1 Petr 2:12 - Библия - Пэ Балтитко Романи чиб (Романэс) 2019

¹² и дживэ́н пир чачипэ́н машки́р Наюдэ́ндэ, соб (кай) одолэ́, кон ракирэ́ла чорипэ́н пэ тумэ́ндэ, со тумэ́ сан фуй, тэ дыкхэ́н тумарэ́ лачхэ́ рэ́нды и тэ славинэ́н Дэвлэ́с, ке́ли Ёв явэ́ла.

Biblija - Pe Baltitko Romani čib (Romanes) 2019

¹² i dživén pir čačipén maškír Najudénde, sob (kaj) odolé, kon rakiréla čoripén pe tuménde, so tumé san fuj, te dykhén tumaré lačhé réndy i te slavinén Devlés, kiéli Jov javéla.

1 Petr 2:12 Referans Kwoze

1 Petr 3:16

тэ явэ́л тумэ́ндэ лачхи́ паты́в, соб (кай) одолэ́ мануша́, савэ́ ракирэ́на проти тумэ́ндэ, тэ явэ́н ладжакирдэ́, ке́ли ёнэ нашукар отлыджанапэ кэ тумэ́ пал тумаро́ лачхо́ джиибэ́н дрэ Христосо́стэ.

Матфеё 5:16

Адя́кэ мэк тэ свэнцынэл тумари́ яг анги́л манушэ́ндэ, соб (кай) ёнэ тэ дыкхэ́н тумарэ́ лачхэ́ рэ́нды и тэ славинэ́н Дадэ́с тумарэс Болыбнаскирэс.

2 Коринфянэнгэ 8:21

пал-дова́ со амэ кэра́са буты́, со исын зор, соб (кай) саро́ тэ явэ́л пир чачипэ́н на со екх анги́л Дэвлэ́стэ, нэ адя́кэ-паць и анги́л манушэ́ндэ.

1 Фесалоникийцэнгэ 4:12

тэ дживэ́н патывалэс адя́кэ, соб (кай) мануша́, савэ́ исын надэвлытка, тэ кутякирэн тумэн, и соб (кай) тумэ́ тэ на явэ́н вужлэ ни дро со явирэ манушэ́нгэ.

1 Ximaske 4:12

Мэк ние́кх тэ на дыкхэ́л вучипна́стыр пэ ту́тэ пал тыро́ тэрныпэн; нэ сыка́в пэс дэвлытконэса патяибнаскирэнгэ дро лав, дро джиибэ́н, дрэ паты́в кэ яви́р мануша́, дро ду́хо (фа́но), дро патяибэ́н, дрэ жужыма.

Jakov 3:13

Кон исын тумэ́ндыр тэ явэ́л годьваро́ и тэ джинэ́л саро́; мэк ёв тэ сыкавэ́л дава́ пэ рэ́ндо пэ́скирэ лачхэ́ джиибнаса и ковлэ́-илытконэ годыпнаса;

Filipiicenge 1:27

Дживэ́н гожэс адя́кэ, соб (кай) тэ явэ́н лачхэ́ Христосо́скирэ – бахталэ́ занякэ (звесякэ), соб (кай) мэ, ке́ли ява́ва и дыкха́ва тумэн, ци на ява́ва, нэ соб (кай) тэ шунав тумэ́ндэ, со тумэ́ сан тэрдэ́ зоралэ́с дро екх ду́хо (фа́но), со тумэ́ марэнапэ кхэтанэ́ пал патяибэ́н дрэ бахталы́ зан (звесь),

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

2 Petr 3:11

Пал-дова́ со ко́ли сарэ́ частыра (предметы) явэ́на биладэ, то тэды тумэ́нгэ трей тэ дживэ́н свэнтэс и тэ отдэ́н пэс Дэвлэ́скэ;

Римлянэнгэ 13:13

Сыр и дывэсэ́, ява́са тэ лыджас пэс шука́р, на ява́са тэ хас на пир ме́ра, и на ява́са тэ матёвас, на ява́са тэ кэра́с марки и тэ кэра́с ладжавэ рэ́нды, на ява́са тэ выпробинас екх екхэ́с и тэ зэвлынас.

Римлянэнгэ 12:17

на кэрэ́н чорипэ́н палэ пал холы́ никонэ́скэ, кэрэ́н лачхипэ́н сарэ́ манушэ́нгэ;

Юдэ́нгэ 13:18

Мангэ́нпэ пал амэ́ндэ: амэ зоралэ́с патя́са, со амэ саро́ кэра́са жужэ́ патыва́са и дживаса пир чачипэ́н.

