1 Паралипоменоно 12:2 - Библия - Пэ Балтитко Романи чиб (Романэс) 2019

² лэ́ндэ сыс луки, ёнэ и чхурдэнас зэрвонэ (левонэ) и чачэ́ (правонэ) вастэ́са бара́ и, ёнэ дэ́нас карье лукэндыр. Ёнэ сыс пшалэ́ндыр Саулоскирэндыр, Вениаминостыр:

Biblija - Pe Baltitko Romani čib (Romanes) 2019

² lénde sys luki, jone i čhurdenas zervone (lievone) i čačé (pravone) vastésa bará i, jone dénas kar'je lukendyr. Jone sys pšaléndyr Sauloskirendyr, Vieniaminostyr:

1 Паралипоменоно 12:2 Referans Kwoze

Сэндарьенгири Лылвари́ 20:16

Сарэ́ далэ́ манушэ́ндыр сыс эфташэла́ манушэ́н фэдыршонэн, савэ́ сыс левшы, и сарэ́ адалэ́, кон чхурдэ́ла прашчэндыр бара́ пэ бал, на чхурдынэ́ ивья́ (напра́снэс).

Сэндарьенгири Лылвари́ 3:15

Тэды задынэ го́дла Израилёскирэ чхавэ́ кэ Рай Дэвэ́л, и Рай Дэвэ́л дыя́ лэ́нгэ зракхибнарис Аодос, Гераскирэ чхавэ́с, Еминиёскирэ чхавэ́с, саво́ сыс левша. И бичхадэ́ Израилёскирэ чхавэ́ кэ ёнэ почасту́нки (да́ры) Еглоноскэ, Моавитоскирэ крали́скэ.

1 Паралипоменоно 12:29

чхавэ́ндыр Вениаминоскирэндыр, пшалэ́н Саулоскирэн, сыс трин тысёнцы, – нэ ишчо (инкэ́) бут лэ́ндыр рикирдэпэ кэ кхэр Саулоскиро;

1 Kralip 17:49

И обмэкця Дави́до пэ́скиро васт дро саква (сумка), и лыя́ одотхы́р бар, и чхурдыя́ прашчаса, и попыя Филистимляниноскэ дро чыкат, адя́кэ, со бар упияпэ дро лэ́скиро чыкат, и ёв пыя́ пэ пхув мо́са.

1 Паралипоменоно 12:3

шэрало́ сыс Ахиезе́ро, пал лэ́стэ сыс Иоа́со, пал лэ́стэ сыс чхавэ́ Шемаяскирэ Гиватыр; Езие́ло и Феле́то; чхавэ́ Азмавефоскирэ; Бераха и Иегу Анафофостыр;

Psalmy 78:9

Ефремо́скирэ чхавэ́, савэ́ндэ сыс дрэ васта́ луки, рисинэ́ палэ дро марибнаскиро дывэ́с.

1 Паралипоменоно 8:40

Чхавэ́ Уламоскирэ сыс мануша́ муршканэ́, савэ́ дэ́нас карье лукостыр, лэ́ндэ сыс бут чхавэ́ и ўнуки (непо́ты): шэл тэ пандждэша́. Сарэ́ ёнэ сыс Вениамино́скирэ чхавэ́ндыр.