1 Паралипоменоно 16:4 - Библия - Пэ Балтитко Романи чиб (Романэс) 2019

⁴ И чхудя́ тэ дынаринэ́н (тэ служинэн) анги́л Ра́скирэ-Дэвлэ́скиро ковчэго вари-савэ́н Левитэндыр, соб (кай) ёнэ тэ рипирэ́н (тэ славинэ́н), тэ парикирэ́н и тэ барьякирэ́н Рас-Дэвлэ́с, Дэвлэ́с Израилёскирэс:

Biblija - Pe Baltitko Romani čib (Romanes) 2019

⁴ I čhudiá te dynarinén (te služinen) angíl Ráskire-Devléskiro kovčego vari-savén Lievitendyr, sob (kaj) jone te ripirén (te slavinén), te parikirén i te barjakirén Ras-Devlés, Devlés Izrailjoskires:

1 Паралипоменоно 16:4 Referans Kwoze

Psalmy 106:48

мэк саро́ тэ парикирэл и тэ вышарэл Рас-Дэвлэ́с, Израилёскирэ Дэвлэ́с, дрэ сарэ́ ве́ки и мэк сарэ́ мануша́ тэ пхэнэ́н: “Ами́нь! Аллилуя.”

Psalmy 105:5

рипирэ́н Лэ́скирэ ди́вы, со Ёв кэрдя́, Лэ́скирэ древа́н барэ́ ди́вы и лава́, савэ́нца Ёв сэндякирдя Пэ́скирэ мо́са.

Psalmy 103:2

Славин и парикир Ра́скэ-Дэвлэ́скэ, миро ди, и на бистыр лэ́скиро баро́ лачхипэ́н.

Psalmy 72:18

Тэ явэ́л бахтякирдо́ Рай Дэвэ́л, Израилёскиро Дэвэ́л, Саво́ Екхджино́ кэрэ́ла ди́вна бутя́.

Psalmy 70:1

Хоро́скирэ Дирижоро́скэ. Давидо́скиро Пса́лмо.

Psalmy 37:1

Давидо́скиро Пса́лмо. На́ дэ якхало́ (на́ зави́дын) зоралэ́с одолэ́нгэ, савэ́ кэрэ́на чорипэ́н, на́ зэ́влын (на́ ре́внин) кодолэ́нгэ, кон кэрэ́ла пэфроми фуипэ́н,

1 Паралипоменоно 24:3

И росчхудя́ лэн Дави́до-Садокос, Елизароскирэ чхавэ́ндыр, и Ахимелехос, Ифамароскирэ чхавэ́ндыр, екх пал екхэ́стэ пэ лэ́нгиро дынарибэ́н (служба).

1 Паралипоменоно 16:8

“Парикирэ́н Ра́скэ-Дэвлэ́скэ, кхарэ́н зоралэ́с Лэ́скиро лав; роспхэнэ́н манушэ́нгэ пал Лэ́скирэ рэ́нды;

1 Паралипоменоно 15:16

И припхэндя́ Дави́до барыдырэ́нгэ Левитэнгирэнгэ тэ чхувэ́н пэ́скирэ пшалэ́н, савэ́ баганас пэ музыкакирэ струме́нты, арфы, и луты, и цымбалы, соб (кай) ёнэ зоралэ́с тэ поддэн зан радымакири.

3 Kralip 8:15

И пхэндя́ ёв: “Тэ явэ́л бахтякирдо́ Рай Дэвэ́л (Яхва́), Дэвэ́л Израилёскиро, саво́ пхэндя́ Пэ́скирэ уштэ́нца Давидо́скэ, мирэ́ дадэ́скэ, и акана́ кэрдя́ Пэ́скирэ вастэ́са! Ёв ракирдя́:

Džiibén 33:20

И одо́й чхудя́ алта́рё; и прикхардя ёв лав Ра́скирэ-Дэвлэ́скиро (Яхваскиро) Израилёскирэ Дэвлэ́скиро [Эль – Элохе – Исраэль-ю.о.]

