1 Паралипоменоно 11:5 - Библия - Пэ Балтитко Романи чиб (Романэс) 2019

⁵ И пхэндлэ́ Евусоскирэ мануша́ Давидо́скэ: “Ту на заджаса адари́к.” Нэ Дави́до лыя́ тва́рдыма/диз (кре́пость) Сио́но; дава́ исын фо́ро Давидо́скиро.

Biblija - Pe Baltitko Romani čib (Romanes) 2019

⁵ I phendlé Jevusoskire manušá Davidóske: “Tu na zadžasa adarík.” Ne Davído lyjá tvárdyma/diz (kriépost') Sióno; davá isyn fóro Davidóskiro.

1 Паралипоменоно 11:5 Referans Kwoze

Sykadyipén 14:1

И мэ дыкхцём и, акэ, Свэ́нто Бакроро́ исын тэрдо́ пэ бэ́рга Сио́но, и сыс Лэ́са шэл тэ штардэша́ штар тысёнцы манушэ́н, савэ́ндэ Лэ́скиро лав и Лэ́скирэ-Дадэ́скиро лав сыс чхиндлэ́ пэ чэкат.

Юдэ́нгэ 12:22

а тумэ́ явнэ́ кэ бэ́рга Сио́но, кэ Болыбна́скиро Ерусалимо, кэ джидэ́-Дэвлэ́скиро фо́ро, кай исын Янго́лы, Савэ скэдынэ́пэ кхэтанэ́,

Римлянэнгэ 9:33

сыр и исын чхиндло́ пал дава́: “Ѓа́да, Мэ чхува́ва пэ Сио́но бар, пал саво́ бут мануша́ обштавэнапэ и пэрэ́на: и кажно, кон патя́ла дрэ Лэ́стэ, одова́ ние́кхвар на явэ́ла тэ ладжал.”

Psalmy 132:13

Рай Дэвэ́л выкэдыя́ бэ́рга Сио́но, сави́ яця́ дро́го Лэ́скэ, соб (кай) тэ дживэ́л одо́й:

Psalmy 122:5

Пал-дова́ со зачхудэ троны ваш сэ́ндо одо́й, троны Давидо́скирэ кхэрэ́стыр.

Psalmy 87:5

И ёнэ явэ́на тэ ракирэ́н пал Сио́но: “Кадава́ ману́ш бия́ндыя одо́й и Най Вучэдырэскиро зачхудя дава́ фо́ро.”

Psalmy 87:2

Ра́скэ-Дэвлэ́скэ исын дро́го Ерусалимо́скири по́рта (врата) буты́р сарэ́ Яково́скирэ шатрэндыр.

Psalmy 78:68

нэ Ёв выкэдыя́ Юда́скиро ро́до, Сионо́скири бэ́рга, сави́ Ёв выкэдыя́ Пэ́скэ;

Psalmy 48:2

Дэвэ́л исын баро́ и Лэс древа́н шарэна дро амаро́ Дэвлэ́скиро фо́ро, пэ Лэ́скири свэ́нто бэ́рга.

Psalmy 9:11

А одолэ́, савэ́ джинэ́на Тыро́ лав, явэ́на тэ патя́н дрэ Ту́тэ, со Ту, Раё Дэ́вла, на мэкцян ни екхэ́с, кон родэ́ла Тут.

Psalmy 2:6

“Чачо́, мэ чхудём Пэ́скирэ крали́с пэ мири́ Свэ́нто бэ́рга Сио́но.”

2 Паралипоменоно 5:2

Тэды скэдыя́ Соломо́но Израилёскирэ пхурыдырэн и сарэ́н шэралэн пэ ро́дыцы, барыдырэ́н Израилёскирэн пэ чхавэ́нгирэ стрэ́чы, дро Ерусалимо, соб (кай) тэ лыджа́н пэ яви́р штэ́то Дэвлэ́скирэ-завето́скиро ковчэго Давидо́скирэ форо́стыр, Сионо́стыр.

1 Паралипоменоно 11:7

Дави́до дживдя́ дрэ доя́ тва́рдыма/диз, палдава́ и кхардэ́ ла Давидо́скирэ фороса.

3 Kralip 8:1

Тэды кхардя́ кэ пэ Соломо́но Израилёскирэ пхурыдырэн и сарэ́н родыцэнгирэ барыдырэ́н, шэралэн пэ Израилёскирэ-чхавэ́нгирэ стрэ́чы (поколении), кэ кра́ли Соломо́но дро Ерусалимо, соб (кай) тэ пирилыджас Ра́скирэ-Дэвлэ́скиро завето́скиро ковчэго Давидо́скирэ форо́стыр, Сионо́стыр.

2 Kralip 6:12

Ке́ли роспхэндлэ́ крали́скэ Давидо́скэ, пхэни́: “Рай Дэвэ́л бахтякирдя́ Аведароскиро кхэр и саро́, со сыс лэ́стэ, то гия́ Дави́до и свэнкиткэс пирилыджия Ра́скирэ-Дэвлэ́скиро ковчэго Аведароскирэ кхэрэ́стыр дро фо́ро Давидо́скиро.

2 Kralip 6:10

И на закамдя́ Дави́до тэ лыджа́л Ра́скирэ-Дэвлэ́скиро ковчэго кэ пэ, дро Давидо́скиро фо́ро, а залыджия́ лэс дро Гефяниноскирэ-Аведароскиро кхэр.

2 Kralip 5:9

И лыя́ тэ дживэ́л Дави́до дрэ тва́рдыма/диз (крепость), и кхардя́ лэс Давидо́скирэ фороса, и обчхудэ кхэра́ пашы́л Милло и андрэ́.

1 Kralip 17:36

и шчэрэс (левос) и ричэс замарэлас тыро́ писха́ри, и адалэ́ Филистимляниноса наобчхиндлэса явэ́ла дова́-паць, со сыс лэ́нца, палдава́ со адя́кэ ёв ладжакирэла джидэ́ Дэвлэ́скирэ халадэ́н

1 Kralip 17:26

И пхэндя́ Дави́до манушэ́нгэ, савэ́ сыс тэрдэ́ лэ́са: “Со кэрэ́на одолэ́скэ, кон мулякирэ́ла далэс Филистимлянинос и злэла ладж Израилёстыр? Палдава́ со кон исын адава́ наобчхиндло Филистимлянино, со адя́кэ ёв ладжакирэл джидэ́ Дэвлэ́скирэ халадэ́н?”

Сэндарьенгири Лылвари́ 19:10

Нэ ла́киро ром на здыяпэ пэ лэ́скири годы́ тэ ратькирэл, уштыя́ и гия́; и явдя́ кэ Иевусо, со какана́ исын Ерусалимо; лэ́са сыс дуй навьючына ослы (мега́рья) и лэ́скири наложница лэ́са.

1 Паралипоменоно 11:4

И гия́ Дави́до и саро́ Израилё кэ Ерусалимо, кэ Евусо. А одо́й сыс Евусеи, мануша́, савэ́ дживдэ́ пэ доя́ пхув.

1 Паралипоменоно 11:6

И пхэндя́ Дави́до: “Кон англэды́р сарэ́ндыр пиримарэла Евусее́н, одова́ ману́ш явэ́ла шэралэса и халадэ́нгирэ барыдырэ́са.” И загия́ англэды́р сарэ́ндыр Иоа́во, чхаво́ Саруяскиро, и кэрдя́пэ шэралэса.