1 Паралипоменоно 19:7 - Библия - Пэ Балтитко Романи чиб (Романэс) 2019

⁷ И лынэ́ пэ́скэ триндэша дуй тысёнцы марибны́тка вурдына́ и крали́с Маахоскирэс лэ́скирэ манушэ́нца, савэ́ явнэ́ и тэрдинэ́ шэренгэнца анги́л Медевоя. И Амонитяни скэдынэ́пэ пэ́скирэ форье́ндыр, и выгинэ́ пэ марибэ́н.

Biblija - Pe Baltitko Romani čib (Romanes) 2019

⁷ I lyné péske trindeša duj tysjoncy maribnýtka vurdyná i kralís Maahoskires léskire manušénca, savé javné i terdiné šeriengenca angíl Miedievoia. I Amonitiani skedynépe péskire for'jéndyr, i vyginé pe maribén.

1 Паралипоменоно 19:7 Referans Kwoze

Isúso 13:9

Ароеростыр, саво́ исын пэ брэ́го Арноноскирэ рэкицакиро (лэнорьякиро), и фо́ро, саво́ исын машки́р сы́гно рэ́кица (лэнори́) пэ до́ло, и сари́ лошчы́на Медева кэ Дивоно;

Čysly 21:30

амэ домардям лэн марибнытконэ́ бустенца (стрелэнца); хасия́ Есево́но кэ Дивоно, амэ чхучакирдям (спустошындям) лэн кэ Нофа, сави́ исын на́дур Медеватыр.

Isúso 13:16

ригаса лэнгирьяса сыс Ароеро, саво́ исын пэ Арноноскирэ-рэкицакиро (лэнорьякиро) брэ́го, и фо́ро, саво́ исын машки́р рэ́кица (лэнори́), и сари́ лошчы́на пашы́л Медева,

Isajos 15:2

Ёв ґаздэ́лапэ кэ Баито и Дивоно, ґаздэ́лапэ пэ вучэ́ штэ́ты, соб (кай) ёв тэ ровэл; ровэла Моа́во пал Нэво́ и Медева, лэ́ндэ сарэ́ндэ исын обчхиндлэ́ бала́, сарэ́ндэ исын вымурадэ чхора (брода).

2 Паралипоменоно 14:9

И выгия́ пэ лэ́ндэ Зараё Ефиоплянино халадыбнаса дрэ тысёнцо тысёнцы и тринэ́ шэлэнца марибнытконэ́ вурдынэнца, и догия́ кэ Маре́ша.

1 Паралипоменоно 18:4

И лыя́ Дави́до лэ́стыр тысёнцо марибны́тка вурдына́, эфта́ (битринэ́нгиро дэш) тысёнцы манушэ́н, савэ́ сыс уклистэ́ пэ грэ́ндэ и биш тысёнцы манушэ́н, савэ́ гинэ́ пэзал, и роспхагирдя́ Дави́до сарэ́ марибны́тка вурдына́, (пиричхины жылы грэ́ндэ) и ячкирдя́ лэ́ндыр фэ́ни шэл.

2 Kralip 10:6

И дыкхнэ́ Амонитяни, со ёнэ кэрдэ́пэ вэргэнца ваш Давидо́скэ; и бичхадэ́ Амонитяни тэ лэн пал ловэ́ Сирийцэн Бефо-Рефовостыр и Сирийцэн Суватыр биш тысёнцы пэзал, крали́стэ Махастэ тысёнцо манушэ́н, и Истовостыр дэшуду́й тысёнцы манушэ́н.

1 Kralip 13:5

И скэдынэ́пэ Филистимля́ни пэ марибэ́н проти Израилё: трия́нда тысёнцы марибны́тка вурдэна́ и шов тысёнцы уклистэ́, и бут манушэ́н, сыр исын пра́хо пэ морёскиро (дэрьявэ́скиро) брэ́го; и явнэ́ и тэрдинэ́ лодэса (стано́са) дрэ Михмаса, Беф-Авеноскирэ васточнонэ рига́тыр.

Сэндарьенгири Лылвари́ 4:3

И задынэ го́дла Израилёскирэ чхавэ́ кэ Рай Дэвэ́л, пал-дова́ со лэ́стэ сыс еняшэла саструнэ́ вурдына́, и ёв зоралэ́с тасадя Израилёскирэ чхавэ́н биш бэрш.

Vygiiben 14:9

И традынэпэ пал лэ́ндэ Египтя́ни, и сарэ́ фараоно́скирэ марибны́тка вурдэна́ дынэ́ андрэ́, и мануша́ уклистэ́ пэ грэ́ндэ, и сарэ́ лэ́скирэ халадэ́ дотрадынэ лэн, кай ёнэ тэрдинэ́ пашы́л мо́рё (дэрья́в), пашы́л Пи-Гахирофо анги́л Ваал-Цэфоно.

1 Паралипоменоно 19:8

Ке́ли шундя́ Дави́до пал дава́, то бичхадя́ Иоавос сарэ́ муршканэ́ халадэнца.