1 Petr 2:9 - Библия - Пэ Балтитко Романи чиб (Романэс) 2019

⁹ Нэ тумэ́ сан выкэдынэ́ бияныпнастыр, кралитка рашая́, свэ́нта мануша́ Дэвлэ́скирэ миштыпна́стыр, соб (кай) тэ выпхэнэн лачхипэ́н пал Лэ́стэ, Саво́ кхардя́ тумэн калыпна́стыр дро дивно Лэ́скиро дуд (свэ́то);

Biblija - Pe Baltitko Romani čib (Romanes) 2019

⁹ Ne tumé san vykedyné bijanypnastyr, kralitka rašaja, svénta manušá Devléskire mištypnástyr, sob (kaj) te vyphenen lačhipén pal Léste, Savó khardiá tumen kalypnástyr dro divno Léskiro dud (svéto);

1 Petr 2:9 Referans Kwoze

Яви́р Зако́но 7:6

пал-дова́ со Растэ-Дэвлэ́стэ, тумарэ́ Дэвлэ́стэ, тумэ́ сан свэ́нта мануша́: тумэн выкэдыя́ Рай Дэвэ́л, Дэвэ́л тумаро́, соб (кай) тумэ́ тэ явэ́н екхэ Лэ́скирэ мануша́ (манушэ́нца) сарэ́ манушэ́ндыр, савэ́ исын пэ пхув.

Sykadyipén 1:6

Саво́ создыя́ амэ́ндыр раша́нгиро Кралипэ́н тэ дынаринэ́л Лэ́скирэ Дэвлэ́скэ и Дадэ́скэ, мэк сла́ва и зоралыпэ́н тэ явэ́л пэ сарэ́ ве́ки. Ами́нь.

Sykadyipén 5:10

И Ту кэрдя́н лэ́ндыр раша́нгиро Кралипэ́н, савэ́ явэ́на тэ кралинэн пэ пхув.”

Isajos 61:6

А тумэ́ явэ́на тэ кхарэнпэ Ра́скирэ-Дэвлэ́скирэ рашанца, тумэн кхарна амарэ́ Ра́скирэ-Дэвлэ́скирэ дынарье́нца; тумэ́ явэ́на тэ лэн ко́фо барвалэ́ народэнгирэ барвалыпнастыр, тумэ́ явэ́на шардэ лэ́нгирэ барипнаса.

2 Ximaske 1:9

Ёв, Саво́ зракхця́ и кхардя́ амэн кэ свэ́нто джиибэ́н на пир амарэ́ рэ́нды, а пир Пэ́скири дума и бахталыпэ́н, саво́ сыс дыно́ амэ́нгэ пир Исусо́стэ Христосо́стэ анги́л, сыр свэ́то яця́,

Яви́р Зако́но 14:2

пал-дова́ со тумэ́ сан свэ́нта мануша́ Растэ-Дэвлэ́стэ, Дэвлэ́стэ тумарэстэ, и тумэн выкэдыя́ Рай Дэвэ́л, соб (кай) тумэ́ тэ явэ́н екх Лэ́скирэ мануша́ сарэ́ манушэ́ндыр, савэ́ исын пэ пхув.

1 Petr 2:5

и кокорэ́ тумэ́, савэ́ сан сы́рбы джидэ́ бара́, кэрэ́н пэ́стыр духовно кхэр тэ мангэ́лпэ Дэвлэ́скэ, соб (кай) тумэ́ тэ явэ́н свэ́нта рашая́, соб (кай) тэ янэ́н свэ́нто дыибэ́н, савэ́скэ явэ́ла радо Дэвэ́л пир Исусо́стэ Христосо́стэ.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Яви́р Зако́но 10:15

нэ екхэ дадэн тырэ́н прилыя́ Рай Дэвэ́л и ёнэ ячнэ́ дро́га Лэ́скэ, и Ёв выкэдыя́ тумэн, пало́ (после) лэ́ндэ лэ́нгиро семё [лэ́нгирэ-чхавэ́нгирэ чхаворэ́н-ю.о.], сарэ́ манушэ́ндыр, сыр акана́ ту дыкхэ́са.

Isajos 26:2

Одкэрэн (псиравэн) по́рта (вра́ты), мэк тэ заджа́л народо патывало, народо, саво́ ракхэ́ла чачипэ́н.

Apostolengiri Butý 26:18

тэ отчхакирэс лэ́нгирэ якха́, соб (кай) ёнэ тэ рисён калыпна́стыр кэ дуд и налачхэскирэ зорья́тыр кэ Дэвэ́л, соб (кай) тэ явэ́н отмэкнэ грэ́хи лэ́нгирэ, и соб (кай) ёнэ адя́кэ-паць тэ явэ́н машки́р одолэ́ндэ, конэ́с Мэ кэрдём свэнтонэнца пир лэ́нгиро патяибэ́н дрэ Ма́ндэ.”

Sykadyipén 20:6

Бахталэ́ и свэ́нта исын одолэ́, савэ́нгэ явэ́ла штэ́то дро пэ́рво отджидыипэн мэрибна́стыр. Яви́р мэрибэ́н на явэ́ла тэ рикирэ́л зор пэ лэ́ндэ, а ёнэ явэ́на рашая́ Дэвлэ́скэ и Христосо́скэ, и ёнэ явэ́на тэ кралинэн Лэ́са бар бэрш.

Psalmy 33:12

Бахталы́ исын нацыя, конэ́скиро Дэвэ́л исын Рай Дэвэ́л; бахталэ́ исын мануша́, савэ́н Ёв выкэдыя́ сыр Пэ́скирэ чхавэ́н.

Матфеё 5:16

Адя́кэ мэк тэ свэнцынэл тумари́ яг анги́л манушэ́ндэ, соб (кай) ёнэ тэ дыкхэ́н тумарэ́ лачхэ́ рэ́нды и тэ славинэ́н Дадэ́с тумарэс Болыбнаскирэс.

Яви́р Зако́но 4:20

А тумэн лыя́ Рай Дэвэ́л и вылыджия́ тумэн саструнэ́ бовэстыр, Египто́стыр, соб (кай) тумэ́ тэ явэ́н Лэ́скирэ мануша́ Лэ́скирэ мэкнэ́ миштыпна́стыр, сыр дава́ акана́ бицяло́.

Колосянэнгэ 1:13

Саво́ зракхця́ амэн камлыпнаскирэ (цямлыпнаскирэ) зорья́тыр и яндя́ дро Лэ́скирэ-Дрогонэ́ Чхавэ́скиро Кралипэ́н:

1 Коринфянэнгэ 3:17

Ко́ли вари-кон хасякирэ́ла Дэвлэ́скирэ-кхангирья́киро скэдыибэ́н кэрибнаса, саво́ нанэ лачхо́ Дэвлэ́скэ, тэды одолэ́с хасякирэ́ла Дэвэ́л; пал-дова́ со Дэвлэ́скирэ-кхангирья́киро скэдыибэ́н исын свэ́нто и тумэ́ патяибнаскирэ, сан дасавэ́.

Apostolengiri Butý 20:28

И адя́кэ ракхэ́н пэс и сарэ́ дэвлытконэ́ манушэ́н, савэ́н Свэ́нто Ду́хо (Фа́но) чхудя́ тэ явэ́н кхангирья́кирэ барыдырэ́нца (дыкхибнаскирэнца), соб (кай) тэ ракхэ́н Дэвлэ́скири Кхангири́, сави́ Ёв дорэсця́ Пэ́скэ Лэ́скирэ-Чхавэ́скирэ Ратэ́са.

Isajos 66:21

И лэ́ндыр Мэ ла́ва раша́н и Левитэ́н”, – ракирэ́ла Рай Дэвэ́л.

Isajos 42:16

И лыджа́ва Мэ корорэн долэ́ дромэ́са, саво́ ёнэ на джинэ́на; Мэ лыджа́ва лэн долэ́ дроморэнца, кай на псирэнас. Мэ пирикэрава калыпэ́н дро дуд (свэ́то) и бангэ́ дрома́ Мэ кэра́ва чачэ́ дромэ́нца; акэ, со Мэ кэра́ва ваш лэ́нгэ и Мэ на ячавава лэн.

Isajos 41:8

Нэ ту, Израилё, сан Миро писха́ри, Яково, конэ́с Мэ выкэдыём, Аврамос, Мирэ́ малэс (другос).

Isajos 9:2

Народо, саво́ псирэ́ла дро калыпэ́н, явэ́ла тэ дыкхэ́л дуд; кэ одолэ́, кон дживэлас дрэ калыпэ́н (цёмныма) сыр мэрибэ́н, захачола дуд.

Filipiicenge 3:14

мэ прастава кэ цэлё, кэ най вучэды́р паты́в, ваш сави́ Дэвэ́л кхардя́ ман пир Христосо́стэ Исусо́стэ.

Isajos 44:1

“Акана́ шун, Яково, Миро писха́ри, шун, Израилё, саво́ Мэ выкэдыём.

Матфеё 4:16

акэ, мануша́, савэ́ сыс бэштэ́ дро калыпэ́н, дыкхнэ́ баро́ дуд (свэ́то); и пэ одолэ́ндэ, савэ́ исын сы́рбы мулэ́, – пал-дова́ со ёнэ дживэ́на би Дэвлэ́скиро, засвэнцындя дуд.”

1 Petr 1:2

пир Дэвлэ́скирэ-Дадэ́скиро задуминыбэн ваш дова́, соб (кай) тэ кандэ́н Исусо́с Христосо́с, Саво́ отмэкця́ грэ́хи Лэ́скирэ Духо́са, соб (кай) тумэ́ тэ явэ́н помакхнэ Лэ́скирэ Ратэ́са: мэк бахтякирибэ́н и рама́нё (миро) тэ явэ́н бут бут тумэ́нгэ.

