1 Ian 5:6 - Библия - Пэ Балтитко Романи чиб (Романэс) 2019

⁶ Дава́ исын Ёв, Ису́со Христо́со, Саво́ явдя́ пане́са, ке́ли Ёв болдяпэ: и ратэ́са, ке́ли Ёв мыя́. Ёв явдя́ на фэ́ни (то́ка) пане́са, нэ пане́са и ратэ́са. И Ду́хо (Фа́но) Кокоро́ допхэнэ́ла пал дава́, пал-дова́ со Ду́хо (Фа́но) исын чачипэ́н.

Biblija - Pe Baltitko Romani čib (Romanes) 2019

⁶ Davá isyn Jov, Isúso Xristóso, Savó javdiá paniésa, kiéli Jov boldiape: i ratésa, kiéli Jov myjá. Jov javdiá na féni (tóka) paniésa, ne paniésa i ratésa. I Dúho (Fáno) Kokoró dophenéla pal davá, pal-dová so Dúho (Fáno) isyn čačipén.

1 Ian 5:6 Referans Kwoze

Юдэ́нгэ 9:14

то ци пэ бут бутэды́р выжужакирэ́ла амэн Христосо́скиро рат, Саво́ пир ве́чно Ду́хо (Фа́но) яндя́ Пэс бидоша́кирэс, соб (кай) тэ выжужакирэл амари́ паты́в мулэ́ рэндэ́ндыр тэ дынарина́с джидэ́ Дэвлэ́скэ?

Joannostir 15:26

Ке́ли явэ́ла Обрадыпнаскиро (Утешытеле) кэ тумэ́, савэ́с Мэ бичхава́ва тумэ́нгэ Мирэ́ Дадэ́стыр, ёв исын чачуно́ Ду́хо (Фа́но), Ёв джа́ла Дадэ́стыр, Ёв Кокоро́ явэ́ла тэ допхэнэл пал Ма́ндэ.

Joannostir 16:13

Ке́ли явэ́ла Ёв, чачипна́скиро Ду́хо (Фа́но), тэды сыкавэ́ла тумэ́нгэ чачуно́ дром дро джиибэ́н; пал-дова́ со Ёв явэ́ла тэ ракирэ́л на Кокоро́ Пэ́стыр, нэ Ёв пхэнэ́ла тумэ́нгэ одова́, со шунэ́ла, и Ёв пхэнэ́ла, со явэ́ла анги́л.

Юдэ́нгэ 12:24

и кэ Ису́со, Саво́ пиридыя амэ́нгэ Нэво́ Завето Дэвлэ́са и кэ дро́го рат, со сыс прочхудо, саво́ исын зоралэды́р Авелёскирэ ратэстыр.

Marko 14:24

“Акэ, исын Миро рат завето́скиро, саво́ прочхудо пал бутэндэ”, – пхэндя́ Ёв лэ́нгэ.

Joannostir 14:17

дава́ исын Ду́хо (Фа́но) чачипна́скиро, Савэс свэ́то нашты́ тэ прилэл, пал-дова́ со ёв на дыкхэ́ла Лэс и на джинэ́ла; нэ тумэ́ Лэс джинэ́на, пал-дова́ со Ёв исын тумэ́нца и явэ́ла дрэ тумэ́ндэ.

Sykadyipén 7:14

И мэ пхэндём лэ́скэ: “Раё Миро, Ту ж джинэ́са.” И ёв пхэндя́ ма́нгэ: “Дава́ исын кодолэ́ мануша́, со явнэ́ барэ́ страдицостыр (бидатыр), вымордэ пэ́скирэ урибэна́ и парнякирдэ лэн Свэнтонэ́ Бакрорэскирэ ратэ́са.

Sykadyipén 5:9

И ёнэ багандлэ нэви́ гилы́, пхэни́: “Ту сан мол тэ прилэс кадава́ сви́тко и тэ отпхандэс чэргэнорья (печати), пал-дова́ со Ту са́нас зачхиндло́ и Ту выкиндян манушэ́н ваш Дэвлэ́скэ Пэ́скирэ ратэ́са кажнонэ́ екхэ́-чиба́кирэ ирья́тыр (сэм΄я́тыр) и кажнонэ́ родыцо́стыр, и манушытконэ́ нацыя́тыр и кхэритконэ́ родо́стыр.

