1 Petr 2:11 - Библия - Пэ Балтитко Романи чиб (Романэс) 2019

¹¹ Дро́га мирэ́! Мэ древа́н манга́ва тумэн, сыр манушэ́н, савэ́ наґара явнэ́ пэ дая́ пхув и савэ́ лодэна пир дава́ свэ́то: дурьён тумарэ́ лочакирэ камибнастыр, саво́ исын проти тумаро́ ди;

Biblija - Pe Baltitko Romani čib (Romanes) 2019

¹¹ Dróga miré! Me drieván mangáva tumen, syr manušén, savé naĥara javné pe daja phuv i savé lodena pir davá svéto: durjon tumaré ločakire kamibnastyr, savó isyn proti tumaró di;

1 Petr 2:11 Referans Kwoze

Galatenge 5:24

И адалэ́ мануша́, савэ́ исын Христосо́скирэ, примардэ пэ́скири манушы́тко грэхи́тко натура пэ трушу́л пэ́скирэ налачхэ́ камибнаса и грэхоскирэ тырдыпнаса.

1 Petr 4:2

соб (кай) палатуно́ (последнё) часо, саво́ яця́пэ лэ́скэ тэ дживэ́л дрэ маса́, тэ дживэ́л адава́ ману́ш на пир пэ́скирэ-лочакиро тырдыпэ́н, а пир Дэвлэ́скири во́ля.

Юдэ́нгэ 11:13

Сарэ́ кадалэ́ мануша́ мынэ́ патяибна́са, ёнэ на дорэснэ́ дова́, пал со Дэвэ́л дыя́ лав лэ́нгэ, ёнэ дыкхнэ́ саро́ дава́ дура́л и пхэндлэ́ “рама́нё” (миро) долэ́скэ и приджиндлэпэ, со ёнэ сыс чу́жа мануша́ и лодэна пир доя́ пхув.

Римлянэнгэ 8:13

пал-дова́, со ко́ли тумэ́ дживэ́на пир лочакиро тырдыпэ́н, тэды тумэ́ ж мэрэ́на, нэ ко́ли тумэ́ мулякирэна тумарэ́ свэтытка рэ́нды Духо́са, тумэ́ явэ́на тэ дживэ́н:

1 Паралипоменоно 29:15

пал-дова́ со чу́жа мануша́ амэ сам анги́л Ту́тэ и сыр мануша́, савэ́ явдя́м явирэ рига́тыр, сыр и сарэ́ амарэ́ дада́; сыр зэр (цень) исын амарэ́ дывэса́ пэ пхув, и нанэ ничи́, со ґара́ (длу́гэс) тырдэлапэ (исын ве́чно).

Jakov 4:1

Каты́р явэ́ла марибэ́н пал лава́ и чингарда́ машки́р тумэ́ндэ? Ци дава́ на тумарэ́ масэнгирэ тырдыпнастыр, саво́ марэлапэ андрэ́ тумэ́ндэ?

2 Ximaske 2:22

Наш пэ́скирэ – тэрнэнгирэ грэхитконэ́ тырдыпнастыр, а ро́дэ чачипэ́н, ри́кирпэ патяибнаскэ, патыва́кэ кэ яви́р мануша́ и мэк тэ явэ́л рамане манушэ́нца, савэ́ кхарэ́на Дэвлэ́скиро лав сарэ́ илэ́стыр.

2 Коринфянэнгэ 7:1

Палдава́, ко́ли амэ́нгэ сыс дынэ́ дасавэ́ лава́, мирэ́ дро́га, жужакираса пэс сарэ́стыр, со мэлякирэла амари́ лоч (плоть) и ду́хо (фа́но) и ява́са тэ джива́с сарэ́са свэнтонэс дро дар анги́л Дэвлэ́стэ.

Римлянэнгэ 12:1

Палдава́, пшала́лэ, мэ манга́ва тумэн Дэвлэ́скирэ тангипнаса, тэ отдэ́н пэс сарэ́са сыр свэ́нто джидо́ отдыибэ́н и саво́ трэй Дэвлэ́скэ ваш тумаро́ годьваро́ дынарибэ́н (служэние) Лэ́скэ годя́са и илэ́са.

Эфесянэнгэ 4:1

Мэ, саво́ сом пхандло ману́ш пал Растэ – Дэвлэ́стэ, манга́ва тумэн тэ дживэ́н чачунэ́ (мольнонэ́) джиибнаса, савэ́са Дэвэ́л кхардя́ тумэн,

Римлянэнгэ 7:23

нэ дрэ мирэ́ масэнгирэ паша́, мэ дыкха́ва яви́р Зако́но, саво́ исын проти Зако́но мирэ́ годя́киро и саво́ кэрэ́ла ман грэхоскирэ писхариса, саво́ исын дрэ мирэ́-масэнгирэ паша́.

Apostolengiri Butý 15:29

На хан дова́ хабэ́н, саво́ янэ́на идолэ́нгэ сыр свэ́нто дыибэ́н и на пьен рат, на кэрэ́н биладжаипэ́н, и на хан мас затасадэ мурдалэстыр, и на кэрэ́н явирэ́нгэ дова́, со тумэ́ на камэ́на пэ́скэ; ко́ли тумэ́ явэ́на тэ ракхэ́н пэс сарэ́ далэ́стыр, тумэ́ кэрэ́на шука́р. Ячэ́нпэ Дэвлэ́са.”

