1 Petr 1:3 - Библия - Пэ Балтитко Романи чиб (Романэс) 2019

³ Мэк тэ явэ́л бахтякирдо́ Дэвэ́л Дад амарэ́ Ра́скирэ-Дэвлэ́скиро, Исусо́скирэ Христосо́скиро, Саво́ пир Пэ́скиро баро́ тангипэ́н дыя́ амэ́нгэ яви́р джиибэ́н, ке́ли отджидякирдя́ Исусо́с Христосо́с мулэ́ндыр, соб (кай) амэ́ндэ тэ явэ́л джиды наде́я,

Biblija - Pe Baltitko Romani čib (Romanes) 2019

³ Mek te javél bahtiakirdó Devél Dad amaré Ráskire-Devléskiro, Isusóskire Xristosóskiro, Savó pir Péskiro baró tangipén dyjá aménge javír džiibén, kiéli otdžidiakirdiá Isusós Xristosós muléndyr, sob (kaj) aménde te javél džidy nadiéia,

1 Petr 1:3 Referans Kwoze

1 Petr 1:23

Тумэ́ сан нэвэ́стыр бияндлэ, на тумарэ́ дадэндыр, а Дэвлэ́скирэ лавэ́стыр, саво́ исын джидо́, и саво́ ве́чнэс зракхэ́лапэ.

1 Ian 5:4

Пал-дова́ со кажно ману́ш, кон исын Дэвлэ́скиро чхаво́, пиризорьякирэла свэ́то. И амэ пиризорьякираса дава́ свэ́то амарэ́ патяибна́са.

Римлянэнгэ 15:13

Дэвэ́л, Саво́ дэ́ла наде́я, – мэк тэ пхэрдякирэл тумэн кажнонэ́ радыма́са и раманёса дро тумаро́ патяибэ́н, соб (кай) наде́я тэ барьёл Свэнтонэ́ Духо́скирэ зорья́са дрэ тумэ́ндэ.

Эфесянэнгэ 1:7

дрэ Савэ́стэ и пир Савэскиро Рат амэ сам выкиндлэ (выракхнэ), амарэ́ грэ́хи исын отмэкнэ пир Лэ́скиро барвало́ бахталыпэ́н;

2 Коринфянэнгэ 1:3

Тэ явэ́л бахтякирдо́ Дэвэ́л и амарэ́ Ра́скирэ-Дэвлэ́скиро Дад, Саво́ дэ́ла тангипны́тко (жалосно) ило́; Дэвэ́л, Саво́ подрикирэ́ла дро саро́;

1 Ian 3:3

И кажно ману́ш, конэ́стэ исын наде́я пэ Лэ́стэ, выжужакирэ́ла (вычыстинэла) пэс, пал-дова́ со Христо́со исын жужо́.

Римлянэнгэ 12:12

Радынэ́нпэ дро тумари́ наде́я: явэ́н зоралэ́ (тварда) дро пиридживипэн; ўса́ды (сак) мангэ́нпэ Дэвлэ́скэ;

1 Ian 2:29

И ко́ли тумэ́ джинэ́на, со Христо́со исын чачуно́, джинэ́н и дова́, со кажно ману́ш, кон кэрэ́ла пир чачипэ́н, исын Дэвлэ́скиро чхаво́.

Эфесянэнгэ 1:3

Мэк тэ явэ́л бахтякирдо́ Дэвэ́л и Дад амарэ́ Дэвлэ́скиро Исусо́скиро Христосо́скиро, Саво́ бахтякирдя́ амэн дро екхипэ́н Христоса кажнонэ́ Духо́скирэ бахтякирибна́са дро Болыбна́скиро свэ́то

Vygiiben 34:6

И прогия́ Рай Дэвэ́л анги́л лэ́скиро муй, и пхэндя́: “Рай Дэвэ́л, Рай Дэвэ́л (Яхва́), Дэвэ́л, Савэ́скэ исын дро́га мануша́ и Саво́ тангинэла, Саво́ ґара́ (длу́гэс) вырикирэ́ла и бут тангэ-илытко и чачуно́,

Эфесянэнгэ 3:20

Нэ Одолэ́скэ, Конэ́скири зор исын дрэ амэ́ндэ, и сави́ могинэ́ла тэ кэрэ́л бутэды́р долэ́стыр, пал со амэ мангаса, ци амэ думинаса,

