1 Kralip 3:2 - Библия - Пэ Балтитко Романи чиб (Романэс) 2019

² И сыс дро дова́ часо (цы́ро), ке́ли Илиё сыс пашто́ пэ пэ́скиро штэ́то, лэ́скирэ якха́ лынэ́ тэ зачхакирэнпэ, и ёв на могиндя́ тэ дыкхэ́л,

Biblija - Pe Baltitko Romani čib (Romanes) 2019

² I sys dro dová časo (cýro), kiéli Ilijo sys paštó pe péskiro štéto, léskire jakhá lyné te začhakirenpe, i jov na mogindiá te dykhél,

1 Kralip 3:2 Referans Kwoze

1 Kralip 4:15

Тэды Илиёскэ сыс енядэша охто́ бэрш; и лэ́скирэ якха́ пириячнэ тэ дыкхэ́н, и ёв на могиндя́ тэ дыкхэ́л.

Psalmy 90:10

Амарэ́-джиибна́скирэ дывэса́ джа́на кэ эфтадэша́ (битрияндэнгиро шэл) бэрш, а ко́ли амэ сам зоралэ́, то кэ охтодэша́ (бибишэнгиро шэл) бэрш. Нэ най фэды́р пора амарэ́ джиибнастыр исын доя́, сыр амэ сам насвалэ ци кхинэ бутя́тыр-дава́ проджа́ла (накхэла) сы́гэс и амэ вурняса криг.

Džiibén 48:10

Израилёскирэ якха́ пхурипнастыр фуес дыкхнэ́; ёв на могиндя́ шука́р тэ дыкхэ́л. Ёза лыджия́ пашылэды́р лэн кэ ёв, и чамудя ёв лэн, и облыя лэн.

Džiibén 27:1

Ке́ли Исаа́ко яця́ пхуро́, и лэ́скирэ якха́ ячнэ́ фуес тэ дыкхэ́н, ёв кхардя́ пэ́скирэ пхурыдыршонэ чхавэ́с Исавос и пхэндя́ лэ́скэ: “Мро чха́ва!” Одова́ пхэндя́ лэ́скэ: “Ѓа́да, мэ сом.”

Džiibén 48:19

Нэ лэ́скиро дад на закамдя́ и пхэндя́: “Мэ джино́м (джина́в), мро чха́ва, джино́м, и лэ́стыр выджа́на мануша́, и ёв явэ́ла баро́; нэ лэ́скиро тыкнэды́р пшал явэ́ла барэды́р лэ́стыр, и лэ́стыр выджа́ла бари манушы́тко нацыя (народо).”

Ekliesiastos 12:3

анги́л дывэса́, сыр кхэри́тко ракхибнаскиро явэ́ла тэ издрал, и сыр зоралэ́ мурша́ явэ́на тэ кэрэ́н тэлэ́ шэрэнца; анги́л, сыр сявитка (мельницытка) бара́ тэрдёна дрэ буты́ пал дова́, со ёнэ явэ́на куты́ мануша́, и сыр мануша́, кон дыкхэ́на пир далэ́ дудаля (ставни), явэ́на сы́рбы дрэ мигла (мрако) тэ дыкхэ́н;

1 Kralip 2:22

Илиё сыс древа́н пхуро́ и шундя́ саро́, сыр кэрэ́на лэ́скирэ чхавэ́ сарэ́ Израильтянэнца, и со ёнэ сыс сутэ́ джувле́нца, савэ́ скэдэнаспэ пашы́л загиибэ́н дро скэдыибна́скири ски́ния.

3 Kralip 14:4

Ромны́ Еровоамоскири адя́кэ и кэрдя́: уштыя́, гия́ дро Сило́мо и явдя́ дро кхэр Ахияскиро. Ахия на могиндя́ тэ дыкхэ́л; пал-дова́ со якха́ лэ́скирэ коринэ пхурипнастыр.