1 Паралипоменоно 9:2 - Библия - Пэ Балтитко Романи чиб (Романэс) 2019

² Англатунэ́ мануша́, савэ́ дживдэ́ пэ пэ́скирэ штэ́ты, пир Израилёскирэ фо́рья, сыс Израильтя́ни, рашая́, Леви́ты и Нефинеи, кон дживдя́ кэ Ерусалимо.

Biblija - Pe Baltitko Romani čib (Romanes) 2019

² Anglatuné manušá, savé dživdé pe péskire štéty, pir Izrailjoskire fórja, sys Izrail'tiáni, rašaja, Lievíty i Niefiniei, kon dživdiá ke Jerusalimo.

1 Паралипоменоно 9:2 Referans Kwoze

Ниеми́я 7:73

И ячнэ́ тэ дживэ́н рашая́, и Леви́ты, и ракхибна́рья пэ по́рта, и багаибнаскирэ и яви́р мануша́, и, Нефинеи и саро́ Израилё дрэ пэ́скирэ фо́рья.

Е́здра 8:20

и адя́кэ-паць Нефинее́ндыр, конэ́с о Дави́до и шэралэ́ чхудэ́ дрэ зор тэ дынаринэ́н (тэ служынэн) Левитэ́нгэ, дуй шэла́ тэ биш Нефине́и: кажно ману́ш лэ́ндыр сыс выкхардо пир лав.

Е́здра 2:70

И э рашая́, и э Леви́ты, и вари-савэ́ яви́р мануша́, и багаибнаскирэ, и стрэгарья пэ вудара́, и Нефенеи, лынэ́ тэ дживэ́н дрэ лэ́нгирэ фо́рья, и саро́ Израилё дрэ пэ́скирэ фо́рья.

Е́здра 2:58

Сарэ́н: Нефинее́н и чхавэ́н Соломоно́скирэ-писхарье́нгирэн сыс трин шэла́ енядэша дуй.

Е́здра 2:43

Э Нефине́и: чхавэ́ Цыхаскирэ, чхавэ́ Хасуфаскирэ, чхавэ́ Табаофоскирэ;

Ниеми́я 7:60

Сарэ́ Нефинеи и писха́рья Соломоно́скирэ сыс триншэла́ енядэша дуй.

Е́здра 2:1

Акана́, акэ, исын мануша́ долэ́ округа́тыр, савэ́ выгинэ́ плено́стыр кодолэндыр, савэ́н вылыджия́ о Навуходоносо́ро, кра́ли Вавилоно́скиро, кэ Вавило́но, и кон рисия́ палэ кэ Ерусалимо и кэ Юдэ́я, кажно дро пэ́скиро фо́ро,

Ниеми́я 10:29

ёнэ приячнэ кэ пэ́скирэ пша́ла, кэ лачхэ́-родоскирэнгэ (патывалэдырша) лэ́ндыр, и гинэ́ дро отпхэныбэ́н совлахаса и прокошыбнаса – тэ кэрэ́н пир Дэвлэ́скиро Зако́но, саво́ сыс дыно́ Мойзаса Дэвлэ́скирэ-писхарискирэ вастэ́са, и тэ зракхэн, и тэ сполнинэн амарэ́ Ра́скирэ-Дэвлэ́скирэ, Дэвлэ́скирэ сарэ́ запхэныбэна, и Лэ́скирэ припхэныбэна́, и Лэ́скирэ упхэныбэна́,

Ниеми́я 11:1

И дживдэ́ барыдыра́ манушэ́нгирэ кэ Ерусалимо, и яви́р мануша́ народо́стыр и чхурдэнас жре́биё, соб (кай) екх паш лэ́ндыр дэшэ́ пашэндыр лэнгирэндыр тэ джал тэ дживэ́л кэ свэ́нта фо́ро Ерусалимо, а еня́ (биекхэ́скиро дэш) паша́ лэ́ндыр тэ ячэ́нпэ тэ дживэ́н дрэ яви́р фо́рья.