1 Petr 1:22 - Библия - Пэ Балтитко Романи чиб (Романэс) 2019

²² Сыр тумэ́ лынэ́ тэ кандэ́н чачипэ́н, тэды тумэ́ выжужакирдэ пэ́скирэ дия́ ваш чачуны́ пшалы́тко паты́в, палдава́ сыкавэ́н паты́в екх екхэ́скэ сарэ́ илэ́стыр.

Biblija - Pe Baltitko Romani čib (Romanes) 2019

²² Syr tumé lyné te kandén čačipén, tedy tumé vyžužakirde péskire dijá vaš čačuný pšalýtko patýv, paldavá sykavén patýv jekh jekhéske saré iléstyr.

1 Petr 1:22 Referans Kwoze

1 Ximaske 1:5

Дава́ припхэныбнаскиро чачипэ́н исын дро паты́в кэ яви́р мануша́ жужэ́ илэ́стыр и лачхэ́ патыватыр и чачунэ́ патяибнастыр,

Юдэ́нгэ 13:1

Сыкавэ́н паты́в дурэды́р екх екхэ́скэ, сыр пша́ла.

1 Ian 4:12

Ние́кх ману́ш ние́кхвар на дыкхця́ Дэвлэ́с. Ко́ли амэ сам лачхэ́ екх кэ екх, тэды Дэвэ́л дживэ́ла дро екхипэ́н амэ́нца, и Лэ́скири ла́ска исын пхэрды́ дрэ амэ́ндэ.

1 Ian 4:7

Дро́га мирэ́! Ява́са амэ тэ дас паты́в екх екхэ́скэ, пал-дова́ со пшалы́тко паты́в исын Дэвлэ́стыр и кажно (сва́ко), кон исын лачхо́ кэ яви́р, исын Дэвлэ́скиро чхаво́ и джинэ́ла Дэвлэ́с.

1 Petr 3:8

Явэ́н дрэ екх годы́ екх екхэ́са, подэн васта́ екх екхэ́скэ дро пхарипэ́н, тангинэ́н (жалинэн) екх екхэ́с, сыр пша́ла, малынэнпэ (дружынэн) и явэ́н ковлэ́-илы́тка,

Jakov 4:8

Явэ́н пашылэды́р кэ Дэвэ́л, и Ёв явэ́ла пашылэды́р кэ тумэ́. Выжужакирэн грэхи́тка, тумарэ́ васта́. Выжужакирэн тумаро́ джиибэ́н, тумэ́ сан дуемитка.

1 Ian 3:23

А припхэныбэ́н Лэ́скиро исын дасаво: соб (кай) амэ тэ патяс дро лав Лэ́скирэ-Чхавэ́скирэ, Исусо́скирэ Христосо́скиро, и соб (кай) тэ дас паты́в екх екхэ́скэ, сыр Ёв припхэндя́ амэ́нгэ.

2 Фесалоникийцэнгэ 1:3

Пшала́лэ, амэ́нгэ трэй саро́ часо тэ парикирас Дэвлэ́скэ пал тумэ́ндэ пир чачипэ́н, пал-дова́ со тумари́ паты́в кэ яви́р мануша́ барьёла и тумари́ паты́в екх кэ екх ячэ́ла бутэды́р;

1 Фесалоникийцэнгэ 3:12

Нэ мэк Рай Дэвэ́л тэ пхэрдякирэл тумаро́ ило́ екх кэ екх и кэ сарэ́ мануша́ ишчо (инкэ́) барэды́р ласкаса, сави́ амэ́ндэ исын кэ тумэ́,

1 Ian 4:20

Ко́ли вари-кон пхэнэ́ла: “Ма́нгэ исын дро́го Дэвэ́л”, а кокоро́ нанэ лачхо́ кэ пэ́скиро пшал, одова́ исын хохаибнари; пал-дова́ со кон нанэ лачхо́ кэ пэ́скиро пшал, савэ́с ёв дыкхця́, на могинэ́ла тэ дэл паты́в Дэвлэ́скэ, Савэс ёв на дыкхця́?

1 Petr 2:17

Дэн паты́в сарэ́нгэ, сыкавэ́н паты́в пшалэ́нгэ и пхэнэ́н пир патяибэ́н дрэ Дэвлэ́стэ, дарэ́н Дэвлэ́стыр и кутякирэн крали́с.

Apostolengiri Butý 15:9

и Ёв на кэрдя́ нисаво́ выкэдыибэн машки́р амэ́ндэ и лэ́ндэ, пал-дова́ со Ёв патяибна́са выжужакирдя́ лэ́нгирэ илэ.

