1 Паралипоменоно 15:16 - Библия - Пэ Балтитко Романи чиб (Романэс) 2019

¹⁶ И припхэндя́ Дави́до барыдырэ́нгэ Левитэнгирэнгэ тэ чхувэ́н пэ́скирэ пшалэ́н, савэ́ баганас пэ музыкакирэ струме́нты, арфы, и луты, и цымбалы, соб (кай) ёнэ зоралэ́с тэ поддэн зан радымакири.

Biblija - Pe Baltitko Romani čib (Romanes) 2019

¹⁶ I priphendiá Davído barydyrénge Lievitengirenge te čhuvén péskire pšalén, savé baganas pe muzykakire strumiénty, arfy, i luty, i cymbaly, sob (kaj) jone zoralés te podden zan radymakiri.

1 Паралипоменоно 15:16 Referans Kwoze

1 Паралипоменоно 13:8

Дави́до и сарэ́ Израильтя́ни башадэ анги́л Дэвлэ́стэ сарэ́ зорья́тыр, гиле́нца, пэ луты и арфы, и бубны, и цымбалы и ро́ги (трубы).

Ниеми́я 12:36

и пша́ла лэ́скирэ: Шэмаия, Азариило, Милалаё, Гилалаё, Мааё, Нафанаило, Юда, и Хананиё музыкальнонэ струментэнца Давидостыр, саво́ сыс Дэвлэ́скиро ману́ш, и лылвари́тко Е́здра гия́ анги́л лэ́ндэ.

2 Паралипоменоно 5:13

и сыс, сыр екх трубиндлэ и багандлэ, выдыи екхэ заня́са кэ шарибэ́н и кэ парикирибэн Ра́скэ-Дэвлэ́скэ; и, ке́ли загреминдя зан рогэнгири, и цымбалэнгири, и багаибнытконэ-струментэнгири, и шардэ Рас-Дэвлэ́с, и багандлэ: “Ёв исын лачхо́, пал-дова́ со дро ве́ко тангипэ́н Лэ́скиро”, тэды Кхэр, Ра́скирэ-Дэвлэ́скиро Кхэр пхэрдякирдя́ о́блоко,

1 Паралипоменоно 23:5

И штар тысёнцы ракхибнарье́н пэ по́рта (вра́ты), и штар тысёнцы манушэ́н, савэ́ славиндлэ Рас Дэвлэ́с пэ багаибнытка струме́нты, савэ́ ёв кэрдя́ тэ славинэ́н (тэ барьякирэ́н).

1 Паралипоменоно 16:42

Пашы́л лэ́ндэ сыс Емано и Идифуно, и, соб (кай) тэ славинэ́н Дэвлэ́с, тэ башавэн пэ ро́ги, цымбалы и яви́р башаибнытка струме́нты; а чхавэ́н Идифуноскирэн ёв чхудя́ пашы́л по́рта.

Titoske 1:5

Мэ ячкирдём тут пэ Крито ваш дова́, соб (кай) ту дурэды́р тэ докэрэс буты́, сави́ ту на кэрдя́н кэ ко́нцо (кэ ягор) и тэ чхувэ́с пхурэды́р пшалэ́н дро кажно фо́ро, сыр мэ ту́кэ припхэндём:

2 Ximaske 2:2

дова́ сыклякирибэ́н, со ту шундя́н ма́ндыр анги́л бутэндэ якхитконэнгэ, роспхэн патяибнытконэ манушэ́нгэ, савэ́ явэ́на тэ сыклякирэ́н адя́кэ-паць явирэ́н.

Apostolengiri Butý 14:23

Па́вли Варнаваса дрэ кажно кхангири́ чхудэ́ годэпхурэн пир постиныбэн и мангипэ́н и отдынэ́ лэн Ра́скэ-Дэвлэ́скэ, дрэ Савэ́стэ ёнэ патяндынэ́.

Ереме́ё 33:11

явэ́ла нэвэ́стыр зан радыма́са, явэ́ла весёло (багаибнытко) зан, явэ́ла зан тэрнэскири и зан тэрнякири, зан одолэ́ манушэ́нгири, савэ́ пхэнэ́на: ‘Парикирэ́н болыбна́скирэ-янголэ́нгиро Ра́скэ-Дэвлэ́скэ, пал-дова́ со Рай Дэвэ́л исын лачхо́, пал-дова́ со Лэ́скири ла́ска (тангипэ́н) ячэ́лапэ пэ сарэ́ ве́ки’, – и зан кодолэнгири, савэ́ янэ́на свэ́нта дыибэна́ парикирибнаса кэ Ра́скирэ-Дэвлэ́скири Кхангири́. Пал-дова́ со Мэ рискира́ва [дава́-р.с.] лачхипэ́н пленонэнгэ далэ́ пхувья́тыр, сыр сыс англэды́р,” – ракирэ́ла Рай Дэвэ́л.

Isajos 49:23

И явэ́на кра́лья тэ чалякирэн тут; кралицы лэ́нгирэ тут чалякирэна. И явэ́на тэ пэрэ́н анги́л ту́тэ пэ чанга́ и тэ хан пра́хо тырэ́ ґэрэндыр. Тэ́ньци уджинэса ту, со Мэ сом Рай Дэвэ́л; со на ладжана мануша́, конэ́стэ исын пэ Ма́ндэ наде́я.”

Psalmy 149:3

Мэк ёнэ тэ шарэ́н Лэ́скиро лав кхэлыбнаса, мэк ёнэ тэ бага́н псалмы Лэ́скэ бубноса и пэ лута (тыкнэ́ гусли).

