1 Kralip 2:2 - Библия - Пэ Балтитко Романи чиб (Романэс) 2019

² Нанэ дасавэс свэнтонэс, сыр Рай Дэвэ́л; пал-дова́ со нанэ явирэ́с, апри́ч Ту́тэ; и нанэ твардэдыр, сыр амаро́ Рай Дэвэ́л.

Biblija - Pe Baltitko Romani čib (Romanes) 2019

² Nane dasaves sventones, syr Raj Devél; pal-dová so nane javirés, apríč Túte; i nane tvardedyr, syr amaró Raj Devél.

1 Kralip 2:2 Referans Kwoze

2 Kralip 22:32

Пал-дова́ со, кон исын Дэвэ́л, апри́ч Растэ-Дэвлэ́стэ, и кон исын ска́ла тэ гарадёл, апри́ч Дэвлэ́стыр амарэстыр?

Isajos 44:6

Адя́кэ ракирэ́ла Рай Дэвэ́л, Кра́ли Израилёскиро, Саво́ выкиндя лэс. Рай Дэвэ́л, болыбна́скирэ-янголэ́нгиро: “Мэ сом пэ́рво и Мэ сом палатуно́ (последнё), нанэ явирэ Дэвлэ́с, апри́ч (кроме) Ма́ндэ.

Psalmy 86:8

Нанэ ние́кх дасаво машки́р дэвлорэндэ, сыр Ту сан, Раё Дэ́вла, ние́кх на кэрэ́ла дасавэ́ бутя́, сыр Ту.

Psalmy 89:8

Дэвэ́л исын баро́ кэ дар пэ свэнтонэнгиро скэдыибэ́н, Ёв исын зоралыпнаскиро, соб (кай) сарэ́, кон исын пашы́л Лэ́стэ, тэ дэн бари паты́в Лэ́скэ.

Vygiiben 15:11

Кон исын сыр Ту, Раё Дэ́вла, машки́р дэвлорэндэ? Кон исын, сыр Ту, най барыдыр свэнтыпнаса, шарибнаса кэ дар Ту, дивэнгиро Кэрибнари?

1 Petr 1:16

пал-дова́ со исын чхиндло́: “Явэ́н свэ́нта, пал-дова́ со Мэ сом Свэ́нто.”

Ереме́ё 10:6

Нанэ ние́кх, кон исын кадасаво́, саво́ Ту сан, Раё Дэ́вла! Ту сан баро́ и Тыро́ лав исын баро́ пир Тыро́ зоралыпэ́н.

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

Яви́р Зако́но 3:24

“Баро́ Раё, Раё Дэ́вла, Ту лыян тэ сыкавэс Тырэ́ писхари́скэ сла́ва Тыри́ и зорало́ васт Тыро́; пал-дова́ со, саво́ дэвэл исын пэ болыбэ́н, ци пэ пхув, саво́ могиндя́ бы тэ кэрэ́л дасавэ́ рэ́нды, сыр Тырэ́, и зорья́са дасавьяса, сыр Тыри́ исын?

Левито 19:2

“Ра́кир сарэ́ скэдыибнаскэ Израилёскирэ чхавэ́нгирэ и пхэн лэ́нгэ: ‘Явэ́н свэ́нта, пал-дова́ со Мэ сом свэ́нто Рай Дэвэ́л, Дэвэ́л тумаро́.

Римлянэнгэ 15:4

Палдава́ саро́, со исыс чхиндло́ англэды́р, сыс чхиндло́ ваш амэ́нгэ, соб (кай) амэ тэ сыклёвас, соб (кай) амэ́ндэ тэ явэ́л наде́я вырикирибнаса и подрикирибнаса Свэнтонэ́ Чхиныбна́стыр.

Isajos 44:8

На дарэ́н, и на трашан: ци на пхэндём Мэ ту́кэ ґара́, ци на ангилпхэндём? И тумэ́ досыкавэна (допхэнэна) пал Ма́ндэ. Ци исын яви́р Дэвэ́л апри́ч Ма́ндэ? Нанэ ни сави́ яви́р ска́ла [нанэ яви́р Дэвэ́л-ю.о.], ни со буты́р Мэ на джина́в.

Isajos 40:18

Пэ конэ́стэ зджа́ла (поджала) Дэвэ́л, со тумэ́ пхэнэ́на? И со пэ Лэ́стэ зджа́ла (поджала)?

Isajos 6:3

Ёнэ кхарэнас екх екхэ́с и ракирэ́нас: “Свэ́нто, Свэ́нто исын Рай Дэвэ́л, болыбна́скирэ-янголэ́нгиро, сари́ пхув исын пхэрды́ Лэ́скирэ барипнаса!”

Psalmy 111:9

Ёв выракхця Пэ́скирэ манушэ́н, Ёв дыя́ Пэ́скиро Зако́но пэ сарэ́ ве́ки: свэ́нто аж кэ дар исын Лэ́скиро лав.

Psalmy 99:5

Барьякирэ́н кэ вучипэ́н Рас-Дэвлэ́с, амарэ́ Дэвлэ́с и дэн паты́в Лэ́скэ анги́л Лэ́скирэ ґэра́. Ёв исын Свэ́нто.

Psalmy 89:6

И болыбна́скирэ Янго́лы явэ́на тэ шарэ́н Тут пал Тырэ́ ди́вы, Раё Дэ́вла, адя́кэ-паць пал Тыро́ патяибэ́н пэ свэнтонэнгиро скэдыибэ́н.

