1 Petr 1:6 - Библия - Пэ Балтитко Романи чиб (Романэс) 2019

⁶ Пал дава́ радынэ́нпэ какана́, мэк вари-саво́ часо тумэ́нгэ приджалапэ тэ пиридживэс мэ́ньки и тумэн явэ́на тэ пропатякирэн разнонэ ригэ́ндыр,

Biblija - Pe Baltitko Romani čib (Romanes) 2019

⁶ Pal davá radynénpe kakaná, mek vari-savó časo tuménge pridžalape te piridžives mén'ki i tumen javéna te propatiakiren raznone rigéndyr,

1 Petr 1:6 Referans Kwoze

Jakov 1:2

Пшала́лэ мирэ́, гинэн пал бари ра́дыма, ке́ли тумэн пропатякирэна пир яви́р (разнэс),

1 Petr 5:10

Нэ Дэвэ́л, Саво́ бахтякирэ́ла, и Саво́ кхардя́ тумэн дрэ вечна Пэ́скири сла́ва, ко́ли тумэ́нгэ и приявэлапэ набаро́ часо тэ страдынэл, Ёв Кокоро́ кэрэ́ла тумэн зоралэды́р и дэ́ла зор, соб (кай) тумэ́ тэ на кунинэнпэ дро пэ́скиро патяибэ́н;

Римлянэнгэ 12:12

Радынэ́нпэ дро тумари́ наде́я: явэ́н зоралэ́ (тварда) дро пиридживипэн; ўса́ды (сак) мангэ́нпэ Дэвлэ́скэ;

Римлянэнгэ 5:2

пир Савэ́стэ амэ сам домэкнэ пир патяибэ́н кэ дава́ бахтякирибэ́н, дрэ саво́ амэ какана́ дживаса, и амэ радынасапэ, со амэ́ндэ исын наде́я пэ Дэвлэ́скири сла́ва.

Матфеё 5:12

Явэ́н бахталэ́ и радынэ́нпэ, пал-дова́ со баро́ отдыибэ́н Дэвлэ́стыр ужакирэ́ла тумэн дро Болыбна́скиро Раё: адя́кэ традэнас и пророкэ́н, савэ́ сыс анги́л тумэ́ндэ.

Isajos 61:3

Тэ пхэна́в одолэ́нгэ, кон исын бибахтало́ пэ Сио́но, со пра́хо запарувэлапэ шукаронэ укэдыибнаса; ровибэн радымакирэ (лошалэ́) елеёса; пхаро́ (смэнтно) ду́хо (фа́но) запарувэлапэ шукаронэ урибнаса и кхарна лэн зоралэ́ чачипна́са, Ра́скирэ-Дэвлэ́скирэ бутяса дрэ Лэ́скиро барипэ́н.

Joannostir 16:33

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

Joannostir 16:22

Адя́кэ-паць и тумэ́ какана́ сан смэнтна; нэ Мэ ява́ва тэ дыкха́в нэвэ́стыр тумэн, и ило́ тумаро́ явэ́ла пхэрдо́ радыма́са, дая́ ра́дыма тумэ́ндыр нико́н на отлэла.

Psalmy 34:19

Рай Дэвэ́л исын пашы́л одолэ́ндэ, савэ́ндэ исын пхаро́ пэ ило́, и Ёв зракхэ́ла одолэ́н, кон дандырэла пэ́скиро ило́ пал грэ́хо.

Psalmy 119:28

Миро ди калёла, зораля́кир ман Тырэ́ лавэ́са.

Матфеё 11:28

Явэ́н кэ мэ сарэ́, савэ́ кхинынэ пхарэ́ бутя́тыр и пхарипнастыр, – и Мэ да́ва откхиныбэн тумэ́нгэ.

Римлянэнгэ 5:11

И на екх дава́, нэ амэ и радынасапэ пир амарэ́ Растэ-Дэвлэ́стэ, Исусо́стэ Христосо́стэ, пир Савэ́стэ амэ дорэсцям (долыям) какана́ рама́нё Дэвлэ́са.

Apostolengiri Butý 14:22

и ёнэ подрикирэнас сыкляибнытконэ́н и патякирэнас лэн, соб (кай) ёнэ тэ явэ́н зоралэ́ дро патяибэ́н и ракирдэ́: “Амэ́нгэ явэ́ла трэй бут тэ пиридживас анги́л дава́, соб (кай) тэ заджас дро Дэвлэ́скиро Кралипэ́н.”

Luka 10:20

и тумэ́ на радынэ́нпэ, со налачхэ́ ду́хи (фаны) кандэ́на тумэн, а тумэ́ радынэ́нпэ долэ́стыр, со тумарэ́ лава́ исын зачхиндлэ́ дро болыбэ́н.”

1 Petr 4:7

Нэ сыг сарэскэ явэ́ла ко́нцо (яго́ро): палдава́ ракхэ́нпэ и дживэ́н годьварэс, ке́ли тумэ́ мангэ́напэ Дэвлэ́скэ;

Psalmy 95:1

Явэ́н тэ багас зоралэ́с Ра́скэ-Дэвлэ́скэ, явэ́н тэ багас зоралэ́с радыма́тыр бэргакэ, сави́ зракхэ́ла амэн;

Jakov 4:9

Пиридживэн кэ хасибэ́н, тугинэн зоралэ́с и ровэ́н, мэк тумаро́ сабэн тэ рисёл кэ тумэ́ дрэ ясва, тумари́ ра́дыма дрэ туча.