Эфесянэнгэ 1:17

соб (кай) Дэвэ́л амарэ́ Ра́скирэ-Дэвлэ́скиро, Исусо́скиро Христосо́скиро, славу́тно Дад, тэ дэл тумэ́нгэ пир Ду́хо (Фа́но) годы́ и тэ сыкавэ́л, соб (кай) тумэ́ фэды́р тэ уджинэ́н Лэс,

1 Petr 3:21

дава́ пани́ исын сы́рбы копия долэ́скэ, ке́ли амэ боласапэ и со зракхэ́ла амэн. Дава́ нанэ мэлалэ́-лоча́киро обморибэн, а тумэ́ дэ́на лав лачхэ́ патыва́са Дэвлэ́скэ пир Исусо́скирэ-Христосо́скиро отджидыипэн,

Psalmy 86:15

Нэ Ту, о Раё Дэ́вла, сан лачхэ́-илэ́скиро Дэвэ́л, тангипнаскирэ и вырикирибнытко, Ту сан барвало́ пэ лачхэ́-илы́ткима и патяибэ́н.

1 Ximaske 1:14

Нэ бахталыпэ́н амарэ́ Ра́скиро-Дэвлэ́скиро сыс сыкадо кэ мэ дро саро́ ла́киро барвалыпэ́н, выкэдыибнаса и илэ́са дрэ Исусо́стэ Христосо́стэ.

Эфесянэнгэ 2:4

нэ Дэвэ́л, Саво́ исын барвало́ тангипнаса, и Саво́ пир бари Пэ́скири ла́ска, савья́са Ёв притырдыя амэн,

Jakov 1:18

Ёв выкэдыя́ пир Пэ́скири во́ля тэ дэл джиибэ́н амэ́нгэ чачунэ́ лавэ́са, соб (кай) амэ́нгэ тэ явас Лэ́скирэ пэрвонэнца, савэ́н Ёв создыя́.

Titoske 2:13

и тэ ужакирас лачхи́ наде́я, ке́ли явэ́ла баро́ Дэвэ́л слава́са и амаро́ Зракхибнари, Ису́со Христо́со,

1 Коринфянэнгэ 15:20

Нэ Христо́со отджидыя́ мэрибна́стыр, са́мо пэ́рво одолэ́ндыр, кон мыя́.

1 Коринфянэнгэ 13:13

Какана́ ячэ́напэ трин чачипэна́: патяибэ́н, лачхо́ ужакирибэ́н, пшалы́тко паты́в (ла́ска); и пшалы́тко паты́в исын най барэды́р сарэ́стыр.

1 Ian 3:9

Кажно ману́ш, саво́ яця́ Дэвлэ́скирэ чхавэ́са, на кэрэ́ла буты́р грэ́хи, пал-дова́ со Дэвлэ́скири зя́рка исын дрэ Лэ́стэ, и ёв на могинэ́ла тэ кэрэ́л грэ́хи, пал-дова́ со Дэвэ́л яця́ лэ́скирэ Дадэ́са.

1 Petr 2:2

а явэ́н тумэ́ сы́рбы бияты, савэ́ фэ́ни со бия́ндынэ, и тумэ́ тырдэнпэ кэ лавитко тхуд (Дэвлэ́скиро лав), соб (кай) тэ чалякирэнпэ лэ́са и тэ барьён кэ зракхибэ́н,

Юдэ́нгэ 3:6

а Христо́со сыр Дэвлэ́скиро Чхаво́, сыс Хула́й пир Лэ́скиро кхэр; амэ сам кокорэ́ мануша́ Лэ́скирэ кхэрэ́скирэ, ко́ли зорало́ патяибэ́н и наде́я, савья́са амэ шарасапэ, явэ́ла амэ́ндэ кэ ко́нцо (кэ яго́ро).

1 Фесалоникийцэнгэ 1:3

ке́ли амэ рипираса тумэн анги́л амарэ́ Дэвлэ́стэ Дадэ́стэ пал тумари́ буты́ пир тумаро́ патяибэ́н и паты́в кэ яви́р мануша́, амэ джина́са пал тумаро́ вырикирибэн тэ ужакирас лачхипэ́н амарэ́ Ра́стыр-Дэвлэ́стыр, Исусо́стыр Христосостыр анги́л амарэ́ Дэвлэ́стэ-Дадэ́стэ,

Колосянэнгэ 1:27

савэ́нгэ камдя́ Дэвэ́л тэ пиридэл джиныбэ́н, саво́ исын славакиро барвалыпэ́н машки́р Наюдэ́ндэ дро кадава́ гарадо́ чачипэ́н, саво́ исын Христо́со дрэ тумэ́ндэ, Ёв исын тумари́ наде́я дрэ сла́ва:

Римлянэнгэ 8:24

Палдава́ амэ са́мас зракхнэ́ надеяса; нэ наде́я, ке́ли исын бицялы, дава́ нанэ наде́я: пал-дова́ со, ко́ли кон вари-со дыкхэ́ла, со́скэ лэ́скэ адя́кэ-паць тэ надеинэлпэ?

