1 Паралипоменоно 17:1 - Библия - Пэ Балтитко Романи чиб (Романэс) 2019

¹ Ке́ли Дави́до дживдя́ дро пэ́скиро кхэр, то тэды пхэндя́ Дави́до Нафаноскэ пророкоскэ: Ѓа́да, мэ джива́ва дро кедрытко кхэр, а Дэвлэ́скирэ-завето́скиро ковчэго исын тэл ша́тра.”

Biblija - Pe Baltitko Romani čib (Romanes) 2019

¹ Kiéli Davído dživdiá dro péskiro kher, to tedy phendiá Davído Nafanoske prorokoske: Ĥáda, me dživáva dro kiedrytko kher, a Devléskire-zavietóskiro kovčego isyn tel šátra.”

1 Паралипоменоно 17:1 Referans Kwoze

1 Паралипоменоно 17:5

пал-дова́ со Мэ на дживдём дро кхэр долэ́ дывэсэ́стыр, сыр вылыджиём Израилёскирэ чхавэ́н, и кэ дава́ дывэ́с, а псирдём скиниятыр дрэ ски́ния и кхэрэ́стыр дро кхэр.

1 Паралипоменоно 15:1

И кэрдя́ Дави́до пэ́скэ кхэра́ дрэ Давидо́скиро фо́ро, и скэдыя́ штэ́то ваш Дэвлэ́скиро ковчэго и кэрдя́ ваш лэ́скэ бари ша́тра (ски́ния).

Agiejo 1:9

“Тумэ́ ужакирэ́на бут, нэ чачипна́са далэ́стыр явэ́ла на́бут, и ке́ли тумэ́ янэ́на дава́ кхэрэ́, Мэ роспхурдава криг. Со́скэ? – ракирэ́ла янголэ́нгирэ-болыбна́скиро, Рай Дэвэ́л: ‘Ваш дова́, со Миро кхэр исын дрэ руи́ны, нэ кажно (сва́ко) тумэ́ндыр прастала кэ пэ́скиро кхэр.

Agiejo 1:4

“Ци исын часо тумэ́нгэ тэ дживэ́н дрэ обсыдэ кхэра́, а Кхэрэ́скэ (Кхангирьякэ) тэ пасёл дрэ руи́ны?

Дание́лё 4:4

[7] Тэ́ньци явнэ́ э човаханэ, э астрологи, э Халдеи и э драбакирибнаскирэ пир планеты; и мэ роспхэндём лэ́нгэ суно́, нэ ёнэ на дынэ́ ра́да тэ розґалён лэ́скири зна́чыма.

Ереме́ё 22:15

Ци ту думинэса тэ явэс крали́са пир дова́, со Ту учхакирдян пэс кедроса? Дад тыро́ хая и пия, и ци на кэрдя́ ёв чачуно́ сэ́ндо и саро́ пир чачипэ́н? И ваш дава́ сыс мишто́ лэ́скэ.

Psalmy 132:5

анги́л дова́, сыр мэ латхава штэ́то Ра́скэ-Дэвлэ́скэ, ша́тра, Яково́скирэ Зоралыпнаскирэ Дэвлэ́скэ.

2 Паралипоменоно 1:4

Ковчэго Дэвлэ́скиро яндя́ Дави́до Кириафиаримостыр [Кири́аф-Яримостыр-ю.о.] пэ штэ́то, саво́ приготовиндя ваш лэ́скэ Дави́до, кэрдя́ ваш Лэ́скэ ски́ния дро Ерусалимо.

1 Паралипоменоно 29:29

Рэ́нды (де́лы) крали́скирэ Давидо́скирэ, англатунэ́ и палатуно́ (после́дня), чхиндлэ́ дрэ зачхиныбэна Самуилоскирэ, и дрэ зачхиныбэна Нафаноскирэ-пророкоскирэ, и дрэ зачхиныбэна Гадо́скирэ.

1 Паралипоменоно 16:1

И яндлэ́ Дэвлэ́скиро ковчэго, и чхудэ́ лэс машки́р ски́ния, сави́ кэрдя́ ваш лэ́скэ Дави́до, и яндлэ́ Дэвлэ́скэ цэ́ло схачкирибэ́н и мирна (раманёна) свэ́нта дыибэна́.