2 Коринфянэнгэ 4:17

Пал-дова́ со амарэ́ кро́тка и локхэ́ пиридживибэна янэ́на бут-бут барэды́р ве́чно сла́ва,

Jakov 1:9

А пшал, саво́ исын притасадо, мэк тэ шарэлпэ ёв долэса, со исын лэ́скэ дыно́ вучипна́стыр,

1 Kralip 2:1

И мангдя́пэ Анна и ракирдя́: “Обрадындяпэ миро ило́ дро Растэ-Дэвлэ́стэ; ґаздыи шынг миро дро мирэ́ Растэ-Дэвлэ́стэ; буґлэс росчхакирдэпэ мирэ́ ушта́ пэ мирэ́ вэргэ́ндэ (врогэндэ); пал-дова́ со мэ радынавапэ пал Тыро́ зракхибэ́н.

Filipiicenge 3:3

Пал-дова́ со обчхиныбэн дава́ исын амэ тумэ́нца, савэ́ мангэ́напэ Дэвлэ́скэ Лэ́скирэ Духо́са, и шарасапэ дро екхипэ́н Исусо́са Христосо́са, и амэ на древа́н патя́са дрэ лоч (плоть),

2 Коринфянэнгэ 6:10

амэ сам сы́рбы смэнтна (скучна), нэ амэ ўса́ды (сак) радынасапэ; амэ сам сы́рбы бо́ги, нэ амэ кэра́са бут манушэ́н барвалэнца; амэ́ндэ нанэ ничы́, нэ адя́кэ-паць амэ́ндэ сы́рбы саро́ исын.

1 Фесалоникийцэнгэ 1:6

И тумэ́ лынэ́ тэ кэрэ́н адя́кэ, сыр и амэ, и сыр Рай Дэвэ́л, и прилынэ́ Дэвлэ́скиро лав бутэ́ пхарипнэнца и радыма́са, саво́ дыя́ тумэ́нгэ Свэ́нто Ду́хо (Фа́но),

Filipiicenge 4:4

Радынэ́нпэ ўса́ды (сак) дро тумаро́ екхипэ́н Ра́са-Дэвлэ́са: и мэ нэвэ́стыр пхэна́ва: “Радынэ́нпэ.”

Galatenge 5:22

А пир Свэ́нто Ду́хо (Фа́но) мануша́ дживэ́на патыва́са кэ яви́р мануша́, радыма́са, спокойнымаса, длугонэ вырикирибнаса, лачхэ́-илыткимаса, лачхипна́са, чачипна́са;

Римлянэнгэ 9:2

со исын ма́ндэ баро́ пиридживибэн, и на пириячэ́ла тэ дукхал миро ило́;

Psalmy 119:75

Мэ джино́м (джина́в), о Раё Дэ́вла, со Тыро́ сэ́ндо исын чачуно́, и со Ту тасадян ман пир Тыро́ чачипэ́н.

Psalmy 69:20

Ту джинэ́са, со ман обракирэна. Ту джинэ́са пал мири́ ладж, и со мануша́ на дэ́на паты́в ма́нгэ, и со мирэ́ вэ́рги сарэ́ исын анги́л ту́тэ.

Psalmy 35:10

Сарэ́ мирэ́ кокалы́ сы́рбы пхэнэ́на кхэтанэ́ ма́нца: “Раё Дэ́вла, кон жа исын дасаво, саво́ подджа́ла пэ Ту́тэ. Ту зракхэ́са бизорья́кирэ манушэ́с одолэ́стыр, кон исын зоралэды́р лэ́стыр; Ту зракхэ́са одолэ́с, саво́ хала́ дукха́ и савэ́с тасавэна; кодолэ́с, саво́ исын дрэ трэ́бима одолэ́стыр, кон чорэла лэ́стыр.”

Psalmy 9:14

Тангинэ (пожалин) ман, Раё Дэ́вла; дыкх ракхунэс сарэ́ илэ́стыр пэ миро страдицо (би́да) вэргэ́ндыр, зра́кх ман мэрибна́стыр, со сашты́ тэ явэ́л рига́тыр,

Filipiicenge 2:26

пал-дова́ со ёв древа́н мангдя́ тэ дыкхэ́л сарэ́н тумэн и пхарэ́с пиридживэлас пал дова́, со тумэ́ шундлэ́ пал лэ́скиро насвалыпэн;

Luka 2:10

И Янго́ло пхэндя́ лэ́нгэ: “На дарэ́н, мэ пхэна́ва тумэ́нгэ лачхо́ нэвипэн пал бари ра́дыма ваш сарэ́ манушэ́нгэ.

Luka 1:47

и Миро ду́хо (фа́но) радынэ́лапэ пал Дэвлэ́стэ, Мирэ́ Зракхибнаристэ.

Матфеё 26:37

И лыя́ Ёв Пэ́са Пэтрис и дуе́н чхавэ́н Заведеёскирэн, и обухтылдя Лэс бари ту́га и траш (дар).

Isajos 61:10

Радыма́са мэ ла́ва тэ радынавпэ пал Растэ-Дэвлэ́стэ; явэ́ла тэ радынэ́лпэ зоралэ́с миро ду́хо (фа́но) пал мирэ́ Дэвлэ́стэ, пал-дова́ со Ёв уридя ман дрэ и́ди зракхибнытка, уридя ман чачипнаскирэ урибнаса; сыр пэ тэрнэстэ Ёв чхудя́ вя́нка, сыр тэрня укэдыя.

1 Petr 3:17

Пал-дова́ со, ко́ли пэ дава́ исын Дэвлэ́скири во́ля, фэды́р тэ лыджас пхарипэ́н пал лачхипэ́н, сыр пал дова́, ке́ли амэ кэра́са фуипэ́н;