1 Petr 1:7 - Библия - Пэ Балтитко Романи чиб (Романэс) 2019

⁷ соб (кай) дава́ пропатякирибэн тэ допхэнэл, со тумаро́ патяибэ́н исын чачуно́ и дрогэдыр сувнака́стыр, саво́ усае́кх исын хасибны́тко, мэк ёв тэ явэ́л пропатякирдо яга́са, тэды тумаро́ патяибэ́н янэ́ла тумэ́нгэ шарибэ́н и сла́ва, ке́ли явэ́ла нэвэ́стыр Ису́со Христо́со:

Biblija - Pe Baltitko Romani čib (Romanes) 2019

⁷ sob (kaj) davá propatiakiriben te dophenel, so tumaró patiaibén isyn čačunó i drogedyr suvnakástyr, savó usajékh isyn xasibnýtko, mek jov te javél propatiakirdo jagása, tedy tumaró patiaibén janéla tuménge šaribén i sláva, kiéli javéla nevéstyr Isúso Xristóso:

1 Petr 1:7 Referans Kwoze

Ióvo 23:10

Нэ Ёв джинэ́ла дром, савэ́са мэ джа́ва, и Ёв пропатякирдя ман и мэ выджава сыр сувнака́й.

Jakov 1:12

Бахтало́ исын одова́ ману́ш, саво́ зоралэ́с вырикирэ́ла пропатякирибэн, пал-дова́ со, ко́ли ёв вырикирдя пропатякирибэн, ёв дорэсэ́ла джиибна́скири вя́нка, пал сави́ Дэвэ́л дыя́ лав сарэ́ манушэ́нгэ, конэ́скэ исын дро́го Ёв.

Isajos 48:10

Акэ, Мэ биладём (росплавиндём) тут, нэ на адя́кэ, сыр руп; Мэ пропатякирдём тут сыр дро бов пир барэ́ мэ́ньки.

1 Petr 4:12

Мирэ́ дро́га! На дурьен ягитконэ́ пропатякирибнастыр тэ пропатякирэл тумаро́ патяибэ́н, дро дава́ нанэ нисаво́ ди́во;

Заха́рия 13:9

И лыджа́ва Мэ до три́то паш дрэ яг, билякирава лэс, сыр билякирэна руп, и выжужакирава лэс, сыр жужакирэна сувнака́й: ёнэ лэ́на тэ кхарэ́н лав Миро. И Мэ вышунава лэн и отпхэнава: ‘Дава́ исын Мирэ́ мануша́,’ нэ ёнэ пхэнэ́на: ‘Рай Дэвэ́л исын Дэвэ́л миро!’”

Римлянэнгэ 2:7

одолэ́нгэ, кон саро́ часо кэрэ́ла лачхэ́ рэ́нды и пир дава́ родэ́ла сла́ва, чачипэ́н и бимэрибнаскиро ко́нцо (яго́ро), Ёв дэ́ла ве́чно джиибэ́н.

Pritčy 17:3

Дрэ кака́ви (котло) билавэна (плавинэна) руп, а дрэ бов сувнака́й, нэ Рай Дэвэ́л пропатякирэла илэ.

Малахия 3:3

Ёв бэшэ́ла сы́рбы спецо, саво́ пирибилавэла (пириплавинэла) и жужакирэла руп, и Ёв жужакирэла чхавэ́н Левиёскирэн и пирибилавэла лэн сыр сувнака́й и руп, соб (кай) ёнэ сашты́ тэ янэ́н Ра́скэ-Дэвлэ́скэ свэ́нто дыибэ́н дро чачипэ́н.

1 Коринфянэнгэ 3:13

тэды кажно манушэскири буты́ сыкадёла дро Христосо́скиро дывэ́с, пал-дова́ со яг сыкавэ́ла саро́, и яг спробинэла кажно буты́, сави́ ёй исын.

