1 Паралипоменоно 22:5 - Библия - Пэ Балтитко Романи чиб (Романэс) 2019

⁵ И пхэндя́ Дави́до: “Соломо́но, чхаво́ миро, исын тэрно́ и набарэ́-зорьякиро, а Кхэр, саво́ трэй тэ кэрэ́с ваш Ра́скэ-Дэвлэ́скэ, мусинэл тэ явэ́л древа́н баро́ кэ райканыпэн, кэ сла́ва и шукарипэ́н анги́л сарэ́ пхувья́, и адя́кэ ява́ва мэ тэ кэра́в ваш лэ́скэ.” И кэрдя́ Дави́до бут кэ лэскиро мэрибэ́н.

Biblija - Pe Baltitko Romani čib (Romanes) 2019

⁵ I phendiá Davído: “Solomóno, čhavó miro, isyn ternó i nabaré-zorjakiro, a Kher, savó trej te kerés vaš Ráske-Devléske, musinel te javél drieván baró ke rajkanypen, ke sláva i šukaripén angíl saré phuvjá, i adiáke javáva me te keráv vaš léske.” I kerdiá Davído but ke leskiro meribén.

1 Паралипоменоно 22:5 Referans Kwoze

1 Паралипоменоно 29:1

И ишчо (инкэ́) пхэндя́ кра́ли Дави́до сарэ́ скэдыибнаскэ: “Соломо́но, миро чхаво́, савэ́с екхэ́с выкэдыя́ Дэвэ́л, тэрно́ и набарэ́-зорьякиро, а буты́ дая́ исын бари; пал-дова́ со на ваш манушэ́скэ явэ́ла Кхэр дава́, а ваш Ра́скэ-Дэвлэ́скэ.

3 Kralip 3:7

И акана́, Раё Дэ́вла, Дэвэ́л миро, Ту чхудя́н писхари́с Тырэ́с кра́ли пэ штэ́то Давидо́скиро, мирэ́ дадэ́скиро; нэ мэ – тэрно́ ману́ш тыкно́, мэ на джино́м (на джина́в) ни миро выгиибэн, ни загиибэ́н.

Joannostir 13:1

Анги́л свэ́нко Патради́ Ису́со, сыр джиндя́, со явдя́ пашылэды́р мардо́ (шту́нда) ваш Лэ́скэ тэ мэкэл дава́ свэ́то и тэ рисёл кэ Дад, Лэ́скэ ячнэ́ древа́н дро́га одолэ́, савэ́ дживдэ́ Лэ́са пэ дава́ свэ́то, и какана́ Ёв сыкадя́ сари́ зор Пэ́скирэ ласкаса кэ ёнэ.

Joannostir 3:30

Лэ́скэ трэй тэ барьёл, а ма́нгэ тэ тыкнёвав.

Joannostir 9:4

Пака на прогия́ дывэ́с, Ма́нгэ трэй тэ кэра́в Одолэскирэ рэ́нды, Кон бичхадя́ Ман; сыг явэ́ла рат, ке́ли нико́н нашты́ нисо́ тэ кэрэ́л.

Luka 21:5

Ке́ли вари-савэ́ Лэ́скирэ сыкляибны́тка ракирдэ́ пал Кхангири́, со ёй сыс шука́р дрогонэ́ барэ́нца и дарэнца, Ису́со пхэндя́:

Agiejo 2:9

“Нэви́ Кхангири́ явэ́ла бари сыр кодоя, со сыс вагэдыр (ґарэдыр),’ – ракирэ́ла янголэ́нгирэ-болыбна́скиро, Рай-Дэвэ́л. “И пэ дава́ штэ́то Мэ да́ва рама́не (миро)”, – ракирэ́ла янголэ́нгирэ-болыбна́скиро, Рай-Дэвэ́л.

Agiejo 2:3

‘Ци яця́пэ вари-кон машки́р тумэ́ндэ, кон дыкхця́ дава́ Кхэр (Кхангири́) дрэ лэ́скиро барипэ́н, со сыс вагэдыр (΄гарэдыр)? И саво́ тумэ́ дыкхэ́на лэс акана́? Ци дава́, со тумэ́ дыкхэ́на, нанэ дукх тумарэ́ якхэнгэ?

