1 Ian 4:9 - Библия - Пэ Балтитко Романи чиб (Романэс) 2019

⁹ Дэвлэ́скири ла́ска кэ амэ сыс сыкады дро дова́, со Дэвэ́л бичхадя́ дро свэ́то Лэ́скирэ Екхорэ Чхавэ́с, соб (кай) амэ тэ дорэсас (тэ долас) ве́чно джиибэ́н пир Лэ́стэ.

Biblija - Pe Baltitko Romani čib (Romanes) 2019

⁹ Devléskiri láska ke ame sys sykady dro dová, so Devél bičhadiá dro svéto Léskire Jekhore Čhavés, sob (kaj) ame te doresas (te dolas) viéčno džiibén pir Léste.

1 Ian 4:9 Referans Kwoze

Joannostir 3:16

Дэвлэ́скэ адя́кэ яця́ дро́го свэ́то, со Ёв отдыя́ Пэ́скирэ Екхэбияныпнытконэ Чхавэ́с, соб (кай) кажно, кон явэ́ла тэ патял дрэ Лэ́стэ, тэ на хасёл, а тэ явэ́л лэ́стэ ве́чно джиибэ́н.

1 Ian 5:11

Дава́ допхэныбэ́н исын дро дова́, со Дэвэ́л дыя́ амэ́нгэ ве́чно джиибэ́н и дая́ джиибна́скири ґанынгори исын дрэ Лэ́скирэ Чхавэ́стэ.

Римлянэнгэ 8:32

Одова́, Кон на тангиндя Пэ́скирэ Чхавэ́с, нэ Ёв отдыя́ Лэс пал сарэ́ндэ амэ́ндэ, ци на даринэла Ёв адя́кэ-паць амэ́нгэ кхэтанэ́ Лэ́са саро́?

Joannostir 6:57

Адя́кэ-паць, сыр Джидо́ Дэвэ́л Дад бичхадя́ Ман, и Мэ джива́ва пал Дадэ́стэ, адя́кэ-паць и одова́, кон ха́ла Мири́ лоч, явэ́ла тэ дживэ́л пал Ма́ндэ.

1 Ian 4:10

Акэ, дро со пшалы́тко паты́в исын: дава́ нанэ, со амэ́нгэ яця́ дро́го Дэвэ́л, а дава́ исын, со Лэ́скэ яця́м дро́га амэ и Ёв бичхадя́ Пэ́скирэ Чхавэ́с тэ страдынэл (тэ пирилыджал пхарипэ́н) кэ мэрибэ́н пал амарэ́ грэ́хи.

1 Ian 3:16

Амэ уджинаса пшалы́тко паты́в дро дава́, со Христо́со отдыя́ Пэ́скиро джиибэ́н пал амэ́ндэ; и амэ сам бангэ́ тэ отдас пэ́скиро джиибэ́н пал пшалэ́ндэ.

Joannostir 10:10

Чор явэ́ла ваш екх, соб (кай) тэ чорэл, тэ замарэ́л и тэ роспхагирэл: Мэ явдём ваш дава́, соб (кай) тэ дав лэ́нгэ джиибэ́н пхэрдэ́с дро саро́.

Joannostir 6:51

Мэ сом джидо́ маро́, саво́ явдя́ болыбна́стыр; кон явэ́ла тэ хал Миро маро́, одолэ́ манушэ́скэ дэ́лапэ ве́чно джиибэ́н; маро́, саво́ Мэ да́ва, исын Мири́ лоч (маса́), савэ́ Мэ отда́ва, соб (кай) свэ́то тэ дживэ́л.”

Joannostir 3:18

Одова́, кон патя́ла дрэ Лэ́стэ, сэндякирдо на явэ́ла, а кон на патя́ла, исын сэндякирдо, пал-дова́ со ёв на патяндыя дрэ Екхэбияныпнытконэ Дэвлэ́скирэ-Чхавэ́скиро лав.

Юдэ́нгэ 1:5

Пал-дова́ со никонэ́скэ ишчо (инкэ́) Янголэндыр на пхэндя́ Дэвэ́л: “Ту сан Миро Чхаво́, ададывэ́с мэ яцём Тырэ́ Дадэ́са (Тыро́ Дад).” Ци: “Мэ ява́ва Лэ́скэ Дад, и Ёв явэ́ла Чхаво́ Ма́нгэ”?

