1 Паралипоменоно 23:5 - Библия - Пэ Балтитко Романи чиб (Романэс) 2019

⁵ И штар тысёнцы ракхибнарье́н пэ по́рта (вра́ты), и штар тысёнцы манушэ́н, савэ́ славиндлэ Рас Дэвлэ́с пэ багаибнытка струме́нты, савэ́ ёв кэрдя́ тэ славинэ́н (тэ барьякирэ́н).

Biblija - Pe Baltitko Romani čib (Romanes) 2019

⁵ I štar tysjoncy rakhibnar'jén pe pórta (vráty), i štar tysjoncy manušén, savé slavindle Ras Devlés pe bagaibnytka strumiénty, savé jov kerdiá te slavinén (te barjakirén).

1 Паралипоменоно 23:5 Referans Kwoze

Amoso 6:5

Тумэ́ багана тэл гусленгири (арфакири) зан (глос), и придуминэна ваш пэ́скэ музыкакирэ струме́нты сыр Дави́до.

Psalmy 87:7

И башаибнаскирэ и багаибнаскирэ пхэнэ́на: “Саро́ лачхипэ́н джа́ла ту́тыр, Сио́но.”

2 Паралипоменоно 8:14

И чхудя́ ёв, пир Давидо́скиро припхэныбэ́н, пэ́скирэ-дадэ́скиро, змены, (отде́лы) раша́нгирэ пир лэ́нгиро дынарибэ́н, и Левитэ́н пир лэ́нгирэ стрэги, соб (кай) ёнэ славиндлэ и парикирдэ пашы́л рашандэ пир упхэныбэ́н кажнонэ́-дывэсэскиро, и ракхибнарье́н пэ по́рта пир лэ́нгирэ зме́ны, кэ кажно по́рта, пал-дова́ со дасаво сыс припхэныбэ́н Давидо́скиро, Дэвлэ́скирэ Манушэ́скиро.

Ниеми́я 7:73

И ячнэ́ тэ дживэ́н рашая́, и Леви́ты, и ракхибна́рья пэ по́рта, и багаибнаскирэ и яви́р мануша́, и, Нефинеи и саро́ Израилё дрэ пэ́скирэ фо́рья.

Е́здра 7:7

И гинэ́ лэ́са вари-савэ́ чхавэ́ Израилёскирэ, и рашая́, и Леви́ты, и багаибнаскирэ, и стрэгарья паш-вударэнгирэ, и Нефине́и дро Ерусалимо дрэ эфта́то бэрш, сыр кралиндя Артаксе́рксо.

2 Паралипоменоно 35:15

И багаибнарья, Асафоскирэ чхавэ́, ячнэ́пэ пэ пэ́скирэ штэ́ты, пир упхэныбэ́н Давидо́скиро, и Асафоскиро, и Еманоскиро и Идифуноскиро, крали́скирэ магикоскиро, и ракхибна́рья пашы́л по́рта: на ваш со сыс лэ́нгэ тэ отджан пэ́скирэ дынарибнастыр, адя́кэ сыр лэ́нгирэ пша́ла кэрадэ ваш лэ́нгэ.

1 Паралипоменоно 16:38

и Овед-Эдомос и лэ́скирэ пшалэ́н шовдэша́ охто́ манушэ́н; Овед-Эдомос, чхавэ́с Идифуноскирэс, и Хосас – ракхибнарьенца пэ по́рта.

1 Паралипоменоно 9:33

Мануша́, савэ́ баганас, сыс шэралэ́ пэ Левитэ́нгирэ стрэ́чы (поколе́нии), дрэ кхангирья́кирэ шту́бы, и сыс вольна (псирэ) залыибнастыр, пал-дова́ со дывэ́с и рат ёнэ сыс бангэ́ тэ залэнпэ пэ́скирэ багаибнаса.

3 Kralip 10:12

И кэрдя́ кра́ли далэ́ лолэ́ вэшэс-тыр парапе́то (перилы) ваш Кхангири́ Раскири-Дэвлэ́скири и ваш крали́скиро кхэр, и гусли, и псалтири ваш манушэ́нгэ, савэ́ баганас. Нике́ли на явдя́ ада́кицы лоло́ вэш, и на сыс бицяло́ кэ дава́ дывэ́с.

4 Kralip 7:10

И явнэ́, и кхардэ́ форо́скирэ ракхибнарье́н пэ по́рты, и роспхэндлэ́ лэ́нгэ, ракири́: “Амэ псирдям дро Сирия́киро ста́но и роспхэндям лэ́нгэ, и ґа́да, нанэ одо́й ни манушэ́с, ни манушэскири зан, а екх граё припхандлэ, и ослы (мега́рья) припхандлэ, и ша́тры, сыр тэ явэ́н лэ́нгэ.

1 Паралипоменоно 16:4

И чхудя́ тэ дынаринэ́н (тэ служинэн) анги́л Ра́скирэ-Дэвлэ́скиро ковчэго вари-савэ́н Левитэндыр, соб (кай) ёнэ тэ рипирэ́н (тэ славинэ́н), тэ парикирэ́н и тэ барьякирэ́н Рас-Дэвлэ́с, Дэвлэ́с Израилёскирэс:

1 Паралипоменоно 23:30

и соб (кай) тэ тэрдён кажно зло́ко (ра́нко) тэ парикирэ́н и шарэ́н Рас-Дэвлэ́с, адя́кэ-паць и бэльвэле́,

2 Паралипоменоно 20:28

И явнэ́ ёнэ дро Ерусалимо арфэнца, и лутэнца, и рогэ́нца, кэ Ра́скирэ-Дэвлэ́скиро Кхэр.

2 Паралипоменоно 34:13

Ёнэ сыс чхудэ́ пэ манушэ́ндэ, савэ́ лыджа́нас и дыкхэнас пал сарэ́ндэ бутярнэндэ пашы́л кажно буты́; вари-савэ́ Левитэндыр адя́кэ-паць сыс и лыла́-чхиныбнаскирэ, и дыкхибнарья (надзиратели), и ракхибна́рья пэ по́рты.

Isajos 64:10

Тырэ́ форо́скирэ свэ́нта штэ́ты кэрдэ́пэ чхучэ́ пхувья́са; Сио́но – чхучи́ пхув, Ерусалимо исын обчордо.