1 Паралипоменоно 5:1 - Библия - Пэ Балтитко Романи чиб (Романэс) 2019

¹ Чхавэ́ Рувимо́скирэ, англатунэ́-Израилёскирэ чхавэ́скирэ, – ёв сыс англатуно́ чхаво́; нэ ке́ли ёв магирдя пэ́скирэ-дадэ́скиро чхуибэ́н, нэ лэ́скиро англатуныбэн сыс отдыно́ Ёза́скирэ (Иосифо́скирэ) чхавэ́нгэ, чхавэ́скэ Израилёскирэскэ долэса, соб (кай) тэ на гинэнпэ лэ́нгэ [Ёзаскирэнгэ] англатунэ́ бияныбнытконэнца;

Biblija - Pe Baltitko Romani čib (Romanes) 2019

¹ Čhavé Ruvimóskire, anglatuné-Izrailjoskire čhavéskire, – jov sys anglatunó čhavó; ne kiéli jov magirdia péskire-dadéskiro čhuibén, ne léskiro anglatunyben sys otdynó Jozáskire (Iosifóskire) čhavénge, čhavéske Izrailjoskireske dolesa, sob (kaj) te na ginenpe lénge [Jozaskirenge] anglatuné bijanybnytkonenca;

1 Паралипоменоно 5:1 Referans Kwoze

Džiibén 35:22

Дро дава́-паць часо, ке́ли Израилё сыс дрэ доя́ риг, Рувимо гия́ и пирисутя Валаса, пэ́скирэ дадэ́скирэ би-совлахакирэ джувля́са. И шундя́ Израилё. Яковостэ сыс дэшуду́й чхавэ́.

Džiibén 29:32

Лия пхария и бияндя́ чхавэ́с, и дыя́ лэ́скэ лав: Рувимо, пал-дова́ со ёй пхэндя́: “О Рай Дэвэ́л дыкхця́ миро пхаро́ джиибэ́н, акана́ явэ́ла миро ром тэ камэл ман.”

1 Паралипоменоно 26:10

Хосостэ, чхавэ́ндыр Мерариноскирэндыр, чхавэ́ сыс: Шимри шэрало́ (надыкхи пэ дава́, со ёв на сыс англатуно́), нэ дад лэс чхудя́ шэралэса;

Vygiiben 6:14

Ѓа́да (акэ), исын лэ́нгирэ барыдыра́ пэ стрэ́чы (поколении): Рувимо́скирэ чхавэ́, кон сыс англатуно́ Израилёскиро: Ханохо и Фало, Хецроно и Харми: далэ́ исын Рувимо́скирэ чэ́карья (семействы).

1 Коринфянэнгэ 5:1

Исын мавлы́н (малва), со машки́р тумэ́ндэ исын биладжаипэ́н и дасаво биладжаипэ́н, саво́ аж на сыс джиндло́ машки́р Наюдэ́ндэ, со екх ману́ш рикирэ́ла лэ́скирэ-дадэ́скирэ ромня́ пал ромня́тэ.

1 Паралипоменоно 2:1

Ѓа́да, сыс Израилёскирэ чхавэ́: Рувимо, Симеоно, Ле́виё, Юда, Исахаро, Завулоно,

Isúso 14:6

Юда́скирэ чхавэ́ явнэ́ дро Галга́ло кэ Ису́со (Ёхошуа́), и пхэндя́ лэ́скэ о Халево, Ефониёскиро чхаво́, Кенезеянино: “Ту джинэ́са, со ракирдя́ Рай Дэвэ́л Мойза́скэ, Дэвлэ́скирэ манушэ́скэ, пал ма́ндэ и пал ту́тэ дрэ Кадес-Варна.

Яви́р Зако́но 27:20

Прокошно́ явэ́ла ману́ш, саво́ пасёла пэ́скирэ-дадэ́скирэ ромня́са, пал-дова́ со ёв отчхакирдя́ пэ́скирэ дадэ́скирэ-идякиро яго́ро (краё)! И сарэ́ мануша́ пхэнэ́на: ами́нь.

