1 Petr 1:21 - Библия - Пэ Балтитко Романи чиб (Романэс) 2019

²¹ пир Лэ́стэ тумэ́ лынэ́ тэ патя́н дрэ Лэ́стэ, Саво́ отджидякирдя́ Лэс мулэ́ндыр и дыя́ сла́ва Лэ́скэ, соб (кай) тумэ́ндэ тэ явэ́л патяибэ́н и наде́я пэ Дэвлэ́стэ.

Biblija - Pe Baltitko Romani čib (Romanes) 2019

²¹ pir Léste tumé lyné te patián dre Léste, Savó otdžidiakirdiá Les muléndyr i dyjá sláva Léske, sob (kaj) tuménde te javél patiaibén i nadiéia pe Devléste.

1 Petr 1:21 Referans Kwoze

Apostolengiri Butý 2:24

нэ Дэвэ́л отджидякирдя́ Лэс мэрибна́стыр, и отлыя зор мэрибна́стыр, пал-дова́ со ёв на могиндя́ Лэс тэ рикирэ́л.

Юдэ́нгэ 2:9

нэ амэ дыкхаса Исусо́с, Савэс Дэвэ́л на́бут тыкнякирдя анги́л Янголэндэ, и Саво́ исын прославиндло и кутякирдо, пал-дова́ со Ёв пиридживдя мэ́ньки и мэрибэ́н; Ёв пиридживдя мэрибэ́н пал сарэ́ манушэ́ндэ пир Дэвлэ́скиро бахталыпэ́н.

Joannostir 12:44

Ису́со зоралэ́с дыя́ го́дла и пхэндя́: “Одова́, кон дрэ Ма́ндэ патя́ла, ёв на дрэ Ма́ндэ патя́ла, нэ ёв патя́ла дрэ Одолэ́стэ, Кон бичхадя́ Ман;

1 Petr 3:22

Саво́ ґаздыя́пэ дро Болыбна́скиро Раё и исын пир чачо́ васт Дэвлэ́стыр, и Лэ́скэ дынаринэна сарэ́ Янго́лы, Лэ́стэ исын сарэ́ правы и сарэ́ зорья.

1 Petr 1:11

Ёнэ сыклякирдэ́ миштэ́с тэ уджинэ́н, ке́ли и пэ саво́ часо (цы́ро) упхэндя Христосо́скиро Ду́хо (Фа́но), ке́ли Ёв ангилпхэнэлас пал Христосо́скирэ мэ́ньки и пал Лэ́скири сла́ва, сави́ явэ́ла коригэды́р (позжэ).

Юдэ́нгэ 7:25

Палдава́ Ису́со могинэ́ла тэ зракхэ́л сарэ́ манушэ́н, савэ́ явэ́на пашылэды́р кэ Дэвэ́л пир Лэ́стэ; Ёв исын ўса́ды (сак) джидо́ тэ мангэ́л Дэвлэ́с пал лэ́ндэ.

Эфесянэнгэ 1:15

Палдава́ и мэ адя́кэ-паць, ке́ли амэ шундём пал тумаро́ патяибэ́н дрэ Исусо́стэ и пал ла́ска кэ сарэ́ свэ́нта,

1 Ximaske 1:1

Павли́стыр, Исусо́скирэ-Христосо́скирэ Апостолостыр, савэ́с выкэдыя́ Дэвэ́л, амаро́ Зракхибнари (Спасителё) и Рай Дэвэ́л, Ису́со Христо́со, пэ савэ́стэ мэ надеинасапэ,

Колосянэнгэ 1:27

савэ́нгэ камдя́ Дэвэ́л тэ пиридэл джиныбэ́н, саво́ исын славакиро барвалыпэ́н машки́р Наюдэ́ндэ дро кадава́ гарадо́ чачипэ́н, саво́ исын Христо́со дрэ тумэ́ндэ, Ёв исын тумари́ наде́я дрэ сла́ва:

Римлянэнгэ 10:9

пал-дова́ со, ко́ли ту приґалёса тырэ́ уштэ́нца и явэ́са тэ ракирэ́с сарэ́нгэ, со ‘Ису́со исын Дэвэ́л’ и явэ́са тэ патяс тырэ́ илэ́са, со Дэвэ́л отджидякирдя́ Лэс мулэ́ндыр, тэды ту зракхэсапэ.

Римлянэнгэ 4:24

Нэ ёнэ адя́кэ-паць отлыджанапэ и кэ амэ, савэ́нгэ явэ́ла загиндло чачипэ́н, кон патя́ла дрэ Одолэ́стэ, Кон отджидякирдя́ мулэ́ндыр, амарэ́ Рас-Дэвлэ́с, Исусо́с,

Apostolengiri Butý 4:10

мэк тэ явэ́л джиндло́ тумэ́нгэ сарэ́нгэ и сарэ́ Израилёскирэ манушэ́нгэ, со Исусо́скирэ-Христосо́скирэ лавэ́са, Саво́ сыс Назареё, и Савэс тумэ́ примардэ пэ трушу́л, Савэс Дэвэ́л отджидякирдя́ мэрибна́стыр, ґа́да, адава́ ману́ш исын тэрдо́ састо́ анги́л тумэ́ндэ.

