1 Паралипоменоно 13:2 - Библия - Пэ Балтитко Романи чиб (Романэс) 2019

² и пхэндя́ Дави́до сарэ́ Израильтянэнгирэ скэдыибнаскэ: “Ко́ли трэй тумэ́нгэ, и ко́ли пэ дова́ явэ́ла во́ля амарэ́ Ра́скирэ-Дэвлэ́скири, амарэ́ Дэвлэ́скири, то бичхаваса пир саро́ свэ́то кэ яви́р амарэ́ пша́ла, пир сари́ Израилёскири пхув, и кхэтанэ́ лэ́нца кэ рашая́ и Леви́ты, дрэ фо́рья и гава́ лэ́нгирэ, об (кай) ёнэ тэ скэдэ́нпэ кэ амэ;

Biblija - Pe Baltitko Romani čib (Romanes) 2019

² i phendiá Davído saré Izrail'tianengire skedyibnaske: “Kóli trej tuménge, i kóli pe dová javéla vólia amaré Ráskire-Devléskiri, amaré Devléskiri, to bičhavasa pir saró svéto ke javír amaré pšála, pir sarí Izrailjoskiri phuv, i khetané lénca ke rašaja i Lievíty, dre fórja i gavá léngire, ob (kaj) jone te skedénpe ke ame;

1 Паралипоменоно 13:2 Referans Kwoze

1 Kralip 31:1

Филистимля́ни мардэ́пэ Израилёскирэнца, и праста́ндынэ Израилёскирэ мурша́ Филистимлянэндыр, и пынэ́ домардэ́ пэ бэ́рга Гелвуя.

Isajos 37:4

Мэк тэ шунэ́л тыро́ Рай Дэвэ́л лава́ Рабсакостыр, конэ́с бичхадя́ кра́ли Асирия́киро, хула́й лэ́скиро, соб (кай) ёв (Рабсако) тэ калякирэл джидэ́ Дэвлэ́с, соб (кай) тэ кошэл Лэс лавэ́нца, савэ́ шундя́ тыро́ Рай Дэвэ́л, помангпэ пал манушэ́ндэ, савэ́ ячнэ́пэ, савэ́ ишчо (инкэ́) джидэ́.’”

Pritčy 15:22

Со ману́ш придуминэла би годэ́-лавэнгиро, савэ́ дэ́на бут мануша́, одова́ дэ́лапэ дукха́, нэ кай бут мануша́ дэ́на годы́, одо́й саро́ исын зорало́ (мишто́).

1 Паралипоменоно 10:7

Ке́ли дыкхнэ́ Израильтя́ни, савэ́ сыс пэ до́ло, со сарэ́ нашэ́на, и со Са́уло и лэ́скирэ чхавэ́ мынэ́, тэды мэкнэ́ пэ́скирэ фо́рья и рознашнэпэ; а Филистимля́ни явнэ́ и лынэ́ тэ дживэ́н дрэ лэ́ндэ.

4 Kralip 9:15

Трэй тэ пхэнас, со кокоро́ кра́ли Иора́мо рисия́, соб (кай) тэ састякирэлпэ дрэ Изреелё чхиныбнастыр, саво́ кэрдэ́ лэ́скэ Сирияни (Араме́йцы), ке́ли ёв мардя́пэ Азаилоса, Сириякирэ крали́са. И пхэндя́ Иуё: “Ко́ли тумэ́ сан дрэ екх годы́, тэды мэк нико́н тэ на джал пэскэ форо́стыр, соб (кай) тэ джас тэ подэс зан (звесь) дрэ Изреелё.”

3 Kralip 12:7

Ёнэ ракирдэ́ лэ́скэ и пхэндлэ́: “Ко́ли ту пэ дава́ дывэ́с явэ́са дына́ри адалэ́ манушэ́нгэ, и годинэса лэ́нгэ, и явэ́са тэ ракирэ́с лэ́нгэ лачхипэ́н, тэды ёнэ явэ́на тырэ́ писхарье́нца пэ саро́ джиибэ́н.”

Vygiiben 18:23

ко́ли ту кэрэ́са дава́, и Рай Дэвэ́л пхэнэ́ла ту́кэ, тэды ту сашты́ (могинэ́са) тэ вытэрдёс, и сарэ́ адалэ́ мануша́ явэ́на тэ отджан пэ пэ́скиро штэ́то раманёса (миро́са).”

1 Паралипоменоно 13:1

И радиндяпэ Дави́до барыдырэ́нца пэ тысёнцы, барыдырэ́нца пэ шэла́ и сарэ́нца шэралэнца,

1 Паралипоменоно 13:3

и янаса кэ пэ ковчэго амарэ́ Дэвлэ́скиро, пал-дова́ со дрэ Сауло́скирэ дывэса́ амэ на рисёвасас илэ́са кэ ёв.”