1 Паралипоменоно 10:12 - Библия - Пэ Балтитко Романи чиб (Романэс) 2019

¹² И ґаздынэ́пэ сарэ́ зоралэ́ мануша́, лынэ́ Саулоскиро тру́по и лэ́скирэ-чхавэ́нгирэ тру́пы, и яндлэ́ лэс дро Иависо, и гарадэ́ лэ́нгирэ кокалы́ тэл дэмбо дро Иависо, и постындлэ эфта́ дывэса́.

Biblija - Pe Baltitko Romani čib (Romanes) 2019

¹² I ĥazdynépe saré zoralé manušá, lyné Sauloskiro trúpo i léskire-čhavéngire trúpy, i jandlé les dro Iaviso, i garadé léngire kokalý tel dembo dro Iaviso, i postyndle eftá dyvesá.

1 Паралипоменоно 10:12 Referans Kwoze

2 Kralip 3:35

И явнэ́ сарэ́ мануша́ тэ сыкавэ́н тэ дэн Давидо́скэ маро́, ке́ли сыс дывэ́с; нэ Дави́до совлахадя́, ракири́: “Дова́ и дова́ мэк тэ кэрэ́л ма́нца Рай Дэвэ́л, и ишчо (инкэ́) буты́р кэрэ́ла, ко́ли мэ кэ кхамэскиро загиибэ́н хава маро́ ци вари-со.”

Džiibén 50:10

И догинэ́ ёнэ кэ Горе́н-гаатада (гиваобмарибнаскири шу́рна кэ Атадо) пашы́л Иорда́но, и рондлэ́ одо́й барэ́ роибнаса и древа́н зоралэ́с; и кэрдя́ Ёза роибэ́н пал пэ́скирэ дадэ́стэ эфта́ дывэса́.

Džiibén 35:8

И мыя́ Девора (Дэбора), сави́ чарадя Ревека, и гарадэ́ ла тэлэды́р Вефилёстыр тэл дэмбо, саво́ и кхардя́ Яково ровибнытконэ́ дэмбо́са (Аллон-Бахут).

Joannostir 11:19

и бут мануша́ Юдэндыр явнэ́ кэ Марфа и кэ Мари́я, соб (кай) тэ штылякирэн лэн дро пиридживибэн пал лэ́нгирэ пшалэ́стэ.

Džiibén 12:6

И прогия́ Авра́мо пир дая́ пхув кэ Сихемоскиро штэ́то, кэ до́ло дэмбитконэ вэшорэса Морэ. Тэды пэ дая́ пхув дживдэ́ Ханане́и.

1 Kralip 31:12

и ґаздынэ́пэ сарэ́ зоралэ́ мануша́, и гинэ́ сари́ рат, и лынэ́ тру́по Саулоскиро и лэ́скирэ-чхавэ́нгирэ тру́пы вантатыр Беф Саноскирэ, и явнэ́ дро Иависо, и хачкирдэ́ лэн одо́й;

1 Паралипоменоно 10:11

И шундя́ саро́ Иависо Галаадоскиро саро́, со кэрдэ́ Филистимля́ни Саулоса.

1 Kralip 11:1

И явдя́ Амонитянино Наасо и заухтылдя Галаадоскиро Иависо. И пхэндлэ́ сарэ́ Иависоскирэ мануша́ Наасоскэ: “Кэр амэ́нца доракирибэ́н (союзо), и амэ ява́са тэ дынарина́с ту́кэ.”

1 Kralip 11:9

И пхэндлэ́ манушэ́нгэ, савэ́ явнэ́: “Адя́кэ пхэнэ́н Галаадо́скирэ Иависоскирэ манушэ́нгэ: Атася́ явэ́ла кэ тумэ́ подрикирибэ́н, ке́ли обтатькирэла кхам.’” И явнэ́ мануша́, савэ́н бичхадэ́, и пирипхэндлэ Иависоскирэ манушэ́нгэ, и ёнэ обрадындлэпэ.