Езэкилё 7:20

И сыс ёнэ пхутькирдэ́, со сыс лэ́ндэ руп и сувнака́й пэ урибэ́н, ёнэ кэрэ́нас лэ́ндыр вычхиндлэ́ муя́ пэ́скирэ джунгалэ́ дэвлорэ́нгэ. Пал дава́ Мэ кэра́ва адя́кэ, со руп и сувнака́й явэ́на сыр ґнэё.

Isajos 64:11

Кхэр, кай амэ свэнтякирасаспэ, кай сыс амари́ паты́в и кай амарэ́ дада́ славинэнас Тут, исын схачкирдо яга́са; амаро́ барвалыпэ́н исын росчордо.

Ekliesiastos 9:10

Саро́, со тыро́ васт латхэ́ла тэ кэрэ́л, кэр дава́ сарэ́ тырэ́ зоралыпнастыр, пал-дова́ со нанэ ни буты́, ни придуминэса нисо́, ни джиныбэ́н, ни годыпэ́н дрэ маґила (дрэ кула), карик ту кэдэсапэ тэ джас.

Е́здра 3:12

Нэ, бут рашая́, и Леви́ты, э шэралэ́ пэ стрэ́чы /дадэнги́рэ-ро́ды (поколении), савэ́ сыс пхуранэ́ мануша́, и дыкхнэ́ пэ́рво Кхангири́, рондлэ́ зоралэ́с, ке́ли чхудэ́ фунда́менто анги́л лэ́нгирэ якха́, и бут дынэ́ го́дла радыма́тыр.

2 Паралипоменоно 13:7

И скэдынэ́пэ трусця́л (кругом) лэ́стэ мануша́ чхучэ́, мануша́ розмэкнэ, и гинэ́ проти Ровоамостэ, Соломоно́скирэ чхавэ́стэ; Ровоа́мо сыс тэрно́ и набарэ́-зорьякирэ илэ́са, и на вытэрдия проти лэ́ндэ.

2 Паралипоменоно 7:21

И пал дая́ вучи́ Кхангири́ кажно (сва́ко) ману́ш, саво́ джа́ла маму́й ла́тэ, подэлапэ дивоскэ и пхэнэ́ла: “Пал со кэрдя́ адя́кэ Рай Дэвэ́л далэ́ пхувья́са и далэ́ Кхангирьяса?”

2 Паралипоменоно 2:5

И Кхэр, саво́ мэ кэра́ва, явэ́ла баро́-баро́, пал-дова́ со древа́н баро́ исын Дэвэ́л амаро́, вучэды́р сарэ́ дэвлорэндыр.

3 Kralip 9:8

И пал Кхангири́ дая́ вучи́, кажно, кон явэ́ла тэ проджал маму́й ла, страхадёла, и дэ́ла шоля (свиснинэла), и пхэнэ́ла: “Палсо́ Рай Дэвэ́л кэрдя́ адя́кэ далэ́ пхувья́са и далэ́ Кхангирьяса?”

Pritčy 4:3

Ке́ли мэ, Соломо́но, со́мас мирэ́ дадэ́скиро, (Давидо́скиро) чхаво́, дро́го и екхоро анги́л мирэ́ да́кирэ якха́,

2 Паралипоменоно 2:4

Ѓа́да, мэ кэра́ва Кхэр Ра́скирэ-Дэвлэ́скиро , мирэ́ Дэвлэ́скирэ лавэ́скэ, тэ свэнцынав Лэ́скэ, соб (кай) тэ хачкирэс анги́л Лэ́стэ дро́га смо́лы, тэ чхувэ́с саро́ часо (цы́ро) маро́ пэ зло́ко (пэ ра́нко) и бэльвэле́ дрэ са́ваты (суботы), и дрэ нэво́ чхон, и дрэ свэ́нки Ра́скирэ-Дэвлэ́скирэ, амарэ́ Дэвлэ́скирэ, со пэ саро́ джиибэ́н тэ явэ́л упхэндло́ Израилёскэ.

2 Паралипоменоно 2:8

И бичха́в ма́нгэ кедрытко вэш, и кипарисо и сандалытко вэш Ливаностыр; пал-дова́ со мэ джино́м, со тырэ́ писха́рья джинэ́на тэ чингирэн вэш Ливаноскиро. И ґа́да, мирэ́ писха́рья джа́на тырэ́ писхарье́нца,