Luka 21:34

Нэ ракхэ́нпэ кокорэ́ пибнастыр и хабнастыр би меракиро, соб (кай) тумаро́ ило́ тэ на явэ́л пхэрдо́ традыпнаса пал барвалыпэ́н и джиибнытконэ пхарипнаса, и, соб (кай) дава́ дывэ́с тэ на явэ́л чораханэ́с пэ тумэ́ндэ;

Psalmy 119:19

Мэ сом чу́жо ману́ш пэ пхув, на гарав Тырэ́ припхэныбэна́ ма́ндыр.

Psalmy 39:12

Ту сыклякири и дэ́са кара (хась) и сыкавэса банг манушэнтэ пал лэ́нгиро чорипэ́н, Ту хасякирэса, сыр моль дова́, со ёв камэ́ла; чачо́, кажно ману́ш исын сыр балвалитко пхурдыпэн. Сэ́ла.

Левито 25:23

Пхув нашты́ тэ бикнэн сарэ́са: пал-дова́ со Мири́ исын пхув, тумэ́ сан чу́жа мануша́ и явирэ-ригакирэ мануша́;

1 Petr 1:17

И ко́ли тумэ́ кхарэ́на Дадэ́са Кодолэ́с, Саво́ шэра́ (ра́внэс) сэндякирэ́ла сарэ́ манушэ́н, на дыкхи́, кон ману́ш исын, тэды дживэ́н дара́са анги́л Лэ́стэ дава́ часо, пака тумэ́ дживэ́на пэ пхув;

2 Коринфянэнгэ 6:1

Сыр амэ кэра́са буты́ кхэтанэ́ Дэвлэ́са, амэ манга́са тумэн тэ на бистрэн пал Дэвлэ́скиро бахталыпэ́н, со тумэ́ прилынэ́ лэс на ивья́ (на напра́снэс):

2 Коринфянэнгэ 5:20

И амэ сам бичхадэ́ мануша́ Христосостыр сы́рбы Дэвэ́л ракирэ́ла Лэ́скиро лав пир амэ́ндэ, и амэ мангаса ваш Христосо́стэ: ячэ́нпэ рахмана (явэ́н кхэтанэ́) Дэвлэ́са.

Apostolengiri Butý 15:20

нэ тэ чхинас лэ́нгэ лыл, соб (кай) ёнэ тэ на хан хабэ́н, саво́ янэ́на сыр свэ́нто дыибэ́н идолэ́нгэ и тэ на кэрэ́н биладжаипэ́н и тэ на хан мас затасадэ мурдалэстыр, и тэ на пьен рат.

Džiibén 47:9

Яково пхэндя́ фараоно́скэ: “Мирэ́ джиибна́скирэ дывэса́ джа́на кэ шэл тэ трия́нда бэрш; тыкнэ́ и набахталэ мирэ́ джиибна́скирэ дывэса́, и на догинэ́ кэ мирэ́ дадэнги́рэ-джиибна́скирэ дывэса́.”

1 Petr 1:1

Пэтристыр, Исусо́скирэ Христосо́скирэ Апостолостыр, манушэ́нгэ, конэ́с Дэвэ́л выкэдыя́, савэ́ лодэна и исын росчхурдынэ пир свэ́то, дро Понто, Галатия, Кападокия, Асия и Вифиния,

Psalmy 119:54

Пал Тырэ́ стату́ты мэ багава гиля́ дро кхэр, пашы́л саво́ мэ лодава.

Džiibén 23:4

“Мэ явдём и мэ джива́ва машки́р тумэ́ндэ; дэн ма́нгэ тэ явэ́л штэ́то ваш маґила (кула) машки́р тумэ́ндэ, соб (кай) ма́нгэ мирья муля тэ гаравав мирэ́ якхэ́ндыр.”

Эфесянэнгэ 2:19

Палдава́ тумэ́ на сан буты́р чу́жа, и тумэ́ на сан мануша́, савэ́ на ґара́ явнэ́, нэ тумэ́ сан пал екх Свэнтонэ́ манушэ́нца, и тумэ́ сан екх Дэвлэ́скири сэ́м΄я(ири́),

Юдэ́нгэ 6:9

Дро́га амарэ́, на дыкхи́ пэ дава́, со амэ ракираса адя́кэ, амэ патя́са дрэ тумэ́ндэ, со тумэ́ сан фэды́р и пашылэды́р кэ дова́, соб (кай) Дэвэ́л тэ зракхэ́л тумэн.

1 Petr 4:12

Мирэ́ дро́га! На дурьен ягитконэ́ пропатякирибнастыр тэ пропатякирэл тумаро́ патяибэ́н, дро дава́ нанэ нисаво́ ди́во;

2 Petr 3:1

Дро́га мирэ́! Ѓа́да, яви́р лыл мэ чхина́ва тумэ́нгэ. Мэ сы́рбы джангавава далэ́ лылэнца тэ рипирэ́н чачипэ́н и тумари́ жужы годы́,

Džiibén 21:34

И Авраа́мо дживдя́ пэ Филистимиякири пхув, сыр гостё, бут дывэса́.

Левито 15:18

ко́ли мурш пасёла джувля́са и явэ́ла лэ́стэ сал (семё) тэ вычхувэлпэ, тэды ёнэ исын бангэ́ тэ обморэнпэ пане́са, и нажужэ́ дуйджинэ́ ёнэ явэ́на кэ бэльвэ́ль.