Яви́р Зако́но 32:39

Тумэ́ дыкхэ́на акана́, со дава́ Мэ сом, Мэ – и нанэ Дэвлэ́с (нанэ Дэвэ́л), апри́ч Ма́ндэ: Мэ мулякирава и отджидякирава, Мэ насвалякирава, и Мэ састякирава, и нико́н на зракхэ́ла Мирэ́ вастэ́стыр.

Яви́р Зако́но 32:4

Ёв исын зоралы́ Твардыма; Лэ́скирэ рэ́нды исын бидошэнгирэ, и сарэ́ дрома́ Лэ́скирэ исын чачунэ́. Дэвэ́л исын чачуно́, и нанэ начачипэ́н дрэ Лэ́стэ; Ёв исын чачуно́ и патяибны́тко.

Psalmy 99:9

Славинэ́н зоралэ́с Рас-Дэвлэ́с, амарэ́ Дэвлэ́с и дэн паты́в Лэ́скэ пашы́л Лэ́скири Свэ́нто бэ́ргица, пал-дова́ со Рай Дэвэ́л исын амаро́ Свэ́нто Дэвэ́л.

Psalmy 73:25

Кон ишчо (инкэ́) пэ болыбэ́н исын ма́ндэ апри́ч Ту́тэ? Ма́ндэ нико́н нанэ дро́го пэ пхув апри́ч Ту́тэ.

Psalmy 71:19

О, Дэ́вла! Тыро́ чачипэ́н исын аж кэ болыбэ́н, пал-дова́ со Ту кэрдя́н барэ́ рэ́нды. О, Дэ́вла! Кон исын дасаво-паць, сыр Ту сан?

Psalmy 71:3

Яв ваш ма́нгэ скаласа, пал сави́ ма́нгэ ўса́ды (сак) тэ гарадёвав. Ту дыя́н припхэныбэ́н тэ зракхэн ман, пал-дова́ со Ту сан сы́рбы мири́ ска́ла и тва́рдыма (диз) тэ приракхэн ман.

Psalmy 18:2

И пхэндя́ ёв: “Мэ рикирава сыр Дро́гима Тут дро ило́, Раё Дэ́вла, Ту дэ́са зор ма́нгэ.

Яви́р Зако́но 32:20

и пхэндя́ Ёв: “Гаравава Мэ муй Миро лэ́ндыр, и Мэ ява́ва тэ дыкха́в, саво́ явэ́ла лэ́нгиро ко́нцо (яго́ро); пал-дова́ со ёнэ исын розмэкно ро́до, чхавэ́, дрэ савэ́ндэ нанэ чачипэ́н.

Яви́р Зако́но 4:35

Ту́кэ сыс дыно́ тэ дыкхэ́с дава́, соб (кай) ту тэ джинэ́с, со екх Рай Дэвэ́л исын Дэвэ́л, и нанэ буты́р апри́ч (кроме) Лэ́стэ;

Римлянэнгэ 4:8

бахтало́ исын одова́ ману́ш, конэ́скэ Дэвэ́л на загинэла грэ́хо.”

2 Kralip 7:22

Пир саро́ Ту сан баро́, Раё Дэ́вла миро, Раё Дэ́вла! Палдава́ со нанэ Нико́н дасаво-паць, сыр Ту сан, и нанэ Дэвлэ́с, апри́ч Ту́тэ, пир саро́, со амэ шундя́м пэ́скирэ канэнца.

2 Kralip 22:3

Дэвэ́л исын бэ́рга мири́; пэ Лэ́стэ мэ розгинава; шчы́то миро, шынг (ро́го) ракхибнаскиро мирэскиро, вучарды́ (башня) мири́ и нашыбэн миро; Зракхибнаскиро миро, бидатыр Ту зракхця́н ман!

3 Kralip 8:23

И пхэндя́: “Раё Дэ́вла, Дэвэ́л Израилёскиро! Нанэ адасавэс Дэвлэ́с сыр Ту сан, Саво́ пэ болыбэ́н упра́л и пэ пхув тэла́л; Ту ракхэса завето и тангипэ́н кэ Тырэ́ писха́рья, савэ́ псирэ́на анги́л Ту́тэ илэ́са пэскирэса.

Psalmy 18:31

Миро Дэвэ́л исын бидошэ́нгиро, Ра́скирэ-Дэвлэ́скиро лав исын пропатякирдо. Ёв исын шчы́то ваш сарэ́нгэ, кон гарадёла дрэ Лэ́стэ.

Psalmy 99:3

Мэк тэ славинэ́н ёнэ лэ́скиро лав, со Ёв исын древа́н славу́тно кэ дар – Ёв исын Свэ́нто!

Левито 11:44

пал-дова́ со Мэ сом Рай Дэвэ́л, Дэвэ́л тумаро́: свэнцякирэн пэс и явэ́н свэ́нта, пал-дова́ со Мэ сом Свэ́нто, и на магирэ́н тумарэ́ дия́ вари-савэ́ мурдалэса (жывотнонэса), саво́ ползынэла пири́ пхув,

Левито 11:45

пал-дова́ со Мэ сом Рай Дэвэ́л, саво́ вылыджия́ тумэн Египто́скирэ пхувья́тыр, соб (кай) Ма́нгэ тэ явав тумарэ́ Дэвлэ́са. И адя́кэ явэ́н свэ́нта, пал-дова́ со Мэ сом свэ́нто.

Яви́р Зако́но 4:39

И ту акана́ джин и чхув пэ тыро́ ило́, со Рай Дэвэ́л исын Дэвэ́л упра́л пэ болыбэ́н и пэ пхув тэла́л, и нанэ буты́р апри́ч Лэ́стэ;