1 Petr 1:2

пир Дэвлэ́скирэ-Дадэ́скиро задуминыбэн ваш дова́, соб (кай) тэ кандэ́н Исусо́с Христосо́с, Саво́ отмэкця́ грэ́хи Лэ́скирэ Духо́са, соб (кай) тумэ́ тэ явэ́н помакхнэ Лэ́скирэ Ратэ́са: мэк бахтякирибэ́н и рама́нё (миро) тэ явэ́н бут бут тумэ́нгэ.

Юдэ́нгэ 13:20

Дэвэ́л, Саво́ дэ́ла рама́нё (миро), Саво́ отджидякирдя́ мулэ́ндыр амарэ́ Рас-Дэвлэ́с, Исусо́с Христосо́с, Барэ́ Чхупнарис пир рат вечнонэ Заветостыр,

Joannostir 4:14

Нэ кон явэ́ла тэ пьел пани́, саво́ Мэ да́ва лэ́скэ, одова́ на явэ́ла тэ камэл тэ пьел саро́ ве́ко; а пани́, саво́ Мэ да́ва лэ́скэ, ячэ́ла андра́л манушэ́стэ ґанынгаса ваш дасаво пани́, саво́ лыджа́ла дро ве́чно джиибэ́н.”

Luka 22:20

Адя́кэ-паць и тахта́й (чаша) коригэды́р, сыр ёнэ ханэ́ маро́, Ису́со дыя́ лэ́нгэ, пхэни́: “Кадава́ тахта́й исын нэво́ завето дро Миро рат, саво́ чхувэ́лапэ пал тумэ́ндэ.

Матфеё 26:28

Пал-дова́ со дава́ исын Миро Рат завето́скиро, саво́ исын прочхудо пал бутэндэ ваш грэхэнгиро отмэкибэн.

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Левито 17:11

пал-дова́ со масэ́нгиро джиибэ́н (ваш кажно создыибэн) исын дро рат, и Мэ дыём тумэ́нгэ лэс ваш алта́рё, соб (кай) тэ выжужакирэн тумарэ́ дия́;

1 Ian 1:7

А ко́ли амэ псираса дро Дэвлэ́скиро дуд, адя́кэ-паць сыр Христо́со исын дуд, тэды амэ́ндэ исын кхэтаныпэн екх екхэ́са, и Исусо́скиро Христосо́скиро рат, Лэ́скирэ чхавэ́скиро, жужакирэла (чыстинэла) амэн кажнонэ́ грэхэ́ндыр.

Titoske 3:5

на пал чачунэ́ рэ́нды, савэ́ амэ кэрасас, а пал Пэ́скиро тангипэ́н, тэды Ёв зракхця́ амэн пир панескиро болдэипэн кэ нэво́ джиибэ́н и нэвякирдя амари́ годы́ Свэнтонэ́ Духо́са,

Эфесянэнгэ 1:7

дрэ Савэ́стэ и пир Савэскиро Рат амэ сам выкиндлэ (выракхнэ), амарэ́ грэ́хи исын отмэкнэ пир Лэ́скиро барвало́ бахталыпэ́н;

Joannostir 6:55

пал-дова́ со Лоч Мири́ исын чачуно́ хабэ́н, и Рат Миро исын чачуно́ пибэ́н;

Joannostir 4:10

Ису́со пхэндя́ дро отпхэныбэ́н ла́кэ: “Ко́ли ту джинэсас, со Дэвэ́л дэ́ла и Кон одова́ исын, Саво́ ракирэ́ла ту́кэ: “Дэ Ма́нгэ тэ пья́в,’ тэды ту кокори мангэсас Лэ́стыр, и Ёв дэ́лас ту́кэ джидо́ пани́.”

Joannostir 3:5

Ису́со отпхэндя́: “Чачэс, чачэс, Мэ ракира́ва ту́кэ: ко́ли кон на бияндёла пане́стыр и Духо́стыр (Фаностыр), ёв нашты́ тэ заджа́л дро Кралипэ́н дро Дэвлэ́скиро Раё.