1 Ian 3:11

Палдава́ дасави́ исын мавлы́н (малва), сави́ амэ шундя́м англыпна́стыр, соб (кай) амэ тэ дас паты́в екх екхэ́скэ,

2 Petr 1:7

дэвлыткиматыр сыкавэ́н пшалы́тко паты́в екх екхэ́скэ:

Filipiicenge 1:9

И мэ мангавапэ Дэвлэ́скэ пал дова́, соб (кай) тумари́ паты́в кэ яви́р мануша́ уса́ буты́р и буты́р тэ барьёл пир джиныбэ́н и кажно хор ґалыибэ́н,

Эфесянэнгэ 4:3

тэ причхувэ́н зор тэ зракхэн екхипэ́н, саво́ Ду́хо (Фа́но) дэ́ла пир рама́нё (миро), со кхэтанякирэла тумэн.

Galatenge 5:5

Пал-дова́ со амэ пир Свэ́нто Ду́хо (Фа́но) ужакираса зоралэ́с, ке́ли Дэвэ́л приджиндя амэн чачунэнца пир патяибэ́н.

Sykadyipén 2:4

нэ Мэ бангякирава тут пал дова́, со ту́кэ нанэ дро́го буты́р, со сыс ту́кэ са́мо дро́го ґарэды́р.

1 Petr 4:17

Пал-дова́ со подги́я часо, со явэ́на тэ сэндинэ́н манушэ́н дро Дэвлэ́скиро Кхэр, и ко́ли амэ ява́са пэ́рва мануша́ пэ сэ́ндо, тэды, со явэ́ла одолэ́ манушэ́нгэ, савэ́ на кандэ́на Дэвлэ́скири бахталы́ зан (звесь)?

1 Petr 4:8

а буты́р сарэ́стыр сыкавэ́н паты́в екх екхэ́скэ сарэ́ илэ́стыр, пал-дова́ со паты́в зачхакирэла бут грэ́хи;

Юдэ́нгэ 11:8

Патяибна́са Авраа́мо, саво́ сыс кхардо тэ кандэл и сыс бичхадо́ тэ джал пэ дова́ штэ́то, пал саво́ сыс лэ́скэ дыно́ лав тэ дорэсэл паш; ёв гия́ и на джиндя́, карик ёв джа́лас.

Юдэ́нгэ 9:14

то ци пэ бут бутэды́р выжужакирэ́ла амэн Христосо́скиро рат, Саво́ пир ве́чно Ду́хо (Фа́но) яндя́ Пэс бидоша́кирэс, соб (кай) тэ выжужакирэл амари́ паты́в мулэ́ рэндэ́ндыр тэ дынарина́с джидэ́ Дэвлэ́скэ?

Юдэ́нгэ 6:10

Пал-дова́ со Дэвэ́л нанэ напатяибнаскиро и Ёв на бистрэла тумари́ буты́ и паты́в кэ яви́р мануша́, савэ́ тумэ́ кэрдэ́ ваш Лэ́скиро лав, ке́ли тумэ́ помогинэнас (дэ́нас васта́) и какана́ помогинэна дэвлытконэнгэ.

2 Коринфянэнгэ 6:6

дро жужыпэн, дро джиныбэ́н, дро длэнго вырикирибэн, дро лачхипэ́н пир Свэ́нто Ду́хо (Фа́но), пир чачуны́ пшалы́тко паты́в;

Joannostir 15:17

Ѓа́да, со Мэ припхэнава тумэ́нгэ: сыкавэ́н паты́в екх екхэ́скэ.

1 Petr 3:1

Адя́кэ-паць и джувля́лэ, кандэ́н пэ́скирэ ромэн, со ко́ли вари-кон лэ́ндыр на патя́ла Дэвлэ́скирэ лавэ́скэ, тэды тумэ́ пэ́скирэ джиибнаса сы́рбы пирикэрэна лэн, со ёнэ би лавэскиро явэ́на тэ патя́н Дэвлэ́скэ,

Юдэ́нгэ 5:9

и ке́ли Христо́со кэрдя́ кэ ко́нцо / яго́ро (сполниндя) дава́ саро́, Ёв яця́ и тэ зракхэ́л манушэ́н пэ сарэ́ ве́ки, савэ́ кандэ́на Лэс,

2 Ximaske 1:14

Ракх дова́ кучипэ́н, саво́ допатяндыя ту́кэ Свэ́нто Ду́хо (Фа́но), Саво́ дживэ́ла дрэ амэ́ндэ.

1 Ximaske 5:2

отлыджапэ кэ пхури джувлы́, сыр кэ дай, кэ тэрнэ́ джувля́ отлыджапэ, сыр кэ пхэня́ сарэ́ жужымаса.