Luka 1:79

тэ свэнцынэл пэ одолэ́ндэ, савэ́ дживэ́на дро калыпэ́н (цямлыпэ́н) и дрэ дар мэрибна́стыр, соб (кай) тэ джа́н амарэ́ ґэра́ пир дром кэ рама́нё (миро).”

Psalmy 106:5

соб (кай) ма́нгэ тэ дыкха́в лачхипэ́н Тырэ́ манушэ́нгиро, соб (кай) ма́нгэ тэ радынавпэ Тырэ́-манушэ́нгирэ радыма́тыр, соб (кай) мэ тэ явав барикано Тырэ́ манушэ́нца.

Римлянэнгэ 9:24

и пэ амэ́ндэ, савэ́н Ёв адя́кэ-паць кхардя́ на екхэ Юдэндыр, нэ и Наюдэндыр?

Apostolengiri Butý 26:28

Агри́па пхэндя́ Павлискэ: “Сарэ́са на́бут, и ту патякирэса ман, соб (кай) мэ тэ ячав християниноса.”

1 Petr 4:11

Ко́ли вари-саво́ ману́ш ракирэ́ла, мэк ёв тэ ракирэ́л Дэвлэ́скирэ лавэ́нца; одова́ кон дынаринэла, мэк ёв тэ дынаринэ́л пир зор, сави́ Дэвэ́л дэ́ла лэ́скэ, соб (кай) тэ барьякирэлпэ Дэвэ́л дро саро́ пир Исусо́стэ Христосо́стэ, Савэ́скэ тэ явэ́л сла́ва и зор пэ сарэ́ ве́ки. Ами́нь.

Эфесянэнгэ 1:6

соб (кай) тэ славинас Лэ́скиро шука́р бахталыпэ́н, саво́ Ёв дыя́ амэ́нгэ пир Пэ́скирэ Дрогонэ́ Чхавэ́стэ:

Psalmy 73:15

Ко́ли мэ пхэнавас: “Акэ, сыр мэ ява́ва тэ ракира́в, дыкхэ́н, тэды мэ давас дукха́ (хохававас) Тырэ́-чхавэ́нгирэ ро́до.

Psalmy 22:30

Сарэ́ тхулэ барвалыпнастыр пир пхув явэ́на, тэ хан и поклонинэнапэ патыва́са; а сарэ́ одолэ́, савэ́ зджана дро пра́хо, явэ́на тэ бандён шэрэнца анги́л Лэ́стэ.

Эфесянэнгэ 1:14

Саво́ дэ́ла лав сыр сымады́ (залого) пал амаро́ англатуно́ джиибэ́н и Дэвлэ́скирэ-манушэ́нгиро выракхибэн ваш Дэвлэ́скири сла́ва.

Joannostir 17:19

Мэ отдыём пэс Ту́кэ пал лэ́ндэ, соб (кай) и ёнэ тэ отдэ́н пэс Ту́кэ пир чачипэ́н.

Эфесянэнгэ 3:21

тэ явэ́л Лэ́скэ сла́ва дрэ Кхангири́ и дрэ Исусо́стэ Христосо́стэ сарэ́ родэ́нгэ дрэ сарэ́ ве́ки. Ами́нь.

1 Kralip 12:22

Рай Дэвэ́л на ячкирэ́ла Пэ́скирэ манушэ́н ваш баро́ Пэ́скиро лав, пал-дова́ со Ра́скэ-Дэвлэ́скэ сыс лачхо́ тэ выкэдэс тумэн Пэ́скирэ манушэ́нца;

Psalmy 118:27

Рай Дэвэ́л исын амаро́ Дэвэ́л и Ёв дыя́ дуд амэ́нгэ: пхандэн свэ́нта дыибэна́ шэлэнца кэ алтарёскирэ шынга́ (ро́ги).

Psalmy 135:4

Ёв выкэдыя́ Яково́с ваш Пэ́скэ, а Израилё сыр Пэ́скиро миштыпэ́н.

Isajos 62:12

И кхарэ́на лэн свэнтонэ́ народоса, саво́ Рай Дэвэ́л выкиндя, а тут кхарэ́на фороса, саво́ Рай Дэвэ́л зракхця́, на ячкирдэ́ фороса.”

Малахия 3:17

Ёнэ явэ́на Мирэ́, – ракирэ́ла янголэ́нгирэ-болыбна́скиро Рай Дэвэ́л, – дро дова́ дывэ́с, сыр Мэ кэра́ва лэ́ндыр Миро кучипэ́н. И Мэ ява́ва тэ тангинав (жалинав) лэн, сыр о ману́ш тангинэла Пэ́скирэ чхавэ́с, саво́ дынаринэла лэ́скэ.

Яви́р Зако́но 18:2

и миштыпна́скири ме́ра на явэ́ла лэ́нгэ машки́р лэ́скирэ пшалэ́ндэ: Кокоро́ Рай Дэвэ́л исын лэ́нгири миштыпна́скири ме́ра, сыр ракирдя́ Ёв лэ́нгэ.