Joannostir 8:42

Ису́со пхэндя́ лэ́нгэ: “Ко́ли Дэвэ́л тэ явэ́л тумаро́ Дад, тэды тумэ́нгэ явавас бы дро́го Мэ, пал-дова́ со Мэ и явдём Дэвлэ́стыр и Мэ явдём на Кокоро́ Пэ́стыр, нэ Ёв Ман бичхадя́.

Luka 4:18

“Дэвлэ́скирэ–Ра́скиро Ду́хо (Фа́но) исын пэ ма́ндэ; пал-дова́ со Ёв выкэдыя́ Ман тэ роспхэнав бахталы́ зан (звесь) богэнгэ и бичхадя́ Ман тэ пхэна́в во́ля одолэ́нгэ, савэ́ исын дро пле́но, тэ дыкхэ́н свэ́то корорэнгэ; тэ отмэкав пэ во́ля и тэ дзн васт одолэ́нгэ, савэ́н вэ́рги притасадэ,

Marko 12:6

Лэ́стэ буты́р ни конэ́с на ячэласпэ тэ бичхавэл апри́ч пэ́скирэ екхэ дрогонэ́ чхавэ́стэ. “Нэ, ґа́да, ёнэ на чилавэна мирэ́ чхавэ́с”, – думиндя ёв и бичхадя́ лэс дро ко́нцо (дро яго́ро).

1 Ian 4:16

И амэ уджиндям ла́ска и упатяндыям, сави́ ла́ска исын Дэвлэ́стэ кэ амэ. Дэвэ́л исын дрэ пшалы́тко паты́в кэ яви́р мануша́, и одова́ ману́ш, кон исын лачхо́ кэ яви́р, дживэ́ла дро екхипэ́н Дэвлэ́са и Дэвэ́л исын дро екхипэ́н лэ́са.

Joannostir 14:6

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

Joannostir 6:29

Ису́со пхэндя́ лэ́нгэ дро отпхэныбэ́н: “Ѓа́да, исын тумаро́ рэ́ндо ваш Дэвлэ́скэ, соб (кай) тумэ́ тэ патя́н дрэ Одолэ́стэ, Конэ́с Ёв бичхадя́.”

Joannostir 8:29

Кон бичхадя́ Ман, исын Ма́нца; Дад на ячкирдя́ Ман екхэ́с, пал-дова́ со Мэ ўса́ды (сак) кэра́ва дова́, со Лэ́скэ исын лахчо.”

Joannostir 5:23

соб (кай) сарэ́ тэ кутякирэн Чхавэ́с, сыр кутякирэна Дадэ́с. Кон на кутякирэла Чхавэ́с, одова́ на кутякирэла и Дадэ́с, Саво́ бичхадя́ Лэс.

Psalmy 2:7

“Мэ пхэна́ва Зако́но манушэ́нгэ тэ джинэ́н: Рай Дэвэ́л пхэндя́ ма́нгэ: ‘Ту сан Миро Чхаво́. Мэ ададывэ́с яцём Дадэ́са Ту́кэ.

Džiibén 22:2

О Дэвэ́л пхэндя́: “Лэ пэ́скирэс чхавэ́с, саво́ ту́тэ екх, и саво́ исын дро́го ту́кэ, Исаакос; и джа́ пэ Мориаскири пхув, и схачкир лэс сыр свэ́нто дыибэ́н одо́й пэ екх бэргэндыр, пал сави́ Мэ пхэна́ва ту́кэ.”

Joannostir 9:3

Ису́со отпхэндя́: “Ни ёв, ни лэ́скирэ дада́ на кэрдэ́ грэ́хо, нэ дава́ исын ваш дова́, соб (кай) тэ явэ́л пэ лэ́стэ бицялы (дыцьлы) Дэвлэ́скири зор.

1 Ian 5:13

Далэ́ чачипэна́ мэ чхиндём тумэ́нгэ, кон патя́ла дро Дэвлэ́скирэ-Чхавэ́скиро лав, соб (кай) тумэ́ тэ джинэ́н, со тумэ́ндэ исын ве́чно джиибэ́н.