1 Ian 4:2 - Библия - Пэ Балтитко Романи чиб (Романэс) 2019

² Тумэ́ уджинэна Дэвлэ́скиро ду́хо (фа́но) адя́кэ: кажно ду́хо (фа́но), саво́ приґалёла Исусо́с Христосо́с, со Ёв явдя́ дро манушы́тко лоч (плоть), исын Дэвлэ́стыр;

Biblija - Pe Baltitko Romani čib (Romanes) 2019

² Tumé udžinena Devléskiro dúho (fáno) adiáke: kažno dúho (fáno), savó priĥaljola Isusós Xristosós, so Jov javdiá dro manušýtko loč (plot'), isyn Devléstyr;

1 Ian 4:2 Referans Kwoze

1 Коринфянэнгэ 12:3

Палдава́ мэ упхэнава тумэ́нгэ, со ние́кх, кон ракирэ́ла Дэвлэ́скирэ Духо́са, на пхэнэ́ла кошыбэ́н пэ Христосо́стэ; адя́кэ-паць и ние́кх на пхэнэ́ла “Рай Дэвэ́л Ису́со”, ко́ли ёв на кэрэ́ла дава́ Свэнтонэ́ Духо́скирэ зорья́са.

Joannostir 1:14

И Лав яця́ манушэ́са дрэ лоч (плоть) и дживдя́ амэ́нца; и амэ дыкхцям Лэ́скиро ярко шукарипэ́н и зор, сави́ сыс Лэ́стэ сыр Екхэбияныпнытконэ Чхавэ́стэ, Саво́ исын Дадэ́стэ, и Саво́ исын пхэрдо́ бахталыпнаса и чачипна́са.

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

1 Ian 5:1

Кажно (сва́ко) ману́ш, кон патя́ла, со Ису́со исын Христо́со (Месия), исын Дэвлэ́скиро чхаво́, и кажно ману́ш, конэ́скэ исын дро́го Дад, лэ́скэ адя́кэ-паць исын дро́го Лэ́скиро Чхаво́.

1 Ian 4:3

а кажно ду́хо (фа́но), саво́ на приґалёла Исусо́с Христосо́с, со Ёв явдя́ дро манушы́тко лоч, нанэ Дэвлэ́стыр, дава́ исын антихристоскиро ду́хо (фа́но), пал савэ́стэ тумэ́ шундлэ́, со ёв явэ́ла и какана́ Ёв ужэ исын дро свэ́то.

1 Ian 2:23

Кажно ману́ш, кон на приґалёла Чхавэ́с, лэ́стэ нанэ и Дадэ́с, а кон приґалёла Чхавэ́с, одолэ́ манушэ́стэ исын и Дад.

1 Ian 1:2

дава́ джиибэ́н сыс сыкадо, и амэ дыкхцям дава́ и амэ сам якхи́тка и амэ пхэна́са тумэ́нгэ пал дава́ ве́чно джиибэ́н, саво́ сыс Дадэ́са, и саво́ сыс сыкадо амэ́нгэ,

1 Ian 4:15

Кон приґалёла, со Ису́со исын Дэвлэ́скиро Чхаво́, кодова́ ману́ш дживэ́ла дро екхипэ́н Дэвлэ́са, и Дэвэ́л исын дро екхипэ́н лэ́са.

2 Ian 1:7

Пал-дова́ со бут хохаибнарья загинэ́ дро свэ́то, савэ́ на приґалёна, со Ису́со Христо́со явдя́ дро манушы́тко лоч. Кадасаво́ ману́ш исын хохаибнари и вэ́рго (врого) Христосо́скэ.