Римлянэнгэ 8:11

А ко́ли Одолэскиро Ду́хо (Фа́но), Кон отджидякирдя́ мулэ́ндыр Исусо́с, дживэ́ла дрэ тумэ́ндэ, тэды Одова́, Кон отджидякирдя́ Христосо́с мулэ́ндыр, отджидякирэла и тумарэ́ маса́, савэ́ исын на вечна, Пэ́скирэ Духо́са, саво́ дживэ́ла дрэ тумэ́ндэ.

Joannostir 1:13

Дава́ сыс кадалэ́ чхавэ́, савэ́ бия́ндынэ на ратэстыр и на пир лочакиро камибэн на пир манушэскири во́ля, а Дэвлэ́стыр сыс бияндлэ.

Jona 4:2

И ёв мангдя́пэ Ра́скэ-Дэвлэ́скэ и пхэндя́ ёв: “О Раё Дэ́вла! Саро́ дава́ на пир мирэ́ лава́, со мэ пхэндём, ке́ли мэ ишчо (инкэ́) со́мас пэ пэ́скири пхув? Палдава́ мэ и насцём вагэдыр (ґарэдыр) кэ Фарсисо: пал-дова́ со мэ на джиндём, со Ту сан лачхэ́-дескиро Дэвэ́л, Саво́ сыкавэ́ла ла́ска, Саво́ ле́нтэс холясо́ла и кэрэ́ла бут-бут лачхипэ́н, Кон жалинэла тэ кэрэ́л бэдыпэн.

Isajos 26:19

Отджидёна Тырэ́ мулэ́, мулэ́ маса́ уштэна! Ѓаздэнпэ, радынэ́нпэ, тумэ́, савэ́н чхурдынэ́ дро пра́хо, пал-дова́ со пахлын (роса) Тыри́ састякирэла и пхув чхурдэ́ла яври́ мулэн.

1 Ian 5:18

Амэ джина́са, со кажно ману́ш, кон исын Дэвлэ́скиро чхаво́, на кэрэ́ла грэ́хи, нэ кон исын Дэвлэ́скиро чхаво́, кодова́ ракхэ́ла пэс, и на́лачхо на чилавэ́ла лэс.

1 Ian 5:1

Кажно (сва́ко) ману́ш, кон патя́ла, со Ису́со исын Христо́со (Месия), исын Дэвлэ́скиро чхаво́, и кажно ману́ш, конэ́скэ исын дро́го Дад, лэ́скэ адя́кэ-паць исын дро́го Лэ́скиро Чхаво́.

Колосянэнгэ 1:23

ко́ли тумэ́ сан зоралэ́ дро ду́хо (фа́но) тэ дживэ́н пир патяибэ́н и на отджана дрэ наде́я бахталэ́ занятыр (звесятыр), сави́ тумэ́ шундлэ́, и сави́ роспхэнэлапэ пир саро́ джидо́, со сыс создыно́ тэл болыбэ́н, сави́ Мэ, Па́вли, лыём тэ роспхэнав.

Римлянэнгэ 5:10

Ко́ли англэды́р амэ са́мас вэ́рги Дэвлэ́скэ и какана́ амэ яця́м дро рама́нё (миро) Лэ́са пир Лэ́скирэ Чхавэ́скиро мэрибэ́н, тэды буты́р сарэ́стыр какана́, сыр амэ яця́м дро рама́нё, амэ надеинасапэ тэ зракхаспэ Лэ́скирэ джиибнаса.

Римлянэнгэ 4:25

Саво́ сыс здыно пал амарэ́ грэ́хи и Саво́ отджидыя́, соб (кай) тэ приджинэл амэн чачунэнца бангипнастыр анги́л Дэвлэ́стэ.

Psalmy 86:5

Пал-дова́ со Ту, Раё Дэ́вла, сан лачхо́ и Ту камэ́са тэ примангэс: Ту сан барвало́ лачхэ́-илыткимаса сарэ́нгэ, кон прикхарэла Тут.