1 Ximaske 4:12

Мэк ние́кх тэ на дыкхэ́л вучипна́стыр пэ ту́тэ пал тыро́ тэрныпэн; нэ сыка́в пэс дэвлытконэса патяибнаскирэнгэ дро лав, дро джиибэ́н, дрэ паты́в кэ яви́р мануша́, дро ду́хо (фа́но), дро патяибэ́н, дрэ жужыма.

1 Ximaske 1:3

Ке́ли мэ скэдаваспэ тэ традав кэ Македония, мэ зоралэ́с мангдём тут тэ ячэспэ дрэ Ефесия и тэ припхэнэс одолэ́ манушэ́нгэ тэ на сыклякирэ́н яви́р сыклякирибэ́н,

2 Фесалоникийцэнгэ 2:13

Нэ амэ́нгэ трэй, пшала́лэ, саро́ часо тэ парикирас Дэвлэ́скэ пал тумэ́ндэ, савэ́н Рай Дэвэ́л выкэдыя́, пал-дова́ со Ёв англэды́р выкэдыя́ тумэн ваш зракхибэ́н пир Духоскири зор и патяибэ́н дро чачипэ́н;

Galatenge 3:1

Нэ, Галаты, савэ́ тумэ́ бигодякирэ сан! Кон дава́ човаханякирдя тумэн, соб (кай) тумэ́ тэ на кандэ́н патяибэ́н; анги́л жа тумарэ́ якха́ Христо́со сыс сы́рбы сыкадо примардо пэ трушу́л?

Galatenge 5:7

Тумэ́ кэрдэ́ адя́кэ шука́р сы́рбы праста́ндынэ чачипна́са пир стадионо! Кон отрискирдя тумэн, соб (кай) тумэ́ тэ на кандэ́н чачипэ́н.

Римлянэнгэ 8:13

пал-дова́, со ко́ли тумэ́ дживэ́на пир лочакиро тырдыпэ́н, тэды тумэ́ ж мэрэ́на, нэ ко́ли тумэ́ мулякирэна тумарэ́ свэтытка рэ́нды Духо́са, тумэ́ явэ́на тэ дживэ́н:

Римлянэнгэ 2:8

Нэ одолэ́н, кон кэрэ́ла пир пэ́скири годы́ и на приґалёла чачипэ́н, а кэрэ́ла фуипэ́н, кодолэ́с ужакирэ́ла холы́ и холямипэн Дэвлэ́стыр,

Римлянэнгэ 1:5

пир Лэ́стэ амэ дорэсцям (долыям) Дэвлэ́скиро бахталыпэ́н тэ явас Апостолэ́нца, соб (кай) дрэ Лэ́скиро лав тэ сыклякирас патяибна́скэ и кандыпна́скэ сарэ́ на́цыи,

Joannostir 17:17

Кэр лэн свэнтонэнца Тырэ́ чачипна́са. Тыро́ лав исын чачипэ́н.

Joannostir 15:3

Тумэ́ какана́ сан жужэ́ Мирэ́ лавэ́ндыр, савэ́ Мэ ракирдём тумэ́нгэ.

Apostolengiri Butý 6:7

И Дэвлэ́скиро лав розджаласпэ буты́р, и сыкляибны́тка дро Ерусалимо ячнэ́ древа́н бут, адя́кэ-паць и бут рашая́ упатя́ндынэ.

Joannostir 17:19

Мэ отдыём пэс Ту́кэ пал лэ́ндэ, соб (кай) и ёнэ тэ отдэ́н пэс Ту́кэ пир чачипэ́н.

Jakov 1:21

Ваш дава́ отчхувэн пэ́стыр сарэ́ ладжавэ кэ магирипэ́н рэ́нды и песьцёныма, савэ́ ишчо (инкэ́) ячнэ́пэ андрэ́ тумэ́ндэ и прилэ́н лав ковлэ́ илэ́са, саво́ мэкця́ корнё (рукх) дро тумаро́ ило́ и могинэ́ла тэ зракхэ́л тумэн.

1 Petr 1:2

пир Дэвлэ́скирэ-Дадэ́скиро задуминыбэн ваш дова́, соб (кай) тэ кандэ́н Исусо́с Христосо́с, Саво́ отмэкця́ грэ́хи Лэ́скирэ Духо́са, соб (кай) тумэ́ тэ явэ́н помакхнэ Лэ́скирэ Ратэ́са: мэк бахтякирибэ́н и рама́нё (миро) тэ явэ́н бут бут тумэ́нгэ.

1 Petr 3:20

савэ́ вари-ке́ли на кандынэ́ Дэвлэ́с, и савэ́н Дэвэ́л вырикирибнаса ужакирдя саро́ дава́ часо, пака Ноё кэрэ́лас ковчэго (мохто́), дро саво́ загинэ́ на́бут мануша́, охтоджинэ (бидуе́нгиро дэш), савэ́ зракхнэпэ пане́стыр: