1 Petr 3:21 - Библия - Пэ Балтитко Романи чиб (Романэс) 2019

²¹ дава́ пани́ исын сы́рбы копия долэ́скэ, ке́ли амэ боласапэ и со зракхэ́ла амэн. Дава́ нанэ мэлалэ́-лоча́киро обморибэн, а тумэ́ дэ́на лав лачхэ́ патыва́са Дэвлэ́скэ пир Исусо́скирэ-Христосо́скиро отджидыипэн,

Biblija - Pe Baltitko Romani čib (Romanes) 2019

²¹ davá paní isyn sýrby kopija doléske, kiéli ame bolasape i so zrakhéla amen. Davá nane melalé-ločákiro obmoriben, a tumé déna lav lačhé patyvása Devléske pir Isusóskire-Xristosóskiro otdžidyipen,

1 Petr 3:21 Referans Kwoze

Marko 16:16

Одолэ́, савэ́ патя́на и явэ́на тэ болэнпэ, явэ́на зракхнэ́. Нэ одолэ́, савэ́ на явэ́на тэ патя́н-явэ́на сэндиндлэ.

Apostolengiri Butý 2:38

Пэ́три пхэндя́ лэ́нгэ: “Рискирэ́н пэ́скиро джиибэ́н кэ Дэвэ́л, мэк кажно ману́ш тумэ́ндыр тэ болэлпэ дро Исусо́скиро Христосо́скиро лав, соб (кай) тэ отмэкэнпэ тумарэ́ грэ́хи, и тумэ́нгэ явэ́ла отдыибэ́н Дэвлэ́стыр-Свэ́нто Ду́хо (Фа́но).

Galatenge 3:27

И сарэ́ тумэ́, савэ́ болдэпэ дро екхипэ́н Исусо́са Христосо́са, тумэ́ сы́рбы кхэтанякирдэпэ Христосо́са пир Свэ́нто Ду́хо (Фа́но).

Apostolengiri Butý 22:16

И со ту какана́ ужакирэса? Ушты́, джа́ тэ прилэс болдэипэн, и соб (кай) тэ морэнпэ криг грэ́хи тырэ́, ке́ли помангэсапэ Дэвлэ́скэ ваш Ра́скирэ-Дэвлэ́скиро, Исусо́скиро лав.”

Эфесянэнгэ 5:26

соб (кай) тэ кэрэ́л Кхангири́ свэнтонаса, тэ выжужакирэл ла пане́са и Дэвлэ́скирэ лавэ́са,

1 Petr 1:3

Мэк тэ явэ́л бахтякирдо́ Дэвэ́л Дад амарэ́ Ра́скирэ-Дэвлэ́скиро, Исусо́скирэ Христосо́скиро, Саво́ пир Пэ́скиро баро́ тангипэ́н дыя́ амэ́нгэ яви́р джиибэ́н, ке́ли отджидякирдя́ Исусо́с Христосо́с мулэ́ндыр, соб (кай) амэ́ндэ тэ явэ́л джиды наде́я,

1 Коринфянэнгэ 12:13

Пал-дова́ со амэ болдямпэ екхэ Духо́са дро екх маса́, – Юды ци Гре́ки (Баламэ́), – писха́рья ци вольна мануша́, и сарэ́нгэ амэ́нгэ сыс дыно́ тэ прилас екх Ду́хо (Фа́но).

Колосянэнгэ 2:12

ке́ли тумэ́ болдэпэ, то тумэ́ сы́рбы мынэ́ кхэтанэ́ Лэ́са, дрэ Лэ́стэ тумэ́ и отджидынэ пир патяибэ́н дрэ Дэвлэ́скири зор, Саво́ отджидякирдя́ Христосо́с мулэ́ндыр.

Матфеё 28:19

Палдава́ джа́н, сыклякирэ́н сарэ́ на́цыи, болэн лэн дро лав Дадэ́скиро, Чхавэ́скиро и Свэнтонэ́ Духоскиро (Фаноскиро);

Юдэ́нгэ 9:24

Пал-дова́ со Христо́со загия́ на дрэ Свэ́нто Штэ́то, саво́ кэрдэ́ манушэ́нгирэ васта́, и саво́ исын патри́н (копия) долэ́ Штэтоскиро, со исын дро Болыбна́скиро Раё. Ёв загия́ дро Болыбна́скиро Раё, соб (кай) тэ тэрдёл пал амэ́ндэ анги́л Дэвлэ́стэ:

1 Ximaske 6:12

Марпэ пал лачхо́ патяибэ́н и ве́чно джиибэ́н, кэ саво́ тут Дэвэ́л кхардя́, и пал саво́ ту патывалэс приґалыян анги́л бутэ́ якхитконэндэ (свидетелендэ).