Psalmy 100:1

Парикираса Дэвлэ́скэ далэ́ Псалмоса. Бага́н и радынэ́нпэ зоралэ́с, сари́ пхув, Ра́скэ-Дэвлэ́скэ!

Psalmy 95:1

Явэ́н тэ багас зоралэ́с Ра́скэ-Дэвлэ́скэ, явэ́н тэ багас зоралэ́с радыма́тыр бэргакэ, сави́ зракхэ́ла амэн;

Psalmy 87:7

И башаибнаскирэ и багаибнаскирэ пхэнэ́на: “Саро́ лачхипэ́н джа́ла ту́тыр, Сио́но.”

Psalmy 81:1

Хоро́скирэ Дирижоро́скэ пэ Гатоскиро Струменто. Асафоскиро Пса́лмо.

Ниеми́я 12:46

Пал-дова́ со ґара́ дрэ дывэса́ Давидо́скирэ и Асафоскирэ, сыс чхудэ́ шэралэ́ пэ багаибнаскирэндэ, и шарибнытка гиля́ и гиля́ Дэвлэ́скэ, тэ барьякирэ́н и тэ парикирэ́н.

Ниеми́я 12:43

И янэ́нас дро дова́ дывэ́с барэ́ дыибэна́, и радындлэпэ, пал-дова́ со Дэвэ́л дыя́ лэ́нгэ бари ра́дыма. Радындлэпэ лошаса (радыма́са) и джувля́, и бияты, и ра́дыма (лош) Ерусалимо́скири сыс шундлы дур.

2 Паралипоменоно 30:12

И пэ Юдэе́ндэ сыс Дэвлэ́скиро васт, дыи́ лэ́нгэ екх ило́, соб (кай) тэ кэрэ́н пир упхэныбэ́н крали́скиро и тхагарье́нгиро, пир Ра́скирэ-Дэвлэ́скиро лав.

1 Паралипоменоно 15:12

и пхэндя́ лэ́нгэ: “Тумэ́, барыдыра́ Левитэ́нгирэ родэнгирэ, высвэнцынэнпэ кокорэ́ и тумарэ́ пша́ла, и янэ́н Ра́скирэ-Дэвлэ́скиро, Израилёскирэ-Дэвлэ́скирэ ковчэго пэ штэ́то, саво́ мэ приготовиндём ваш лэ́скэ;

Vygiiben 15:20

И лыя́ Мариам пророчица, Аароноскири пхэн, дрэ пэ́скиро васт бубно (тимпано), и выгинэ́ пал ла́тэ сарэ́ джувля́ бубнэнца и багаибнаса.

2 Паралипоменоно 5:12

и Леви́ты-багаибнарья, – савэ́ сыс Асафо, Эмано, Идифуно, и лэ́нгирэ чхавэ́, и лэ́нгирэ пша́ла, – уридэ́ дро парно́ похтан, цымбалэнца, и лутэнца, и арфэнца сыс тэрдэ́ пэ васточно риг алтарёскири, и лэ́нца сыс шэл тэ биш рашая́, трубиндлэ рогэ́нца,

2 Паралипоменоно 7:6

Рашая́ сыс тэрдэ́ пэ пэ́скиро дынарибэ́н (служба), и Леви́ты багаибнытконэ струментэнца Дэвлэскирэнца, савэ́ кэрдя́ кра́ли Дави́до тэ славинэ́н (тэ барьякирэ́н) Дэвлэ́с, пал-дова́ со ве́чно исын тангипэ́н Лэ́скиро, адя́кэ сыр Дави́до ракирдя́ пирда́л лэ́ндэ; рашая́ пхурдынэ дрэ ро́ги анги́л лэ́стэ и саро́ Израилё сыс тэрдо́.

Ниеми́я 12:27

Акана́, сыр обсвэнцынэна ва́нты Ерусалимо́скирэ, то лэ́нгэ трэиндя́ тэ латхэ́н Левитэ́н пир сарэ́ штэ́ты, соб (кай) тэ янэ́н лэн дро Ерусалимо, соб (кай) тэ свэнкинэн, ке́ли обсвэнцынэна и ваш ра́дымакиро свэ́нко, парикирибнаса и багаибнаса тэл зан цымбалэнгири, псалтиренгири и арфакири.

Psalmy 150:5

Шарэ́н Лэс пэ зоралэ́ цымба́лы, шарэ́н Лэс зоралэ́-заня́кирэ цымбалэ́нца.

Amoso 6:5

Тумэ́ багана тэл гусленгири (арфакири) зан (глос), и придуминэна ваш пэ́скэ музыкакирэ струме́нты сыр Дави́до.

1 Паралипоменоно 6:16

И адя́кэ чхавэ́ Левиёскирэ сыс: Гирсоно, Каафо и Мерари.

1 Паралипоменоно 16:5

Асафос шэралэса, явирэ́с пал лэ́стэ Захарияс, Иеилос, Шэмирамофос, Иехиилос, Матафияс, Елиавос, и Ванеяс, Оведо-Эдомос и Еиэлос арфэнца и лутэнца и Асафос ваш башаибэн пэ кимвалы.

2 Паралипоменоно 20:19

И уштынэ́ Леви́ты Каафоскирэ чхавэ́ндыр и Кореёскирэ чхавэ́ндыр – тэ шарэ́н Рас-Дэвлэ́с, Дэвлэ́с Израилёскирэс, древа́н зоралэ́ заня́са.

Psalmy 81:3

лэн тэ бага́н гилы́, янэ́н бубно (тамбурино) адари́к, и милонэ-башаибнаскирэ гусли лутаса.