Juda 1:24

И какана́ Екхэ́скэ, Лэ́скэ, Кон могинэ́ла тэ зракхэ́л тумэн, соб (кай) тумэ́ тэ на пэрэ́н дро грэ́хо, и кон могинэ́ла тэ чхувэ́л тумэн анги́л Пэ́скири сла́ва бидошэнгирэнца и дрэ бари ра́дыма,

Ереме́ё 9:7

‘Палдава́ ракирэ́ла болыбна́скирэ-янголэ́нгиро Рай Дэвэ́л: ‘Акэ, Мэ билякирава лэн и Мэ спробинава лэн; пал-дова́ со ишчо (инкэ́) Ма́нгэ тэ кэра́в мирэ́-манушэ́нгирэ чхаса?

2 Petr 1:4

савэ́нца Ёв дыя́ най барэды́р и дрогэдыр лав, соб (кай) пир дава́ тумэ́ тэ ячэн пашаса (пашэ́са) Дэвлытконэ́ духо́стыр и тэ джа́н криг Духо́скирэ хасибнастыр, саво́ джа́ла налачхэ́ мыслятыр дро свэ́то соб (кай) пир дава́ тумэ́ тэ дживэ́н сыр трэй Дэвлэ́скэ.

1 Petr 2:4

Явэ́н пашылэды́р кэ Ёв, Саво́ исын сы́рбы джидо́ бар, Савэс мануша́ на прилынэ́, а Савэс Дэвэ́л выкэдыя́ сыр Дрогонэс Лэ́скэ,

Матфеё 25:21

Лэ́скиро хула́й пхэндя́ лэ́скэ: ‘Мишто́, ту сан лачхо́ и патяибны́тко писха́ри, ту са́нас патяибны́тко набарэ́ ловэнца; мэ допатява ту́кэ барэ́ ловэ́; яв и ра́дынпэ кхэтанэ́ тырэ́ хула́са!’

Sykadyipén 3:10

Палдава́ со ту ракхцян лав тэ вырикирэс, то и Мэ адя́кэ-паць ракхава тут мардэстыр (штундатыр), ке́ли явэ́на тэ пропатякирэн саро́ свэ́то, соб (кай) тэ пропатякирэн кажнонэ́ манушэ́с, кон дживэ́ла пэ пхув.

Sykadyipén 2:10

На дар нисостыр, пал со ту́кэ приявэлапэ тэ мэнчынэспэ. Ѓа́да, на́лачхо явэ́ла тэ чхурдэл вари-савэ́н тумэ́ндыр дро штарибэ́н (бэшыбэн); соб (кай) тумэн тэ пропатякирэн и тумэ́ндэ явэ́ла пхарипэ́н дэш дывэса́. Яв патяибны́тко кэ мэрибэ́н, и Мэ да́ва ту́кэ джиибна́скири вя́нка (коро́на).

Sykadyipén 1:7

Акэ, Ёв явэ́ла облокэ́нца, и кажно (сва́ко) ману́ш удыкхэ́ла Лэс, и кодолэ́, савэ́ пхусадэ́ Лэс чхурдыбнытконэ бустяса (копьёса) и сарэ́ пхувья́кирэ ро́ды явэ́на тэ дэн го́дла ясвэ́нца анги́л Лэ́стэ. Мэк адя́кэ тэ явэ́л. Ами́нь.”

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Apostolengiri Butý 8:20

Нэ Пэ́три пхэндя́ лэ́скэ: “Мэк тырэ́ ловэ́ тэ явэ́н дро хасибэ́н ту́кэ, пал-дова́ со ту закамдян Дэвлэ́скиро тала́но тэ кинэс пал ловэ́.

Joannostir 12:26

Одова́, саво́ Ма́нгэ дынаринэла, мэк тэ джал пал Ма́ндэ, и кай Мэ сом одо́й и дына́ри Миро явэ́ла; и одолэ́скэ, кон Ма́нгэ явэ́ла тэ дынаринэ́л, одолэ́с Миро Дад славинэла.

Joannostir 5:44

Сыр тумэ́ могинэ́на тэ упатян, ке́ли тумэ́ прилэ́на манушы́тко шарибэ́н екх екхэстыр, а на родэ́на шарибэ́н екхэ Дэвлэ́стыр?

