1 Petr 1:25 - Библия - Пэ Балтитко Романи чиб (Романэс) 2019

²⁵ Нэ Дэвлэ́скиро лав ячэ́лапэ пэ сарэ́ ве́ки.” Адава́ исын дова́ лав, саво́ пхэндяпэ тумэ́нгэ.

Biblija - Pe Baltitko Romani čib (Romanes) 2019

²⁵ Ne Devléskiro lav jačélape pe saré viéki.” Adavá isyn dová lav, savó phendiape tuménge.

1 Petr 1:25 Referans Kwoze

Isajos 40:8

Чар зашутёла, лулуди́ зашутёла, а лав амарэ́ Ра́скирэ-Дэвлэ́скиро ячэ́лапэ ве́чнэс.”

Матфеё 5:18

Чачэс, Мэ ракира́ва тумэ́нгэ: пака на явэ́ла ко́нцо (яго́ро) болыбнаскэ и пхувьякэ, ни екх тыкны буквица ни чэрта буквакири на отлэлапэ Законо́стыр анги́л, сыр Зако́но тэ кэрэ́лпэ.

Psalmy 119:89

О Раё Дэ́вла! Пэ сарэ́ ве́ки Тыро́ лав ячэ́лапэ пэ болыбэ́н!

1 Ian 1:1

Пал дова́, со сыс англыпна́стыр, пал дова́, со амэ шундя́м, со дыкхцям пэ́скирэ якхэ́нца, со амэ роздыкхасас, и со чилавэнас амарэ́ васта́, дова́ и амэ пхэнасас пал Джиибна́скиро лав, –

2 Petr 1:19

И апри́ч дова́, саро́ амэ́ндэ исын най чачунэдыр пророкэнгиро лав, и тумэ́ миштэ́с кэрэ́на, со тумэ́ ракхибны́ткэс шунэ́на дава́ лав, саво́ исын сы́рбы дава́ дуд (свэ́то), со хачола дро цямло штэ́то, пака на явэ́ла палатуно́ зло́ко (ра́нко) и ґаздэ́лапэ злокоскири чэргэн дрэ тумарэ́ илэ,

Psalmy 102:12

Мирэ́ дывэса́ проджа́на (накхэна) сы́рбы зэр (тенё), сави́ хасёла, Мэ вышутиём сы́рбы чар.

Luka 16:17

Нэ сыгэды́р болыбэ́н и пхув проджа́на, сыр екх тыкны буквица (литэрка) Законо́стыр нашадёла.

Эфесянэнгэ 2:17

и ке́ли Христо́со явдя́, Ёв роспхэндя́ бахталы́ зан (звесь) пал рама́нё (миро) сарэ́нгэ тумэ́нгэ, на дыкхи́ пэ дова́, кон сыс Лэ́стыр дур ци пашы́л,

Joannostir 1:14

И Лав яця́ манушэ́са дрэ лоч (плоть) и дживдя́ амэ́нца; и амэ дыкхцям Лэ́скиро ярко шукарипэ́н и зор, сави́ сыс Лэ́стэ сыр Екхэбияныпнытконэ Чхавэ́стэ, Саво́ исын Дадэ́стэ, и Саво́ исын пхэрдо́ бахталыпнаса и чачипна́са.

Joannostir 1:1

Англэды́р сарэ́стыр сыс Лав, и Лав Кокоро́ сыс Дэвлэ́са, и Лав сыс Дэвэ́л.

Psalmy 102:26

Ту чхудя́н пхув ґарым-ґара́, Ту создыян болыбэ́н Пэ́скирэ вастэ́нца:

1 Ian 1:3

акэ, дова́-паць, со амэ дыкхцям и шундя́м, и пхэна́са тумэ́нгэ, соб (кай) тумэ́ндэ тэ явэ́н кхэтаныпэн амэ́нца, а амаро́ кхэтаныпэн исын Дадэ́са, и Лэ́скирэ чхавэ́са, Исусо́са Христосо́са.

1 Petr 2:2

а явэ́н тумэ́ сы́рбы бияты, савэ́ фэ́ни со бия́ндынэ, и тумэ́ тырдэнпэ кэ лавитко тхуд (Дэвлэ́скиро лав), соб (кай) тэ чалякирэнпэ лэ́са и тэ барьён кэ зракхибэ́н,

1 Petr 1:23

Тумэ́ сан нэвэ́стыр бияндлэ, на тумарэ́ дадэндыр, а Дэвлэ́скирэ лавэ́стыр, саво́ исын джидо́, и саво́ ве́чнэс зракхэ́лапэ.

1 Petr 1:12

Лэ́нгэ сыс сыкадо, со ёнэ дынаринэ́нас (служынэ́нас) на пэ́скэ, а тумэ́нгэ, пал-дова́ со тумэ́нгэ роспхэндлэ́ бахталы́ зан (звесь) Духо́скирэ зорья́са, а пал дава́ аж Янго́лы сыклякирэнас миштэ́с.

Titoske 1:3

а, ке́ли явдя́ Лэ́скиро часо, Ёв сыкадя́ Лэ́скиро лав дро пхэндло́ лав, саво́ сыс допатяндло ма́нгэ пир Дэвлэ́скиро упхэныбэ́н, амарэ́ Зракхибнарискиро Дэвлэ́скиро, –

Эфесянэнгэ 3:8

Ма́нгэ, кон исын най тыкнэды́р сарэ́ дэвлытконэндыр, сыс дыно́ дава́ бахтякирибэ́н тэ роспхэнав Наюдэ́нгэ пал Христосо́скиро барвалыпэ́н, саво́ ние́кхвар на хасёла.

1 Коринфянэнгэ 2:2

Палдава́ ма́ндэ пэ годы́ сыс тэ на джина́в нисо́, апри́ч Исусо́стэ Христосо́стэ, Савэс примардэ пэ трушу́л.

Isajos 40:6

Зан ракирэ́ла: “Пхэн!” “Нэ со ма́нгэ тэ пхэна́в?” “Кажно лоч (плоть) – чар, а гожыпэн ла́киро – сыр лулуди́ (цвэто) фэлдытко.

Юдэ́нгэ 6:5

и савэ́ уджиндлэ́ лачхипэ́н Дэвлэ́скирэ лавэ́стыр и векоскири зор, сави́ явэ́ла анги́л, ке́ли Дэвэ́л явэ́ла тэ хулаинэ́л;

Sykadyipén 14:6

И мэ дыкхцём явирэ Янголо́с, саво́ вурнялас вучэ́с дро фа́но (воздухо), машкира́л болыбэ́н, конэ́стэ сыс ве́чно Ева́нгелия, соб (кай) тэ миштопхэнэл одолэ́нгэ, савэ́ дживэ́нас пэ пхув, кажнонэ́ кхэритконэ́ родо́скэ и родыцо́скэ и екхэ́-чиба́кирэ ирья́кэ/сэм΄я́кэ (чибакэ/ чибьякэ) и кажнонэ́-манушытконэ́ нацыя́кэ.