Džiibén 32:28

И пхэндя́: “Акана́ лав ту́кэ явэ́ла на Яково, а Израилё; пал-дова́ со ту спробиндян зорья Дэвлэ́са, и ту манушэ́н пиризорьякирэса.”

Džiibén 17:7

и Мэ чхува́ва Миро Завето машки́р Ма́ндэ и ту́тэ и машки́р тырэ́-чхаворэнгиро ро́до пало́ ту́тэ дро лэ́нгиро ро́до, доракирибэ́н пэ ве́ко дро дова́, со Мэ ява́ва тыро́ Дэвэ́л,

1 Паралипоменоно 6:31

Ѓа́да, исын одолэ́, савэ́н Дави́до чхудя́ барыдырэ́нца пэ манушэ́ндэ, савэ́ багандлэ дро Ра́скирэ-Дэвлэ́скиро Кхэр, долэ́ дывэсэ́ндыр, сыр чхудэ́ дрэ лэ́стэ ковчэго.

1 Паралипоменоно 16:3

И роздыя сарэ́нгэ Израильтянэнгэ, и муршэнгэ, и джувленгэ, пир екх маро́, и пир котэ́р мас, и пир кучик (кружка) мол (вино).

1 Паралипоменоно 16:5

Асафос шэралэса, явирэ́с пал лэ́стэ Захарияс, Иеилос, Шэмирамофос, Иехиилос, Матафияс, Елиавос, и Ванеяс, Оведо-Эдомос и Еиэлос арфэнца и лутэнца и Асафос ваш башаибэн пэ кимвалы.

1 Паралипоменоно 25:1

И отчхудя дрэ риг (росчхудя́) Дави́до и барыдыра́ халадэ́нгирэ пэ дынарибэ́н (служыныбэн) чхавэ́н Асафоскирэн, Еманоскирэн и Идифуноскирэн, соб (кай) ёнэ тэ ангилпхэнэн (тэ пророчынэн) пэ луты, арфы и цымбалы; и сыс отмэкнэ ёнэ пэ пэ́скиро рэ́ндо тэ дынаринэ́н:

2 Паралипоменоно 5:13

и сыс, сыр екх трубиндлэ и багандлэ, выдыи екхэ заня́са кэ шарибэ́н и кэ парикирибэн Ра́скэ-Дэвлэ́скэ; и, ке́ли загреминдя зан рогэнгири, и цымбалэнгири, и багаибнытконэ-струментэнгири, и шардэ Рас-Дэвлэ́с, и багандлэ: “Ёв исын лачхо́, пал-дова́ со дро ве́ко тангипэ́н Лэ́скиро”, тэды Кхэр, Ра́скирэ-Дэвлэ́скиро Кхэр пхэрдякирдя́ о́блоко,

Е́здра 3:10

Ке́ли кхэра́-кэрибнаскирэ мануша́ чхудэ́ фунда́менто тэл Кхэр (Кхангири́) Ра́скирэ-Дэвлэ́скиро , э рашая́ тэрдинэ́ дрэ лэ́нгирэ урибэна́ рогэ́нца и Леви́ты, чхавэ́ Асафоскирэ, цымбалэнца, тэ шарэ́н Рас-Дэвлэ́с пир статутно упхэныбэ́н крали́стыр Дави-достыр дро Израилё.

Ниеми́я 12:24

Шэралэ́ Левитэ́нгирэ сыс: Хашавия, Шэревия, и Ису́со (Ёхошуа́), чхаво́ Кадмиилоскиро, и пша́ла лэ́нгирэ, ёнэ сыс чхудэ́ тэ бахтякирэн, ке́ли парикирэна, пир Давидо́скиро упхэныбэ́н, кон сыс ману́ш Дэвлэ́скиро – екх змена пал яви́р змена.