1 Petr 4:3 - Библия - Пэ Балтитко Романи чиб (Романэс) 2019

³ Пал-дова́ со ухты́лла (до́си) дова́, со тумэ́ англэды́р кэрэ́нас, сыр На́юды, савэ́ камэ́на тэ кэрэ́н: ке́ли тумэ́ рикирдэ пэс дрэ на́гожа рэ́нды (де́лы), дро на́лачхо камибэн дрэ маса́, дро пибэ́н магирибнаса, дро дылыно́ хабэ́н и пибэ́н би меракиро, дро биладжакуно мангипэ́н идолэ́нгэ.

Biblija - Pe Baltitko Romani čib (Romanes) 2019

³ Pal-dová so uhtýlla (dósi) dová, so tumé angledýr kerénas, syr Náiudy, savé kaména te kerén: kiéli tumé rikirde pes dre nágoža réndy (diély), dro nálačho kamiben dre masá, dro pibén magiribnasa, dro dylynó xabén i pibén bi mierakiro, dro biladžakuno mangipén idolénge.

1 Petr 4:3 Referans Kwoze

1 Коринфянэнгэ 6:11

Вари-савэ́ тумэ́ндыр са́нас адасавэ́. Нэ тумэ́ сан обмордэ, освэнцындлэ, нэ тумэ́ сан приджиндлэ сыр чачунэ́ амарэ́ Ра́скирэ-Дэвлэ́скирэ лавэ́са, Исусо́скирэ Христососкирэса и амарэ́ Дэвлэ́скирэ Духо́са.

Эфесянэнгэ 5:18

И на пьен кэ матыбэн мол, савья́тыр джа́ла на́лачхо джиибэ́н, нэ фэды́р пхэрдякирэн пэс Духо́са,

1 Фесалоникийцэнгэ 4:5

и тэ на поддэнпэ грэхитконэ́ тырдыпнаскэ, сыр дава́ кэрэ́на На́юды, савэ́ на джинэ́на Дэвлэ́с,

1 Petr 1:14

явэ́н сыр чхавэ́, савэ́ кандэ́на пэ́скирэ дадэн, и на дживэ́н пир пэ́скирэ-масэ́нгиро тырдыпэ́н, саво́ сыс ґарэдыр дрэ тумэ́ндэ, ке́ли тумэ́ на джиндлэ́ сыр тэ дживэ́н;

Galatenge 5:21

жалинэна лачхипэ́н явирэ́нгэ, пьена сыр матыбнарья, гулинэна бирипирибнаскирэс и бут яви́р; пал кадасавэндэ мэ пхэна́ва анги́л, сыр и ракирдём англэды́р, со, кон адя́кэ кэрэ́ла, на дорэсэ́ла паш дро Дэвлэ́скиро Кралипэ́н.

Galatenge 5:19

Ѓа́да, со кэрэ́на мануша́ пир лочакирэ камибэна: ёнэ кэрэ́на биладжаипэ́н, дживэ́на джувле́нца би сэвлакиро, лыджа́на пэс сыр мурдала́ (жывотна);

Езэкилё 45:9

Адя́кэ ракирэ́ла Рай-Дэвэ́л: “Ухты́лла (до́си), Израилёскирэ тхагарьялэ (кня́зи). Пириячэн тэ кэрэ́н нахрата рэ́нды тэ обчорэн. Кэрэ́н сэ́ндо и чачипэ́н, пириячэн тэ вытрадэн Миро народо лэ́скирэ пхувья́тыр, – ракирэ́ла Рай Дэвэ́л, Дэвэ́л.

Juda 1:4

Пал-дова́ со вари-савэ́ мануша́ чораханэ́с попынэ машки́р тумэ́ндэ, савэ́ ґара́ сыс отдынэ́ пэ сэ́ндо. Ёнэ исын бидэвлыткарья, ёнэ пиририскирдэ Дэвлэ́скиро бахтякирибэ́н дро вольныма тэ кэрэ́н, со камэ́на, и ёнэ на приґалёна Екхэ Рас-Барэс, амарэ́ Рас-Дэвлэ́с, Исусо́с Христосо́с.

Apostolengiri Butý 17:30

Палдава́ Дэвэ́л промэкця дова́ часо, ке́ли амэ на джиндям чачипэ́н, а Дэвэ́л какана́ ракирэ́ла сарэ́ манушэ́нгэ пир саро́ свэ́то, соб (кай) ёнэ тэ рискирэ́н пэ́скиро джиибэ́н кэ Дэвэ́л,

Езэкилё 44:6

Пхэн Израилёскирэ кхэрэ́скэ, кай нико́н на кандэ́ла Дэвлэ́с: Адя́кэ ракирэ́ла Рай Дэвэ́л, Дэвэ́л: “Ухты́лла (до́си) тэ кэрэ́н тумэ́нгэ, Израилёскиро кхэр, сарэ́ тумарэ́ джунгалэ́ рэ́нды.

