1 Petr 4:10 - Библия - Пэ Балтитко Романи чиб (Романэс) 2019

¹⁰ дынаринэ́н екх екхэ́скэ долэ́ таланоса, саво́ тумэ́ дорэснэ́ Дэвлэ́стыр сы́рбы лачхэ́ кхэри́тка барыдыра́ тэ пиридэ́н манушэ́нгэ ра́зна Дэвлэ́скирэ бахтякирибэна.

Biblija - Pe Baltitko Romani čib (Romanes) 2019

¹⁰ dynarinén jekh jekhéske dolé talanosa, savó tumé doresné Devléstyr sýrby lačhé kherítka barydyrá te piridén manušénge rázna Devléskire bahtiakiribena.

1 Petr 4:10 Referans Kwoze

Marko 10:45

Адя́кэ и Чхаво́ Манушэ́скиро явдя́ на ваш дова́, соб (кай) Лэ́скэ тэ дынаринэ́н (тэ служынэн), нэ соб (кай) Ёв кокоро́ тэ дынаринэ́л и тэ отдэ́л Пэ́скиро джиибэ́н, сыр выкиныбэ́н пал бутэндэ.”

Юдэ́нгэ 6:10

Пал-дова́ со Дэвэ́л нанэ напатяибнаскиро и Ёв на бистрэла тумари́ буты́ и паты́в кэ яви́р мануша́, савэ́ тумэ́ кэрдэ́ ваш Лэ́скиро лав, ке́ли тумэ́ помогинэнас (дэ́нас васта́) и какана́ помогинэна дэвлытконэнгэ.

1 Коринфянэнгэ 15:10

Пир Дэвлэ́скиро бахталыпэ́н мэ сом адасаво́, сыр исын, и бахталыпэ́н, саво́ Ёв дыя́ ма́нгэ, на сыс ивья́; нэ мэ кэрдём буты́ буты́р лэ́ндыр сарэ́ндыр; нэ дава́ на адя́кэ сыс мири́ буты́, а сыр Дэвлэ́скиро бахталыпэ́н, со сыс ма́нца.

1 Коринфянэнгэ 3:10

Мэ чхудём фунда́менто пир тала́но (дарованиё) бахталыпнастыр, саво́ Дэвэ́л дыя́ ма́нгэ сыр годьваро́ архитекторо, а яви́р ману́ш кэрэ́ла кхэр пэ дава́ фунда́менто. Нэ кажно дыкх, сыр ёв кэрэ́ла кхэр.

Эфесянэнгэ 4:11

и Ёв чхудя́ вари-конэ́с Апостолэнца, вари-конэ́с пророкэнца, вари-конэ́с тэ роспхэнэ́н манушэ́нгэ бахталы́ зан, вари-конэ́с Дэвлытконэ́-манушэ́нгирэ ракхибнарье́нца и вари-конэ́с сыклякирибнаскирэ́нца,

Римлянэнгэ 15:27

Ёнэ кокорэ́ закамлэ дава́, пал-дова́ со ёнэ исын вужлэ анги́л лэ́ндэ, ко́ли На́юды ячнэ́ кхэтанэ́ Юдэнца дро Духоскиро бахтякирибэ́н, тэды лэ́нгэ трэй тэ помогинэн лэ́нгэ и пэ джиибэ́н.

Titoske 1:7

Пал-дова́ со пхурыдырэ́ пшалэ́скэ трэй тэ явэ́л бидошакирэскэ, сыр Дэвлэ́скирэ-кхэритконэ́ барыдырэ́скэ, соб (кай) ёв тэ на гинэл пэс древа́н годьварэса, тэ на явэ́л холынакиро, матымари, пхутькирдо, розмарибнари, тэ на явэ́л ёв ґа́лко кэ барвалыпэ́н;

Эфесянэнгэ 3:8

Ма́нгэ, кон исын най тыкнэды́р сарэ́ дэвлытконэндыр, сыс дыно́ дава́ бахтякирибэ́н тэ роспхэнав Наюдэ́нгэ пал Христосо́скиро барвалыпэ́н, саво́ ние́кхвар на хасёла.

Luka 12:42

И пхэндя́ Рай Дэвэ́л: “Кон тэды исын патяибны́тко и годьваро́ писха́ри, конэ́скэ лэ́скиро хула́й дыя́ зор пэ лэ́скирэ бутярнэндэ, соб (кай) тэ дэл лэ́нгэ лэ́нгири паш марэстыр дро часо, саво́ трэй?