Psalmy 41:13

Ту подрикирэса ман, пал-дова́ со нанэ банг ма́ндэ и Ту чхувэ́са ман анги́л Пэ́скиро муй пэ сарэ́ ве́ки.

1 Паралипоменоно 29:20

И пхэндя́ Дави́до сарэ́ скэдыибнаскэ: “Тэ бахтякирэн сарэ́ амарэс Рас Дэвлэ́с, Дэвлэ́с амарэс.” – И бахтякирдя́ саро́ скэдыибэ́н Рас-Дэвлэ́с, Дэвлэ́с пэ́скирэ-дадэнгирэс, и пынэ́, и поклониндлэпэ Ра́скэ-Дэвлэ́скэ и крали́скэ.

3 Kralip 8:15

И пхэндя́ ёв: “Тэ явэ́л бахтякирдо́ Рай Дэвэ́л (Яхва́), Дэвэ́л Израилёскиро, саво́ пхэндя́ Пэ́скирэ уштэ́нца Давидо́скэ, мирэ́ дадэ́скэ, и акана́ кэрдя́ Пэ́скирэ вастэ́са! Ёв ракирдя́:

1 Ian 4:7

Дро́га мирэ́! Ява́са амэ тэ дас паты́в екх екхэ́скэ, пал-дова́ со пшалы́тко паты́в исын Дэвлэ́стыр и кажно (сва́ко), кон исын лачхо́ кэ яви́р, исын Дэвлэ́скиро чхаво́ и джинэ́ла Дэвлэ́с.

1 Фесалоникийцэнгэ 4:13

Пшала́лэ, мэ кама́м, соб (кай) тумэ́ тэ джинэ́н саро́ чачипэ́н, пал манушэ́ндэ, савэ́ мынэ́, соб (кай) тумэ́ на тугинэн, сыр яви́р мануша́, савэ́ндэ нанэ наде́я пал ве́чно джиибэ́н.

Galatenge 6:16

И кодолэ́нгэ, кон дживэ́ла пир дава́ упхэныбэ́н, тэ явэ́л пэ лэ́ндэ рама́нё (миро) и тангипэ́н (ла́ска) и пэ сарэ́ Дэвлэ́скирэ манушэ́ндэ.

2 Фесалоникийцэнгэ 2:16

Мэк Кокоро́ амаро́ Рай Дэвэ́л, Ису́со Христо́со, и Дэвэ́л амаро́ Дад, Савэ́скэ яця́м дро́га амэ и дыя́ пир бахталыпэ́н ве́чно подрикирибэ́н и лачхи́ наде́я,

1 Petr 1:13

Ваш дава́ рискирэ́н пэ́скири годы́ тэ кэрэ́н лачхипэ́н, на совэн, рикирэ́н пхэрдэ́с наде́я пэ бахтякирибэ́н, саво́ явэ́ла дыно́ тумэ́нгэ, ке́ли явэ́ла Ису́со Христо́со;

1 Petr 1:21

пир Лэ́стэ тумэ́ лынэ́ тэ патя́н дрэ Лэ́стэ, Саво́ отджидякирдя́ Лэс мулэ́ндыр и дыя́ сла́ва Лэ́скэ, соб (кай) тумэ́ндэ тэ явэ́л патяибэ́н и наде́я пэ Дэвлэ́стэ.

1 Petr 3:5

Пал-дова́ со адя́кэ-паць вари-ке́ли и свэ́нта джувля́, савэ́ндэ сыс наде́я пэ Дэвлэ́стэ, шука́р прикэдэнас пэс, нэ англэды́р сарэ́стыр ёнэ кандэнас пэ́скирэ ромэн;

1 Petr 3:15

а рикирэ́н дро ило́ Христосо́с сыр Свэнтыма и дэн паты́в Лэ́скэ, сыр Ра́скэ-Дэвлэ́скэ дрэ тумарэ́ илэ, уса́ды / сак (всегда) явэ́н скэдынэ́ тэ затэрдён лавэ́са, ке́ли вари-кон явэ́ла тэ пхучэл тумэ́ндыр пал тумари́ наде́я, нэ кэрэ́н дава́ ковлэ́ илэ́са и дара́са;

2 Паралипоменоно 31:8

И явнэ́ Езэки́я и тхага́рья, и дыкхнэ́ груды, и парикирдэ Ра́скэ-Дэвлэ́скэ и Лэ́скирэ Израилёскирэ манушэ́нгэ.