1 Паралипоменоно 11:2 - Библия - Пэ Балтитко Романи чиб (Романэс) 2019

² и тася́, и три́то дывэ́с, ке́ли ишчо (инкэ́) Са́уло сыс крали́са, ту вылыджиян и залыджиян Израилё, и Рай Дэвэ́л, тыро́ Дэвэ́л, пхэндя́ ту́кэ: ‘Ту явэ́са тэ ракхэ́с Мирэн Израилёскирэ манушэ́н, и ту явэ́са Мирэ́-Израилёскирэ манушэ́нгирэ барыдырэ́са.’”

Biblija - Pe Baltitko Romani čib (Romanes) 2019

² i tasiá, i tríto dyvés, kiéli iščo (inké) Sáulo sys kralísa, tu vylydžijan i zalydžijan Izrailjo, i Raj Devél, tyró Devél, phendiá túke: ‘Tu javésa te rakhés Miren Izrailjoskire manušén, i tu javésa Miré-Izrailjoskire manušéngire barydyrésa.’”

1 Паралипоменоно 11:2 Referans Kwoze

2 Kralip 5:2

ишчо (инкэ́) тася́ и три́то дывэ́с, ке́ли Са́уло сыс крали́са пэ амэ́ндэ, ту вылыджиян и залыджиян Израилё; и пхэндя́ Рай Дэвэ́л ту́кэ: “Ту явэ́са тэ ракхэ́с Мирэ́ манушэ́н, Израилёскирэн, и ту явэ́са Израилёскирэ шэралэса.”

Joannostir 10:4

И ке́ли ёв вылыджала сарэ́н пэ́скирэ бакрэ́н, ёв джа́ла анги́л лэ́ндэ; бакрэ́ пал лэ́стэ джа́на, пал-дова́ со бакрэ́ джинэ́на лэ́скири зан.

Psalmy 78:71

Ёв лыя́ лэс бакрэ́ндыр, Саво́ дэ́нас цюци (колы́н) тыкнорэнгэ, Ёв лыя́ лэс тэ чаравэл Пэ́скирэ манушэ́н, Яковоскирэн и Израилёскирэн, Пэ́скирэ чхавэнгирэн.

2 Kralip 7:7

Кай Мэ на псирдём сарэ́нца Израилёскирэ чхавэ́нца, ци ракирдём Мэ екх лав вари-савэ́скэ родо́стыр, савэ́скэ Мэ выкэдыём тэ ракхэ́л Мирэ́, Израилёскирэ манушэ́н: “Со́скэ на чхувэ́на Ма́нгэ кедрытко кхэр?’”

Матфеё 2:6

“И ту, Вифлее́мо, пхув Юдаскири, ту на сан тыкнэды́р Хуландыр Юдэя́тыр; пал-дова́ со ту́тыр выджа́ла Шэрало́, Саво́ явэ́ла тэ хулаинэ́л пэ Израилёскирэ манушэ́ндэ.”

Mihiejo 5:4

И Ёв тэрдёла и Ёв явэ́ла тэ чаравэл Лэ́скирэ-бакрэнгири стада Ра́скирэ-Дэвлэ́скирэ зоралыпнаса, лавэскирэ райканыпнаса Ра́стыр-Дэвлэ́стыр, Лэ́скирэ Дэвлэ́стыр. И ёнэ ячэ́напэ тэ дживэ́н би дара́киро, пал-дова́ со Ёв явэ́ла Баро́ пэ яго́ры (пэ краи́) пхувья́кирэ.

Mihiejo 5:2

“Нэ ту, Вифлее́мо-Ефрафэ! На дыкхи́ пэ дова́, со ту сыр фо́ро сан тыкно́ машки́р тысёнцы штэ́ты пэ Юдаскири пхув, ту́тыр явэ́ла Ма́нгэ Одова́, Савэ́скэ трэй тэ явэ́л Барэ́ Ра́са пэ Израилё; Савэскиро ро́до джа́ла ґаратунэ́ англыпна́стыр, вечнонэ дывэсэ́ндыр.”

Ереме́ё 3:15

И Мэ да́ва тумэ́нгэ чхупнарьен [пастырен-р.с.] пир Миро ило́, савэ́ явэ́на тэ чалякирэн тумэн джиныбнаса, и ґалыибнаса.

Isajos 55:4

Акэ, Мэ чхудём лэс, соб (кай) ёв тэ досыкавэл (тэ допхэнэл) чачипэ́н народэнгэ, соб (кай) тэ сыклякирэ́л лэн.

Isajos 40:11

Сыр чхупна́ри Ёв ракхэ́ла Пэ́скирэ бакрэ́н; а бакрорэ́н лэ́ла Ёв пэ васта́ и явэ́ла тэ лыджа́л пэ Пэ́скиро колы́н, и савэ́ дэ́на тхуд тэ лыджа́л.

3 Kralip 14:7

Джа́, пхэн Еровоамоскэ: ‘Адя́кэ ракирэ́ла Рай Дэвэ́л, Дэвэ́л Израилёскиро: ‘Мэ ґаздыём тут простонэ манушэ́ндыр и чхудём Мирэ́ шэралэса пэ Израилёскирэ манушэ́ндэ.

3 Kralip 3:9

Дэ Тырэ́ писхари́скэ ило́ годьваро́, соб (кай) мэ тэ сэндинякирав манушэ́н Тырэ́н и тэ розґалёвав, со исын лачхипэ́н, и со исын чорипэ́н; пал-дова́ со кон могинэ́ла тэ сэндякирэ́л адалэ́ дакицы бут Тырэ́ манушэ́н?”

1 Kralip 18:13

И отбичхадя лэс Са́уло пэ́стыр и чхудя́ лэс пэ́стэ барыдырэ́са пэ тысёнцо, и ёв выджа́лас и заджалас анги́л манушэ́ндэ.

1 Kralip 16:13

И лыя́ Самуи́ло шынг (ро́го) елеёса, и помакхця лэс машки́р лэ́скирэ пшалэ́ндэ и сыс Ра́скирэ-Дэвлэ́скиро Ду́хо пэ Давидо́стэ долэ́ дывэсэ́стыр и коригэды́р (позжэ); Самуи́ло уштыя́ и гия́ дрэ Ра́ма.

1 Kralip 16:1

И пхэндя́ Рай Дэвэ́л Самуилоскэ: “Кицы́ ту явэ́са тэ тугинэс пал Саулостэ, савэ́с Мэ на прилыём, соб (кай) ёв тэ на явэ́л крали́са пэ Израилё? Пхэр тыро́ шынг (ро́го) елеёса и джа́; Мэ бичхава́ва тут кэ Вифлеемлянино Есеё, пал-дова́ со машки́р лэ́скирэ чхавэ́ндэ Мэ выдыкхцём Пэ́скэ крали́с.

Čysly 27:17

саво́ выджа́ла анги́л лэ́ндэ и саво́ заджа́ла анги́л лэ́ндэ, саво́ вылыджала лэн и саво́ янэ́ла лэн, соб (кай) тэ на ячэ́лпэ Ра́скирэ-Дэвлэ́скиро скэдыибэ́н, сыр бакрэ́, савэ́ндэ нанэ чхупнарис (пастухос).”