1 Ximaske 2:2

пал кралье́ндэ и пал сарэ́ манушэ́нгирэ барэ́ рандэ, соб (кай) амэ́нгэ тэ явэ́л саштыпэн (возможность/ваканцыя) тэ джива́с штылэ́с и раманёнэ́с (мирнэс) сарэ́ дэвлыткимаса и тэ лыджа́н пэс пир чачипэ́н;

Filipiicenge 4:8

И акэ, пшала́лэ мирэ́, саро́, со исын чачуно́, со нанэ хохано́, со исын патяибны́тко, со исын жужо́, со исын мол тэ сыкавэ́л паты́в, со исын патывало, ко́ли исын вари-саво́ лачхипэ́н и вари-саво́ шарибэ́н, екх пал дава́ тумэ́ думинэн.

Эфесянэнгэ 4:22

Мэкэ́н пэ́скиро пхурано́ джиибэ́н и на поддэнпэ грэхо́скэ, кэ саво́ злыджала грэхи́тко тырдыпэ́н;

Psalmy 50:23

Кон парикирэла Дэвлэ́скэ свэнтонэ́ яныбнаса, кодова́ славинэла Ман и Мэ сыкава́ва лэ́скэ, сыр Дэвэ́л зракхэ́ла лэс, и саво́ придыкхэла пал пэ́стэ тэ дживэ́л пир чачипэ́н.

Юдэ́нгэ 13:5

На явэ́н ґа́лка (жадна) кэ ловэ́, парикирэ́н Дэвлэ́скэ пал саро́, пал-дова́ со Ёв пхэндя́: “Мэ на ячкирава и на мэкава тут.”

Римлянэнгэ 15:9

и соб (кай) На́юды тэ славинэ́н Дэвлэ́с пал Лэ́скиро тангипэ́н, сыр исын чхиндло́: “Пал дава́ мэ ява́ва тэ славинав Тут машки́р Наюдэ́ндэ, и мэ ява́ва тэ бага́в гиля́ Тырэ́ лавэ́скэ!”

Luka 19:44

и роспхагирэна саро́ пэ пхув и замарэна тырэ́ чхаворэ́н: и на ячэ́ла бар пэ бар, пал-дова́ со ту на уджиндян часо, ке́ли Дэвэ́л явдя́ тэ зракхэ́л тут.”

Матфеё 10:25

Ухты́лла (до́си) ваш сыкляибнытконэскэ, соб (кай) ёв тэ явэ́л дасаво, сыр лэ́скиро сыклякирибна́скиро (учытелё), и писха́ри дасаво, сыр лэ́скиро рай. Ко́ли сэмякирэ хула́с прокхардэ Вельзэвуло, сыр бутэды́р налачхэ́ лавэ́нца кхарна хула́скирэ кхэритконэн?’

Матфеё 5:11

Бахталэ́ сан тумэ́, ке́ли мануша́ явэ́на тэ кошэн тумэн и тэ традэ́н, и явэ́на тэ ракирэ́н налачхэ́ лава́ пэ тумэ́ндэ пал Ма́ндэ.

1 Petr 4:11

Ко́ли вари-саво́ ману́ш ракирэ́ла, мэк ёв тэ ракирэ́л Дэвлэ́скирэ лавэ́нца; одова́ кон дынаринэла, мэк ёв тэ дынаринэ́л пир зор, сави́ Дэвэ́л дэ́ла лэ́скэ, соб (кай) тэ барьякирэлпэ Дэвэ́л дро саро́ пир Исусо́стэ Христосо́стэ, Савэ́скэ тэ явэ́л сла́ва и зор пэ сарэ́ ве́ки. Ами́нь.

Isajos 10:3

Со тумэ́ явэ́на тэ кэрэ́н дро дывэ́с, саво́ явэ́ла, ко́ли явэ́ла дура́л тумаро́ хасибэ́н? Кэ кон подджана тумэ́ тэ подэн васт, кай ячкирэна тумаро́ барвалыпэ́н?

Psalmy 37:14

Фуй мануша́ вытырдынэ пэ́скири курта́ла и бандякирдэ пэ́скиро лу́ко тэ дэн карье, соб (кай) тэ равэн чорорэн и одолэ́н, савэ́ страдынэна, соб (кай) тэ замарэ́н одолэ́н, кон джа́ла пир чачипна́скиро дром:

Эфесянэнгэ 2:3

амэ адя́кэ-паць сарэ́ вари-ке́ли и са́мас кадасавэ́ и дживдям пир на́лачхо лочакиро (плотякиро) тырдыпэ́н и кэрдя́м дова́, со амэ́нгэ подпхэнэла на́лачхо камибэн и со явэ́ла пэ годы́, и амэ са́мас пир бияныпэ́н сы́рбы чхавэ́, пэ конэ́стэ пэрэ́ла Дэвлэ́скири холы́, сыр и яви́р мануша́:

2 Коринфянэнгэ 13:7

Нэ мэ мангавпэ Дэвлэ́скэ, соб (кай) тумэ́ тэ на кэрэ́н чорипэ́н на ваш дова́, соб (кай) амэ́нгэ тэ сыкавас, со амэ прогиям пропатякирибэн, нэ соб (кай) тумэ́ тэ кэрэ́н пир чачипэ́н, – ничы́, ко́ли амэ и на ява́са приджиндлэ сыр лачхэ́.