2 Коринфянэнгэ 7:1

Палдава́, ко́ли амэ́нгэ сыс дынэ́ дасавэ́ лава́, мирэ́ дро́га, жужакираса пэс сарэ́стыр, со мэлякирэла амари́ лоч (плоть) и ду́хо (фа́но) и ява́са тэ джива́с сарэ́са свэнтонэс дро дар анги́л Дэвлэ́стэ.

1 Коринфянэнгэ 4:6

Ѓа́да, дава́ саро́, отлыджалапэ кэ мэ и кэ Аполосо ваш тумаро́ миштыпэ́н, соб (кай) тумэ́ тэ сыклён амэ́ндыр тэ на думинэн вучыдыр кодолэстыр, со исын чхиндло́, и тэ на пхутён екх анги́л екхэ́стэ.

Apostolengiri Butý 16:33

И ёв дрэ доя́-паць рат обмордя лэ́нгэ ратвалэ́ штэ́ты, савэ́ сыс лэ́ндэ марибнастыр, и ёв и сарэ́ лэ́скирэ кхэри́тка болдэпэ.

Apostolengiri Butý 8:36

Ёнэ гинэ́ пир дром и явнэ́ кэ пани́ и евнухо пхэндя́: “Ѓа́да, исын пани́, со́скэ ма́нгэ тэ на болавпэ?”

Заха́рия 13:1

Дро дова́ дывэ́с псиравэлапэ (откэрэлапэ) ґанынгори ваш Давидо́скиро кхэр и Ерусалимо́скирэ манушэ́нгэ, соб (кай) тэ выморэн (тэ халавэн криг) лэ́ндыр грэ́хо и кажно мэлалыпэн.

Римлянэнгэ 5:14

нэ мэрибэ́н рикирдя зор пэ манушэ́ндэ Адамостыр кэ Мо́йза, адя́кэ-паць и пэ одолэ́ндэ, кон на кэрдя́ дасаво грэ́хо, сыр Адамо, саво́ сыс, сыр о́бразо Одолэ́скэ, Конэ́скэ трэиндя́ тэ явэ́л.

Юдэ́нгэ 11:19

ёв думиндя пэ́скэ, со Дэвлэ́стэ исын зор и мулэ́ндыр тэ отджидякирэл лэ́скирэ чхавэ́с, и сы́рбы Авраа́мо дорэсця́ лэс палэ.

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

1 Ximaske 1:5

Дава́ припхэныбнаскиро чачипэ́н исын дро паты́в кэ яви́р мануша́ жужэ́ илэ́стыр и лачхэ́ патыватыр и чачунэ́ патяибнастыр,

Юдэ́нгэ 9:14

то ци пэ бут бутэды́р выжужакирэ́ла амэн Христосо́скиро рат, Саво́ пир ве́чно Ду́хо (Фа́но) яндя́ Пэс бидоша́кирэс, соб (кай) тэ выжужакирэл амари́ паты́в мулэ́ рэндэ́ндыр тэ дынарина́с джидэ́ Дэвлэ́скэ?

Юдэ́нгэ 10:22

палдава́ явэ́н пашылэды́р кэ Дэвэ́л чачунэ́ илэ́са, пхэрдэ́ патяибна́са, соб (кай) тэ явэ́н амарэ́ илэ выжужакирдэ грэхэ́ндыр и тэ на чуинас фуес, со амэ сам бангэ́; тэ явэ́н амарэ́ маса́ обмордэ жужэ́ пане́са.

Юдэ́нгэ 13:18

Мангэ́нпэ пал амэ́ндэ: амэ зоралэ́с патя́са, со амэ саро́ кэра́са жужэ́ патыва́са и дживаса пир чачипэ́н.

1 Petr 3:16

тэ явэ́л тумэ́ндэ лачхи́ паты́в, соб (кай) одолэ́ мануша́, савэ́ ракирэ́на проти тумэ́ндэ, тэ явэ́н ладжакирдэ́, ке́ли ёнэ нашукар отлыджанапэ кэ тумэ́ пал тумаро́ лачхо́ джиибэ́н дрэ Христосо́стэ.

Joannostir 13:9

Тэды Пэ́три ракирэ́ла Лэ́скэ: “Раё Дэ́вла! Мор, на екх ґэра́ и васта́ мирэ́, нэ и шэро́.”

Apostolengiri Butý 8:37

Филипо пхэндя́ лэ́скэ: “Ко́ли (со) ту патя́са сарэ́ илэ́стыр, сашты́.” Ёв пхэндя́: “Мэ патя́ва, со Ису́со Христо́со исын Дэвлэ́скиро Чхаво́.”