1 Паралипоменоно 21:5 - Библия - Пэ Балтитко Романи чиб (Романэс) 2019

⁵ И подыя Иоа́во Давидо́скэ манушэ́нгиро пиричхиныбэн; и сыс сарэ́н Израильтянэ́н тысёнцо тысёнцы (милионо), и шэл тысёнцы муршэ́н, савэ́ вытырдэнас курта́ла, и Юдэя́кирэ – штаршэла́ эфтадэша́ тысёнцы, савэ́ вытырдэнас курта́ла.

Biblija - Pe Baltitko Romani čib (Romanes) 2019

⁵ I podyja Ioávo Davidóske manušéngiro piričhinyben; i sys sarén Izrail'tianén tysjonco tysjoncy (miliono), i šel tysjoncy muršén, savé vytyrdenas kurtála, i Judejákire – štaršelá eftadešá tysjoncy, savé vytyrdenas kurtála.

1 Паралипоменоно 21:5 Referans Kwoze

2 Kralip 24:9

И подыя Иоа́во кицыпэн (количэство) пэ папири манушытконэ́ пиричхиныбнаса крали́скэ; и выгия́, со Израильтянэ́н сыс охтошэла тысёнцы зоралэ́ муршэ́н, савэ́ сыс лачхэ́ кэ марибэ́н, а Юдэякирэн сыс панджшэла́ тысёнцы.

1 Паралипоменоно 27:23

Дави́до на пиригиндя одолэ́н, савэ́ сыс бишэ́ бэршэ́ндыр и тыкнэды́р, пал-дова́ со Рай Дэвэ́л пхэндя́, со Ёв убарьякирэла (кэрэ́ла барэды́р) Израилё, сыр болыбна́скирэ чэргэня́.

1 Паралипоменоно 21:4

Нэ крали́скиро лав пиризорьякирдя Иоавос; и гия́ Иоа́во, и обгия саро́ Израилё, и явдя́ дро Ерусалимо.

1 Паралипоменоно 27:24

Иоа́во, Саруяскиро чхаво́, лыя́ тэ кэрэ́л пиригиныбэ́н, нэ на кэрдя́ кэ ко́нцо (кэ яго́ро). И сыс пал дава́ холы́ Дэвлэ́скири пэ Израилё; и на загия́ дова́ пиригиныбэ́н дрэ Давидо́скирэ-крали́скиро бэршытко зачхиныбэн.