Заха́рия 9:11

Акана́ пал ту́тэ – ваш рат мирэ́ пхэныбнаскиро заветостыр Мэ мэкава пэ во́ля тырэ́ стардэ манушэ́н далэ́ хорипнастыр, дро саво́ нанэ пани́.

Sykadyipén 1:5

и Исусо́стыр Христосостыр, Саво́ исын патяибны́тко Якхи́тко (Свидетелё), Саво́ исын Пэ́рво, кон уштыя́ мулэ́ндыр и Саво́ исын Барыдыро́ пэ кралье́ндэ пир пхув. Лэ́скэ, Савэ́скэ яця́м дро́га амэ, Ёв отмэкця́ амарэ́ грэ́хи Пэ́скирэ ратэ́са,

1 Petr 3:21

дава́ пани́ исын сы́рбы копия долэ́скэ, ке́ли амэ боласапэ и со зракхэ́ла амэн. Дава́ нанэ мэлалэ́-лоча́киро обморибэн, а тумэ́ дэ́на лав лачхэ́ патыва́са Дэвлэ́скэ пир Исусо́скирэ-Христосо́скиро отджидыипэн,

Юдэ́нгэ 10:29

то, сыр тумэ́ думинэ́на, ци пэ бут пхарэдыр явэ́ла ка́ра пэ одолэ́ манушэ́стэ, саво́ сы́рбы штакирэла ґэрэ́нца Дэвлэ́скирэ Чхавэ́с и на гинэ́ла пал свэ́нто завето́скиро рат, савэ́са ёнэ кокоро́ сыс свэнцындло, и ракирэ́ла налачхэ́ лава́ пэ Ду́хо (Фа́но), Савэ́стыр амэ лыям бахталыпэ́н?

Юдэ́нгэ 9:7

а дрэ яви́р Свэ́нто Ша́тра, сави́ сыс андра́л, заджалас екх Англатуно́ Раша́й, е́кхвар дро бэрш, ратэ́са и свэнтонэ́ дыибнаса пал манушэ́нгирэ грэ́хи, савэ́ ёнэ кэрдэ́ пир пэ́скиро наджиныбэн.

Колосянэнгэ 1:4

амэ шундя́м пал тумаро́ патяибэ́н дрэ Исусо́стэ Христосо́стэ и пал паты́в кэ яви́р мануша́, сави́ тумэ́ндэ исын кэ сарэ́ свэ́нта мануша́,

Римлянэнгэ 3:25

Савэс Дэвэ́л чхудя́ анги́л сыр свэ́нто дыибэ́н ваш тангипэ́н пир патяибэ́н дро Лэ́скиро рат, кон патя́ла, адя́кэ Дэвэ́л сыкадя́ пэ́скиро чачипэ́н и примангдя грэ́хи манушэ́нгэ, савэ́ ёнэ кэрдэ́ англэды́р;

Apostolengiri Butý 8:36

Ёнэ гинэ́ пир дром и явнэ́ кэ пани́ и евнухо пхэндя́: “Ѓа́да, исын пани́, со́скэ ма́нгэ тэ на болавпэ?”

Joannostir 14:6

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

1 Ian 4:10

Акэ, дро со пшалы́тко паты́в исын: дава́ нанэ, со амэ́нгэ яця́ дро́го Дэвэ́л, а дава́ исын, со Лэ́скэ яця́м дро́га амэ и Ёв бичхадя́ Пэ́скирэ Чхавэ́с тэ страдынэл (тэ пирилыджал пхарипэ́н) кэ мэрибэ́н пал амарэ́ грэ́хи.

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

Матфеё 3:16

И сыр Ису́со болдяпэ, Ёв гия́ яври́ екха́тыр (сра́зу) пане́стыр, и, акэ, болыбэ́н псирадыя (отчхакирдяпэ), и Иа́но дыкхця́ Дэвлэ́скиро Ду́хо (Фа́но), Саво́ джа́лас тэлэ́ сыр голумбо, и мэкэласпэ тэлэ́ пэ Исусо́стэ;