1 Petr 2:19 - Библия - Пэ Балтитко Романи чиб (Романэс) 2019

¹⁹ Пал-дова́ со дава́ исын лачхо́ Дэвлэ́скэ, ко́ли вари-кон пир пэ́скири паты́в ваш Дэвлэ́скэ пиридживэла мэ́ньки, пхарипэ́н на пир чачипэ́н.

Biblija - Pe Baltitko Romani čib (Romanes) 2019

¹⁹ Pal-dová so davá isyn lačhó Devléske, kóli vari-kon pir péskiri patýv vaš Devléske piridživela mén'ki, pharipén na pir čačipén.

1 Petr 2:19 Referans Kwoze

1 Petr 2:20

Пал-дова́ со, пал со тэ шарас тумэн кэ сла́ва, ко́ли тумэ́ мэнчынэнапэ, ке́ли тумэн марэна пал тумарэ́ грэ́хи? А ке́ли тумэ́ кэрэ́на лачхипэ́н и страдынэна пал дава́, тэды тумэ́нгэ явэ́ла бахтякирибэ́н Дэвлэ́стыр.

1 Коринфянэнгэ 15:10

Пир Дэвлэ́скиро бахталыпэ́н мэ сом адасаво́, сыр исын, и бахталыпэ́н, саво́ Ёв дыя́ ма́нгэ, на сыс ивья́; нэ мэ кэрдём буты́ буты́р лэ́ндыр сарэ́ндыр; нэ дава́ на адя́кэ сыс мири́ буты́, а сыр Дэвлэ́скиро бахталыпэ́н, со сыс ма́нца.

Luka 6:32

И ко́ли тумэ́ сыкавэ́на паты́в одолэ́нгэ, савэ́ сыкавэ́на паты́в тумэ́нгэ, саво́ парикирибэн тумэ́нгэ? Пал-дова́ со и грэхи́тка сыкавэ́на паты́в одолэ́нгэ, савэ́ сыкавэ́на паты́в лэ́нгэ.

Римлянэнгэ 13:5

Палдава́ трэй тэ кандэс на пал екх дар анги́л ка́ра, нэ и пал паты́в.

Joannostir 15:21

Нэ саро́ дава́ ёнэ явэ́на тэ кэрэ́н тумэ́нгэ пал Миро лав, пал-дова́ со ёнэ на джинэ́на Одолэ́с, Кон бичхадя́ Ман.

2 Ximaske 1:12

Пал дава́ мэ и мэнчынавапэ какана́ адя́кэ; нэ мэ на ладжава далэ́стыр, пал-дова́ со мэ джино́м дрэ Конэ́стэ мэ упатяндыём и мэ зоралэ́с (твардэс) джино́м, со Ёв могинэ́ла тэ зракхэ́л дова́, со ёв ма́нгэ допатяндыя анги́л дова́ Дывэ́с, ке́ли Ёв явэ́ла.

2 Коринфянэнгэ 8:1

Мэ кама́м, соб (кай) тумэ́ тэ джинэ́н, пшала́лэ, пал Дэвлэ́скиро бахталыпэ́н, со дыно́ кхангирья́кирэ скэдыибнэнгэ дрэ Македония,

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

Psalmy 119:86

Сарэ́ Тырэ́ припхэныбэна́ исын патяибнытка, мануша́ традэ́на ман на пир чачипэ́н: дэ васт ма́нгэ.

Psalmy 69:4

Мэ кхиныём кэ мэнька годлыматыр ясвэ́нца, миро кирло шутия, дрэ мирэ́ якха́ калыя, сыр мэ ужакирава мирэ́ Дэвлэ́с.

Psalmy 38:19

Пал-дова́ со мэ приджинава мири́ банг, мири́ годы́ пхадёла пал миро грэ́хо.

Psalmy 35:19

Мэк мирэ́ вэ́рги тэ на радынэ́нпэ холя́са ма́ндыр, ке́ли исын намишто ма́нгэ, мэк одолэ́, савэ́ бидыкхэна ман, тэ на марэ́н якхаса пэ ма́ндэ.

Ióvo 21:27

Акэ, мэ джино́м тумарэ́ ду́мы, и планы, соб (кай) тэ бангякирэн ман.

Apostolengiri Butý 11:23

саво́, ке́ли явдя́, дыкхця́ Дэвлэ́скиро бахталыпэ́н, и ёв древа́н обрадындяпэ и подрикирэлас сарэ́н, соб (кай) ёнэ тэ явэ́н дро патяибэ́н дрэ Растэ-Дэвлэ́стэ сарэ́ пэ́скирэ илэ́са;

Юдэ́нгэ 10:2

И мануша́ пириячэнас тэ янэ́н свэ́нта дыибэна́ (жэртвы), ко́ли ёнэ, ке́ли мангэ́напэ Дэвлэ́скэ сыр трэй пир Зако́но, явэ́нас выжужакирдэ грэхостыр екх мо́ло и пэ саро́ джиибэ́н, и грэ́хо на ячэласпэ дрэ лэ́нгири годы́.”

1 Petr 4:15

Соб (кай) ние́кх тумэ́ндыр тэ на злыджал пхарипэ́н сыр замарибнари (умарибнари), ци чор, ци ману́ш, саво́ кэрэ́ла фуипэ́н; ци сыр ману́ш, саво́ исын ґа́лко кэ чу́жо миштыпэ́н;