1 Паралипоменоно 14:1

И бичхадя́ Хирамо, Тироскиро кра́ли, кэ Дави́до манушэ́н тэ ракирэ́н, и кедрытко вэш, и барунарьен (каменшчыкэн), и кхэра́-кэрибнаскирэн (плотникэн), соб (кай) тэ кэрэ́н лэ́скэ кхэр.

3 Kralip 1:44

И бичхадя́ кра́ли лэ́са Садокос, раша́с, и Нафанос, пророко́с, и Ванеяс, Иодаёскирэ чхавэ́с, и Хелефее́н, и Фелефее́н, и ёнэ чхудэ́ лэс пэ крали́скирэ мулостэ.

3 Kralip 1:23

И пхэндлэ́ крали́скэ, ракири́: “Ѓа́да, Нафано проро́ко.” И загия́ ёв кэ кра́ли, и поклониндяпэ крали́скэ мо́са кэ пхув.

3 Kralip 1:8

Нэ раша́й Садоко и Ване́я, Иодаёскиро чхаво́, и проро́ко Нафано, и Семе́ё, и Рисиё, и зоралэ́ Давидо́скирэ на сыс пэ Адонияскири риг.

2 Kralip 12:25

и бичхадя́ пророко́с Нафанос, и ёв дыя́ лэ́скэ лав: Иедидиа (Дэвлэ́скиро Дро́го), пир Ра́скирэ-Дэвлэ́скиро лав.

2 Kralip 12:1

И бичхадя́ Рай Дэвэ́л Нафанос кэ Дави́до и одова́ явдя́ кэ ёв и пхэндя́ лэ́скэ: “Дро екх фо́ро сыс дуй мануша́: екх барвало́, а яви́р чороро́;

2 Kralip 6:17

И яндлэ́ Ра́скирэ-Дэвлэ́скиро ковчэго, и чхудэ́ лэс пэ пэ́скиро штэ́то машкира́л ша́тра (ски́ния), сави́ кэрдя́ ваш лэ́скэ Дави́до; и яндя́ Дави́до цэ́ло схачкирибэ́н анги́л Растэ-Дэвлэ́стэ и раманёна (мирна) свэ́нта дыибэна́ Ра́скэ-Дэвлэ́скэ.

Apostolengiri Butý 7:46

адава́ Дави́до яця́ дро́го Дэвлэ́скэ и ёв мангдя́ Лэ́стыр тэ кэрэ́л ша́тра Яково́скирэ Дэвлэ́скэ;

3 Kralip 8:17

Давидо́стэ, мирэ́ дадэ́стэ, сыс пэ ило́ тэ чхувэ́л Кхангири́ ваш лав Ра́скирэ-Дэвлэ́скиро (Яхваскиро), Дэвлэ́скиро Израилёскиро.

1 Паралипоменоно 17:2

И пхэндя́ Нафано Давидо́скэ: “Саро́, со ту́тэ исын пэ ило́, кэр; пал-дова́ со ту́са исын Дэвэ́л.”

1 Паралипоменоно 22:7

И пхэндя́ Дави́до Соломоно́скэ: “Миро чхаво́! Ма́ндэ сыс пэ ило́ тэ кэра́в Кхэр ваш мирэ́ Ра́скирэ-Дэвлэ́скиро, Дэвлэ́скиро лав;

1 Паралипоменоно 28:2

И тэрдия́ кра́ли Дави́до пэ пэ́скиро ґэра́, и пхэндя́: “Шунэ́н ман, мирэ́ пшалалэ и мирэ́ мануша́лэ! Сыс ма́ндэ пэ ило́ тэ кэра́в кхэр ваш рама́нё ваш Ра́скирэ-Дэвлэ́скиро завето́скиро ковчэго и прэдко тэл ґэра́ амарэ́ Дэвлэ́скирэ, и саро́, со трэй тэ чхувэ́н Кхэр, мэ скэдыём ваш буты́.

Vygiiben 26:1

Ша́тра (ски́ния) кэр дэшэ цэргэндыр (покрывалэндыр) крэнцэнонэ висоно́стыр, и голубовонатыр, пурпуровонатыр и чэрвлёнонэ вылна́тыр, и кэр херувимы пэ лэ́ндэ высудэ бутяса;

1 Паралипоменоно 22:6

И кхардя́ Соломонос, чхавэ́с пэ́скирэс, и пхэндя́ лэ́скэ тэ кэрэ́л Кхэр Ра́скэ-Дэвлэ́скэ, Израилёскирэ Дэвлэ́скэ.