1 Коринфянэнгэ 4:7

Палдава́, кон жа выкэдэ́ла тут явирэндыр? И со исын ту́тэ, со на сыс дыно́ ту́кэ? Тэды со́скэ ту шарэсапэ, сы́рбы ту на дорэсцян (на долыян) дава́ сыр тала́но?

Luka 19:13

Ёв кхардя́ кэ пэ пэ́скирэ дэшэ писхарье́н и дыя́ дэш мины кажнонэ́скэ, и пхэндя́ лэ́нгэ: ‘Кофаринэн лэ́нца (мэкэ́н лэн дро рэ́ндо), пака мэ ява́ва’.

Luka 8:3

Иана, Хузаскири ромны́, саво́ сыс Иродоскирэ-кхэрэ́скиро барыдыро́; и Сусанна, и бут яви́р джувля́, савэ́ помогинэнас Исусо́скэ пэ́скирэ миштыпна́стыр.

2 Коринфянэнгэ 6:1

Сыр амэ кэра́са буты́ кхэтанэ́ Дэвлэ́са, амэ манга́са тумэн тэ на бистрэн пал Дэвлэ́скиро бахталыпэ́н, со тумэ́ прилынэ́ лэс на ивья́ (на напра́снэс):

Римлянэнгэ 15:25

нэ какана́ мэ джа́ва дро Ерусалимо тэ дынаринав свэнтонэнгэ;

Матфеё 25:44

Тэды отпхэнэна и ёнэ: ‘Раё Дэ́вла, ке́ли амэ дыкхцям Тут, со Ту са́нас бокхало, ци сыр ту́тэ сыс трэ́бима тэ пьес, ци Ту са́нас чу́жо ману́ш, ци би урибнаскиро, ци насвало́ ци дро штарибэ́н и на дыям васт Ту́кэ?’

Матфеё 20:28

адя́кэ сыр Чхаво́ Манушэ́скиро явдя́ на ваш дова́, соб (кай) Лэ́скэ тэ дынаринэ́л, нэ соб (кай) Ёв тэ дынаринэ́л и тэ отдэ́л Пэ́скиро джиибэ́н, сыр выкиныбэ́н пал бутэндэ.”

2 Ximaske 1:18

мэк Рай Дэвэ́л тэ тангинэ́л лэс дро Пэ́скиро Дывэ́с, сыр Ёв явэ́ла; ту фэды́р джинэ́са, ци бут ёв дынариндя́ ма́нгэ дро Ефесо.

Матфеё 24:45

Кон тэды исын патяибны́тко и годьваро́ писха́ри (ра́бо), конэ́скэ лэ́скиро хула́й дыя́ зор пэ лэ́скирэ бутярнэндэ, соб (кай) тэ дэл тэ хал лэ́нгэ дро часо, саво́ трэй?

Матфеё 24:14

И явэ́ла тэ пхэнэлпэ бахталы́ зан (звесь) пал Дэвлэ́скиро Кралипэ́н пир саро́ свэ́то сыр допхэныбэ́н ваш сарэ́ на́цыи; и тэды явэ́ла ко́нцо (яго́ро)!

2 Коринфянэнгэ 9:1

Мэ думинава, со на трэй тэ чхинав пал дынарибэ́н (служэниё) тэ дэн васт свэнтонэнгэ;

Матфеё 24:21

пал-дова́ со тэды явэ́ла дасави́ биба́хт, сави́ на сыс свэто́скирэ англыпна́стыр, и со буты́р на явэ́ла ние́кхвар;

1 Petr 5:10

Нэ Дэвэ́л, Саво́ бахтякирэ́ла, и Саво́ кхардя́ тумэн дрэ вечна Пэ́скири сла́ва, ко́ли тумэ́нгэ и приявэлапэ набаро́ часо тэ страдынэл, Ёв Кокоро́ кэрэ́ла тумэн зоралэды́р и дэ́ла зор, соб (кай) тумэ́ тэ на кунинэнпэ дро пэ́скиро патяибэ́н;

1 Petr 5:12

Мэ чхиндём дава́ набаро́ лыл тумэ́нгэ пир Силуаностэ, саво́ исын чачуно́ тумаро́ пшал, сыр мэ думинава, соб (кай) тэ подрикирав тумэн, рипири тэ допхэнав, со дава́ исын чачуно́ Дэвлэ́скиро бахтякирибэ́н, дро саво́ тумэ́ зоралэ́с сан тэрдэ́.

Матфеё 25:17

Адя́кэ-паць кодова́, саво́ дорэсця́ дуй тала́нты, закэрдя ишчо (инкэ́) дуй тала́нты.