Luka 12:33

Бикнэн, со тумэ́ндэ исын и роздэн ловэ́ богэнгэ; кэрэ́н пэ́скэ муе́нгирэ (кошэльки), савэ́ на ячэ́на пхуранэ́, кэдэн пэ́скэ кучипэ́н, саво́ на тыкнёла дро Болыбна́скиро Раё, карик чор на подганавэлапэ, и моль (мэль) на хасякирэ́ла.

Матфеё 25:23

Лэ́скиро хула́й пхэндя́ лэ́скэ: “Мишто́, ту сан лачхо́ и патяибны́тко писха́ри, ту са́нас патяибны́тко набарэ́ ловэнца; мэ допатява ту́кэ барэ́ ловэ́: яв и ра́дынпэ кхэтанэ́ тырэ́ хула́са.”

Матфеё 19:28

И Ису́со пхэндя́ лэ́нгэ: “Чачэс, Мэ ракира́ва тумэ́нгэ: тумэ́, савэ́ гинэ́ Ма́нца дро нэво́ свэ́то, саво́ Дэвэ́л кэрэ́ла, ке́ли бэшэ́ла Чхаво́ Манушэ́скиро пэ славу́тно престоло, тэды бэшэна адя́кэ-паць и тумэ́ пэ дэшуду́й троны, соб (кай) тэ сэндинэ́н дэшуду́й ро́ды Израилёскирэ.

Ереме́ё 48:36

‘Палдава́ Миро ило́ явэ́ла тэ обровэлпэ пал Моа́во сы́рбы свиролька, и Миро ило́ явэ́ла тэ обровэлпэ пал манушэ́ндэ Кир-Харесостыр; пал-дова́ со баро́ барвалыпэ́н, со ёнэ кэдынэ хасия́.

Ekliesiastos 5:14

[15] Сыр ёв явдя́ пэ свэ́то (лот) нанго да́кирэ штэто́стыр, дасаво-паць нанго ёв рисёла палэ, сыр ёв явдя́. И ёв нисо́ на лэ́ла пэ́скирэ пхарэ́ бутя́тыр, со ёв могинэлас тэ лыджа́л криг пэ́скирэ вастэ́са.

Pritčy 16:16

Пэ бут фэды́р исын сувнака́стыр тэ ячэс годэдыр, и тэ ячэс барэ́-годякирэса исын фэды́р рупэ́стыр.

Pritčy 8:19

ма́ндэ барьякирдо́ (пло́до) исын фэды́р чикадэ рупэ́стыр и ма́ндыр льго́та буты́р чикадэ (выкэдынэ́) рупэ́стыр.

1 Kralip 2:30

Палдава́ адя́кэ ракирэ́ла Рай Дэвэ́л, Рай Дэвэ́л Израилёскиро: ‘Мэ пхэндём тэды: ‘Тыро́ кхэр и тырэ́-дадэ́скиро кхэр явэ́на тэ псирэ́н анги́л Миро муй дро ве́ко.’ Нэ какана́ ракирдя́ Рай Дэвэ́л: ‘Мэк тэ на явэ́л адя́кэ, пал-дова́ со Мэ прославинава манушэ́н, савэ́ славинэна Ман, а кон на славинэла Ман, одолэ́ явэ́на ладжакирдэ́.

Sykadyipén 3:18

палдава́ мэ подпхэнава ту́кэ тэ кинэс сувнака́й Ма́ндыр, саво́ сыс пробиндло яга́са. Кин адя́кэ-паць парны и́дя тэ урьеспэ, соб (кай) тэ сыкавэс ладж пэ́скирэ нангипнаскири; и помакх пэ́скирэ якха́ якхитконэ макхлуняса (мазяса), соб (кай) тэ дыкхэ́с.

