1 Petr 3:2 - Библия - Пэ Балтитко Романи чиб (Романэс) 2019

² и ке́ли рома́ явэ́на тэ дыкхэ́н тумаро́ дэвлы́тко джиибэ́н, и дова́, со тумэ́ дэ́на паты́в лэ́нгэ и дарэ́н Дэвлэ́стыр;

Biblija - Pe Baltitko Romani čib (Romanes) 2019

² i kiéli romá javéna te dykhén tumaró devlýtko džiibén, i dová, so tumé déna patýv lénge i darén Devléstyr;

1 Petr 3:2 Referans Kwoze

1 Petr 2:12

и дживэ́н пир чачипэ́н машки́р Наюдэ́ндэ, соб (кай) одолэ́, кон ракирэ́ла чорипэ́н пэ тумэ́ндэ, со тумэ́ сан фуй, тэ дыкхэ́н тумарэ́ лачхэ́ рэ́нды и тэ славинэ́н Дэвлэ́с, ке́ли Ёв явэ́ла.

1 Petr 1:15

нэ пал-дова́ со Ёв исын Свэ́нто, Саво́ кхардя́ тумэн, явэ́н кокорэ́ свэ́нта дро саро́, со тумэ́ кэрэ́на;

Filipiicenge 1:27

Дживэ́н гожэс адя́кэ, соб (кай) тэ явэ́н лачхэ́ Христосо́скирэ – бахталэ́ занякэ (звесякэ), соб (кай) мэ, ке́ли ява́ва и дыкха́ва тумэн, ци на ява́ва, нэ соб (кай) тэ шунав тумэ́ндэ, со тумэ́ сан тэрдэ́ зоралэ́с дро екх ду́хо (фа́но), со тумэ́ марэнапэ кхэтанэ́ пал патяибэ́н дрэ бахталы́ зан (звесь),

2 Petr 3:11

Пал-дова́ со ко́ли сарэ́ частыра (предметы) явэ́на биладэ, то тэды тумэ́нгэ трей тэ дживэ́н свэнтэс и тэ отдэ́н пэс Дэвлэ́скэ;

Эфесянэнгэ 5:33

Нэ и адя́кэ-паць мэк кажно амэ́ндыр тэ сыкавэ́л паты́в пэ́скирэ ромня́кэ, сыр кокоро́ пэ́скэ; и мэк джувлы́ тэ дарэл пэ́скирэ ромэстыр.

Колосянэнгэ 3:22

Писхарьялэ, кандэ́н дро саро́ пэ́скирэ пхувья́кирэ хулан дрэ лоч, дынаринэ́н (служынэн) лэ́нгэ, на ваш дова́, соб (кай) тэ шарэ́н мануша́, нэ кэрэ́н дава́ сарэ́ илэ́стыр.

Filipiicenge 3:20

пал-дова́ со амэ сам джиибнарья тхэмэстыр (штэто́стыр), саво́ исын дро Болыбна́скиро Раё, одотхы́р амэ ужакираса и амарэ́ Зракхибнарис Рас-Дэвлэ́с, Исусо́с Христосо́с,

Эфесянэнгэ 6:5

Писхарья́лэ(рабы), кандэ́н пэ́скирэ хулан пэ пхув пир лоч, кутякирибна́са (вага́са) и дара́са сарэ́ тумарэ́ илэ́стыр, сыр Христосо́с;

1 Ximaske 4:12

Мэк ние́кх тэ на дыкхэ́л вучипна́стыр пэ ту́тэ пал тыро́ тэрныпэн; нэ сыка́в пэс дэвлытконэса патяибнаскирэнгэ дро лав, дро джиибэ́н, дрэ паты́в кэ яви́р мануша́, дро ду́хо (фа́но), дро патяибэ́н, дрэ жужыма.

1 Petr 3:1

Адя́кэ-паць и джувля́лэ, кандэ́н пэ́скирэ ромэн, со ко́ли вари-кон лэ́ндыр на патя́ла Дэвлэ́скирэ лавэ́скэ, тэды тумэ́ пэ́скирэ джиибнаса сы́рбы пирикэрэна лэн, со ёнэ би лавэскиро явэ́на тэ патя́н Дэвлэ́скэ,

1 Petr 3:3

мэк тэ явэ́л тумаро́ шукарипэ́н на дро балэнгиро закхувибэн и на дро сувнака́й, со исын пэ тумэ́ндэ и на дро барвало́ урибэ́н;