Apostolengiri Butý 3:15

нэ тумэ́ мулякирдэ́ джиибна́скирэ Шэрэ Рас, Конэ́с Дэвэ́л отджидякирдя́ мэрибна́стыр и амэ сам якхи́тка дро дава́.

Apostolengiri Butý 3:13

Дэвэ́л Авраамо́скиро и Исако́скиро и Яково́скиро, Дэвэ́л амарэ́ дадэ́нгиро, прославиндя Пэ́скирэ Чхавэ́с Исусо́с, Савэс тумэ́ здынэ и Савэ́стыр отпхэндлэпэ анги́л Пилатостэ, ке́ли Пила́то отсэндиндя тэ отмэкэ́л Лэс пэ во́ля.

Joannostir 17:1

Пало́ далэ́ лава́ Ису́со ґаздыя́ пэ́скирэ якха́ пэ болыбэ́н и пхэндя́: “Да́до! Миро мардо́ (часо) явдя́: славин Пэ́скирэ Чхавэ́с, соб (кай) Чхаво́ тэ славинэл Тут,

Joannostir 14:6

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

Joannostir 14:1

“Мэк ило́ тумаро́ тэ на страхадёл; патя́н дрэ Дэвлэ́стэ и патя́н дрэ Ма́ндэ.

Joannostir 3:34

Пал-дова́ со Кодова́, Конэ́с бичхадя́ Дэвэ́л, ракирэ́ла лава́ Дэвлэ́скирэ, пал-дова́ со Дэвэ́л дэ́ла Пэ́скиро Ду́хо (Фа́но) Лэ́скэ би меракиро.

Матфеё 28:18

На Ису́со явдя́ и пхэндя́ лэ́нгэ; “Саро́ право дыно́ Ма́нгэ, сыр пэ болыбэ́н, адя́кэ пэ пхув.

Ереме́ё 17:7

Тэ явэ́л бахтало́ ману́ш, саво́ допатяла зоралэ́с дрэ Растэ-Дэвлэ́стэ и конэ́скиро патяибэ́н исын дрэ Растэ-Дэвлэ́стэ.

Psalmy 42:5

Ке́ли мэ пририпирава дава́, тэды мэ пхагирава пэскро ило́: сыр мэ псирдём машки́р бутэ́ манушэ́ндэ, сыр мэ лыджавас лэн кэ Дэвлэ́скиро Кхэр и давас го́дла радыма́тыр и шарибнастыр манушытконэ́ скопостыр, савэ́ свэнкинэнас.

Юдэ́нгэ 6:1

Палдава́ мэкаса амэ пэ́рва лава́ пал Христосо́стэ и ява́са тэ пириджас тэ причхувас зор кэ дасаво сыклякирибэ́н, саво́ трэй ваш сталонэ дэвлытконэнгэ; нэ амэ на ява́са нэвэ́стыр тэ сыклякирас пал дасаво джиибэ́н, со янэ́ла манушэ́н кэ мэрибэ́н, а пал патяибэ́н дрэ Дэвлэ́стэ;

Joannostir 17:5

И какана́, Да́до, славин Ман слава́са, сави́ сыс Ма́ндэ, ке́ли Мэ со́мас Ту́тэ анги́л, сыр свэ́то сыс создыно́.

Joannostir 17:24

Да́до! Савэ́н Ту дыя́н Ма́нгэ, ёнэ ячнэ́ дро́га Ма́нгэ, соб (кай) ёнэ тэ явэ́н одо́й кхэтанэ́ Ма́нца, кай и Мэ; мэк ёнэ тэ дыкхэ́н Мири́ бари паты́в, сави́ Ту дыя́н Ма́нгэ, пал-дова́ со Ту́кэ Мэ яцём дро́го анги́л, сыр свэ́то сыс создыно́.

2 Коринфянэнгэ 6:15

И саво́ доракирибэ́н исын машки́р Христосо́стэ и Велиаро́стэ? Ци саво́ кхэтаныпэн исын машки́р патяибнаскирэстэ и напатяибнаскирэстэ?

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

1 Petr 1:3

Мэк тэ явэ́л бахтякирдо́ Дэвэ́л Дад амарэ́ Ра́скирэ-Дэвлэ́скиро, Исусо́скирэ Христосо́скиро, Саво́ пир Пэ́скиро баро́ тангипэ́н дыя́ амэ́нгэ яви́р джиибэ́н, ке́ли отджидякирдя́ Исусо́с Христосо́с мулэ́ндыр, соб (кай) амэ́ндэ тэ явэ́л джиды наде́я,