проджав миро дром и тэ кэра́в рэ́ндо (де́ло), саво́ дыя́ ма́нгэ Рай Дэвэ́л, Ису́со Христо́со, тэ лыджав бахталы́ зан (звесь) манушэ́нгэ пал Дэвлэ́скиро бахталыпэ́н.

2 Фесалоникийцэнгэ 1:1

Павли́стыр, Силуаностыр и Химастыр (Тимофеёстыр) Фесалоникийцэнгирэ-кхангирья́кирэ патяибнаскирэнгэ, савэ́ исын Дэвлэ́скирэ, амарэ́ Дадэ́скирэ и Ра́скирэ-Дэвлэ́скирэ, Исусо́скирэ Христосо́скирэ мануша́.

1 Фесалоникийцэнгэ 1:1

Павли́стыр и Силуаностыр и Химастыр, Фесалоникийцэнгирэ-кхангирья́кирэ скэдыибнаскэ, саво́ исын Дэвлэ́скирэ Дадэ́скиро и Ра́скирэ-Дэвлэ́скиро, Исусо́скиро Христосо́скиро: мэк тэ явэ́л бахталыпэ́н тумэ́нгэ и рама́нё (миро).

Juda 1:3

Дро́га мирэ́! Мэ камдём хачкирдэ́ илэ́са тэ чхинав тумэ́нгэ пал амаро́ кхэтано зракхибэ́н, мэ гиндём, со трэиндя́ тэ чхинав тумэ́нгэ, соб (кай) тэ подрикирав тумэн тэ тэрдён пал патяибэ́н, саво́ е́кхвар и ваш сарэ́нгэ Дэвэ́л дыя́ свэнтонэ́ манушэ́нгэ.

3 Ian 1:12

Сарэ́ допхэнэна лачхипэ́н пал Дмитриёстэ (Митрастэ), и чачипэ́н адя́кэ-паць пал лэ́стэ; амэ адя́кэ-паць дочхуваса амаро́ допхэныбэ́н и тумэ́ джинэ́на, со амаро́ допхэныбэ́н исын чачуно́.

2 Petr 2:15

ёнэ мэкнэ́ чачуно́ дром, ёнэ ячнэ́ хасибны́тка; ёнэ гинэ́ пала́л пир Валамоскиро, Васороскирэ-чхавэ́скиро дром, саво́ тырдыяпэ кэ ловэ́ пал дова́, со ёв кэрдя́ начачунэс,

2 Petr 1:12

Ваш дава́ мэ ние́кхвар на пириячава тэ рипирав ишчо (инкэ́) тумэ́нгэ пал дава́, на дыкхи́ пэ дова́, со дава́ тумэ́ миштэ́с джинэ́н, и тумэ́ зоралэ́с рикирэнапэ пал чачипэ́н акана́.

Колосянэнгэ 4:9

ёв явэ́ла кэ тумэ́ кхэтанэ́ Анисимоса, амарэ́ патяибнытконэ и дрогонэ́ пшалэса, саво́ исын тумэ́ндыр: ёнэ роспхэнэна тумэ́нгэ пал саро́, сыр амэ ада́й сам.

Колосянэнгэ 4:7

Пал ма́ндэ саро́ роспхэнэ́ла тумэ́нгэ Тихико, дро́го пшал и патяибны́тко кхангирья́киро дына́ри и дру́го (мал) пир буты́ дрэ Растэ-Дэвлэ́стэ,

Колосянэнгэ 1:7

сыр тумэ́ высыклынэ Епафрасостыр, амарэ́ дрогонэ́ малэстыр-писхаристыр пир буты́, саво́ исын чачуно́ Христосо́скиро дына́ри (служытелё) ваш тумэ́нгэ,

Эфесянэнгэ 6:21

Нэ соб (кай) и тумэ́ адя́кэ-паць тэ джинэ́н пал дава́, со отлыджалапэ кэ мэ и пал мирэ́ рэ́нды, дова́ роспхэнэ́ла тумэ́нгэ пал саро́ Тихико, амаро́ дро́го пшал и чачуно́ Ра́скирэ-Дэвлэ́скиро дына́ри;

Эфесянэнгэ 3:3

пал-дова́ со ма́нгэ отчхакирдяпэ чораханыбэн, пал со мэ англэды́р чхиндём на́бут тумэ́нгэ,

2 Коринфянэнгэ 1:24

Амэ на рикираса упралыпэ́н пэ тумаро́ патяибэ́н, нэ амэ кэра́са буты́ кхэтанэ́ ваш тумари́ ра́дыма, пал-дава́ со тумаро́ патяибэ́н исын зорало́.

Римлянэнгэ 5:2

пир Савэ́стэ амэ сам домэкнэ пир патяибэ́н кэ дава́ бахтякирибэ́н, дрэ саво́ амэ какана́ дживаса, и амэ радынасапэ, со амэ́ндэ исын наде́я пэ Дэвлэ́скири сла́ва.

Joannostir 21:21

Пэ́три дыкхця́ лэс и ракирэ́ла Исусо́скэ: “Раё Дэ́вла! Нэ со явэ́ла лэ́са?

Apostolengiri Butý 15:22

Тэды Апо́столы и годэпхурэ́ пириракирдэ манушэ́нца пэ́скирэ Кхангирья́тыр и выкэдынэ́ вари-кицы́ пэ́скирэ манушэ́н ваш дова́, соб (кай) лэн тэ бичхавэн дрэ Антио́хия Павлиса и Варнаваса: Юдас, савэ́с кхардэ́ о Варна́ва, и Силас, савэ́ сыс лыджаибна́скирэ (шэрэ́ мануша́) (вожди) машки́р пшалэ́ндэ,

1 Petr 1:13

Ваш дава́ рискирэ́н пэ́скири годы́ тэ кэрэ́н лачхипэ́н, на совэн, рикирэ́н пхэрдэ́с наде́я пэ бахтякирибэ́н, саво́ явэ́ла дыно́ тумэ́нгэ, ке́ли явэ́ла Ису́со Христо́со;

1 Petr 4:10

дынаринэ́н екх екхэ́скэ долэ́ таланоса, саво́ тумэ́ дорэснэ́ Дэвлэ́стыр сы́рбы лачхэ́ кхэри́тка барыдыра́ тэ пиридэ́н манушэ́нгэ ра́зна Дэвлэ́скирэ бахтякирибэна.