1 Паралипоменоно 9:1 - Библия - Пэ Балтитко Романи чиб (Романэс) 2019

¹ Адя́кэ, сыс пиригиндлэ пир пэ́скирэ ро́ды сарэ́ Израильтя́ни, и, акэ, ёнэ сыс зачхиндлэ́ дрэ бэршы́тка архи́вы Израилёскирэ кралье́ндэ. Мануша́ Юдэя́тыр пал пэ́скиро чорипэ́н сыс пирилыджинэ тэ дживэ́н кэ Вавило́но.

Biblija - Pe Baltitko Romani čib (Romanes) 2019

¹ Adiáke, sys pirigindle pir péskire ródy saré Izrail'tiáni, i, ake, jone sys začhindlé dre beršýtka arhívy Izrailjoskire kral'jénde. Manušá Judejátyr pal péskiro čoripén sys pirilydžine te dživén ke Vavilóno.

1 Паралипоменоно 9:1 Referans Kwoze

Ниеми́я 7:64

Ёнэ родынэ лэ́нгирэ-родэнгиро пиричхиныбэн, и на латхнэ́, и палдава́ лэн вычхурдынэ рашандыр.

Ниеми́я 7:5

И чхудя́ миро Дэвэ́л дро миро ило́, соб (кай) мэ тэ скэдав лачхэ́-родоскирэ манушэ́н, и барыдырэ́н и явирэ манушэ́н, соб (кай) ма́нгэ тэ пиричхинав лэн пир лэ́нгиро ро́до. И мэ латхём родэнгиро пиричхиныбэн (списко) одолэ́н, савэ́ явнэ́ палэ пэ́рва, и дро списко сыс зачхиндло́:

Е́здра 2:59

И, акэ, сыс одолэ́, савэ́ явнэ́ Тэл-Мелахостыр, Тэл-Харшыстыр, Херубостыр-Аданостыр-Имэростыр, савэ́ на саштындлэ (могиндлэ́) тэ досыкавэн пал стрэч/лэ́нгирэ-дадэ́нгиро ро́до (поколениё) ци пал лэ́нгиро кхэри́тко ро́до (племё), со ёнэ сыс Израилёстыр:

Дание́лё 1:2

И дыя́ о Рай Дэвэ́л дро лэ́скиро васт э Иокимос, Юдэя́кирэ крали́с, и ада́кицы кхорэ́ (сасу́ды) Дэвлытконэ́ кхэрэ́стыр, и ёв бичхадя́ лэн пэ пхув Сеноар, кэ лэ́скирэ Дэвлэ́скиро кхэр, и яндя́ адалэ́ сарэ́ кхорэ́ дрэ пиралы́ ваш казна лэ́скирэ дэвлэскири.

Ереме́ё 39:9

И о Навузардано, о рай пэ крали́скири стрэ́га, лыджия́ криг дро пле́но кэ Вавило́но манушэ́н, савэ́ ячнэ́пэ дро фо́ро, и кодолэ́н, кон пиригия кэ ёв явирэ манушэ́нца, савэ́ ячнэ́пэ.

2 Паралипоменоно 33:11

И палдава́ яндя́ Рай Дэвэ́л пэ лэ́ндэ барыдырэ́н Асирия́кирэ-крали́скирэ халадэндыр; и закуиндлэ ёнэ Манасияс дрэ састыра́, и закуиндлэ лэс зандирье́нца (цэпэнца), и лыджинэ́ лэс дро Вавило́но.

1 Паралипоменоно 8:40

Чхавэ́ Уламоскирэ сыс мануша́ муршканэ́, савэ́ дэ́нас карье лукостыр, лэ́ндэ сыс бут чхавэ́ и ўнуки (непо́ты): шэл тэ пандждэша́. Сарэ́ ёнэ сыс Вениамино́скирэ чхавэ́ндыр.

3 Kralip 14:19

Яви́р рэ́нды (де́лы) Еровоамоскирэ, сыр ёв мардя́пэ и сыр кралиндя, исын зачхиндлэ́ дрэ бэршы́тка архи́вы Израилёскирэ-кральенгирэ.

4 Kralip 24:14

И выбичхадя саро́ Ерусалимо, и сарэ́н тхагарье́н, и сарэ́н муршканэн халадэ́н, – дэш тысёнцы сыс выбичхадэ, – и сарэ́н кхэра́-кэрибнаскирэн (плотникэн) и фаурнарьен (пэталэнгирэн, кузнецэн); никонэ́с на яця́пэ, апри́ч чорорэ́ манушэ́ндэ пэ доя́ пхув.

4 Kralip 24:15

И пиричхудя ёв тэ дживэ́л Ехонияс дро Вавило́но; и кралискирья да, и крали́скирэ джувле́н (ромнен), и лэ́скирэ скопцэн, и ёв зоралэн отлыджия ёв, сыр пленнонэн Ерусалимо́стыр дро Вавило́но.

4 Kralip 24:16

И сарэ́ халадэ́н гиныбнаса эфта́ тысёнцы манушэ́н, и графарьен (спецэн тэ рисынэн) и спецэн тэ ґаздэ́н кхэра́ тысёнцо, сарэ́н муршканэн, савэ́ псирдэ́ пэ марибэ́н, залыджия́ Вавилоно́скиро кра́ли дро пле́но тэ дживэ́н кэ Вавило́но.

Е́здра 2:1

Акана́, акэ, исын мануша́ долэ́ округа́тыр, савэ́ выгинэ́ плено́стыр кодолэндыр, савэ́н вылыджия́ о Навуходоносо́ро, кра́ли Вавилоно́скиро, кэ Вавило́но, и кон рисия́ палэ кэ Ерусалимо и кэ Юдэ́я, кажно дро пэ́скиро фо́ро,

Ниеми́я 11:1

И дживдэ́ барыдыра́ манушэ́нгирэ кэ Ерусалимо, и яви́р мануша́ народо́стыр и чхурдэнас жре́биё, соб (кай) екх паш лэ́ндыр дэшэ́ пашэндыр лэнгирэндыр тэ джал тэ дживэ́л кэ свэ́нта фо́ро Ерусалимо, а еня́ (биекхэ́скиро дэш) паша́ лэ́ндыр тэ ячэ́нпэ тэ дживэ́н дрэ яви́р фо́рья.

Isajos 3:2

Рас и халадэс, сэндарис и пророко́с, манушэ́с, саво́ исын чорахано (магико) и пхурэс,

Ереме́ё 13:19

Фо́рья пэ паш-дывэсы́тко (южно) риг явэ́на запхандлэ и на явэ́ла нико́н тэ псиравэл (отпхандэл) лэн; сари́ Юдэ́я лыджа́на криг дро пле́но, сарэ́ Юдэя́кирэ манушэ́н залыджана дро пле́но.