Isajos 28:7

Нэ кадалэ́ пэрэ́на моля́тыр (виностыр), змарэнапэ дромэ́стыр, пал-дова́ со пинэ́ сикера (бравинта); раша́й и проро́ко матинэ, згинэ годятыр; на дыкхэ́на дыкхибэ́н, ёнэ на сэндякирэна, сыр трэй.

Titoske 3:3

Пал-дова́ со и амэ са́мас вари-ке́ли бигодякирэ, на кандыям и амэн; амэ са́мас писха́рья пэ́скирэ-масэнгирэ тырдыпнаскэ, амэ дживдям дро холы́ и зэвлыныпэ́н, древа́н бидыкхцям екх екхэ́с.

2 Коринфянэнгэ 12:21

соб (кай) миро Дэвэ́л тэ на́ чхувэ́л тэлэ́ ман пал тумэ́ндэ, ке́ли мэ ява́ва нэвэ́стыр, и, соб (кай) ма́нгэ тэ на рова́в пал бутэ́ндэ тумэ́ндэ, савэ́ кэрдэ́ грэ́хо и на отрисинэ нажужыпнастыр, биладжаипнастыр, ладжавэ рэндэ́ндыр, савэ́нца ёнэ залэнаспэ.

1 Коринфянэнгэ 12:2

Тумэ́ джинэ́на, со анги́л дова́, сыр тумэ́ ячнэ́ тэ патя́н Христосо́скэ, тумэ́ псирдэ́ екхэ́ немонэ́ идоло́стыр кэ яви́р, савэ́ сы́рбы лыджинэ́ тумэн.

Римлянэнгэ 13:13

Сыр и дывэсэ́, ява́са тэ лыджас пэс шука́р, на ява́са тэ хас на пир ме́ра, и на ява́са тэ матёвас, на ява́са тэ кэра́с марки и тэ кэра́с ладжавэ рэ́нды, на ява́са тэ выпробинас екх екхэ́с и тэ зэвлынас.

Marko 7:22

блэ́ндо, сквапныма, фротыма, холы́, ладжавэ рэ́нды, якхало, пхутькирибэ́н, дылныпэ́н.

Ереме́ё 16:18

Нэ анги́л Мэ отплэскирава пал лэ́нгиро чорипэ́н и лэ́нгиро грэ́хо дуй мо́лы, пал-дова́ со ёнэ магирдэ́ Мири́ пхув трупэнца джунгалэ́ (брыдконэ) идолэндыр, савэ́нца ёнэ пхэрдякирдэ Миро миштыпэ́н.”

Isajos 65:4

Бэшэла дрэ коплицы (гробницы) и ратькирэла дрэ ґеба́р (пешчэра); ха́ла балычано мас и на́лачхо (нажужо) хабэ́н исын дрэ лэ́скирэ чарэ́.

Isajos 5:11

Бида одолэ́нгэ, кон тасярлатыр пэ зло́ко (пэ ра́нко) родэ́ла бравинта и кэ рат хачкирэ́ла пэс моляса (виноса).

2 Паралипоменоно 15:8

Ке́ли шундя́ Аса́ далэ́ лава́ и ангилпхэныбэ́н (пророчыныбэн) Одедоскирэ-пророкоскирэ чхавэ́скирэ, тэды лыя́ пэс дрэ васта́ и вычхурдыя наюды́тка магирибэна сарэ́ пхувья́тыр Юдаскирьятыр и Вениаминоскирьятыр и форьндыр, савэ́ ёв лыя́ пэ Ефремо́скири бэ́рга, и нэвякирдя Ра́скирэ-Дэвлэ́скиро алта́рё, саво́ сыс анги́л трэ́мо Ра́скирэ-Дэвлэ́скиро.

3 Kralip 21:26

Ёв кэрдя́ древа́н брытка рэ́нды, ке́ли джа́лас пал и́долы, сыр кэрдэ́ Амореи, конэ́с о Рай Дэвэ́л традыя́ криг мо́стыр чхавэ́ндыр Израилёскирэн.”

2 Kralip 13:28

Авесало́мо припхэндя́ пэ́скирэ тэрнэ́ манушэ́нгэ, пхэни́: “Дыкхэ́н, сыр моля́тыр (виностыр) Амноноскиро ило́ явэ́ла хотно (весёло), и мэ пхэна́ва тумэ́нгэ: ‘Замарэ́н Амнонос,’ тэды замарэ́н лэс, на дарэ́н; дава́ мэ припхэнава тумэ́нгэ, явэ́н бидарипнаскирэ и муршканэ́.”

Ереме́ё 16:11

Тэ́ньци ту пхэнэ́са лэ́нгэ: ‘Пал-дова́ со тумарэ́ дада́ ячкирдэ́ Ман, – дава́ Мэ, Рай Дэвэ́л, ракира́ва: ёнэ гинэ́ пал явирэ дэвлорэндэ и ишчо (инкэ́) тумэ́ дынэ́ паты́в лэ́нгэ, и тумэ́ ячкирдэ́ Ман, и на рикирдэ Миро Зако́но.