1 Паралипоменоно 24:6 - Библия - Пэ Балтитко Романи чиб (Романэс) 2019

⁶ и зачхиндя́ лэн Шэмия, чхаво́ Нафанаилоскиро, лыла́-чхиныбнаскиро (писцо) Левитэндыр, анги́л муй крали́скиро и тхагарьенгиро, и анги́л рашастэ Садокостэ и Ахимелехостэ, Авиафароскирэ чхавэ́стэ, и анги́л раша́нгирэ сэм΄енгирэ шэралэндэ и Левитэнгирэндэ: лынэ́, сыр тэ чхурдэ́н жре́биё, екх чэ́карь (семейство) Елизароскирэ родо́стыр, пало́ (после) дова́ лынэ́ Ифамароскирэ родо́стыр.

Biblija - Pe Baltitko Romani čib (Romanes) 2019

⁶ i začhindiá len Šemija, čhavó Nafanailoskiro, lylá-čhinybnaskiro (pisco) Lievitendyr, angíl muj kralískiro i thagar'jengiro, i angíl rašaste Sadokoste i Ahimieliehoste, Aviafaroskire čhavéste, i angíl rašángire sem'iengire šeralende i Lievitengirende: lyné, syr te čhurdén žriébijo, jekh čékar' (siemieistvo) Jelizaroskire rodóstyr, paló (poslie) dová lyné Ifamaroskire rodóstyr.

1 Паралипоменоно 24:6 Referans Kwoze

1 Паралипоменоно 18:16

Садоко, Ахитувоскиро чхаво́, и Авимеле́хо, Авиафароскиро чхаво́ – рашая́, а Суса – чхиныбнари пэ лыла́.

Матфеё 13:52

и Ёв пхэндя́ лэ́нгэ: “Палдава́ кажно лылвари́тко (кни́жнико), саво́ сыклыя пал Кралипэ́н дро Дэвлэ́скиро Раё, исын сы́рбы ману́ш, саво́ исын кхэрэ́скиро хула́й, кон лыджа́ла яври́ пэ́скирэ кучипнаскирэ пиралятыр саро́ нэво́ и пхурано́.”

Матфеё 8:19

И подги́я кэ Ёв екх лылвари́тко и пхэндя́: “Сыклякирибна́скиро (Учытелё)! Мэ джа́ва Ту́са, карик и Ту джа́са.”

Ниеми́я 8:1

Ке́ли яця́ эфта́то чхон, и дживдэ́ Израилёскирэ чхавэ́ пир пэ́скирэ фо́рья, тэды скэдынэ́пэ сарэ́ мануша́, со кэ екх ману́ш, пэ форуны́ (плошча), саво́ сыс анги́л Панитко по́рта, и пхэндлэ́ лылваритконэскэ (книжникоскэ) Ездраскэ, соб (кай) ёв тэ янэл Мойза́скирэ-Законоскири лылвари́, сави́ припхэндя́ Рай Дэвэ́л Израилёскэ.

Е́здра 7:6

дова́ са́мо Е́здра гия́ Вавилоно́стыр. Ёв сыс сыклякирдо сыр лылвари́тко пир Мойза́скиро Зако́но, саво́ Рай Дэвэ́л Израилёскиро дыя́. О кра́ли дыя́ саро́ лэ́скэ, со ёв мангдя́, пир дова́, со Ра́скирэ-Дэвлэ́скиро васт сыс пэ лэ́стэ.

2 Паралипоменоно 34:13

Ёнэ сыс чхудэ́ пэ манушэ́ндэ, савэ́ лыджа́нас и дыкхэнас пал сарэ́ндэ бутярнэндэ пашы́л кажно буты́; вари-савэ́ Левитэндыр адя́кэ-паць сыс и лыла́-чхиныбнаскирэ, и дыкхибнарья (надзиратели), и ракхибна́рья пэ по́рты.

1 Паралипоменоно 23:24

Ѓа́да, сыс чхавэ́ Левиёскирэ, пир лэ́нгирэ дадэнги́рэ кхэра́, шэритка пэ чэ́карья (семействы), пир лэ́нгирэ-лавэскиро гиныбэ́н пир шэрэ́, савэ́ кэрдэ́ дынарибнытка (служыбнытка) бутя́ дро Ра́скирэ-Дэвлэ́скиро Кхэр, бишэ́ бэршэ́ндыр и буты́р.

3 Kralip 4:3

Елихорефо и Ахия, Сиваскирэ чхавэ́, лыла́-чхиныбнаскирэ; Иосафа́то; Ахилудаскиро чхаво́, ману́ш, саво́ зачхинэлас пир бэрша́ (канцэляри).

Marko 2:26

дава́ сыс тэды, ке́ли раша́нгиро барыдыро́ сыс Авиафаро; сыр Дави́до загия́ дрэ Кхангири́ и хая одо́й дыибнытко маро́, саво́ сыс нашты́ тэ хал никонэ́скэ апри́ч рашандэ! Ёв хая, и дыя́ пэ́скирэ малэнгэ.”

1 Паралипоменоно 24:7

И выгия́ пэ́рво жре́биё Егоиаривоскэ, яви́р Едаиёскэ,

1 Паралипоменоно 24:31

Чхурдынэ́ и ёнэ жре́биё, кхэтанэ́ пэ́скирэ пшалэ́нца, Аароно́скирэ пшалэ́нца, анги́л муй крали́скиро Давидо́скиро и Садокоскиро и Ахимелехоскиро, и раша́нгирэ-шэралэнгиро и Левитэнгиро: чэкарьенгирэ (семействэнгирэ) шэралэнгиро кхэтанэ́ пэ́скирэ тыкнэдыршонэ пшалэса.