Яви́р Зако́но 21:17

нэ ёв исын банго́ тэ приґалёл англатунэса чхавэ́с накамлэ ромнятыр, и тэ дэл лэ́скэ дуй паша́ сарэ́стыр, со лэ́стэ латхэлапэ, пал-дова́ со ёв исын англатуно́ лэ́скирэ зорья́тыр, лэ́скэ исын право тэ явэ́л англатунэ́-родоскирэса.

Čysly 26:5

О Рувимо, англатуно́ (пэ́рво) чхаво́ Израилёскиро. Рувимо́скирэ чхавэ́ сыс: Ханохостыр стрэч (поколениё) Ханохоскири, Фалустыр Фалускири стрэч (поколениё),

Čysly 16:1

О Кореё, Ицгароскиро чхаво́, Каафоскиро чхаво́, Левиёскиро чхаво́, и Дафано и Авироно, Елиавоскиро чхавэ́, и Авнано, Фалефоскиро чхаво́, Рувимовоскирэ чхавэ́,

Čysly 1:5

И, акэ, исын муршэнгирэ лава́, савэ́ явэ́на тумэ́нца: Рувимостыр Елицуро, Шэдэураскиро чхаво́;

Левито 20:11

Ко́ли вари-кон пасёла пэ́скирэ-дадэ́скирэ ромня́са, одова́ хай отчхакирдя́ лэ́скирэ-дадэ́скиро нангипэ́н, мэк тэ явэ́н отдынэ́ мэрибна́скэ дуйджинэ́, лэ́нгиро рат тэ явэ́л пэ лэ́ндэ.

Левито 18:8

Нангипэ́н тырэ́-дадэ́скирэ ромнякиро на отчхакир: дава́ исын нангипэ́н тырэ́-дадэ́скиро.

Džiibén 46:8

Ѓа́да, сыс Израилёскирэ-чхавэ́нгирэ лава́, савэ́ явнэ́ дро Еги́пто: Яково и лэ́скирэ чхавэ́. Яково́скиро англатуно́ чхаво́ сыс Рувимо.

Džiibén 25:23

О Рай Дэвэ́л пхэндя́ ла́кэ: “Дуй ра́зна кхэри́тка ро́ды (пле́ми) исын дро тыри́ лочови́ (утроба), и дуй ра́зна манушы́тка на́цыи (народы) выджа́на тырэ́ лочовя́тыр; екх мануша́ явэ́на зоралэды́р явирэндыр, и пхурэды́р явэ́ла тэ дынаринэ́л (тэ служынэл) тыкнэдыршонэскэ.”

Колосянэнгэ 1:15

Христо́со исын Дэвлэ́скири патри́н (о́бразо). Ёв сыкавэ́ла Пэ́скирэ андратунэ́ чачипна́са набицялэ Дэвлэ́с. Христо́со сыс бияндло англэды́р сарэ́стыр, со сыс создыно́;

Džiibén 25:31

Нэ Яково пхэндя́: “Акана́ бикин ма́нгэ пэ́скиро англатуно́ бияныпэ́н.”

Džiibén 48:5

И акана́ дуй тырэ́ чхавэ́, савэ́ бия́ндынэ пэ Египто́скири пхув, анги́л дова́, сыр мэ явдём кэ ту дро Еги́пто, ёнэ исын мирэ́; Ефре́мо и Мана́сия, сыр Рувимо и Симеоно (Семёно) явэ́на мирэ́;

Яви́р Зако́но 33:17

Лэ́скири зор исын сыр англатунэ́-бияныпнаскирэ гуруворэстэ, и шынга́ (ро́ги) лэ́скирэ, сыр шынга́ гурувэскирэ; лэ́нца запхусавэла ёв сарэ́ манушы́тка на́цыи кэ пхувья́киро яго́ро (кэ краё): дава́ исын шэла́ тысёнцы (тьмы) Ефремо́скирэ, дава́ исын тысёнцы Манасия́скирэ.”