1 Kralip 1:3 - Библия - Пэ Балтитко Романи чиб (Романэс) 2019

³ И псирдя́ одова́ ману́ш пэ́скирэ форо́стыр дро савэ́ трэй дывэса́ тэ мангэ́лпэ и тэ янэл свэ́нто дыибэ́н Ра́скирэ-Дэвлэ́скири янголэ́нгирэ-болыбнаскирэскэ дро Сило́мо; одо́й сыс Илиё и дуй лэ́скирэ чхавэ́, Офни и Финеесо, савэ́ сыс Ра́скирэ-Дэвлэ́скирэ рашая́.

Biblija - Pe Baltitko Romani čib (Romanes) 2019

³ I psirdiá odová manúš péskire foróstyr dro savé trej dyvesá te mangélpe i te janel svénto dyibén Ráskire-Devléskiri jangoléngire-bolybnaskireske dro Silómo; odój sys Ilijo i duj léskire čhavé, Ofni i Finiejeso, savé sys Ráskire-Devléskire rašaja.

1 Kralip 1:3 Referans Kwoze

Luka 2:41

Со бэрш дад и дай Лэ́скирэ джа́нас кэ Ерусалимо пэ Свэ́нко Патради́.

Isúso 18:1

Саро́ Израилёскирэ чхавэ́нгиро скэдыибэ́н скэдыяпэ дро Сило́мо, и чхудэ́ одо́й скэдыибна́скири ша́тра (ски́ния), пал-дова́ со пхув сыс залыны лэ́нца.

Vygiiben 34:23

трин мо́лы дрэ бэрш тумэ́ сан бангэ́ тэ явэ́н сарэ́ тырэ́ мурша́ анги́л Ра́скирэ-Барэскиро муй, Ра́скирэ-Дэвлэ́скиро, Израилёскирэ Дэвлэ́скиро,

Vygiiben 23:14

Трин мо́лы дро бэрш свэнкин Ма́нгэ:

1 Kralip 1:21

И гия́ ла́киро ром Елкана и сари́ лэ́скири сэ́м΄я (ири́) тэ кэрэ́н бэршытко свэ́нто яныбэ́н Ра́скэ-Дэвлэ́скэ и пэ́скирэ совлаха́.

1 Kralip 1:9

И уштыя́ Анна пало́ (после) дова́, сыр ёнэ ханэ́ и пинэ́ дро Сило́мо. О Илиё раша́й сыс бэшто́ тэды пашы́л загиибэ́н дро Ра́скирэ-Дэвлэ́скири кхангири́.

Яви́р Зако́но 16:16

Трин мо́лы дро бэрш сарэ́ мурша́ исын бангэ́ тэ явэ́н анги́л Ра́скирэ-Дэвлэ́скиро, тырэ́ Дэвлэ́скиро муй, пэ штэ́то, саво́ выкэдэ́ла Ёв: пэ свэ́нко опреснокэнгиро, пэ свэ́нко эфтангирьенгиро и пэ свэ́нко кушчэнгиро; и никонэ́скэ нашты́, соб (кай) тэ явэ́л анги́л муй Ра́скирэ-Дэвлэ́скиро чхучэ́ вастэ́нца,

Сэндарьенгири Лылвари́ 18:31

И сыс лэ́ндэ вычхиндло муй (истукано), саво́ кэрдя́ о Миха, дро саро́ дова́ часо, ке́ли Дэвлэ́скиро Кхэр сыс дро Сило́мо.

Psalmy 78:60

Ёв мэкця́ Пэ́скиро Штэ́то Сило́мо, ша́тра, кай Ёв дживдя́ машки́р манушэ́ндэ,

1 Kralip 4:11

И Дэвлэ́скиро ковчэго сыс залыно, и дуй Илиёскирэ чхавэ́, Офни и Финеесо, мынэ́.

1 Kralip 4:4

И бичхадэ́ мануша́ дро Сило́мо, и яндлэ́ одотхы́р Ра́скирэ-Дэвлэ́скиро янголэ́нгирэ-болыбна́скирэ ковчэго заветоса, саво́ сыс бэшто́ пэ херувимы; а пашы́л Ра́скирэ-Дэвлэ́скирэ завето́скиро ковчэго сыс и дуй Илиёскирэ чхавэ́, Офни и Финеесо.

1 Kralip 3:13

Мэ дыём тэ джинэ́л лэ́скэ, со Мэ чхува́ва ка́ра пэ лэ́скиро кхэр пэ ве́ки пал доя́ банг, со ёв джиндя́, сыр лэ́скирэ чхавэ́ кэрэ́нас фуес, и ёв на обрикирдя лэн;

1 Kralip 2:34

И ґа́да, ту́кэ ґерты́к (знаме́ниё), сави́ джа́ла дуе тырэ́ чхавэ́нца, Офниса и Финеесоса: ёнэ дуйджинэ́ мэрэ́на дро екх дывэ́с.

Vygiiben 23:17

Трин мо́лы дро бэрш исын бангэ́ тэ явэ́н сарэ́ тырэ́ мурша́ анги́л Барэ́-Ра́скиро, Ра́скирэ-Дэвлэ́скиро муй.

Сэндарьенгири Лылвари́ 21:19

И пхэндлэ́: “Ѓа́да, кажно бэрш джа́ла Ра́скирэ-Дэвлэ́скиро свэ́нко дрэ Силома, сави́ исын пэ паш-рат (северо) Вефилёстыр и пэ васто́ко дромэ́стыр, саво́ лыджа́ла Вефилёстыр дро Сихемо, и пэ паш-дывэ́с (юго) Левоностыр.

1 Kralip 2:19

Упратуно тыкно́ урибэ́н кэрдя́ лэ́скэ дай лэ́скири и янэ́ла лэ́скэ кажно (сва́ко) бэрш, ке́ли ёй явэ́ла пэ́скирэ ромэса, ваш саво́ трэй свэ́нто яныбэ́н Ра́скэ-Дэвлэ́скэ.

1 Kralip 14:3

и о Ахия, Ахитувоскиро чхаво́, Иохаведоскиро пшал, Финеесоскирэ-чхавэ́скирэ, Илиёскирэ-чхавэ́скирэ, Ра́скирэ-Дэвлэ́скиро раша́й дро Сило́мо, саво́ лыджия́ эфо́до. Мануша́ на джиндлэ́, со Иофано гия́.