1 Паралипоменоно 23:4 - Библия - Пэ Балтитко Романи чиб (Романэс) 2019

⁴ Лэ́ндыр чхудэ́ ваш рэ́ндо дро Дэвлэ́скиро Кхэр биш тэ штар тысёнцы, лыла́-чхиныбнаскирэн и сэндарье́н шов тысёнцы.

Biblija - Pe Baltitko Romani čib (Romanes) 2019

⁴ Léndyr čhudé vaš réndo dro Devléskiro Kher biš te štar tysjoncy, lylá-čhinybnaskiren i sendar'jén šov tysjoncy.

1 Паралипоменоно 23:4 Referans Kwoze

2 Паралипоменоно 19:8

И дро Ерусалимо яндя́ Иосафа́то вари-савэ́н Левитэндыр и рашандыр и шэралэн пэ стрэ́чы пир Израилё – кэ Ра́скирэ-Дэвлэ́скиро сэ́ндо и кэ пхарипэна. И рисинэ́ кэ Ерусалимо.

Яви́р Зако́но 16:18

Дрэ сарэ́ тырэ́ кхэра́, савэ́ Рай Дэвэ́л, Дэвэ́л тыро́, дэ́ла ту́кэ, чхув пэ́скэ сэндарьен и ракхибнарьен пир тырэ́ ро́дыцы, соб (кай) ёнэ тэ сэндякирэн манушэ́н чачунэ́ сэндоса;

Apostolengiri Butý 20:28

И адя́кэ ракхэ́н пэс и сарэ́ дэвлытконэ́ манушэ́н, савэ́н Свэ́нто Ду́хо (Фа́но) чхудя́ тэ явэ́н кхангирья́кирэ барыдырэ́нца (дыкхибнаскирэнца), соб (кай) тэ ракхэ́н Дэвлэ́скири Кхангири́, сави́ Ёв дорэсця́ Пэ́скэ Лэ́скирэ-Чхавэ́скирэ Ратэ́са.

Малахия 2:7

Пал-дова́ со рашаскирэ уштэнгэ трэй тэ приракхэн джиныбэ́н, соб (кай) мануша́ тэ родэ́н джиныбэ́н пал Дэвлэ́стэ лэ́скирэ уштэндыр; пал-дова́ со ёв исын звесь/заня́ – яныбнаскиро (вестнико), янголэ́нгирэ-болыбна́скирэ Ра́стыр-Дэвлэ́стыр.

Ниеми́я 11:22

И барыдыро́ пэ Левитэндэ дро Ерусалимо сыс Узиё, чхаво́ Ванеяскиро, чхаво́ Хашавияскиро, чхаво́ Матанияскиро, чхаво́ Михаскиро, Асафоскирэ чхавэ́ндыр, савэ́ багандлэ, сыр дынариндлэ́ ёнэ дро Кхэр Дэвлэ́скиро,

Ниеми́я 11:9

Иоилё, чхаво́ Зихрискиро сыс барыдыро́ пэ лэ́ндэ, а Юда, чхаво́ Сенуяскиро, сыс яви́р ману́ш пир фо́ро.

1 Паралипоменоно 6:48

Лэ́нгирэ пша́ла, адя́кэ-паць Леви́ты, сыс чхудэ́ пэ ра́зна бутя́ пашы́л Дэвлэ́скиро Кхэр;

Езэкилё 44:24

Ке́ли исын нарозлынэ рэ́нды (де́лы), лэ́нгэ трэй тэ явэ́н сэндарьенца пир Мирэ́ упхэныбэна́ и тэ сэндякирэн лэн Мирэ́ сэндоса, тэ ракхэ́н Мирэ́ зако́ны, Мирэ́ стату́ты пал сарэ́ Мирэ́ свэ́нки, тэ ракхэ́н дрэ свэнтыма Мирэ́ са́ваты (суботы).

2 Паралипоменоно 23:18

И допатяндыя Иодаё Ра́скирэ-Дэвлэ́скирэ Кхэрэскирэ рэ́нды рашангэ и Левитэ́нгэ, сыр лэн росчхудя́ пир бутя́ Дави́до дро Ра́скирэ-Дэвлэ́скиро Кхэр, тэ ґаздэ́н цэ́ло схачкирибэ́н Ра́скэ-Дэвлэ́скэ, сыр исын зачхиндло́ дро Мойза́скиро Зако́но, радыма́са и багаибнаса, пир Давидо́скиро упхэныбэ́н.

2 Паралипоменоно 34:13

Ёнэ сыс чхудэ́ пэ манушэ́ндэ, савэ́ лыджа́нас и дыкхэнас пал сарэ́ндэ бутярнэндэ пашы́л кажно буты́; вари-савэ́ Левитэндыр адя́кэ-паць сыс и лыла́-чхиныбнаскирэ, и дыкхибнарья (надзиратели), и ракхибна́рья пэ по́рты.