1 Коринфянэнгэ 14:25

и лэ́скирэ-илэ́скирэ гарадэ́ ду́мы откэрэнапэ пэ якха́, и ёв пэрэ́ла тэлэ́ мо́са, и пхэнэ́ла маму́й “Чачэс, исын Дэвэ́л тумэ́нца.”

Apostolengiri Butý 24:13

адя́кэ-паць ёнэ на могинэ́на тэ допхэнэн мири́ банг пир рэ́ндо, дро саво́ ёнэ какана́ бангякирэна ман.

Apostolengiri Butý 15:14

Си́моно роспхэндя́ амэ́нгэ пал дава́, сыр Дэвэ́л англэды́р сыкадя́ пэ́скири ла́ска ваш Наюдэ́нгэ, со Ёв выкэдыя́ лэ́ндыр манушэ́н ваш Пэ́скиро лав.

Luka 6:22

Бахталэ́ исын тумэ́, ке́ли мануша́ явэ́на древа́н тэ бидыкхэн тумэн и, ке́ли ёнэ вытрадэна тумэн и явэ́на тэ обкхарэн тумэн налачхэ́ лавэ́нца и калякирэна тумаро́ лав пал Манушэ́скирэ Чхавэ́стэ.

Luka 1:68

“Бахтало́ исын Рай Дэвэ́л, Израилёскиро Дэвэ́л, Саво́ явдя́ тэ дыкхэ́л Пэ́скирэ манушэ́н и тэ выракхэл лэн,

Матфеё 9:8

Ке́ли мануша́ дыкхнэ́ дава́, ёнэ дивиндлэ́пэ и славиндлэ Дэвлэ́с, со Ёв дыя́ дасави́ зор манушэ́нгэ.

Apostolengiri Butý 25:7

Ке́ли Па́вли явдя́, Юды, савэ́ явнэ́ Ерусалимо́стыр, тэрдинэ́ трусця́л лэ́стэ и лынэ́ тэ чхувэ́н пэ Павлистэ древа́н бари банг, нэ тэ допхэнэн ла ёнэ на могиндлэ́.

Дание́лё 6:4

Тэ́ньци э тхага́рья и сатрапы лынэ́ тэ родэ́н вари-сави́ банг, соб (кай) тэ дошакирэн Даниелёс дро хулаибэн кралипнаскиро; нэ нисави́ банг (дош) на могиндлэ́ тэ латхэ́н, пал-дова́ со ёв сыс чачипна́скиро, нисаво́ промэкибэн (погрехо) и дош дрэ лэ́стэ на латхяпэ.

Joannostir 13:31

Ке́ли ёв гия́, Ису́со пхэндя́: “Какана́ Чхаво́ Манушэ́скиро славиндяпэ и Дэвэ́л славиндяпэ дрэ Лэ́стэ.

Apostolengiri Butý 28:22

Нэ амэ камаса кокорэ́ ту́тыр тэ шунас, сыр ту думинэса, пал-дова́ со амэ шундя́м пал дова́ сыкляибэн, пал саво́ машки́р бутэндэ манушэндэр джа́на чингарда́.”

Римлянэнгэ 14:18

Пал-дова́ со, кон адя́кэ дынаринэла Христосо́скэ, одова́ исын дрэ ра́дыма Дэвлэ́скэ и ёв исын мол шарибнаскэ манушэ́ндыр.

1 Ximaske 5:10

савья́ джинэ́на пир ла́кирэ лачхэ́ рэ́нды, ко́ли ёй выбарьякирдя лачхэнца пэ́скирэ чхавэ́н, ко́ли ёй прилэлас чужонэ́ манушэ́н, савэ́ндэ на сыс, кай тэ дживэ́н, мордя ґэра́ свэнтонэнгэ, и помогинэлас одолэ́нгэ, конэ́стэ сыс би́да, и ко́ли ёй какана́ кэрэ́ла дурэды́р лачхэ́ рэ́нды.

1 Petr 2:15

Пал-дова́ со пэ дава́ исын Дэвлэ́скири во́ля, соб (кай) тэ кэра́с лачхипэ́н и пир дава́ тэ явэ́н штыл ушта́ дылынэ́ манушэ́нгирэ, ке́ли ёнэ явэ́нас тэ ракирэ́н грэхи́тка лава́.

Ruta 3:14

И сыс суты ёй пашэ́ лэ́скирэ ґэра́ кэ зло́ко, и уштыя́ англэды́р, сыр могиндлэ́ ёнэ тэ уґалён екх екхэ́с. И пхэндя́ Воозо: “Мэк тэ на джинэ́н, со джувлы́ сыс яви пэ шу́рна (гумно).”