2 Petr 1:1

Симоностыр Пэтристыр, Исусо́скирэ Христосо́скирэ писхаристыр и Апостолостыр, сарэ́ манушэ́нгэ, кон прилыя́ дасаво-паць дро́го патяибэ́н кхэтанэ́ амэ́нца пир чачипэ́н амарэ́ Дэвлэ́скиро и Зракхибнарискиро, Исусо́скирэ Христосо́скиро,

1 Petr 2:7

и адя́кэ Ёв исын дро́го ваш тумэ́нгэ, кон патя́ла, а ваш одолэ́нгэ, кон на патя́ла, Ёв исын бар, саво́ бутярнэ́ на прилынэ́, нэ саво́ яця́ шэралэ́ барэса, пал саво́ мануша́ обштавэнапэ и пэрэ́на;

1 Petr 1:5

Пал савэ́ндэ Дэвэ́л Пэ́скирэ зорья́са явэ́ла тэ дыкхэ́л ваш зракхибэ́н, саво́ исын приготовиндло амэ́нгэ и явэ́ла сыкадо дро палатуно́ часо.

Римлянэнгэ 2:29

нэ одова́ исын чачуно́ Юдо, саво́ андра́л исын дасаво, и дова́ исын обчхиныбэн, саво́ исын дро ило́, пир ду́хо (фа́но), а на пир Зако́но, дасавэскэ манушэ́скэ явэ́ла шарибэ́н на манушэ́ндыр, а Дэвлэ́стыр.

Psalmy 17:3

Ту спробиндян миро ило́, Ту явдя́н кэ мэ раты́: Ту розґалыян ман и Ту на лахтян нисо́: миро муй на пхэнэ́ла чорипэ́н.

Luka 17:30

Адя́кэ явэ́ла и дро дова́ дывэ́с, ке́ли Чхаво́ Манушэ́скиро явэ́ла.

Римлянэнгэ 2:10

а сла́ва и паты́в, и рама́нё кажнонэ́ манушэ́скэ, саво́ кэрэ́ла лачхипэ́н, англэды́р Юдэ́нгэ, и адя́кэ-паць и Элинэнгэ (Грекэ́нгэ):

Римлянэнгэ 8:19

Палдава́ кажно джидо́ создыибэн пэ пхув, барэ́ надеяса ужакирэ́ла, ке́ли Дэвлэ́скирэ чхавэ́ явэ́на хулая́ пир свэ́то:

1 Petr 1:13

Ваш дава́ рискирэ́н пэ́скири годы́ тэ кэрэ́н лачхипэ́н, на совэн, рикирэ́н пхэрдэ́с наде́я пэ бахтякирибэ́н, саво́ явэ́ла дыно́ тумэ́нгэ, ке́ли явэ́ла Ису́со Христо́со;

1 Petr 4:13

а сыр тумэ́ пирилыджана пхарипэ́н, сыр и Христо́со, радынэ́нпэ, пал-дова́ со тумэ́ бут буты́р обрадынэнапэ, ке́ли отчхакирэлапэ Лэ́скири сла́ва.

1 Petr 5:1

Мэ, кокоро́ сом годэпхуро́ и пастырё (чхупна́ри), манга́ва тумарэ́ кхангирья́кирэ годэпхурэн и пастырен, пал-дова́ со мэ сом якхи́тко, сыр Христо́со пирилыджия пхарипэ́н, адя́кэ-паць ма́ндэ исын паш дрэ сла́ва, сави́ явэ́ла сыкады:

2 Petr 3:14

Палдава́, дро́га мирэ́, ко́ли ужакирэ́на тумэ́ саро́ дава́, причхувэ́н зор тэ явэ́н анги́л Лэ́стэ бибангякирэ и бидошэнгирэ и тэ явэ́н дро рама́нё;

Čysly 5:28

Ко́ли джувлы́ на сыс магирды и сыс жужы (чысто), тэды ячэ́лапэ састы и явэ́ла пхари́ семёстыр (салятыр).

Ióvo 28:1

“Тумэ́ джинэ́на со исын шахта ваш руп, и исын штэ́то, кай билякирэна сувнака́й.